LAJMET NGA RAMA

1. Real Madrid Albania

Para pak ditësh pata kënaqësinë të vizitoj klubin e Realit të Madridit, me ftesë të Presidentit Florentino Perez. Së shpejti do të hapet rruga që pas Akademisë së Manchester City edhe shkolla e famshme e futbollit e Realit të Madridit të vijë në Shqipëri. Jo në Durrës po në Vlorë, ku dua po ashtu të sjellim edhe Universitetin e Sporteve të Realit të Madridit, një qendër ekselence e arsimit të lartë, e cila formon profesionistët e sportit, nga menaxherët tek mjekët sportivë.

2. Masat për sezonin e verës

Beteja me zjarret e verës së ardhshme ka nisur. Mësimet e reja të këtij viti janë kthyer në masa konkrete, për sezonin e ardhshëm të përballjes me zjarret. Eshtë bërë inventari i plotë i dëmeve në banesa e në krerë bagëtish, të cilat do të shlyhen me pagesa të drejtëpërdrejta nga buxheti i shtetit. Ndërkohë do të investojmë fort për rritjen e kapaciteteve të trupës së zjarrfikësve, të cilët do të përfshihen në skemën e rritjes së pagave të ushtrisë, si edhe do të investojmë më tej në teknologji, me dronët me kamera termike. Po ashtu do të trainojmë sistematikisht forcat civile në nivelin vendor, e do të përfshijmë edhe shkollat në mbërshtetje të shërbimit pyjor, ndërkohë që penalitetet për zjarrvënësit do të ashpërsohen edhe më shumë.

3. Agjencia Kombëtare e Planifikimit, Zhvillimit Urban dhe Strehimit

Kemi nisur punën për krijimin e Agjencisë Kombëtare të Planifikimit, Zhvillimit Urban dhe Strehimit, e cila do të adresojë një sërë problematikash, që nga rritja e volumit dhe cilësisë së investimeve për strehim social apo mundësi strehimi nën çmimet e tregut, tek fuqizimi i njësive vendore me kapacitete në fushën e planifikimit dhe lehtësimi i proceseve të zhvillimit urban. Kjo agjenci do të administrojë e menaxhojë edhe Fondin e Gjelbërt, të cilin do ta krijojmë me kontributet në pemë që sipas ndryshimeve të reja ligjore, janë detyrim i ndërtuesve në raport me metrat katrorë për ndërtim.

4. Shoqëria MOBILE

Kemi krijuar MOBAL, një shoqëri aksionare nen pronesi shtetërore, qe do të funksionojë si një strukturë qëndrore për transformimin cilësor të transportit publik. Kjo shoqëri do të sigurojë: Operimin me një standard të lartë të shërbimit të transportit publik ndërqytetas në destinacionet turistike; Operimin e shërbimeve të transportit shkollor përfshirë transportin e nxënësve dhe punonjësve arsimorë; Organizimin e një sistemi transporti publik ndërqytetës modern, efikas dhe gjithëpërfshirës në të gjithë vendin nëpërmjet digjitalizimit të sistemeve të biletimit dhe monitorimit në kohë reale. MOBAL do të nisë operimin e linjave turistike ne destinacionet kryesore turistike ne jug dhe veri te vendit, duke nisur nga fillimi i sezonit turistik 2026. Nderkohe, transporti shkollor për nxënës dhe punonjës arsimorë do te pilotohet në qarqe/qytete te perzgjedhura, duke nisur nga shtatori 2026.

5. Pagat e Orkestrës së RTSH

Më në fund edhe pagat e Orkestrës së RTSH u rritën e u barazuan me pagat e Orkestrës së Operas, të cilat ishin rritur më parë dhe ky është një lehtësim për mua, sepse tanimë nuk jemi më duarlart nga pamundësia për të mbështetur disa kategori profesionistësh të këtij vendi, të cilët nuk janë forca që mund t’i mbijetojnë tregut të lirë, po janë një burim i çmuar energjie për kulturën tonë kombëtare.

6. Shqipëria në SEPA

Shqipëria është tashmë anëtare e plotë e SEPA-s (Zonës së Pagesave të Vetme në Euro), dhe nga data 7 tetor e këtij viti, qytetarët dhe bizneset shqiptare mund të kryejnë transferta në euro me vendet e BE-së me komisione shumë më të ulëta dhe me të njëjtat rregulla si në BE. Kjo nismë do të sjellë përfitime të menjëhershme për ekonominë dhe konsumatorët shqiptarë. Sipas vlerësimit të Bankës së Shqipërisë, vetëm vitin e parë parashikohet një kursim prej rreth 20 milionë euro në vit për qytetarët dhe bizneset shqiptare.

