Studio Ligjore “Cakrani” njoftoi zyrtarisht ndërprerjen e marrëdhënies profesionale me kreun e Partisë së Lirisë, duke argumentuar se vendimi erdhi si pasojë e humbjes së mirëbesimit reciprok dhe mungesës së bashkëpunimit mes palëve.

Lidhur me këtë vendim, ish-avokati i Ilir Metës ka folur në një intervistë për Top Channel, ku është pyetur nga gazetarja Anila Hoxha nëse deklarata e tij pas një prej seancave gjyqësore, ku mohoi ekzistencën e një komploti ndaj Metës, ishte momenti që solli përçarjen përfundimtare mes tyre.

Cakrani sqaroi se qëndrimet e tij kanë qenë gjithmonë të bazuara mbi provat dhe faktet që ndodhen në dosjen hetimore, e jo mbi perceptime apo emocione.

“Duhet të kuptojmë diçka, unë nuk flas në bazë të emocioneve unë flas në bazë të provave dhe fakteve që ndodhen në dosje. Edhe pse duke njohur mirë me detaje dosjen unë nuk mund të flas për komplote që nuk ekzistojnë. Nuk ka komplote, nuk ka dëshmi, nuk ka fakte, nuk ka asgjë dhe unë nuk besoj që nga pamja procedural nuk ka asnjë komplot ndaj ish-presidentit”, tha avokati, teksa më tej shtoi se mund të ketë pasur zhvillime dhe komploto para arrestimit të Metës, por jo elementë proceduralë që mbështesin pretendimet për një komplot në procesin penal.

“Nuk e di, ka komplote të tjera, ka komplote politike, në menaxhimin e asaj situate para arrestimit e kështu me radhë. Nuk ka asnjë komplot ndaj tij nga pikëpamja procedurale, apo nga pikëpamja e dëshmitarëve apo provave që janë aty”, tha ai ndër të tjera.

The post Ishte gati të shkrinte gjithë pasurinë e tij që Meta të dilte nga burgu, Kujtim Cakrani flet për përçarjen e tij me ish-presidentin! A ishte komploti arsyeja? appeared first on Albeu.com.

Në një postim publik, ajo rikujtoi se që në janar kishte kërkuar dorëheqjen e kryetarit të partisë, ndërsa vetë kishte ofruar dorëheqje të parevokueshme nga posti i nënkryetares, me arsyetimin se përgjegjësia politike nuk mund të zbatohet në mënyrë selektive.

“Parimi që kush humb merr përgjegjësinë dhe lëshon rrugë duhet të zbatohet pa përjashtim”, ka shkruar Bajrami.

Në postimin e saj, ajo është shprehur se zgjedhjet e brendshme mbeten zgjidhja dhe se duhet vepruar me dinjitet, pasi pozitat nuk janë të përhershme.

Bajrami ka theksuar se qëndrimin e njëjtë e kishte bërë publik edhe në janar, kur kishte vlerësuar se pas një rezultati të rëndë zgjedhor, në LDK duhej të kishte reflektim, përgjegjësi dhe procese të brendshme zgjedhore.

Ajo ka nënvizuar se në atë kohë kërkoi dorëheqjen e kryetarit dhe u largua në mënyrë të parevokueshme nga pozita e nënkryetares, pasi, sipas saj, standardet duhet të jenë të barabarta për të gjithë.

Më tej, Bajrami ka kujtuar se LDK-ja zhvilloi Kuvendin e partisë, ku kryetari e hodhi mandatin e tij në votim. Sipas saj, rreth 45% e delegatëve u shprehën pro dorëheqjes së tij, çka ajo e cilësoi si një sinjal të qartë se partia kishte nevojë për reflektim të thellë dhe ndryshime të domosdoshme.

Megjithatë, ajo ka theksuar se kryetari vendosi të vazhdojë, madje duke marrë kompetenca të zgjeruara nga i njëjti Kuvend.

Sipas Bajramit, pas një tjetër rezultati zgjedhor që e renditi sërish LDK-në në vendin e tretë, si dhe pas kërkesave publike të disa degëve për përgjegjësi politike, është bërë edhe më e dukshme se çështjet e identifikuara në janar nuk janë trajtuar kurrë.

Ajo ka bërë të ditur se qëndrimi i saj mbetet i pandryshuar.

Në fund, Bajrami është shprehur se LDK-ja ka nevojë për reflektim të sinqertë, përgjegjësi politike dhe nisjen e një kapitulli të ri që do të rikthente besimin e anëtarësisë dhe të qytetarëve, duke theksuar se LDK-ja është shumë më e madhe se secili prej tyre.

