Real Madridi po shqyrton mundësinë që në këtë merkato vere ta largojë përkohësisht në huazim sulmuesin anësor argjentinas Franco Mastantuono, me idenë që 18-vjeçari të marrë më shumë eksperiencë në nivelet më të larta.

Formula e menduar nga klubi madrilen është një kalim i përkohshëm, ndërsa menjëherë për interesimin e tij janë përfshirë Real Sociedad, Villarreal dhe River Plate, të cilët synojnë ta marrin në huazim për një sezon.

Mastantuono ende nuk ka mundur të tregojë në “Santiago Bernabeu” gjithçka që pritej prej tij.

Si pasojë, drejtuesit e Real Madridit, së bashku me trajnerin Jose Mourinho, i cili synon të ketë një anësor të djathtë të klasit botëror përkrah emrave si Kylian Mbappe dhe Vinicius Junior, kanë vendosur që lojtari të largohet përkohësisht në mënyrë që të ketë vazhdimësi dhe minuta të rregullta në fushë.

Ideja e klubit është që futbollisti të sistemohen në një skuadër ku mund të ketë peshë të madhe në lojë dhe të rritet pa ngarkesën e lartë që sjell ambienti i madrilenëve, për t’u rikthyer më i përgatitur në të ardhmen.

Nga klubet e La Ligës, Real Sociedad konsiderohet ndër alternativat më serioze për ta afruar lojtarin.

Trajneri i skuadrës kërkon një anësor të djathtë me cilësi teknike dhe fantazi, i aftë të rivalizojë me japonezin Takefusa Kubo.

Klubi bask beson se Mastantuono do të ishte një zgjidhje shumë e përshtatshme për të përballuar njëkohësisht angazhimet në La Liga dhe në Ligën e Evropës.

Në të njëjtën kohë, edhe Villarreal është futur fort në këtë garë, duke i ofruar lojtarit një ambient sfidues në “Estadio de la Ceramica”.

Nën drejtimin e Inigo Perez, skuadra synon të shtojë forcën në krahët e sulmit dhe e vlerëson argjentinasin si një profil ideal për mënyrën e lojës që preferon trajneri.

Nëse marrëveshja do të konkretizohej, ai do të luftonte për një vend titullari edhe me Nicolas Pepe, duke i shtuar më shumë alternativa repartit ofensiv të ekipit.

Një tjetër mundësi është rikthimi në Argjentinë te River Plate, klubi ku futbollisti ka kaluar etapat e para të formimit të tij.

Drejtuesit e ekipit nga Buenos Aires kanë paraqitur zyrtarisht kërkesën për huazimin e tij për pjesën e mbetur të sezonit 2026 dhe për nisjen e 2027, me qëllim që të përforcojnë skuadrën si në garat vendase, ashtu edhe në Kupën Sudamericana.

Trajneri Eduardo Coudet e konsideron lojtarin një pjesë të rëndësishme të projektit të tij ofensiv dhe mendon se një rikthim në Argjentinë do të ndikonte pozitivisht në zhvillimin dhe besimin e tij.

Vendimi final pritet në ditët e ardhshme, ndërsa e ardhmja e Franco Mastantuono vazhdon të mbetet e paqartë mes Evropës dhe Amerikës së Jugut.

The post Real Madridi mendon ta dërgojë Mastantuonon në huazim, Real Sociedad, Villarreal dhe River Plate në garë për argjentinasin appeared first on Albeu.com.

Në këtë kuadër, merkatoja e katalunasve mbetet shumë aktive. Presidenti Joan Laporta, së bashku me trajnerin Hansi Flick, janë duke ndërtuar një projekt të ri sportiv që nuk përfshin më sulmuesin veteran polak.

Media spanjolle raportojnë se stafi teknik ka përzgjedhur katër emra për të mbuluar boshllëkun në sulm, me profile të ndryshme edhe në aspektin financiar: Julian Alvarez, Mikel Oyarzabal, Gabriel Jesus dhe Fisnik Asllani.

