Në këtë kontekst, Florentino Pérez, presidenti i Real Madridit, thirri një konferencë për shtyp.

Perez menjëherë filloi duke shuar thashethemet për dorëheqjen e tij të mundshme: “Ju falënderoj të gjithëve shumë që jeni këtu. Më vjen keq t’ju them se nuk do të jap dorëheqjen. I kam kërkuar komisionit zgjedhor të fillojë procesin e mbajtjes së zgjedhjeve të bordit, në të cilat ne do të prezantohemi si Bordi aktual i Drejtorëve.”

Presidenti i Los Blancos foli për një situatë absurde të krijuar kundër Real Madridit: “Një situatë absurde është krijuar kundër Real Madridit dhe kundër meje. Ne nuk fitojmë gjithmonë, por nuk do ta pranojmë. Ata po përfitojnë nga kjo situatë për të më sulmuar. Ku është Florentino? Nuk po flas. Disa thonë se jam i sëmurë, se kam kancer. Do të doja të shfrytëzoja këtë mundësi për të falënderuar njerëzit që kujdesen për mua.

Unë vazhdoj të kryesoj klubin dhe kompaninë time, e cila ka një xhiro prej 50 miliardë eurosh në vit. Shëndeti im është perfekt. Nëse do të më thoshin se kam kancer, do të duhej të shkoja në një qendër onkologjike. Do të kishte qenë në çdo gazetë në botë. Nuk është e vërtetë dhe ky thashethem është ekzagjeruar.”

Perez njofton se do të kandidojë përsëri dhe se kushdo është i mirëpritur ta bëjë këtë, duke i kërkuar gjithashtu shtypit të mos përhapë thashetheme të caktuara rreth lodhjes së tij të supozuar: “Unë jam i pari që dua të fitoj gjithçka. Me mua si president, kemi fituar 37 tituj në futboll dhe 29 në basketboll. Dua t’u drejtohem të gjithë atyre që po bëjnë fushatë prapa skenave. I ftoj këdo që dëshiron të kandidojë.

Do të kandidoj për të mbrojtur interesat e aksionarëve të Real Madridit. Nuk do të frikësohem. Ata më japin shumë energji. Ka sektorë që duan të sundojnë Real Madridin, por nuk kanë pasur sukses. Gazetarët ose kolegët e tyre nuk e sundojnë Madridin. Njerëzit nuk i besojnë ata, ata më besojnë mua.”

The post Perez: Nuk e jap dorëheqjen, kemi fituar 37 tituj në futboll dhe 29 në basketboll gjatë presidencës sime appeared first on Albeu.com.

Por veprimi i madrilenëve ishte për tu vlerësuar dhe padyshim që i habiti tifozët katalanas. Kapiteni Vinicius bashkë me shokët e skuadrës shkuan të ngushëllonin trajnerin Hansi Flik për humbjen e babait të tij si dhe takuan lojtarët e Barçës duke i uruar për titullin dhe sezonin fantastik.

PANORAMASPORT.AL

The post VIDEO/ Barcelona kampione, lojtarët e Realit i habisin të gjithë me veprimet e tyre! Çfarë ndodhi pas fishkëllimës së fundit appeared first on Albeu.com.

Ishte një ndeshje e dominuar nga fillimi deri në fund nga skuadra e Hansi Flick, që shënoi që në minutën e 9-të me një goditje dënimi të ekzekutuar në mënyrë spektakolare nga Rashford. (GOLI I PARE – VIDEO)

Vetëm nëntë minuta më vonë ishte Ferran Torres, i cili i asistuar plot klas nga Dani Olmo, mundi të shënonte për 2-0, duke e çuar ndeshjen sipas planeve të trajnerit gjerman. (GOLI I DYTE – VIDEO)

Në minutat në vijim katalanasit u treguan të kujdesshëm, duke e qarkulluar topin më së shumti në zona të sigurta dhe neutralizuar në këtë mënyrë yjet e Real Madrid.

Skuadra e Arbeloas u duk shumë e kontraktuar dhe e pafuqishme në këtë ndeshje, duke krijuar shumë pak mundësi për të merituar më shumë.

Me këtë fitore, Barcelona kurorëzon një rrugëtim perfekt në La Liga, duke triumfuar pas plot peripecish. Ky është edhe trofeu i vetëm sezonal që i kishte mbetur katalanasve për të fituar.

Nga ana tjetër, Real Madridi përmbyll një nga sezonet më katastrofike të viteve të fundit, duke mos fituar asnjë trofe, me dëmtime, më sherre në ekip dhe me ndërrime të çuditshme trajnerësh.

Barcelona: J.Garcia, E.Garcia, Cubarsi, Martin, Cancelo, Gavi, Pedri, Lopez, Olmo, Rashford, Torres; Trajner: Hansi Flick;

Real Madrid: Courtois, Garcia, Huijsen, Rudiger, Alexander-Arnold, Bellingham, Camavinga, Tchouameni, Diaz, Vinicius, G.Garcia; Trajner: Alvaro Arbeloa;

Goli i Ferran Torres pas asistit me thembër të Dani Olmo (VIDEO)

Goli i Rashford me goditje dënimi (VIDEO)

The post VIDEO/ Barcelona kampione e Spanjës, “gjunjëzojnë” Real Madridin dhe festojnë titullin në sytë e rivalëve appeared first on Albeu.com.

