Vendimi është marrë teksa Uashingtoni tenton të parandalojë sulmet e grupit në anijet ndërkombëtare.

Zyrtarët amerikanë kanë thënë se rikthimi në listën e grupeve terroriste, e godet grupin e lidhur me Iranin, me sanksione të ashpra, dhe synon të ndërpresë të gjitha fondet dhe armët që mund t’i shfrytëzojnë rebelët e Huthit për të sulmuar anijet në Detin e Kuq.

Sulmet e rebelëve të Huthit e kanë dëmtuar tregtinë globale, kanë rritur shqetësimet për inflacion dhe kanë thelluar frikën për përhapje të luftës Izrael-Hamas, që mund të destabilizojë edhe më shumë Lindjen e Mesme.

“Këto sulme e përmbushin definicionin e terrorizmit”, ka thënë njëri prej tre zyrtarëve amerikanë që kanë bërë të ditur lajmin.

Ky vendim është marrë pasi aeroplanët luftarakë amerikanë dhe britanikë, anijet dhe nëndetëset e këtyre vendeve, kanë nisur dhjetëra sulme ajrore kundër rebelëve të Huthit, të cilët kontrollojnë disa pjesë të mira të Jemenit.

Ushtria amerikane ka kryer të martën sulme shtesë kundër disa anijeve të rebelëve të Huthit, me të cilat ata kanë lëshuar raketa balistike.

Lëvizja e rebelëve, Huthi, ka deklaruar se sulmet janë shenjë solidarizimi me palestinezët që po përballen me sulmet e Izraelit në Gazë.

Sulmet janë pjesë e një përgjigjeje më të gjerë për konfliktin në Gazë nga i ashtuquajturi Boshti i Rezistencës, i cili përfshin rebelët e Huthit; Hamasin; grupin me bazë në Liban, Hezbollahun; dhe milicitë shiite të Irakut, të gjitha të lidhura me Iranin.

Hamasi, grup që udhëheq Gazën, është shpallur organizatë terroriste prej Shteteve të Bashkuara dhe Bashkimit Evropian.

Izraeli i ka shpallur luftë Hamasit, pas sulmit të grupit në tokën e tij, më 7 tetor 2023, duke vrarë mbi 1.200 njerëz dhe duke marrë peng mbi 240 të tjerë.

Si pasojë e sulmeve të Izraelit në Gazë besohet se kanë vdekur të paktën 22.000 palestinezë dhe një pjesë e mirë e Gazës është kthyer në gërmadhë.

The post SHBA-ja rikthen rebelët e Huthit në listën e grupeve terroriste appeared first on Albeu.com.

Në një koment në Telegraf, Cameron i përshkroi sulmet si “proporcionale dhe të ligjshme”.

Ai tha se Mbretëria e Bashkuar kishte paralajmëruar disa herë rebelët Houthi përpara se t’i bashkohej sulmeve të udhëhequra nga SHBA gjatë kësaj javë, ndërsa paralajmëroi se çmimet do të rriteshin në Mbretërinë e Bashkuar nëse Houthit do bllokonin rrugë të rëndësishme tregtare.

“Nëse Houthi-t nuk lejojnë këtë kalim të anijeve, zinxhiri jetik i furnizimit kërcënohet dhe çmimet do të rriten në Britani dhe në mbarë globin. Ne do të punojmë me aleatët. Ne gjithmonë do të mbrojmë lirinë e lundrimit. Dhe, më e rëndësishmja, ne do të jemi të përgatitur të mbështesim fjalët me veprime”, tha Cameron.

The post SHBA bombardon sërish Jemenin/ Cameron: Ishim të detyruar! appeared first on Albeu.com.