Emri që kryeson listën e Barcelonës për qendrën e sulmit është Julian Alvarez. Sulmuesi i Argjentinës dëshiron të transferohet te gjiganti katalunas, por bisedimet me Atletico Madridin kanë hasur vështirësi serioze.

Klubi madrilen nuk pranon të hyjë në negociata për shitjen e tij dhe kërkon që Barcelona të derdhë të plotë klauzolën e largimit prej 500 milionë eurosh. Alvarez realizoi 20 gola në 49 ndeshje sezonin e kaluar dhe është i lidhur me kontratë deri në vitin 2030.

Për shkak të pengesave të qarta financiare që shoqërojnë këtë pistë, Mikel Oyarzabal paraqitet si një alternativë shumë bindëse. Futbollisti i Real Sociedadit përputhet me kërkesat taktike të Flick, i cili synon një sulmues dinamik, të aftë të lëvizë në thellësi dhe të kombinojë me pjesën tjetër të skuadrës.

Avantazhi i sulmuesit nga San Sebastiani lidhet edhe me harmoninë që ai ka krijuar te kombëtarja e Spanjës. Oyarzabal gëzon raporte shumë të mira me disa nga figurat kryesore të dhomës së zhveshjes te Barcelona, si Lamine Yamal, Pedri, Gavi, Fermin Lopez, Dani Olmo dhe Ferran Torres. Në 40 paraqitje ai shënoi 18 gola, ndërsa kontrata e tij zgjat deri në vitin 2028.

Alternativa e tretë që po shqyrtohet vjen nga Liga Premier dhe mban emrin e Gabriel Jesus. Sulmuesi brazilian synon të largohet nga Arsenali, ndërsa klubi anglez dëshiron të përfitojë nga shitja e tij përfundimtare gjatë afatit kalimtar të verës.

Ndonëse është përballur me lëndime, karakteristikat e tij teknike kanë lënë përshtypje të mira te trajneri gjerman. Me një vlerësim që luhatet mes 20 dhe 30 milionë eurove dhe me kontratë deri në vitin 2027, ai e mbylli periudhën e fundit me 6 gola dhe 2 asistime në 27 ndeshje.

Ndërkaq, emri i katërt në listën e stafit teknik të Barcelonës është Fisnik Asllani. Përfaqësuesi i Kosovës sapo ka lënë pas një etapë pozitive në Bundesligën gjermane, ku luajti me Hoffenheimin.

Bilanci i tij në kampionatin e kaluar tregon peshë të konsiderueshme në lojë, me 11 gola dhe 10 asistime. Megjithëse ka kontratë deri në verën e vitit 2029, drejtuesit e klubit e konsiderojnë Asllanin vetëm si një alternativë dytësore në rotacion.

The post Barcelona vlerëson katër alternativa për pasuesin e Lewandowskit, mes tyre edhe Fisnik Asllani appeared first on Albeu.com.

Sipas raportimeve më të fundit, londinezët kanë arritur marrëveshje të plotë me Martin Zubimendin, futbollistin spanjoll të Real Sociedadit, i cili ka qenë një nga objektivat kryesorë të trajnerit Mikel Arteta.

Mesfushori 25-vjeçar pritet të jetë një përforcim strategjik për Arsenalin në sezonin e ri, me qëllim që skuadra të rivalizojë seriozisht për titullin në Ligën Premier dhe të jetë konkurruese në Ligën e Kampionëve.

Lajmin e ka konfirmuar gazetari i njohur italian, Fabrizio Romano, i cili ka dhënë edhe shenjën e famshme të konfirmimit.

“Martin Zubimendi ka arritur marrëveshje të plotë për t’u bashkuar me Arsenalin dhe kjo është e konfirmuar”

“‘Here we go’-ja për Zubimendin ka qenë në fuqi që nga maji, pasi ekziston marrëveshje për çdo detaj të këtij transferimi.

“Mesfushori do t’i nënshtrohet testeve mjekësore dhe do të nënshkruajë kontratën me Arsenalin në javët në vijim, pa ndonjë ndryshim në plane”.