7. Siguria Kibernetike

Shqipëria ka shënuar një arritje të jashtëzakonshme në fushën e sigurisë kibernetike, duke u renditur në vendin e 18-të në botë me 85.00 pikë, sipas National Cyber Security Index (NCSI). Ky rezultat përfaqëson një ngritje prej 36 pozicionesh krahasuar me vitin 2023, kur vendi ynë ishte në vendin e 54-të me 62.34 pikë. Brenda vetëm dy vitesh, Shqipëria ka kaluar dhjetëra shtete të mëdha dhe me traditë të konsoliduar në këtë fushë, duke u shndërruar në një nga historitë më të jashtëzakonshme të suksesit në sigurinë kibernetike globale.

The post Nga biseda me kreun e Realit të Madridit, tek siguria kibernetike, Rama komenton lajmet e kësaj jave appeared first on Albeu.com.

Vlera në treg e skuadrës së Realit të Madrid shkon në 1,36 miliardë euro, sipas portalit “Transfermarkt”, që e vendos skuadrën “Galaktike” në krye të këtij klasifikimi. Vinicius (200 milionë euro), Mbappe (180), Bellingham (180) dhe Federico Valverde (130 mln euro) janë lojtarët më të shtrenjtë në listën e madrilenëve.

Vlera e tregut të Barcelonës aktualisht po i afrohet 1 miliardë eurove. Totali i 26 lojtarëve të Barçës, me një moshë mesatare 24.6 vjeç, është 944 milionë euro, sipas portalit të specializuar “Transfermarkt”. Lojtari më i vlerësuar në skuadrën aktuale të Barçës është Lamine Yamal, i cili arrin shifrën e 150 milionë eurove.

The post Më shumë se 2 miliardë euro në fushë, vlera e lojtarëve të Real Madrid dhe Barcelonës appeared first on Albeu.com.

Kilian Mbape duket se e ka zëvendësuar yllin e Kristiano Ronaldos në “Santiago Bernabeu”, siç u duk edhe në prezantim.

Lajmet nga Spanja janë që kapiteni i Francës do të ketë një ndikim të jashtëzakonshëm në financat jo vetëm të Realit, por edhe të kompanisë Adidas, që sponsorizon klubin e madh spanjoll.

Sipas një projeksioni të specializuar, brenda një sezoni pritet të shiten 4 milionë fanella të Mbapesë, nga të cilat madrilenët mund të nxjerrin edhe 300 milionë euro.

Kjo do të thotë pesëfish më shumë sesa shiti fanella Xhud Belingham sezonin e kaluar, kur erdhi në “Bernabeu”.

Natyrisht, Adidas pritet të fitojë mjaft nga imazhi i Mbapesë, dhe 120 milionë eurot që kompania gjermane i jep Realit, padyshim që duken një investim i shkëlqyer.

Adidas është mësuar edhe të pranojë investime pa fitime të mëdha, siç ndodh me 100 milionë eurot që i jep kombëtares së Gjermanisë.

Presidenti Florentino Perez padyshim që është I lumtur për situatën sportive dhe financiare të klubit të kryeqytetit spanjoll.

Reali është një makinë parash, që kaloi pa probleme edhe pandeminë e Covidit, dhe që është kampion në fuqi i Spanjës dhe i Evropës.

The post Mbappe, një “minierë ari”/ Real pritet të shesë 4 milionë fanella të francezit në vit appeared first on Albeu.com.

Për momentin, portier i parë kalon automatikisht Andriy Lunin, megjithatë, në merkaton e transferimeve po përflitet për nënshkrimin me një portieri të ri.

“Besimi te Lunin është total dhe në ditët në vijim do të shohim nëse do të marrim një portier në skuadër”, tha Ancelotti në një kohë kur po flitet shumë për marokenin Bono nga Sevilla.

I pyetur se çfarë profili portierësh i pëlqen, Ancelotti u përgjigj me ironi:

“Më pëlqejnë ata që janë të mirë me duart e tyre… Kemi kohë deri më 31 gusht. Portierët pas Luninit kanë potencial, por janë të rinj. Fran (González) është 17 vjeç. Nëse marrim dikë, do të jetë nga sasia, sepse kemi besim te Lunin”, vijoi trajneri.

