reagon edi rama Archives - Albeu.com

Vrasja e rojës me breshëri kallashnikovi te Top Channel, vjen reagimi i parë i Ramës

E B — Mon, 27 Mar 2023 06:48:25 +0000

Kryeministri Edi Rama ka raguar në lidhje me sulmin me armë ndaj Top Channel, ku mbeti i vrarë roja i sigurisë Pal Kola.

Rama shkruan në Twitter se kërkon përgjigje të qartë nga agjencitë ligjzbatuese, ndërsa i shpreh ngushëllime familjes së viktimës.

“Agresioni kriminal ndaj TCH me pasojë edhe një humbje jete të personelit të sigurisë, kërkon përgjigje të qartë nga agjencitë ligjzbatuese!

Ngushëllime familjes së të ndjerit dhe krejt bashkësisë së TCH, e cila meriton solidaritetin e të gjithëve në këtë moment kaq shqetësues!”, shkruan Rama.

Kujtojmë se ngjarja e rëndë nodhi rreth orës 01:00.

Në rrethana ende të paqarta, persona ende të paidentifikuar qëlluan me armë zjarri në drejtim të ambienteve të Top Channel.

Për pasojë, nga të shtënat humbi jetën roja i sigurisë shtetasi Pal Kola, 60 vjeç (punonjës i një shoqërie për ruajtjen fizike të objekteve).

Policia ka njoftuar se është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.

Nërkohë, pas ngjarjes është gjetur një mjet i degur tip Range Rover me targa të vjedhura, në Golem, e cila dyshohet të jetë e autorëve pasi brenda saj janë gjetur dy kallashnikovë./albeu.com

The post Vrasja e rojës me breshëri kallashnikovi te Top Channel, vjen reagimi i parë i Ramës appeared first on Albeu.com.

Pedagogët paralajmërojnë grevë urie, reagon Rama: Shiksi i NonGratës paska marrë urdhër

E S — Tue, 01 Nov 2022 10:04:15 +0000

Kryeministri Edi Rama ka reaguar përmes një postimi në twitter lidhur me paralajmërimin e pedagogëve për të hyrë në grevë urie, nëse kërkesat e tyre nuk plotësohen.

“Shiksi i NonGratës paska marrë urdhër për t’i dhënë ultimatum qeverisë me grevë urie të pedagogëve!

Grevë urie për rritje rrogash bëjnë vetëm njerëz pa fe e pa atdhe, rublaxhinj pa din e pa iman, foltorexhinj e baltaxhinj që vetëm Shqipërisë e shqiptarëve nuk i shërbejnë!” shkruan Rama.

Shiksi i NonGratës paska marrë urdhër për t’i dhënë ultimatum qeverisë me grevë urie të pedagogëve! Grevë urie për rritje rrogash bëjnë vetëm njerëz pa fe e pa atdhe, rublaxhinj pa din e pa iman, foltorexhinj e baltaxhinj që vetëm Shqipërisë e shqiptarëve nuk i shërbejnë! pic.twitter.com/D5t9ggP444

— Edi Rama (@ediramaal) November 1, 2022

The post Pedagogët paralajmërojnë grevë urie, reagon Rama: Shiksi i NonGratës paska marrë urdhër appeared first on Albeu.com.

Shqipëria siguroi një tjetër medalje ari, reagon Rama: Fantastik Abakarov, ngriti flamurin kuqezi në Beograd

E S — Sat, 17 Sep 2022 17:49:29 +0000

Mundësi Zelinkhan Abakarov me nënshtetësi shqiptari i ka dhënë Shqipërisë një tjetër medalje ari, pasi është shpallur kampion bote në mundje në Beograd.

Abakarov mposhti amerikanin Gilman Thomas me rezultatin 7-2 në finale dhe nën tingujt e himnit kombëtar ngriti flamurin kuqezi në Beograd.

