Siç ka raportuar AlbEu deri më tani duke iu referuar dosjes hetimore, përfshirja e drejtuesve të lartë të policisë me bandat duke iu shërbyer atyre si argat kundrejt pagesave mujore është faqja e zezë e shtetit shqiptar dhe mesazhi i fortë se të paktën Policia e Shtetit duhet të shkrihet tërësisht dhe duhet ndërtuar një strukturë tjetër, e pakapur kryekëput nga krimi.

Skena të tilla, ku drejtues të Policisë së Shtetit janë kthyer në shërbëtorë të krimit, kanë ndodhur edhe në botë, madje janë bërë edhe filma, por në fund fare shteti ka reaguar duke ndëshkuar ata që kanë tradhtuar besimin e qytetarëve, por mbi të gjitha, gjakun e kolegëve të që kanë rënë gjatë përballjes me kriminelët.

Nëse dy javë më parë, shkuarja e Taulant Ballës në krye të Ministrisë së Brendshme dukej një operacion pas përplasjeve të brendshme në PS, tashmë, pas shpërthimit të skandalit me bisedat sekrete duket qartësisht se përse ai u emërua nga Rama në krye të rendit.

Nëse nuk është emëruar për të minimizuar pasojat e “tërmetit” që po ndodh, Ballës i mbetet të kryejë një mision të rendësishëm për Policinë e Shtetit: Shkrirjen totale dhe rindërtimin e saj.

Tashmë ai i ngjan një kirurgu, që shkon përballë një trupi të shtrirë në sallë dhe duhet të vendosë nëse do të bëjë nje operacion total duke prerë pjesë të trupit të kalbëzuar apo operacion lokal, me rrezikun që infeksioni të përhapet sërish.

Deri më tani nuk ka asnjë lëvizje në rangjet e policisë, por ajo çfarë po ndodh tregon qartë se furtuna do të nisë, pyetja është se sa thellë do ta fusë bisturinë Balla. /albeu.com

The post Nga do t’ja fillojë “kirurgu” Taulant Balla? appeared first on Albeu.com.

Panganika nuk është një emër i panjohur në radhët e policisë, pasi dhe më herët ka mbajtur pozicione drejtuese në disa qarqe të vendit, ndërsa në muajt e fundit ka shërbyer si drejtues në departamentin e Kufirit në Gjirokastër.

Një nga qarqet më problematike që janë drejtuar prej tij është ai i Shkodrës në vitet 2015-2017, ku gjatë detyrës u përball dhe me vrasjen në krye të detyrës së një efektivi të Forcave të Ndërhyrjes së Shpejtë. Pas Shkodrës ai shërbeu në Gjirokastër, fillimisht në krye të drejtorisë së policisë vendore, e më pas në kufi.

Panganika, i lindur në Korçë me 24.06.1972, ka qenë më herët edhe Drejtor policie në qarkun e Beratit, dhe ka mbajtur pozicione dhe në drejtori të tjera.

Tashmë atij i është besuar qarku më i madh i vendit, që mbulon kryeqytetin, që shënon dhe numrin më të madh të ngjarjeve kriminale, edhe për shkak të popullsisë.

The post Dikur me bujë në krye të Shkodrës, kush është drejtori i ri i Policisë së Tiranës appeared first on Albeu.com.

Pas kësaj plagosje, ka reaguar për mediat, drejtori i Policisë, Rebani Jaupi i cili ka deklaruar se policia ka identidikuar autorin e plagosjes dhe po punohet për kapjen e tij.

Pjesë nga deklarata e drejtorit të Policisë:

Këtu pranë kemi pasur një plagosje me armë zjarri të një 19-vjeçari i cili aktualisht ndodhet në sp0italin e Traumës. Është jashtë rrezikut për jetën. Grupi hetimor po punon në vendin e ngjarjes.

Ka qenë një konflikt i çastit. Të dyja palët kanë qenë në të njëjtin lokal, fillimisht janë konfliktuar fizikisht.

Kanë qenë në tavolinë të veçanta. Një person ka qëlluar me armë zjarri vetëm një herë. Kemi një emër të autorit për të cilin do të bëjmë dokumentimin e plotë të kësaj ngjarje dhe do t’jua bëjmë me dije.

Njoftimi i policisë:

Tiranë/Informacion paraprak

Rreth orës 15:45, në rrugën “Liman Kaba”, në afërsi të një lokali, në rrethana ende të paqarta është plagosur dyshohet me armë zjarri shtetasi R. K., 19 vjeç, i cili ndodhet në spital, nën kujdesin e mjekëve. Paraprakisht dyshohet se ngjarja ka ndodhur pas një konflikti të çastit me dy shtetas ende të paidentifikuar nga ana e Policisë.

Grupi hetimor ndodhet në vendngjarje dhe po punon për sqarimin e rrethanave të ngjarjes dhe mbledhjen e çdo prove të mundshme që do çojë në identifikimin dhe kapjen e autorëve./albeu.com

The post DETAJET/ Drejtori i policisë zbardh plagosjen në Tiranë: U përleshën fizikisht në lokal appeared first on Albeu.com.