“Emocionalisht dje nuk ishte një ditë e mirë. Këto gjëra ndodhin, tani mbetet vetëm të shpresojmë që Courtois të shërohet shpejt… dhe t’i japim të gjithë besimin Luninit, i cili është një portier i madh.

Ai është talent dhe ajo që i mungon është përvoja, që fitohet dita ditës. Jemi shumë të trishtuar…”, tha Ancelotti.

The post Real Madrid në hall pas dëmtimit të Courtois, Ancelotti i jep besim portierit rezervë appeared first on Albeu.com.

Portieri do t’i nënshtrohet një operacioni në ditët në vijim dhe do të qëndrojë jashtë për të paktën 9 muaj. Real Madrid aktualisht ka vetëm një portier tjetër në ekipin e parë, ukrainasin Lunin, i cili ka refuzuar të largohet nga klubi këtë verë, një vendim që tani mund të duket thelbësor.

Më poshtë tij janë vetëm portierët e Castillas, filialit të Real Madridit, Lucas Cañizares dhe Mario de Luis (i cili aktualisht është ende duke u rikuperuar nga dëmtimi i pësuar në fund të sezonit të kaluar).

Asnjëri prej tyre nuk ka debutuar me ekipin e parë. Klubi do të duhet të vendosë tani nëse, duke pasur parasysh fatkeqësinë e belgut, do të hyjë në merkato për të përforcuar portën, duke qenë se rikthimi i Courtois nuk do të ndodhë të paktën deri në maj 2024.

Nënshkrimi me një portier të ri duket zgjidhja më logjike, aq më tepër po të kemi parasysh që Lunin nuk ka ndonjë eksperiencë dhe madje kësaj vere ishte në treg. Ndër opsionet e merkatos që ka Real Madridi veçohet David de Gea, pa skuadër që prej përfundimit të marrëdhënies me Manchester United, dhe David Soria, portieri i Getafes.

I pari ishte tashmë në orbitën e “Los Blancos” përpara mbërritjes së Courtois, por historia e njohur e faksit që mbërriti me vonesë e pengoi atë të zbarkonte në “Bernabéu”. I dyti ishte tashmë objektivi i skuadrës së bardhë në fillim të kësaj vere, por u bënë pengesë pretendimet e larta të klubit azulón, plus vullneti i Lunin për të vazhduar në Madrid.

The post Ancelotti me dhimbje koke, Real Madrid mbetet pa portier, dëmtohet edhe Courtois appeared first on Albeu.com.

“Marca” pretendon se golashënuesi britanik 29-vjeçar ka pranuar të kalojë te “Los Blancos”.

Real Madridi do të duhet të paguajë rreth 80 milionë euro për Kane.

Vihet re se golashënuesi i “Spurs” është objektivi kryesor i transferimit të Realit këtë verë.

Megjithatë, sipas publikimit, Kane po e ndjekin edhe Manchester United dhe Manchester City, por drejtuesit e klubit londinez nuk duan ta lënë lojtarin e tyre të shkojë në një klub tjetër të Premierligës.

Kane shënoi 32 gola dhe dha 5 asistime në 49 ndeshje për Tottenham sezonin e kaluar në të gjitha garat.

The post Harry Kane drejt Real Madrid appeared first on Albeu.com.

Pasi duket se kanë siguruar transferimin e mesfushorit britanik Jude Bellingham nga Borussia Dortmund, Real Madrid synon që këtë verë të bëjë goditjen e madhe në merkato. Bëhet fjalë për sulmuesin Kylian Mbappe, që luan me PSG-në.

Sipas “The Telegraph”, skuadra madrilène është duke punuar në fshehtësi për të siguruar shërbimet e sulmuesit 24-vjeçar, për të cilin është gati të thyejë çdo rekord transferimi. Mediat sqarojnë se Real Madrid është gati të paguajë 224 milionë euro për Mbappe, dy më shumë se rekordi i 222 milionëve që PSG pagoi për Neymar.

Kontrata e Mbappe me PSG skadon në verën e vitit 2025, por kjo nuk pengon, si sulmuesin, ashtu edhe Real Madrid, të synojnë këtë transferim. Sulmuesi disa herë ka shprehur dëshirën të luajë në një ekip ku mund të fitojë në Europë, gjë që nuk e ka arritur me parizienët.

