recipeta Archives - Albeu.com

5 arsye pse ekspertët e shëndetit janë kundër veshjes së reçipetave

A M — Sat, 04 Dec 2021 15:18:01 +0000

Reçipetat si aksesor femëror kanë ekzistuar që nga Greqia e lashtë dhe sot, pothuajse çdo grua vesh të tilla sepse beson se ofron përfitime, sidomos për ato që i veshin çdo ditë. Por, disa studime i kanë befasuar të gjithë dhe kanë zbuluar avantazhet e mosveshjes së reçipetave. Nëse jeni kurioz se pse ekspertët janë kundër veshjes së tyre, lexoni më tej. Ne rendisim pesë arsye:

Qarkullimi i gjakut do të përmirësohet

Të gjithë duam që rrobat tona të jenë të përshtatshme, por gjithmonë përpiqemi të blejmë sutjena të shtrënguara. Në fakt, veshjet e ngushta shtrëngojnë indin tonë të gjirit. I gjithë ky tension dhe kompresim mund të shtrëngojë enët e gjakut dhe të parandalojë qarkullimin e gjakut, ashtu si çdo veshje tjetër e ngushtë. Mos veshja e reçipetave do të bëjë që gjaku të rrjedhë lirshëm, duke i dhënë gjirit një pamje më të shëndetshme dhe duke përmirësuar rrjedhën e gjakut në të gjithë trupin.

Do flini më mirë

Është praktikë e zakonshme të vishni sutjena gjatë natës ndërsa flini. Por ky zakon nuk është i shëndetshëm. Siç tregon një studim, sutjenat mund të ndikojnë në gjumë. Pra, hiqini ato para se të shkoni në shtrat për të fjetur më mirë.

Mund të rrisë madhësinë

Ne shpesh përdorim reçipeta push-up për tu dukur më në formë, por mënyra më e lehtë për të pasur një gjoks më të plotë dhe një qafë më të dukshme nuk është të vishni sutjena. Kjo për shkak se kur gjoksi varet natyrshëm, muskujt pektorialë bëhen më të fortë sepse punojnë kundër gravitetit. Pra, edhe nëse gjoksi nuk rritet, muskujt e shtrënguar do të bëjnë që gjoksi juaj të duket më i plotë.

Gjinjtë tuaj do të bëhen më të fortë

Profesori Jean-Denis Rouillon i Universitetit të Besançon kaloi 15 vjet duke studiuar anatominë e femrës. Ja çfarë zbuloi ai: një grua ka një gjoks më të tonifikuar pas një viti pa veshur sutjena dhe ka gjinj më joshës dhe më të mëdhenj me afro 7 mm më shumë. Rezultate të ngjashme janë gjetur edhe në studimet japoneze.

Shëndeti juaj i përgjithshëm i gjirit do të përmirësohet

Shmangia e sutjenave gjithashtu mund të ndihmojë në përmirësimin e shëndetit të lëkurës dhe muskujve pasi përmirësohet fluksi i gjakut, tkurret toni i muskujve dhe djersa e papastërtia nuk mbesin më të bllokuara nën materialet e reçipetave që parandalojnë lëkurën të marrë frymë.

The post 5 arsye pse ekspertët e shëndetit janë kundër veshjes së reçipetave appeared first on Albeu.com.

Nuk dini masën e reçipetave? Kjo metodë si ta llogarisni ju lehtëson punë

A M — Tue, 16 Nov 2021 09:07:57 +0000

Trupat tanë janë të ndryshëm, që do të thotë se mënyra e duhur për të kuptuar nëse reçipetat ju përshtaten me format trupore është që t’i provoni. Por ne nuk jetojmë në një botë ideale, ndaj ndonjëherë është e pamundur që t’i provosh. Pra, si t’ia bëni që të zgjidhni të duhurat?

Ndoshta nuk e dini numrin e reçipetave që ju përshtaten, por ka një metodë që ju vjen në ndihmë. Ju duhet thjesht një metër në material të butë në mënyrë që të puthitet lehtësisht me trupin.

