Braziliani raportoi se ishte viktimë e një fyerje raciste nga lojtari kundërshtar Prestianni.

Gjyqtari i ndeshjes, francezi Francois Letexier, aktivizoi protokollin anti-racizëm të FIFA-s, duke ndërprerë ndeshjen dhe duke shfaqur një “X” me gishta në ajër, duke njoftuar vendimin në stadium.

Ndeshja u ndërpre për rreth 10 minuta, derisa atmosfera në stadium u tensionua më tej, kur Vinicius u prit me fishkëllima pas çdo prekjeje të topit.

Mourinho reagoi pas ndeshjes, duke thënë: “Vinicius duhet të kishte festuar me më shumë respekt, jo të zemëronte 60,000 njerëz. Nuk mund të ndodhë e njëjta gjë në çdo stadium. Nuk mund ta kenë të gjithë gabim dhe ai të drejtë. Vinicius thotë një gjë dhe Prestianni një tjetër, por unë nuk jam dakord me asnjërin prej tyre. Benfica ka Eusebio-n si legjendë: nuk është një klub racist”.

The post Thirrjet raciste në stadium, Mourinho “shpërthen” ndaj Viniciusit: S’mund ta kenë gjithmonë të tjerët gabim appeared first on Albeu.com.

I sapoardhuri te Barcelona e ka bërë të qartë se nuk ka frikë nga rivali kryesor në La Liga.

“Sigurisht që jam gati të përballem me Real Madridin, di si të luaj kundër tyre. Jam i vetëdijshëm se sezoni i tyre i fundit ka qenë shumë i mirë, por ne jemi këtu për t’i mposhtur ata”, tha Robert Lewandowski gjatë prezantimit të tij në Barcelonë.

Kujtojmë se Barcelona nuk është ende në gjendje të regjistrojë të gjithë të ardhurit e skuadrës për shkak të problemeve financiare. Sezoni në La Liga fillon javën e ardhshme më 12 gusht. /albeu.com/

The post “Ne jemi këtu për t’i mposhtur ata”, Robert Lewandowski sfidon hapur Real Madridin appeared first on Albeu.com.

Ai siguron: do të japë gjithçka për të fituar dhe nuk do të largohet nga klubi francez në janar.

Ndeshja mes PSG-së dhe Realit, vjen në fazën eliminatore të Ligës së Kampionëve, do të ketë një shije të veçantë për Kylian Mbappe, i lidhur me Parisin deri në fund të sezonit dhe i njoftuar rregullisht nga ana e Madridit për të ardhmen e tij.

“Real Madrid? Në janar, sigurisht jo. Unë do ta përfundoj sezonin në PSG, 100% dhe jam shumë i lumtur” , tha ai në një intervistë për CNN.

Sulmuesi 22-vjeçar  siguron se është plotësisht i përfshirë me PSG-në. “Nuk është koha që unë të flas për këtë”, tha ai. E vetmja gjë që kam në mendje është të mund Real Madridin në shkurt dhe mars. Ne jemi gati dhe unë jam gati të luaj dhe të jap gjithçka për PSG-në”.

Përveç kësaj, Mbappe foli për transferimin e ndërprerë te Real Madrid, me Los Blancos që kishin bërë një ofertë verën e kaluar.

“Nuk pendohem sepse kam qenë i sinqertë, siguron ai. Unë them atë që kam në mendje. Askush nuk mund të thotë asgjë të keqe për të, sepse është një ndjenjë, diçka personale. Por sigurisht që jam i lumtur të qëndroj, të luaj me Leo Messin dhe të gjithë djemtë. Sepse është edhe qyteti im. Jam i lumtur dhe dua të fitoj gjithçka këtë sezon”. /albeu.com/

The post Kylian Mbappe: E vetmja gjë që kam në mendje është të mund Real Madridin appeared first on Albeu.com.

Klubi gjerman e shikon si pasuesin e Hutter që u largua te M’Gladbach dhe Raul ka një eksperiencë shumë të mirë si futbollist te Schalke 04 dhe e vlerëson këtë mundësi si të dobishme për rritjen si trajner.

Që prej qershorit të 2019, 43-vjeçari po bën mirë me Castillan e Real Madrid duke shkuar deri në playoff dhe me një stil loje 4-3-3 të pëlqyeshëm ai shihet si një trajner i kujdesshëm dhe ofensiv ndaj dhe Eintracht është gati  t’ia besojë stolin por në mendimet e ish sulmuesit tani është edhe ekipi i parë i Real Madrid.

Sigurisht është ëndrra e tij të drejtoj klubin ku ai bëri emër dhe mbajti shiritin e kapitenit dhe duke parë situatën me Zidane ku humbja e titullit mund të vërë ne diskutim francezin, Raul mund të bëhet zgjidhja emergjente për Florentino Perez.

Presidenti mund të përsërisë formulën Zidane që e mori nga ndihmës trajner dhe i besoi skuadrën dhe tani të bëj të njëjtën gjë sërish me Raul.

Për ish bomberin e “los blancos”, janë javë dilemash pasi në tryezë ka ofertën nga Bundesliga dhe për çështje ditësh mund të vijë edhe ajo nga presidenti Perez.

The post Raul në dilemë, të presë Real Madridin apo të drejtojë në Europë appeared first on Albeu.com.