Ka kohë që Real Madrid kërkon të marrë Mbappe, duke parë edhe faktin se “Los Blancos” kërkojnë një sulmues të ri. Për ta bindur, Real është gati t’i ofrojë një rrogë marramendëse, por fakti që madrilenët janë një ekip fitues në Europë dhe botë është më tundues se çdo gjë tjetër për Mbappe, që kërkon trofe.

The post “Çmendet” Real Madrid, ofron 222 milionë euro për të blerë sulmuesin appeared first on Albeu.com.

Ish-sulmuesi i Bayern ka theksuar se për të kishte shfaqur edhe Real Madridi interes, por kur katalanasit i ofruan mundësi ai mendoi se është e duhura, ndërsa nuk nguron të thotë se në “Camp Nou” ka rilindur.

“Real Madridi tregoi interes për mua disa herë, por kur pashë dëshirën e Barcelonës për të nënshkruar me mua, kuptova se transferimi im atje ishte i mundur. E dija që hapi tjetër në karrierën time duhet të ishte ky.

Gjithmonë kam dashur të luaj në La Liga dhe të jetoj në Spanjë. Tani ndihem i ringjallur. Po mësoj spanjisht dhe pak nga pak po e kuptoj më mirë. Më ndihmon shumë që anglishtja kuptohet në dhomën e zhveshjes”, ka theksuar ia në një intervistë për “Kanal Sportowy”.

Kujtojmë se Lewandowski me Barcelonën ka nënshkruar kontratë 4-vjeçare, me mundësi rinovimi edhe për një vit më shumë.

The post “Edhe Reali ka shprehur interesim për mua”, Lewandowski: Te Barça jam ringjallur appeared first on Albeu.com.

Çuditërisht, Karim Benzema u përmend rrallë nga fansat. Ndoshta kjo për faktin se sulmuesi francez tani po rikuperohet nga lëndimi i tij. Karim tashmë ka humbur dy ndeshje, shkruan abcnews.al.

Zgjedhja më e njohur e tifozëve janë Federico Valverde, Aurelien Tchouameni dhe Vinicius Junior.

Ndarja e komenteve të fansave:

? “Lojtarët e mi më të mirë të Real Madridit: 1) Valverde. 2) Vinicius. 3) Tchuameni. Të gjithë të tjerët nuk janë aq të mirë”.

“Vinicius e ka nisur këtë sezon shumë më mirë se çdo lojtar tjetër”.

? “Unë do t’i jap votën time Tchuamenit, Valverdes dhe Vinit.”

? “Lojtarët më të mirë të Real Madrid për momentin janë Valverde, Viny Junior dhe Tchouameni”

Shumica e lojtarëve të Madridit ishin në formë të shkëlqyer në fillim të këtij sezoni, por ndoshta Valverde spikati vërtet.

The post “Nuk është Benzema”, tifozët kanë zgjedhur tre lojtarët më të mirë të Realit këtë sezon appeared first on Albeu.com.

Lajmin e ka bërë të ditur gazetari i njohur, Fabrizio Romano, ku raportohet se vetë presidenti i madrilenëve, Florentino Perez ka qenë i angazhuar në rinovimin e kontratës së brazilianit.

Real Madrid update: Vinícius Júnior has signed the new contract! It’s now done after verbal agreement revealed last month. ?⚪️ #RealMadrid

New deal will be valid until 2027, as Florentino Pérez wanted.

The club will decide the best moment to announce it – but it’s now signed. pic.twitter.com/thJLxToci4

— Fabrizio Romano (@FabrizioRomano) July 9, 2022

Galaktikët kanë vendosur një klauzolë të çmendur prej 1 miliard euro në rast se ndonjë klub dëshiron të sigurojë shërbimet e 21-vjeçarit.

Në këtë mënyrë “Los Blancos” kanë “gozhduar” ylin e skuadrësnga cdo lloj ofertë që mund të vij në drejtim të tij, pasi janë të bindur tashmë se dyshja Karim Benzema – Vinicius Junior që entuziasmuar tifozët e madrilenëve në sezonin e fundit që kulmoi me fitimin e trofeut të Champions League mund të arrijnë të fitojnë të tjerë trofe me fanellën e bardhë.

Vinicius është pjesë e Realit të Madridit që prej vitit 2018-të dhe në dy sezonet e fundit ka qenë një titullar i padiskutueshëm i ekipit. Në sezonin e fundit sulmuesi në La Liga, zhvilloi 35 ndeshje duke shënuar 17 gola.

The post Reali “gozhdon” yllin brazilian, klauzolë e “çmendur” për 21-vjeçarin appeared first on Albeu.com.