Hapi i parë: Vendoseni metrin në pjesën e poshtme të gjoksit dhe masni gjithë bustin. Pasi ta keni bërë këtë, shihni metrin dhe shënoni numrin e rrumbullakosur. Për shembull 34 cm.

Hapi i dytë: Pas kësaj, vendoseni metrin në zonën e gjoksit, merrni frymë butësisht dhe shënoni sërish numrin. Për shembull 37 cm.

Hapi i tretë: Për të kuptuar masën e gjoksit tuaj, duhet të zbrisni numrat. Në këtë rast, 37 cm – 34 cm. Diferenca është 3.

Nëse diferenca është më pak se 1, atëherë masa është AA; 1 do të thotë A; 2 do të thotë B; 3 do të thotë C; 4 do të thotë D; 5 do të thotë DD ose E; e kështu me radhë.

Kjo mënyrë ju ndihmon nëse do të bëni blerje online dhe e keni të pamundur t’i provoni paraprakisht.

The post Nuk dini masën e reçipetave? Kjo metodë si ta llogarisni ju lehtëson punë appeared first on Albeu.com.

Si përfundim, duhet t’i mbani apo jo reçipetat gjatë gjithë kohës?

A M — Thu, 15 Apr 2021 13:39:40 +0000

Cili është momenti më i mirë i ditës për një grua? Ai moment kur kthehet në shtëpi dhe heq reçipetat, duke u thënë lamtumirë llastikëve që s’i lënë të marrin frymë lirshëm dhe telave aspak të rehatshme. Edhe pse na janë bërë pjesë e trupit dhe ndonjëherë as e vëmë re që i kemi veshur, të gjitha biem dakord për faktin që ndihemi më mirë pa to. Pyetja që bëjmë të gjitha është: Të ndenjurit dhe të punuarit nga shtëpia për shkak të pandemisë e cila na jep lirinë të rrimë pa to është ok apo vë në rrezik tonifikimin e dekoltesë sonë? Më poshtë gjeni gjithçka që duhet të dini për këtë çështje:

Të qëndrosh pa reçipeta, nuk të bën keq

Mbylljet e forta, rripat shtrëngues, telat e padurueshëm, mekanizmat lirues e shtrëngues në shpatulla, janë një torturë e vërtetë ndonjëherë. Megjithatë efekti final është shumë i dëshirueshëm, sidomos kur vishni modele sensuale dhe shumë femëore. Por çfarë ndodh nëse kur jeni në shtëpi i lini në dollap? Lucky Sekhon, endokrinolog riprodhues në Reproductive Medicine Associates në Nju Jork, mendon se mund të ndiheni të lira të mos i vishni reçipetat nëse kaloni shumë kohë në shtëpi.

Lëshimi i gjoksit është i lidhur me gjenetikën

Por ekzistojnë edhe përjashime për këtë rregull: gratë me një gjoks të gjerë dhe të rëndë do të bënin mirë t’i vishnin reçipetat edhe në shtëpi. Arsyeja? Ju japin suport duke evituar sforcimin e shpinës dhe përkeqësimin e posturës. Kush vrapon dhe bën aktivitet fizik duhet të veshë reçipeta komode të cilat mbrojnë gjoksin dhe muskujt e toraksit. Për sa i përket çështjes së gjoksit të varur, që është edhe çështja më shqetësuese dhe besohet se favorizohet nga zakoni i të mbajturit të reçipetave gjatë gjithë kohës, duhet thënë që është një mit fals. Sipas dr.Sekohn, studimet nuk kanë treguar se veshja e rregullt e reçipetave redukton varjen e gjoksit. Sipas tij, gjoksi i varur është i lidhur me gjenetikën dhe kapacitetin e muskujve dhe indeve t’i rezistojnë kalimit të kohës.

The post Si përfundim, duhet t’i mbani apo jo reçipetat gjatë gjithë kohës? appeared first on Albeu.com.