Së fundmi, ajo ka bërë një veprim të papritur, duke ekspozuar publikisht një nga ndjekëset e saj që i dërgonte mesazhe ofenduese në privat.

Nëpërmjet një postimi në llogarinë e saj në Instagram, Kiara ka ndarë bisedat ku ndjekësja e ofendonte në përgjigje të videove të ndryshme. Në një rast, pasi moderatorja kishte shpërndarë një thirrje për ndihmë për një person në nevojë, komentuesja e ka sulmuar duke i thënë se i ka hyrë vetja në qejf.

Ndërsa në një tjetër postim ku Kiara tregonte se kishte marrë ndihmë për pastrimin e shtëpisë, e njëjta ndjekëse e ka ofenduar me fjalë banale, duke e quajtur baxhellë dhe duke e akuzuar se thjesht përton.

E lodhur nga ky negativitet i pajustifikuar, Kiara ka publikuar jo vetëm mesazhet, por edhe emrin e llogarisë dhe foton e kësaj zonje, duke i bashkangjitur një mesazh të qartë për fenomenin e bullizmit kibernetik.

“Sa bukur flet zonja e nderuar, pasi futet për të sharë njerëz që as nuk i njeh. Dhe pastaj kujtojmë pse është bërë kaq toksik rrjeti…“, ka shkruar Kiara krahas pamjeve të publikuara.

Ky veprim i moderatores tregon një revoltë të hapur kundër fenomenit shqetësues të gjuhës toksike në rrjet, duke treguar se personazhet publikë shpesh përballen me sulme të rënda pa asnjë shkak nga njerëz tërësisht të panjohur.

The post Kiara Tito revoltohet me ndjekësit si asnjëherë më parë/ Publikon identitetin e tyre dhe reagon kështu appeared first on Albeu.com.

Në një deklaratë për Top Channel, ata u kanë kërkuar falje familjarëve të dy viktimave dhe opinionit publik për dhimbjen që ka shkaktuar i afërmi i tyre, ndërsa shprehen se janë të shokuar nga aksidenti tragjik që u mori jetën dy fëmijëve.

Familjarët e 57-vjeçarit theksojnë gjithashtu se po përballen edhe vetë me pasoja të rënda, ndërkohë që bëjnë thirrje që ai të marrë dënimin e merituar. Po ashtu, ata bëjnë me dije se janë larguar nga banesa e tyre për arsye sigurie, pasi jeta e tyre nuk është më e sigurt.

“Mesazhi ynë për ta është: Nga zemra kërkojmë falje. E dimë që asnjë fjalë nuk mund ta zbusë dhimbjen që po kalojnë, por ne ndajmë me ta këtë dhimbje. Jemi njerëz dhe, mbi të gjitha, jemi fëmijë… dhe e kuptojmë sa e rëndë është kjo humbje”, theksojnë ata, duke i kërkuar falje familjarëve të viktimave.

Gjithashtu, ata pranojnë se Nikoll Radaçi është një person i alkoolizuar, duke shtuar se e kanë paralajmëruar të tregohej i kujdesshëm, por nuk mund t’i rrinin gjatë gjithë kohës pas.

Deklarata e plotë e familjarëve të Nikoll Radaçit:

Në radhë të parë, duam t’u japim ngushëllime familjeve të viktimave. Në emrin tim dhe të familjes sime, dua të kërkoj falje publike për tragjedinë e rëndë që ka ndodhur. Aksidenti i shkaktuar nga babai ynë ka marrë jetën e dy fëmijëve të pafajshëm dhe nuk ka fjalë që mund ta përshkruajnë dhimbjen që kjo ngjarje ka shkaktuar te familjet e tyre dhe te të gjithë ne si shoqëri.

Ngjarjen e morëm vesh nga media. U shokuam, sepse bëhej fjalë për jetë njerëzish dhe, mbi të gjitha, për fëmijë të mitur.

I kemi ndjekur detajet dhe prononcimet në media. Ato janë diçka për të cilat çdo njeri ka mendim të ndryshëm. I kuptojmë njerëzit që janë kaq të irrituar, por kjo po ndikon shumë keq edhe te ne si fëmijë, sepse ishte një gabim individual dhe mediat, duke folur më shumë, po na godasin edhe ne si fëmijë.

Ne nuk po mbrojmë aktin, babai ynë do të marrë dënimin e merituar për këtë gabim që ka bërë. Ju lutem na kuptoni, jemi të shkatërruar.

Me babin nuk kemi pasur kontakt tani që është arrestuar.