Postimi i Ramës:

? Zelimkhan Abakarov, mundësi fantastik me nënshtetësi shqiptare, shpallet kampion bote dhe nën tingujt e himnit tonë kombëtar ngre flamurin kuqezi në Beograd???/albeu.com

The post Shqipëria siguroi një tjetër medalje ari, reagon Rama: Fantastik Abakarov, ngriti flamurin kuqezi në Beograd appeared first on Albeu.com.

Caktohet çmimi, sa do të kushtojnë nafta, benzina dhe gazi deri në 15 mars

admin — Sat, 12 Mar 2022 12:27:20 +0000

Bordi i Menaxhimit ka vendosur sot që çmimi i naftës dhe benzinës të jetë 217 lekë/ litri deri në 15 mars, ndërsa gazi 93 lekë/ litri.

Ky është një çmim relativisht më i ulët krahasuaar me atë të disa ditëve më parë, megjithatë duket të jetë larg atij nën 200 lekë që ishte para rritjes së madhe që pësoi para një jave.

Shpjegimi i importuesve ka qenë se çmimi u rit për shkak të shtrenjtimit në bursë duke bërë që edhe në Shqipëri një litër naftë të kërcente në pak ditë nga 195 lekë/ litri në 265 lekë/ litri.

Aktualisht, çmi i karburateve në bursë është mesatarisht 110 dollar një barrelë, ngjashëm me çmimin kur karburantet këtu ishin 190-195 lekë/ litri. Prandaj, nevojitet që çmimi të ulet edhe më tej, të paktën për të kapur të njëjtat nivele me një javë më parë.

Reagimi i kryeministri Rama në Facebook

Në mbledhjen e tij të datës 12 Mars 2022 Këshilli i Ministrave, miratoi Aktin Normativ

“PËR DISA SHTESA DHE NDRYSHIME NË LIGJIN 8450, DATË 24.2.1999 “PËR PËRPUNIMIN, TRANSPORTIMIN DHE TREGTIMIN E NAFTËS TË GAZIT DHE NËNPRODUKTEVE TË TYRE”.

Nëpërmjet këtij akti normativ normohen dhe monitorohen çmimet e shitjes së nënprodukteve të naftës për konsumatorët.

Në zbatim të këtij Akti Normativ u mblodh menjehere Bordi i Transparancës dhe kufizimit të përkohshëm të çmimeve të tregtimit me shumicë/pakicë të nënprodukteve të naftës dhe gazit.

Në mbledhjen e tij të parë, dhe bazuar në metodologjinë e ndërtimit të çmimeve sipas nenit 21/5 të Aktit Normativ vendosi:

1. Çmimi i shitjes me pakicë të nënproduktit gasoil i standardit SSH EN 590 për periudhën 12 Mars-15 mars 2022, të jetë 217 lekë/litri.

2. Çmimi i shitjes me pakicë të nënproduktit benzinë e standardit SSH EN 228 për periudhën 12 Mars-15 mars 2022, të jetë 217 lekë/litri.

3. Çmimi i shitjes me pakice të nënproduktit gaz për periudhën 12 Mars-15 mars 2022, të jetë 93 lekë/litri.

Bordi i Transparancës do mblidhet përsëri ditën e martë, datë 15.03.2022 me qëllim pasqyrimin në çmimin e shitjes me pakicë të këtyre nënprodukteve, të ndryshimeve të mundshme të çmimeve në tregjet ndërkombëtare.

Çdo operator i shitjes me shumicë dhe pakicë të nënprodukteve të naftës, është i detytuar të zbatojë Vendimin e Bordit të Transparencës në lidhje më çmimet e shitjes me shumicë dhe pakicë.

Organet ligjzbatuese do kontrollojnë zbatimin e vendimeve të Bordit të Transparencës çdo ditë.

Në rast të shkeljeve të konstatuara nga operatorë të ndryshëm, do të zbatohen penalitetet e përcaktuara në Aktin Nortmativ./ h.ll/albeu.com

The post Caktohet çmimi, sa do të kushtojnë nafta, benzina dhe gazi deri në 15 mars appeared first on Albeu.com.