“Real Sociedad do të përfitojë një shumë rreth 65 milionë euro, e cila do të paguhet me këste si pjesë e negociatave dhe gjithçka është dakorduar”, ka shkruar Romano.

The post Martin Zubimendi transferohet te Arsenali, e konfirmon Fabrizio Romano appeared first on Albeu.com.

Pas vetëm 16-të minutash lojë, Ander Barrenetxea kaloi mysafirët në epërsi me asistimin e Pablo Marin.

Por, Endrick i barazoi shifrat në 1-1 me një gol të bukur në minutën e 30-të.

Me kaq edhe përfundoi pjesa e parë, derisa në 45 minuat e dytë kishte një dramë të vërtetë.

Në minutën e 72-të, David Alaba realizoi auto-gol, për t’ia kthyer epërsinë Real Sociedadit.

Tetë minuta më vonë, Takefusa Kubo asistoi te Mikel Oyarzabal, për rezultatin 3-1.

Mirëpo për katër minuta, Real Madridit bëri mrekullinë, duke shënuar dy gola.

Fillimisht, Jude Bellingham (82’) shënoi për 3-2 nga një asistim i Vinicius Junior, ndërsa katër minuta më vonë Aurelien Tchouameni i barazoi shifrat në 3-3 me asistimin e Rodrygos.

Mysafirët nuk u dorëzuan dhe kaluan sërish në epërsi me golin e Oyarzabal (90+3′), për t’ia kthyer epërsinë Sociedadit për 4-3.

Ndeshja shkoi në vazhdime, ndërsa Los Blancos treguan përvojën e tyre.

Real Madridi kaloi në finale falë golit me kokë nga Antonio Rudiger, që shënoi në minutën e 115-të, me asistimin e Arda Guler.

Në finale, Real Madridi do të përballet me fituesin e duelit mes Barcelonës dhe Atletico Madridit. /Telegrafi/

The post Real Madridi kalon në finale të Kupës së Mbretit duke eliminuar Sociedadin në vazhdime appeared first on Albeu.com.

Në pjesën e dytë Flick hodhi në fushë Dani Olmon për të rritur peshën sulmuese të ekipit të tij. Katalanasit u përpoqën të menaxhojnë topin si zakonisht, por rrezikuan shumë. Kubo shumë i frymëzuar dhe Becker humbet mundësinë e golit të dytë.

Në minutat e fundit të besuarit e Flick tentuan me topa të gjatë në zonë, në kërkim të 1-1, por nuk ia dolën dot.

Barcelona mbetet e mbërthyer në 33 pikë, me Real Madridin që mund të kthehet në -3 pas rikuperimit me Valencian. Pikë të rënda për Real Sociedad, që kalon në 18 pikë.

The post Barcelona bie në fushën e Real Sociedad appeared first on Albeu.com.

Bëhet fjalë për “shkatërruesin” spanjoll, Martin Zubimendi, i cili po shkëlqen prej disa sezonesh, tashmë, në La Liga.

Sipas raportimeve më të fundit, të tabloideve britanike, “Topçinjtë” e Arsenal dhe “Të Kuqtë” e Liverpool, përveç garës “kokë më kokë”, për titullin kampion, në elitën e futbollit anglez, tashmë do të garojnë edhe për shërbimet e Zubimendit, me të dyja këto skuadra që kërkojnë përforcim të ri e me shumë kualitet, në repartin më të tërhequr të mesfushës.

Autor i 4 golave e 1 asistimi, në 43 përballjet e zhvilluara, mes kampionatit, Copa del Rey e UEFA Champions League vlerësohet në shifrën e 50 milionë eurove, sipas specialistëve të “Transfermarkt”, megjithatë me kontratën që skadon në verën e vitit 2027 pritet që çmimi të rritet lehtësisht në shifrat e 70-80 milionë eurove. /abcnews.al

The post Fantastik me Real Sociedadin, ylli spanjoll në radarët e gjigantëve anglezë appeared first on Albeu.com.

