Skuadrat kishin dërguar inxhinierët e tyre në Bahrejn për të kryer testimet e gomave gjatë kësaj fundjave, por bombardimet nga Irani drejt këtij shteti kanë bërë që ato të anulohen si masë sigurie dhe inxhinierët e Pirelit, MekLaren dhe Mercedes të cilët kishin radhën e tyre në pistë në këtë fundjavë, të mbylleshin me urgjencë në hotelet përkatëse. Skuadrat po bëhen gati t’i largojnë nga Lindja e Mesme, por aktualisht aeroportet janë të mbyllura.

Situata është po aq kaotike edhe në Katar, Dubai apo Abu Dabi, duke penguar lëvizjen e skuadrave, shumë prej të cilave kanë bazat në atë zonë për testime, apo po planifikonin udhëtimet e tyre tranzit në këto vende.

Mekanikët e Red Bull për shembull, kanë mbetur në Bolonja pasi nuk mund të udhëtonin drejt Dubait ku do të bënin tranzitin për të udhëtuar drejt Australisë. Rreth 2000 persona që merren në mënyrë direkte me ekipet udhëtojnë zakonisht drejt një vendi ku do të zhvillohen garat dhe problemet logjistike të lëvizjes së tyre kanë hedhur dyshime për startin normal të sezonti në fundjavë.

Drejtuesit e Formula 1 kanë bërë të ditur se po monitorojnë situatën duke ndihmuar me logjistikën, por edhe për të pasur një ide më të qartë nëse ekziston siguria për të zhvilluar Çmimin e Madh të Bahrejnit më 12 prill dhe të Arabisë Saudite më 19 prill.

The post Formula 1 në kaos total pas luftës në Iran, rrezikon starti i sezonit javën e ardhshme në Australi appeared first on Albeu.com.

Klasifikimi përfundimtar i pilotëve:

1. Verstappen 575 pikë
2. Perez 285
3. Hamilton 234
4. Alonso 206
5. Leclerc 206
6. Norris 205
7. Sainz 200
8. Russell 175
9. Piastri 97
10. Stroll (Can) 74

Ndërkohë, sa i takon garës, Charles Leclerc e mbylli në vendin e dytë. Megjithatë, ky sukses i pilotit monegask nuk i mjaftoi Ferrarit që ta mbyllte në vendin e dytë garën për konstruktorë. Një pozicion që në fund i përket Mercedesit teksa në pistën e Yas Marina, dy pilotët e skuderisë gjermane, Russell dhe Hamilton e mbyllën garën respektivisht në vend të tretë dhe nëntë.

Klasifikimi përfundimtar për konstruktorë:  

1. Red Bull 860 pikë
2. Mercedes 409
3. Ferrari 406
4. McLaren 302
5. Aston Martin 280
6. Alpine 120
7. Williams 28

Për të vijuar me renditjen e garës së fundit, Sergio Perez e kaloi vetëm i katërti vijën e finishit ndërsa pjesë e dhjetëshes së parë ishin edhe Norris, Piastri, Alonso, Tsunoda si dhe Stroll.

The post Mbyllet sezoni i Formula 1, Verstappen dhe Red Bull triumfojnë appeared first on Albeu.com.

Më i fundit në listën e të preferuarve është shpallur edhe Agim Zeqo që njihet ndryshe si “Gimçja i Red Bullit”. Ai ka qenë një ndër biznesmenët më të preferuar të Berishës, por duket se këtë privilegj po e ruan edhe me Ramën duke marrë “llokma’” nga prona publike për interesa të pastërta personale, në emër të turizmit.

Mësohet se qeveria i ka dhënë 10 mijë metër katrorë tokë shtetërore falas në qytetin e Korçës kompanisë “Investment and Development Albania”, e cila do të ndërtojë aty një resort turistik. Kjo kompani zotërohet nga biznesmenët Agim Zeqo, Gerian Kuka dhe Ilir Shtufi. Agim Zeqo është aksioneri i maxhorancës me 40 % të aksioneve, ndërsa dy ortakët e tjera kanë respektivisht nga 30 % të aksioneve.

Në vendimin e miratuar nga KIS thuhet se kompania “Investment and Development Albania” do të investojë mbi 18 milionë euro për ndërtimin e një strukture turistike elitare të quajtur “Green House Korça Resort”. Ky projekt përmban një hotel me 5 yje, me kapacitet total prej 94 dhomash, restorante, bare, SPA etj si dhe parashikon të punësojë 94 vetë në këtë resort. Sipas projektit, hoteli që do të ndërtohet do të menaxhohet nga brandi i njohur ndërkombëtar i hoteleve “Acor”.