The post Hykmete Bajrami kërkon reflektim dhe zgjedhje të brendshme në LDK: Pozitat nuk zgjasin përgjithmonë appeared first on Albeu.com.

Futbollisti 23-vjeçar, i cili aktivizohet te Martina në Serie D italiane, nuk ka mundësi të luajë në nivelet më të larta të futbollit profesionist në Itali për shkak të pasaportës shqiptare. Kjo situatë e ka revoltuar mesfushorin, i cili ka zgjedhur ta shprehë pakënaqësinë përmes një postimi në rrjetet sociale.

“Prej vitesh punoj, stërvitem dhe bëj sakrifica që të ndjek ëndrrën që të bëhem një futbollist profesionist. E kam treguar vlerën time në fushë, duke luajtur dhe duke dhënë gjithçka nga vetja ime çdo ditë.

E megjithatë, sot, pengesa ime më e madhe nuk është një kundërshtar, nuk është një dëmtim dhe nuk është mungesa e impenjimit. Pengesa ime është kombësia.

Të di që rrugëtimi im mund të kufizohet jo për atë që bëj në fushë por për çështje burokratike, është diçka që të dhemb. Do të vazhdoj të luftoj për ëndrrën time”, shkruhej në mesazhin e Zenelajt.

The post Endri Zenelaj shpërthen në Itali: “Pengesën më të madhe ma sjell kombësia”, pasaporta shqiptare i bllokon rrugën appeared first on Albeu.com.

Në postimin e tij, kreu i qeverisë u ndal te një prej mesazheve të shumta që, sipas tij, i kanë ardhur gjatë këtyre ditëve.

Mirëmëngjes dhe me një nga mesazhet e shumta të këtyre ditëve të habitshme në të keq e në të mirë, të cilin dikush bujarisht e ka postuar e një tjetër miqësisht ma ka dërguar, ju uroj një ditë të mbarë!

***

Ja profili i të panjohurit bujar që më çoi miku me statusin e postimit të videos????

@mr.elprofe

Provova t’i vesh për pak çaste këpucët e kryeministrit.

Jo për t’i bërë lajka.

Jo për të bindur askënd.

Thjesht për të parë si do ta shihja unë botën në vendin e tij.

Jam rritur në një Shqipëri ku nuk bëje dot 200 metra pa t’u grisur këpucët.

Do të ishim naivë po të thoshim se nuk janë bërë edhe gjëra të mira.

Kjo nuk do të thotë se çdo gjë është perfekte.

As që nuk janë bërë gabime.

Por për sqarim:

Unë nuk ha bukë nga shteti shqiptar që prej vitit 1997.

Nuk jam as i shitur.

As i blerë.

Dhe nuk mbështes verbërisht askënd.

Kjo këngë është thjesht një përpjekje për të parë anën tjetër të historisë.

Një kundërrrymë ndaj asaj që dëgjojmë çdo ditë.

E di që do shahem.

Por s’ka problem.

Sepse në fund të fundit:

I shari shan.

I mençuri mendon.

The post Rama reagon pas 24 ditësh protestë: Mesazhet që po më mbërrijnë në këto ditë të pazakonta, për mirë dhe për keq appeared first on Albeu.com.

Sipas tij, kjo është një kërkesë me karakter politik dhe pjesë e funksionimit demokratik brenda LDK-së.

Haziri u shpreh se kërkesa e ardhur nga këto degë, të udhëhequra nga Gazmen Muhaxheri dhe Imri Ahmeti, si edhe përgjigjja e Lumir Abdixhikut, do të shqyrtohen në organet e partisë.

Ai theksoi se një zhvillim i tillë nuk i ka befasuar, pasi, sipas tij, situata të tilla janë të zakonshme pas zgjedhjeve.

“Është kërkesë politike, reagimi i kryetarit është ky, ka fillu me falënderim dhe natyrisht e ka ndërtua përgjigjen e tij, të cilën do ta diskutojmë brenda strukturave. Ne kemi një qëllim të përbashkët, nuk bën me prek, qëllimin politik, pse LDK ekziston, garon, cili është misioni jonë , kjo është ajo që e kemi të përbashkët. Derisa LDK nuk kthehet parti e parë për shumë prej neve është e pa pranueshme, trendi është pozitiv. Kjo situatë nuk na ka zënë në befasi, situatat paszgjedhore, LDK është e hapur dallon prej partive tjera nuk i mban të mbyllura këto çështje edhe pse do duhej biseduar brenda”, ka thënë Haziri.