Interesimi i Mikel Artetës për 24-vjeçarin nuk ka kaluar pa u vënë re, me lojtarin që është lidhur me një lëvizje të mundshme që në afatin kalimtar të janarit.

Me Arteta që ka prioritet shtimin e një mesfushori, Zubimendi e gjen veten në një listë të ngushtë që përfshin lojtarë si Amadou Onana të Everton dhe Douglas Luiz të Aston Villas. Megjithatë, interesimi i Arsenalit tani përballet me konkurrencë nga Manchester United, i cili thuhet se po i bashkohet luftës për të siguruar shërbimet e mesfushorit të talentuar.

Lojtari i Real Sociedad ka impresionuar me paraqitjet e tij në La Liga, duke luajtur 20 ndeshje dhe duke kontribuar me katër gola dhe një asist këtë sezon. Tani, si Barcelona ashtu edhe Manchester United kanë “ringjallur interesin e tyre”, sipas Express Sport, në një përpjekje për të nënshkruar me Zubimendin në merkaton e ardhshme të verës.

Edhe pse Zubimendi nuk do të largohet nga Real Sociedad para përfundimit të sezonit, raportimet sugjerojnë se si Barcelona ashtu edhe Manchester United po konsiderojnë seriozisht të bëjnë oferta në fund të sezonit.

Me një klauzolë lirimi prej 50 milionë euro, Zubimendi mund të bëhet një pjesë e lakmuar për gjigantët e Ligës Premier, por vendimi përfundimtar do të mbetet tek lojtari dhe ekipi i tij për të zgjedhur midis ofertave që mund të përputhen me atë tarifë. /Telegrafi/

The post Tre gjigantët që e duan Martin Zubimendin qysh në këtë afat, Sociedadi i ka caktuar çmimin lojtarit appeared first on Albeu.com.

Sulmuesi kosovar është në formë të shkëlqyer dhe po shkëlqen në çdo ndeshje me fanellën e Lille.
Kjo ka bërë që për të të ketë interesime nga Italia, Gjermania e së fundmi edhe nga La Liga spanjolle.

Real Sociedad është skuadra e fundit që është futur në garë për transferimin e lojtarit kosovar dhe ai ështëvëzghuar prej disa kohësh nga klubi bask. 24-vjeçari shihet si një zëvendësues perfekt i sulmuesit japonez Kubo, i cili është i destinuar për tu larguar në drejtim të Anglisë.

Mediumi spanjoll ‘Noticias de Gipuzkoa’, ka njoftuar se Sociedad është i gatshëm të bëj një përpjekje për Zhegrovën në merkaton e janarit dhe te Lille janë të gatshëm ta shesin yllin kosovar për ofertën e duhur. /abcnews.al

The post Jo vetëm nga Gjermania dhe Anglia, skuadra e madhe spanjolle shfaq interes për Zhegrovën appeared first on Albeu.com.

Fillimisht anësori ngriti menjëherë flamurin për pozicion jashtë loje, por me ndërhyrjen e VAR-it, goli rezultoi i rregullt.

Një humbje ndoshta e pamerituar për skuadrën baske, që bëri shumë për ta fituar ndeshjen dhe i pati rastet, sidomos në pjesën e parë, por në fund festa ishte për “blaugranat”, që morën tri pikë të vyera në një fushë shumë të vështirë.

Brcelona me këtë sukses ngjitet në vendin e tretë me 27 pikë, tri më pak se Girona kryesuese. Reali ka 28 pikë, por me një ndeshje më pak të luajtur.

The post Fitore në frymën e fundit, VAR-i nderon Barcelonën në “Reale Arena” appeared first on Albeu.com.

Dy klubet në fjalë kanë siguruar kualifikimin për në fazën tjetër të Europa League.

Cristiano Ronaldo do të startojë nga minuta e parë në sulm bashkë me djaloshin e talentuar Garnacho./ h.ll/albeu.com

Formacionet zyrtare:

The post Formacionet Real Sociedad-Manchester United, CR7 në krye të sulmit appeared first on Albeu.com.