Po, është e vërtetë që jemi larguar nga shtëpia për arsye sigurie, sepse është një rast i rëndë dhe nuk ishte e sigurt jeta jonë që pas asaj tragjedie që ndodhi, ne të rrinim aty, pasi i kemi shumë afër njerëzit e viktimave.

Mesazhi ynë për ta është: Nga zemra kërkojmë falje. E dimë që asnjë fjalë nuk mund ta zbusë dhimbjen që po kalojnë, por ne ndajmë me ta këtë dhimbje. Jemi njerëz dhe, mbi të gjitha, jemi fëmijë… dhe e kuptojmë sa e rëndë është kjo humbje.

Po, ka pasur raste që ai konsumonte alkool.

Për sa i përket pjesës së shpejtësisë, e kemi marrë si informacion nga policia që i është hequr patenta, por dua të shtoj edhe diçka që është folur shumë: pse ne nuk e kemi ndaluar. Ne i kemi thënë që të ketë kujdes kur të jetë me makinë. Nuk mund të na fajësoni ne si fëmijë, pasi edhe ne punojmë dhe nuk mund të jemi gjatë gjithë kohës në prani të babit për të parë nëse është i alkoolizuar. Në shumë raste jemi munduar t’ia shpjegojmë dhe ta ndalojmë, por nuk mund të ndalojmë dot veprimet e tij, pasi nuk jemi gjithmonë të pranishëm

The post “Jemi të shkatërruar”, familjarët e Nikoll Radaçit reagojnë sërish, pranojnë se 57-vjeçari është i alkoolizuar: Jeta jonë nuk është më e sigurt! Babai të marrë dënimin e merituar appeared first on Albeu.com.

Në Instagramin e tij Mateo ka hedhur një video ku ka falënderuar të gjithë personat që e kanë mbështetur atë gjatë rrugëtimit të tij në shtëpinë më të famshme në Shqipëri.

Gjithashtu finalisti është shprehur që nuk ka qenë aktiv pas daljes nga “Big Brother VIP 5” pasi kishte pasur disa probleme me telefonin dhe më pas ka preferuar që ta kalonte kohë me familjen e tij.

“E di që të gjithë po mendonit pse Mateo nuk ka hedhur një post, një story e asnjë gjë publikisht, por që në momentin e parë që kam dalë kam pasur probleme me telefonin, më pas kam preferuar të shpenzoj pak kohë me familjen dhe mund të them që nuk kam parë as 5% të gjithë asaj që keni bërë për mua, ndërkohë që unë kam qenë aty brenda”.

“Fillimisht doja t’ju falënderoja përzemërsisht të gjithëve pa fund për të gjithë mbështetjen që më keni dhënë, për çdo votë, për çdo koment, çdo fjalë të mirë, çdo letër, çdo parashutë, çdo dron, ju jam pa fund mirënjohës të gjithëve”.

Momentin që isha aty brenda nuk e dija se çfarë bëhej jashtë, edhe unë në atë pikë që arrita e kisha dëshirën për ta fituar çmimin e madh, por kur dola dhe pashë të gjithë mbështetjen e publikut, të gjithë dashurinë e publikut”.

“Dhe një herë doja t’i falënderoja publikun e Shqipërisë, Kosovës, Maqedonisë, Malit të Zi, Çamërisë, diasporën, Amerikën, Kanadanë, Australinë, Europën, shqiptarët në të gjithë botën, ju falënderoj përzemërsisht. Ju dua shumë edhe do jemi bashkë shumë shpejt”, është shprehur Mateo.

The post Mateo reagon për në rrjete sociale pas përfundimit të “BB VIP 5”: Nuk e dija se çfarë bëhej jashtë! appeared first on Albeu.com.

Duke iu referuar operacionit të djeshmë të SPaK, i cili goditi një grup kriminal të trafikut të kokainës dhe sekestroi 12 milionë euro pasuri, nuk është rasti i izoluar. Sipas tij ky është modeli mbi të cilin Edi Rama ka ndërtuar dhe mban pushtetin.

Bardhi tha se me Edi Ramën në krye të qeverisë, paratë e pista nuk fshihen, ato legalizohen edhe që t’i shërbejnë atij për të qëndruar në pushtet, përmes blerjes, shantazhimit dhe frikësimit të votuesve.

Reagimi i plotë i Gazment Bardhit:

‘KRIMI, KRIMI-DROGA DROGA’

7.5 ton kokainë e trafikuar.

50 tendera publikë nga pushteti i Edi Ramës.

Mbi 69 milionë euro kontrata.

232 pasuri (rreth 12 milionë euro) të sekuestruara nga SPAK. Kjo është një skedë e shkurtër e aktivitetit kriminal dhe ekonomik të vetëm një karteli shqiptar që përdorte shtetin për të pastruar paratë e drogës.

