Liverpooli po vijon negociatat direkte me Paris Saint-Germainin për transferimin e mundshëm të Bradley Barcolas, por çmimi i vendosur nga klubi francez, që mund të arrijë deri në 168 milionë euro, i ka bërë anglezët të shqyrtojnë një tjetër mundësi. Në këtë situatë, vëmendja e “Të Kuqve” është përqendruar te Rayan, sulmuesi brazilian i Bournemouthit.

Rayan, 23 vjeç, konsiderohet i përshtatshëm për filozofinë e trajnerit Andoni Iraola, pasi dallohet për shpejtësinë, aksionet e drejtpërdrejta dhe aftësinë për të vepruar në të dyja krahët e repartit ofensiv.

Referuar CaughtOffside, Liverpooli ende mban kontakte me PSG-në dhe është i gatshëm të ofrojë rreth 100 milionë euro për reprezentuesin e Francës.

Megjithatë, kërkesat e larta financiare të klubit parisien kanë vështirësuar ndjeshëm arritjen e marrëveshjes.

PSG-ja raportohet se kërkon një shumë nga 162 deri në 168 milionë euro për të konsideruar seriozisht shitjen e Barcolas.

Barcola thuhet se është i interesuar për projektin e Liverpoolit në “Anfield”, por hendeku i madh mes pretendimeve të PSG-së dhe shumës së ofruar nga klubi anglez ka nxitur përgatitjen e një plani alternativ.

Nëse transferimi i Barcolas nuk realizohet, Rayan shihet si kandidati kryesor për të mbërritur në Liverpool. Sipas raportimeve, klubi anglez ka arritur një marrëveshje paraprake me anësorin 20-vjeçar për kushtet personale.

Braziliani është familjar me kërkesat e futbollit të Iraolas dhe do t’i shtonte skuadrës shpejtësi, fuqi fizike dhe hapësirë të konsiderueshme për zhvillim në krahun e djathtë të sulmit.

Rayan zhvilloi një pjesë të dytë shumë të mirë të sezonit në Ligën Premier, ku regjistroi shtatë kontribute në gola në 15 ndeshje, pas transferimit të tij në jug të Anglisë në fillim të vitit.

The post Kërkesa e PSG-së për Barcolan e shtyn Liverpoolin drejt alternativës së bujshme nga Liga Premier appeared first on Albeu.com.

Barcelona po e vëzhgon nga afër Rayanin, premtimin e ri të Bournemouthit në Ligën Premier, i cili pas paraqitjeve të shkëlqyera në futbollin anglez është kthyer në një nga emrat më të përfolur të kësaj vere.

Për drejtuesit katalanas, merkatoja ka si prioritet rifreskimin dhe transformimin e repartit sulmues.

Stafi teknik i Barcelonës po ndjek progresin e brazilianit 19-vjeçar, i aftë të luajë si anësor dhe në sulm. Për të njëjtin futbollist kanë shfaqur interes edhe Bayern Munichu dhe Paris Saint-Germaini, me synimin për një transferim të mundshëm në të ardhmen.

Sidoqoftë, Barcelona është e vetëdijshme se realizimi i një operacioni gjatë kësaj vere duket pothuajse i paarritshëm. Bournemouthi nuk ka ndërmend ta shesë lojtarin, vetëm gjashtë muaj pasi ai debutoi në Ligën Premier.

Skuadra angleze ka në favor kontratën e futbollistit deri në qershor të vitit 2031, ndërsa klauzola e largimit kap vlerën e rreth 150 milionë eurove. Kjo klauzolë nuk mund të aktivizohet përpara verës së vitit 2027, çka i garanton Bournemouthit kontroll të plotë mbi të ardhmen e tij.

Deco i konsideron shumë pozitive raportet e skautëve për talentin nga Amerika e Jugut dhe e sheh atë si një profil të përshtatshëm si për projektin e menjëhershëm, ashtu edhe për strategjinë afatgjatë të klubit.

Interesimi i klubeve të mëdha shpjegohet edhe me cilësitë e tij në fushë. Sulmuesi ka regjistruar tashmë 6 paraqitje dhe një gol me kombëtaren e Brazilit.

Brenda Barcelonës, braziliani vlerësohet si një alternativë ideale për të formuar repartin ofensiv përkrah yllit spanjoll, Lamine Yamal.

The post Barcelona monitoron talentin e Bournemouthit, klauzola e Rayanit arrin 150 milionë euro appeared first on Albeu.com.

Lufta me kohën e ekipeve të shpëtimit në Marok ku një djalë 5-vjeçar kishte rënë në një pus, pati një fund tragjik. Lajmi se Ryan-i i vogël u nxor nga pusi mbi 30 metra i thellë i pajetë pas shumë orësh në agoni solli trishtim kudo në botë pasi ngjarja po ndiqej nga sytë e të gjithëve.

Me mijëra mesazhe ngushëllimi u postuan në rrjet pas lajmit të trishtë pas më shumë se pesë ditësh lutjesh që vogëlushi të nxirrej gjallë. Por, për fat të keq, Ryan nuk mundi që të shihte sërish dritën dhe të bashkohej me prindërit e tij.

Mediat ndërkombëtare fillimisht raportuan se fëmija u nxor fillimisht gjallë, por më pas u raportua se kishte ndërruar jetë. Që pas ditës kur vogëlushi ra në pusin e thellë, ekipet e shpëtimit injektonin herë pas herë oksigjen në thellësi dhe dërgonin shishe me ujë, por fundi ishte tragjik për Ryan që nuk mundi të mbijetonte./albeu.com/

The post Katër ditë në pusin 30 metra të thellë, bota vajton për humbjen e vogëlushit 5-vjeçar (FOTO LAJM) appeared first on Albeu.com.