Partia Rilindja Demokratike e Maqedonisë (RDM) ka ngritur alarmin se kryeqyteti ndodhet përballë një rreziku serioz, i ngjashëm me ndotjen e ujit që goditi Gostivarin. Sipas tyre, deponia “Jugohrom” në afërsi të Shkupit përbën një kërcënim konkret që kërkon ndërhyrje të menjëhershme.

Nga radhët e kësaj force politike theksojnë se institucionet duhet të kalojnë më në fund në veprim parandalues. Sipas tyre, prania e kromit gjashtëvalent në deponi rrezikon drejtpërdrejt burimin e Rashçes, i cili furnizon me ujë të pijshëm gjithë Shkupin. “Kjo substancë kimike është jashtëzakonisht helmuese dhe shkakton kancer,” paralajmërojnë nga RDM, duke shtuar se çdo reagim i vonuar do të shndërrohej në një tragjedi për qindra mijëra banorë.

Partia u bën thirrje autoriteteve përgjegjëse të ndërmarrin të gjitha hapat e domosdoshëm, duke vënë në dukje se siguria e ujit të pijshëm duhet trajtuar si prioriteti më i lartë kombëtar. “Mbrojtja e burimeve tona ujore kërkon bashkimin e zërit qytetar me vullnetin politik,” citohet në komunikatën e RDM-së.

Ndërkohë, ekspertët e shëndetit publik janë të prerë në qëndrimin e tyre: uji i rrjetit në Gostivar nuk duhet konsumuar apo përdorur për gatim derisa institucionet kompetente të japin garanci për sigurinë e tij.

The post RDM paralajmëron: Shkupi rrezikon një katastrofë si ajo e Gostivarit nëse nuk veprohet për deponinë e Jugohromit appeared first on Albeu.com.

Ripërtëritja Demokratike e Maqedonisë (RDM) vlerëson se përcaktimi i personave konkretë që shkaktuan ndotjen e ujit në Gostivar është i domosdoshëm, por nuk mjafton.

Sipas RDM-së, ky skandal nuk mund të përfundojë vetëm me ndëshkimin e individëve, pasi përgjegjësia kryesore rëndon mbi një sistem tërësisht jofunksional.

Nga kjo parti deklarojnë se paaftësia dhe klientelizmi brenda institucioneve kanë ndërtuar kushte ku shëndeti publik vihet vazhdimisht në rrezik.

Përgjegjësia personale, thekson RDM-ja, nuk duhet të përdoret për të justifikuar neglizhencën e institucioneve./Telegrafi/

The post RDM: Zbulimi i përgjegjësve për ndotjen në Gostivar nuk e shfajëson sistemin që mundësoi katastrofën appeared first on Albeu.com.