“Nuk ndihem aspak mirë kur shikoj që dalin në publik detaje nga dhomat e zhveshjes. Ai që spiunon mendoj se po tradhëton Real-in”, tha trajneri, i cili ditën e djeshme ka mësuar se nuk do të jetë më në stolin e ekipit vitin që vjen.

Disa gazetarë në sallën e konferencës për shtyp kanë pyetur Arbeloa-n se kush mund të ishte personi që nxjerr në publik detaje nga ajo çfarë ndodh në Valdebebas. “Nuk e di, unë nuk punoj në CIA. Nuk dua të drejtoj gishtin tek asnjë lojtarë”, ishte përgjigja e Arbeloa-s.

The post Arbeloa: Jam i trishtuar, “spiuni” i dhomave të zhveshjes po tradhëton Real-in, nuk e di kush është se s’punoj në CIA! appeared first on Albeu.com.

Nëse të gjithë u morën me gjykimin nga lojtarët, Perez nuk bëri të njëjtën gjë. Pasi la të lirë Arda Gylerin te largohej, presidenti i Realit raportohet të ketë thënë:

“E vlerësoj përpjekjen tuaj sot, por sezoni ka qenë një zhgënjim i vërtetë për të gjithë. I dini detyrat që keni si lojtarë të Real Madridit. Një sezon pa trofe është dështim sepse ne jemi Real Madrid, por dy sezone pa fituar trofe është e papranueshme.

Të luash për Realin ëstë një privilegj me shumë detyrime. Shumë prej jush nuk i kanë përmbushur. Të paktën përfundojeni kampionatin me dinjitet”, është shprehur Perez.

The post Presidenti Perez shpërthen në dhomën e zhveshjes, shpëton vetëm njëri te Reali: E papranueshme, shumë prej jush… appeared first on Albeu.com.

“Nëse duhet që të evidentojmë një fajtor atëherë mund të drejtojmë gishtin nga Camavinga. Ndërhyrja e tij ishte katastrofike. Në atë pikë të ndeshjes kartoni i kuq ishte shumë i ashpër, por arbitri iu përmbajt rregullave. Real-i gjithmonë fshihet pas arbitrave. Nuk mendoj se i gjithë faji është i Mbappé-së edhe pse në momentin që ai mbërriti në Spanjë në dhomat e zhveshjes së Real-it shikoj probleme të mëdha egoje mes lojtarëve”, tha Emmanuel Petit.

Një tjetër ish-mesfushor i faturon Vinicius Junior humbjen e Real-it në Mynih. “Të gjithë e dimë se çfarë është i aftë ai që të bëjë kur është në ditë të mirë. Me driblimet e tij kthehet në një makth për mbrojtësit kundërshtarë. Në Mynih humbi shumë lehtë kontrollin e topit, hynte në driblime edhe kur nuk ishin të nevojshme. Mënyra se si u soll me Bellingham kur e ftoi që të mbyllte gojën përmbledh mbrëmjen e tij. Ishte i frustruar dhe vihej re qartë se Vini i vjetër, i cili ndryshonte i vetëm ndeshjet, atë natë kur Real-it i nevojitej më shumë nuk u shfaq. Më vjen keq që po e them por tani është hija e lojtarit, i cili terrorizonte Europën. Talenti është aty, por nuk kishte impakt. Nuk ekzistonte. Nëse ai nuk gjen përsëri shkëndijën e humbur mund të flasim për një nisje në ulje të karrierës së tij”, tha Roy Keane.

The post Ish-futbollistë bëjnë bilancin e ndeshjes Bayern-Real: “Ego e lojtarëve dhe naiviteti i Camavinga-s i kushtuan spanjollëve” appeared first on Albeu.com.

Çdo gjë po shkonte sipas llogarive te madrilenët, derisa Kamavinga u ndëshkua me karton të kuq. Ky i fundit nuk u fal nga slloveni Slavko Vinçiç. Më pas erdhën edhe dy golat e Bajernit.

Vërshëllima përfundimtare e gjyqtarit të FIFA-s, solli edhe revoltën e lojtarëve të Realit ndaj tij. Vinicius, Bellingham dhe Gyler ishin protagonistë kryesorë, ndërsa ky i fundit u ndëshkua edhe me karton të kuq. Gyler rrezikoi shumë me sulmin ndaj gjyqtarit slloven, teksa tashmë rrezikon edhe dënimin.

Bajerni do të përballet në gjysëmfinale me PSG-në. Reali rrezikon të mbyllë një tjetër sezon pa trofe.

Episodet pas vërshëllimës përfundimtare: (VIDEO)

The post VIDEO/ Plas keq pas vërshëllimës përfundimtare, ylli i mbrëmjes te Reali sulmon gjyqtarin e FIFA-s appeared first on Albeu.com.