The post Haziri për kërkesën ndaj Abdixhikut: Nuk ishte e papritur, bëhet fjalë për një kërkesë politike appeared first on Albeu.com.

Në mesazhin e tij, ai ka vënë theksin te nevoja për “vullnet dhe durim”, ndërsa ka shprehur falënderim për kryetarët e degëve, nëndegëve dhe aktivistët e LDK-së për mbështetjen që i kanë dhënë sonte.

“Mesazhet e juaja mbështetëse, publike e private, janë më shumë se çfarë mund të kërkoj unë dhe LDK. Të gjithë ne, jemi veçse kalimtarë në një mision shumë më fisnik; por kur rrugën se bëjmë vet, ndihemi vërtetë më njerëzisht”, ka shkruar Abdixhiku.

Ai është shprehur se vështirësitë dhe ndjenja e padrejtësisë në politikë janë pjesë e rrugëtimit, duke theksuar se pikërisht këto çaste “e provojnë karakterin” si të individëve, ashtu edhe të vetë organizatës politike.

“Ju ftoj në durim”, ka shkruar Abdixhiku, teksa ka kërkuar që situata të mos kthehet në përçarje të brendshme, por të përballohet me qetësi dhe përgjegjësi politike.

Ky reagim vjen pas kërkesave nga disa struktura të LDK-së për përgjegjësi dhe ndryshime në lidership, në vijim të rezultateve të fundit zgjedhor.

The post Abdixhiku kërkon qetësi dhe durim përballë thirrjeve për largimin e tij appeared first on Albeu.com.

Ai ka kërkuar reagim nga qytetarët ndaj qeverisë, e cila sipas tij po e refuzon këtë projekt, transmeton lajmi.net.

Postimi i plotë:

Të dashur qytetarë dhe miq,

Çështja e projektit të gazit, sipas Hotit, është shumë më e gjerë dhe më serioze sesa po paraqitet aktualisht. Ai ka theksuar se kjo nuk lidhet vetëm me infrastrukturën apo energjinë, por përbën një provë të qartë të orientimit strategjik të Kosovës dhe të raportit me aleatin historik, Shtetet e Bashkuara të Amerikës.

Hoti është shprehur se, në një kohë kur qeveria po e kundërshton këtë projekt, heshtja nuk mund të jetë alternativë. Sipas tij, reagimi i qytetarëve është i nevojshëm për të dëshmuar se populli i Kosovës mbetet fuqishëm i rreshtuar përkrah aleancës me SHBA-në dhe vlerave euroatlantike.

Ai ka theksuar gjithashtu se Kosova nuk guxon të largohet nga rruga që e ka sjellë deri këtu, duke e cilësuar këtë si një moment për zërin e qytetarëve.

The post Hoti bën thirrje për reagim qytetar ndaj qeverisë për projektin e gazit amerikan: Kosova s’duhet të devijojë nga rruga që e solli deri këtu appeared first on Albeu.com.

Në një reagim të publikuar në Facebook, ai shprehu shqetësim për atë që e cilësoi si moszbatim të vendimeve të Gjykatës së Lartë, si edhe për ndërprerjen e punimeve përmes rojeve private dhe mjeteve të rënda. Pacolli ngriti pyetjen se si mundet që një kompani private të bllokojë aksesin në një aset strategjik kombëtar pa u përballur me pasoja ligjore.

Sipas tij, situata ka dalë tashmë përtej një mosmarrëveshjeje biznesi dhe përbën një test për vetë funksionimin e shtetit ligjor në Shqipëri. Ai u bëri thirrje institucioneve përgjegjëse të reagojnë, duke nënvizuar se ligjet dhe vendimet e gjykatave duhet të zbatohen nga shteti, e jo të sfidohen nga grupe private.

Reagimi në Facebook:

Grupet kriminale prapë kanë bllokuar aksesin në Aeroportin e Vlorës, ku Mabco ka investuar mbi 310 milionë euro!

A është KRIM bllokimi i një aktiviteti të ligjshëm me roje private, mjete të rënda dhe vetëgjyqësi?

Nëse po, pse nuk po vepron askush?

Nëse secili në këtë vend mund të marrë disa roje private, të bllokojë hyrje-daljet, të pengojë zbatimin e vendimeve gjyqësore dhe të imponojë vullnetin e tij me forcë, atëherë a jetojmë në Republikën e Shqipërisë apo në Republikën e Rojeve Private?

Çfarë roli kanë rojet private në këtë vend?

Si është e mundur që një kompani private të vendosë se kush hyn dhe kush nuk hyn në një kantier, pavarësisht vendimeve të Asamblesë së Ortakëve, pavarësisht vendimeve të Gjykatës së Lartë dhe pavarësisht kërkesave të institucioneve shtetërore?