Si Jetmir Pepa në Shqipëri ka shumë grupe kriminale që trafikojnë kokainë dhe që pushteti i pajis me leje ndërtimi apo me statusin e investitorit strategjik. Ky rast i fundit i çuar para drejtësisë nuk është i izoluar. Ky është modeli mbi të cilin Edi Rama ka ndërtuar dhe mban pushtetin.

Kjo është arsyeja pse Edi Rama refuzon të vijë në parlament dhe të përgjigjet për ndikimin e krimit të organizuar në ndërtim, për pastrimin e parave përmes lejeve të ndërtimit.

Me Edi Ramën në krye të qeverisë, paratë e pista nuk fshihen, ato legalizohen edhe që t’i shërbejnë atij për të qëndruar në pushtet, përmes blerjes, shantazhimit dhe frikësimit të votuesve.

Riciklimi i parave të pista në ndërtim, në projekte dhe kontrata shtetërore është arsyeja pse Edi Rama i fshihet debatit për raportin e fundit të Departamentit të Shtetit për Shqipërinë.

Raporti thotë e zeza mbi të bardhë: ndërtimi është një nga kanalet kryesore të pastrimit të parave në Shqipëri. Edi Rama mund të fshihet sot, mund të heshtë sërish nesër, por dita kur do të përgjigjet pse e bëri shtetin njësh me krimin është e pashmangshme.

The post “Me Ramën në krye të qeverisë, paratë e pista nuk fshihen, por legalizohen” Bardhi: Rama mban pushtetin përmes krimit dhe drogës appeared first on Albeu.com.

Burgjet bëjnë me dije se kanë pezulluar Hasën nga nga detyra, deri në zbardhjen e plotë të ngjarjes nga organet kompetente.

Po ashtu Burgjet nënvizojnë se distancohen nga çdo veprim që bie ndesh me ligjin dhe thekson se mbështet plotësisht hetimin e plotë dhe transparent të rastit.

Njoftimi i Drejtorisë së Burgjeve:

Drejtoria e Përgjithshme e Burgjeve është vënë në dijeni nga mediat lidhur me rastin e drejtorit të IEVP Rrogozhinë, Bilal Hasa.

Në vijim të informacionit të marrë, Drejtoria e Përgjithshme ka ndërmarrë masa administrative të menjëhershme për pezullimin e tij nga detyra, deri në zbardhjen e plotë të ngjarjes nga organet kompetente.

Gjithashtu, Drejtoria e Përgjithshme e Burgjeve distancohet nga çdo veprim që bie ndesh me ligjin dhe thekson se mbështet plotësisht hetimin e plotë dhe transparent të rastit.

The post Drejtorit të Rrogozhinës iu zbuluan tre mijë rrënjë kanabis në banesë, reagojnë Burgjet: E kemi pezulluar nga detyra appeared first on Albeu.com.

Braho është shprehur se Struktura e Posaçme vazhdon punën e saj për të goditur gjithashtu çdo funksionar publik që bashkëpunon apo lehtëson veprimtarin e krimit të organizuar.

“Ne do të vijojmë të godasim me forcën e ligjit krimin e organizuar, si dhe çdo funksionar publik që bashkëpunon apo lehtëson veprimtarin e krimit të organizuar”, shkruan Braho.

The post “Do vijojmë të godasim krimin e organizuar”/ Kreu i SPAK reagon lidhur me l*ftën kundër krimit të strukturuar appeared first on Albeu.com.

Gjesti falenderon të gjithë ndjekësit dhe jo vetëm, që i kanë qëndruar afër në periudhën më të vështirë të tij. Gjesti thekson se në Janar të vitit 2026 do t’i rikthehet muzikës, aty ku ai thotë se e ka vendin.

“Përshëndetje të gjithëve. Shpresoj të jeni mirë. Uë bë kohë që nuk jam parë. Ju falenderoj që më keni qëndruar afër mua dhe familjes time në këtë periudhë të vështirë.

Ka qenë e rëndësishme që këtë kohë të rrija larg rrjeteve sociale, të merresha me veten dhe familjen time. Ju kam pasur në mendje dhe zemër siç më keni pasur ju mua.

Ju uroj vitin e ri të gjithëve. Të keni shëndet, lumturi dhe familje, të tjerat bëhen. Dua t’iu tregoj se në vitin 2026, në Janar i kthehem muzikës, aty ku e kam vendin. Ju dua! Faleminderit shumë!”-shprehet Gjesti në videon e publikuar.