Pas kishin humbur ndeshjen e parë 1 me 2, madrilenët e drejtuar nga Arbeloa dhuruan spektakël në pjesën e parë të takimit në transfertë. Dopieta e Gyler dhe goli i Mbape dhanë iluzionet e një kualifikimi, ndërsa te vendësit kishin shënuar Pavloviç dhe Kejn.

Fati i këtij çifti në Champions u vendos në minutat e fundit. Kamavinga i aktivizuar nga stoli la me 10 lojtarë ekipin pas dy kartonëve të verdhë, ndërsa më pas erdhi edhe përmbysja e rezultatit nga ekipi i Kompani.

Për të dërguar topin në rrjetë menduan Luis Diaz dhe Olise. Supergolat e kësaj sfide do të mbahen mend gjatë, ndërsa Bajerni do mendojë për gjysmëfinalen me PSG-në.

The post Ndeshje e çmendur me 7 gola, Bayern eliminon Realin e Madridit appeared first on Albeu.com.

“Marca” – “Mbappé i jep Realit një shkëndijë shprese kundër një skuadre të klasit të parë. Një mrekulli është e nevojshme në Mynih. Real Madridi e ka bërë më parë. Dhe këtu po flasim për Evropën. Çdo gjë është e mundur”.

“AS”- “Fund shpresëdhënës për një ditë të keqe. Për një orë, Real Madridi ishte i pafuqishëm në mëshirën e ekipit të jashtëzakonshëm bavarez, por luftoi në fund, pothuajse arriti një barazim dhe mbetet në garë përpara ndeshjes së kthimit në Mynih. Neuer bëri një performancë heroike”.

“The Guardian” – “Një tjetër natë e egër në ‘Santiago Bernabéu’ dukej e destinuar për një tjetër përfundim të pabesueshëm, një nga ato rikthime të çmendura, por në fund, Bayern-i qëndroi i fortë, duke përgatitur skenën për një ndeshje të dytë vërtet të veçantë. Një gol nga Kylian Mbappé mban në jetë spanjollët, një shkëndijë që bëri që barazimi të dukej i arritshëm. Por ishte portieri 40-vjeçar i Bayern-it, Manuel Neuer, i cili mbajti Madridin në distancë”.

“The Athletic” – “Vincent Kompany dhe lojtarët e tij u larguan nga fusha e Bernabéut me një humor festiv. Fakti që ata duhet të jenë ndjerë disi të frustruar në fund, duke u kthyer te Mynih me vetëm një gol epërsi, flet shumë për sa mirë luajtën. Madridit iu desh të duronte disa momente të hidhura. Ata do të duhet të përgatiten për më shumë në ndeshjen e kthimit të javës së ardhshme”. “Gazzetta dello Sport” – “Bayern fiton raundin e parë, por Mbappé i mban gjithça të hapura. Bayern dominoi për periudha të gjata në Bernabéu, duke e bërë Real Madridin të vuante dhe duke luajtur futboll qiellor. Por arritën vetëm një fitore 2-1. Vendasit shikojnë gotën gjysmë plot, ndërsa miqtë gjysmë të zbrazët”.

The post Reagimet e shtypit për ndeshjen në “Bernabeu”: “Bayern mbajti në jetë Real-in, Neuer heroik!” appeared first on Albeu.com.

Ky është një lajm i jashtëzakonshëm për Alvaro Arbeloan, i cili mezi ka pritur kthimin e dy lojtarëve kyç për ekipin e tij, duke i dhënë një shtysë më shumë ekipit në ndeshjen e kthimit të raundit të 16-shes së Ligës së Kampionëve.

Mbape ka humbur pesë ndeshjet e fundit për shkak të një problemi me gjurin dhe sipas “MARCA”, qëllimi i madrilenëve është fillimi i aktivizimit të tij gradualisht.

Prandaj, siç ishte parashikuar më parë, Mbape ka pak shanse që ta nisë si titullar ndeshjen. Çudia e madhe është Bellingam, i cili ka qenë prej kohësh jashtë fushave të lojës dhe qartësisht nuk ka minuta në këmbë.

Arbeloa ka grumbulluar shumë të rinj nga akademia, ndërsa jashtë për dëmtim janë Militao, Asensio, Mendi, Rodrigo dhe Sebajos.

LISTA E SKUADRËS

Portierë: Kurtua, Lunin, Fran Gonzalez.

Mbrojtës: Karvahal, Alaba, Aleksander-Arnold, Karreras, Fran Garcia, Rydiger, Hausen, Diego Aguado,

Mario Rivas.

Mesfushorë: Bellingam, Kamavinga, Valverde, Tçuameni, Arda Gyler, Sestero, Manuel Angel, Palacios, Tiago Pitarç.

Sulmues: Vinicius, Mbape, Gonzalo, Brahim Díaz, Mastantuono.

The post Surprizë te Real Madrid, për ndeshjen e kthimit ndaj Mançester Sitit rishfaqet Mbape dhe… appeared first on Albeu.com.