Si është e mundur që një kompani sigurie private të bllokojë fizikisht hyrjen në një aset strategjik kombëtar dhe askush të mos mbajë përgjegjësi?

Nëse çdo kompani në Shqipëri mund të marrë disa roje private, të vendosë kamionë në hyrje dhe të shpallë veten mbi ligjin, atëherë:

• Për çfarë na duhen gjykatat?

• Për çfarë na duhen institucionet?

• Për çfarë na duhet shteti?

Sot nuk po diskutojmë më për një konflikt biznesi.

Sot po diskutojmë për ekzistencën e shtetit ligjor. Sot është vënë në pikëpyetje autoriteti i shtetit. Sot shtrohet pyetja themelore: a zbatohen vendimet e Gjykatës së Lartë në Republikën e Shqipërisë apo jo?

Sepse, nëse një vendim i formës së prerë i Gjykatës mund të bllokohet nga një grup njerëzish me kamionë dhe roje private, atëherë problemi nuk është më Aeroporti i Vlorës.

Problemi është vetë shteti ligjor.

Prej muajsh, Mabco po përballet me pengesa të vazhdueshme dhe të papranueshme. Prej javësh po shohim vandalizëm, bllokime, dëmtime të pronës dhe pengim të punimeve.

Sot po shohim moszbatim të hapur të ligjit para syve të të gjithëve, si dhe privim të së drejtës për veprim dhe lëvizje.

Ku janë institucionet që duhet t’u japin përgjigje qytetarëve?

Kjo nuk është më një çështje vetëm e Mabco-s apo e 2A-së.

Kjo është një çështje që prek çdo qytetar.

Kush i zbaton ligjet në këtë vend?

Ligjin për shoqëritë tregtare?

Vendimet e Gjykatës së Lartë?

Apo rojet private?

The post Pacolli ngre alarmin për Aeroportin e Vlorës: Mbi 310 milionë euro investim i bllokuar appeared first on Albeu.com.

Në një postim të publikuar në Facebook, Aliçkaj u shpreh se kundër gazit ekzistojnë shumë më tepër argumente sesa në favor të tij. Ai theksoi se në këtë debat nuk duhet të përdoren as dashuria për Amerikën dhe as akuzat për anti-amerikanizëm si bazë arsyetimi.

Sipas Aliçkajt, ky investim duhet të analizohet nga ekspertët e fushës, ndërsa vendimi përfundimtar të merret duke u mbështetur te interesi ekonomik dhe jo te llogaritjet politike. Po ashtu, ai vlerësoi se protestat pro ose kundër gazit do të ishin të panevojshme dhe hodhi kritika edhe ndaj një pjese të mediave për mënyrën se si po e trajtojnë këtë temë.

Postimi i Aliçkajt në Facebook:

Nuk është e vërtetë i nderuar #avdullahhoti! Ka shumë argumente kundër gazit dhe vetëm disa për gazin.

Dashuria për Amerikën nuk është arësye për qazin dhe “anti-amerikanizmi” i trilluar nuk është arësye kundër gazit. Është naivitet i skajshëm të pretendohet se një çështje e vetme i prishë marëdhëniet me Amerikën.

Mos të flasim për protesta pro ose kundër gazit. Do të ishin qesharake.

Ky investim duhet shqyrtuar nga ekspertët e lëmisë dhe pastaj të vendoset a të pranohet. Vendimi për këtë duhet të jetë interesi ekonomik, jo politik.

PS. Shumica e mediave dhe gazetarucave të tyre janë të shitur te forcat anti-shqiptare. Mos u bazo në to fare.

The post Aliçkaj i kundërpërgjigjet Hotit për projektin e gazit me qëndrim të prerë appeared first on Albeu.com.

Koçeku kishte njoftuar më 14 qershor, përmes një deklarate në rrjetet sociale, se po shkëputej nga shumica parlamentare që e kishte mbështetur në zgjedhje dhe e kishte çuar në Kuvend.
Një ditë pas këtij njoftimi, ajo publikoi në rrjete sociale simbolin e flamingos, i cili është kthyer në një shenjë të njohur të protestave që po zhvillohen prej disa javësh në Tiranë dhe qytete të tjera të vendit.

Ndërkohë, ajo reagoi me anë të një postimi në rrjetet sociale, duke shkruar: “Në tribunën më të bukur të demokracisë”.

The post FOTO/ “Në tribunën më të bukur të demokracisë”, mori pjesë në protestën në Tiranë, reagon Koçeku appeared first on Albeu.com.