VIDEO

The post VIDEO/ Humbi tragjikisht të vëllain, Gjesti reagon për herë të parë appeared first on Albeu.com.

Në stërvitjen e sotme, futbollistët Idriz Batha dhe Cristian Nunez kanë debatuar me tone të ashpëra dhe më pas situata ka degraduar në konflikt fizik.

Nuk ka vonuar reagimi i Flamurtarit. Klubi vlonjat ka marrë vendimin ekstrem përmes njoftimit në rrjetet sociale, ndërprerjen e kontratës me Idriz Bathën, të cilit i ishte besuar edhe shirit i kapitenit. Ja njoftimi i plotë:

“Deklaratë zyrtare: Për shkak të ngjarjes së paprecedentë të ndodhur gjatë seancës stërvitore të datës 17.12.2025, Flamurtari Football Club ndërpret në mënyrë të menjëhershme bashkëpunimin me lojtarin Idriz Batha. Për Klubin tonë fanella, respekti dhe disiplina janë mbi të gjitha!”

The post ZYRTARE/ Përleshje fizike në stërvitje, klubi i Flamurtarit, përjashton përfundimisht kapitenin appeared first on Albeu.com.

Ata falenderuan miqtë, kolegët dhe publikun për ngushëllimet dhe mbështetjen që u dhanë gjatë kësaj periudhe të vështirë.

“Falë jush, kujtimi i Shpatit u nderua ashtu siç e meritonte, me dashuri dhe me mirënjohje”, shkruajnë ata, ndërsa shtojnë se ndarja e tij nga jeta është një humbje e madhe jo vetëm për familjen e këngëtarit, por për të gjithë komunitetin artistik shqipfolës dhe për të gjithë ata që e deshën artin dhe muzikën e tij.

“Ikja e tij në amshim është një humbje e madhe, jo vetëm për ne si familje, por për gjithë komunitetin artistik shqipfolës dhe për të gjithë ata që e deshën artin dhe muzikën e tij. Jeta është e tillë — jetojmë sot, por nesër mund të ikim — dhe pikërisht për këtë arsye, kujtimet e bukura mbeten pasuri e përjetshme”.

Kujtojmë se Shpat Kasapi, ndërroi jetë pas një sulmi në zemër, duke lënë pas familjen e tij, përfshirë djalin trevjeçar nga martesa e tij me Selvije Jaon.

Postimi i plotë i familjes Kasapi:

Të dashur familjar, miq, kolegë, dhe të gjithë ju, publik e dashamirë të muzikës së Shpatit

Në emër të familjes sonë, ju falënderojmë nga zemra secilin prej jush për mbështetjen, ngushëllimet dhe respektin që na keni dhënë në këto ditë të rënda. Falë jush, kujtimi i Shpatit u nderua ashtu siç e meritonte, me dashuri dhe me mirënjohje.

Ikja e tij në amshim është një humbje e madhe, jo vetëm për ne si familje, por për gjithë komunitetin artistik shqipfolës dhe për të gjithë ata që e deshën artin dhe muzikën e tij. Jeta është e tillë — jetojmë sot, por nesër mund të ikim — dhe pikërisht për këtë arsye, kujtimet e bukura mbeten pasuri e përjetshme.

Buzëqeshja dhe energjia e Shpatit do të mbeten gjithmonë dritë për ne. Ju falënderojmë pafund për praninë tuaj, për fjalët e ngrohta, për lutjet dhe për respektin që i kushtuat.

Me mirënjohje të thellë,

Familja Kasapi

 

View this post on Instagram

 

A post shared by SHPAT KASAPI OFFICIAL (@shpatkasapi85)

The post Ndarja nga jeta e Shpat Kasapit, familja e këngëtarit: Sot jetojmë, nesër mund të ikim, largimi e tij një humbje e madhe, e nderuat siç e meritonte appeared first on Albeu.com.

Në një mesazh të publikuar përmes avokatëve të tij, Veliaj shprehet se vendimi i Gjykatës Kushtetuese nuk ishte për një individ, por për qytetarët e Tiranës dhe për parimet e shtetit të së drejtës.

Ai shtoi se ky vendim përfaqëson një mesazh më të gjerë për respektimin e demokracisë dhe të ligjit në vend.

Veliaj falënderoi qytetarët e Tiranës për mbështetjen dhe durimin e treguar gjatë kësaj periudhe.

The post Kushtetuesja e ktheu në detyrë, Erion Veliaj reagon për herë të parë: Drejtësia foli! U rivendos dinjiteti i ligjit dhe besimi se shteti ka ende busull appeared first on Albeu.com.