Statusi “Investim/Investitor Strategjik Procedurë e Asistuar” i jepet projektit të investimit “Green House Korça Resort”, për një periudhë 4 vjeçare.

Projekti i investimit strategjik do të zhvillohet në Zonën Kadastrale 8561, nga ku sipërfaqja prej 10 mijë m², me numër pasurie 1/911, është pronë shtet, lloji i pasurisë “truall”, me vendndodhje në Bashkinë Korçë. Pasuria ka kaluar nën administrim të Ministrisë së Turizmit dhe Mjedisit me VKM më datën 19 maj të vitit 2021.

Qeveria është angazhuar që përveç tokës, të asistojë kompaninë edhe në kryerjen e procedurave me prioritet dhe brenda afateve të përshpejtuara, në përputhje me legjislacionin për investimet strategjike. Po kështu, investimi përfiton asistencë nga shteti në lidhje me dhënien e lejeve, licencave dhe autorizimeve të nevojshme për realizimin e projektit. Ndërkohë që paralalelisht atij i mundësohet lidhja me rrjetin elektrik, atë të ujësjellësit si dhe kanalizimet e ujërave të ndotura.

Në vendimin e KIS thuhet se në rast se përgjatë zhvillimit dhe zbatimit të projektit strategjik “Green House Korça Resort” konstatohen të dhëna të pavërteta, të rreme apo ndryshime të të dhënave të dala rishtazi, mbi bazën e të cilave nuk do të ishte vendosur për miratimin e statusit strategjik të këtij projekti me procedurën e asistuar, Komiteti i Investimeve Strategjike ka të drejtë të revokojë vendimin për dhënien e statusit strategjik.

Përgjithësisht investimet strategjike të miratuara deri më tani kanë synuar kryesisht zonën e bregdetit. Nga lista duket se ky është investimi i parë strategjik, që miratohet për qytetin e Korçës./albeu.com

The post “Mbaruan punë” me Durrësin, Dhërmiun dhe Vlorën, “Gimçja i Red Bullit” shpallet investitor strategjik në Korçë (Dokumenti) appeared first on Albeu.com.

Dimitris “DK” Kyrsanidis së bashku me Mimi Theodoridis u takuan në qytetin e Lindos, në Rodos, dhe  ofruan një turne unik duke bërë freerunning.

A mund të mendoni pse në Lindos? Sepse kombinon në mënyrë ideale dy faktorë të rëndësishëm të projektit, është një terren i përsosur freerunning, por në të njëjtën kohë përmbush një nga ëndrrat e para të Dimitris “DK” Kyrsanidis. DK ëndërronte të vraponte në një vend me një histori të pasur dhe bukuri të pakrahasueshme. Dhe Lindos, një nga vendet më të mira arkeologjike për t’u vizituar në Greqi, plot legjenda dhe tradita, është destinacioni i fundit për këtë ëndërr.

Çatitë e shtëpive të qytetit, plazhi dhe kështjella e mrekullueshme e Lindos, ishin një terren imagjinativ për dy atletët, të cilët provuan aftësitë e tyre si kurrë më parë, duke kryer truke dhe kërcime të mahnitshme, të tilla si kthesë ajrore e trefishtë, ‘tsukahara’ dhe kthim prapa 360 gradë.

Megjithatë, ky projekt arriti të nxjerrë në pah një aspekt të sportit të panjohur prej vitesh.

Freerunning, siç dihet, është kryesisht një sport individual, megjithatë dyshja greke kanë dashur të ndryshojnë pak frymën e tyre, duke i dhënë asaj një frymë më argëtuese dhe ekipore. Në fund të fundit, DK është gjithmonë në kërkim dhe dëshiron të ndihmojë talentet e reja, duke marrë shpesh rolin e mentorit, duke i udhëhequr dhe mësuar ata çfarë di për freerunning. Një talent i ri i tillë, pra, është Mimis Theodoridis, i cili stërvitet që në fëmijëri pranë DK.

Kështu, duke ndjekur atë që duan vërtet, ata të dy punuan së bashku si ekip dhe rezultati është magjepsës.

Red Bull Art of Motion do të zhvillohet me të njëjtën frymë ekipore këtë vit , i cili rikthehet më dinamik se kurrë dhe na prezanton me një parajsë të re të sportit, Astypalea e bukur. Për 4 ditë, nga data 9 deri në 12 qershor, pjesët më të bukura dhe piktoreske të Chorës së ishullit do të kthehen në “pista” të veçanta, ku do të garojnë 16 nga freerunnerët më të mirë në botë, por kryesisht do të festojnë sport spektakolar i vrapimit të lirë./ h.ll/albeu.com

The post RB organizon turneun e vrapit të lirë, adrenalinë dhe spektakël në “ajër” (FOTO LAJM) appeared first on Albeu.com.