Ronaldinho ka mbërritur në Ravenna, ku pritet të nisë një kapitull të pazakontë të karrierës së tij në futbollin italian.

Ish-legjenda braziliane zbriti në aeroportin e Forlìt dhe më pas u nis drejt qytetit të Romagnës. Transferimi i tij konsiderohet ndër lëvizjet më të papritura të klubit në vitet e fundit.

Sipas Corriere dello Sport, Ronaldinho është bindur nga miqësia dhe pasioni. Këtë e ka konfirmuar edhe presidenti i klubit, Ignazio Cipriani, organizata e të cilit ka pjesë të drejtuesve edhe ish-drejtorin sportiv të Milanit, Ariedo Braida.

Cipriani ka negociuar personalisht marrëveshjen dhe shpreson që “Dinho” të rikthehet të paktën edhe një herë në fushë, në moshën 46-vjeçare. Sipas tij, braziliani “u dashurua me projektin”, i cili synon ta afrojë të gjithë qytetin me ekipin.

Vetë Ronaldinho nuk e ka fshehur kënaqësinë për këtë eksperiencë të re.

“Jam shumë i lumtur që jam këtu, me miqtë e mi. Shpresojmë që gjërat të shkojnë mirë për ekipin. Kam ardhur këtu për të ndihmuar, për t’i emocionuar lojtarët e tjerë, për të pasur një sezon spektakolar dhe për të fituar”.

Kur u pyet për kohën e kaluar te Milani, braziliani përmendi një kujtim që e veçon mbi të tjerët.

“Koha ime në Itali? Kam pasur shumë momente të mira, por goli në derbi është një prej kujtimeve që më jep më shumë kënaqësi”, përfundoi Ronaldinho.

The post Ronaldinho rikthehet në futboll në moshën 46-vjeçare: fjalët e para pas mbërritjes në Itali appeared first on Albeu.com.

Ronaldinho ka mbërritur në Itali, ku do të jetë pjesë e disa aktiviteteve promovuese të Ravenna-s, ekipit të Serie C me të cilin legjenda braziliane ka firmosur kontratë në moshën 46-vjeçare.

Konfirmimi për marrëveshjen mes ish-fituesit të Topit të Artë dhe klubit italian u bë publik më herët gjatë kësaj vere. Ish-lojtari i Barcelonës, PSG-së dhe Milanit është përfshirë edhe në kampin përgatitor parasezonal të skuadrës.

Të premten, më 21 gusht, Ronaldinho pritet të marrë pjesë në prezantimin zyrtar të Ravenna-s përpara nisjes së sezonit 2026/27.

Pronari i klubit, Ignazio Cipriani, ka deklaruar se afrim i brazilianit nuk lidhet vetëm me aspektin promocional apo komercial. Sipas tij, Ronaldinho pritet të luajë të paktën një ndeshje në kampionatin italian të kategorisë së tretë.

“Ai do të jetë i pranishëm në prezantimin e ekipit më 21 gusht”, deklaroi Cipriani në një intervistë për La Gazzetta dello Sport në qershor.

“Ai nuk do të marrë pjesë në kampin stërvitor, por me siguri do të luajë në të paktën një ndeshje të ligës, ndoshta edhe në disa të tjera. Do ta shohim. Ende nuk kemi vendosur se kur do të zbresë në fushë në kampionat, pasi kjo do të varet nga disa faktorë. Megjithatë, do të jetë patjetër një ndeshje në shtëpi”.

“Synimi i tij është të shënojë golin e fundit të karrierës me fanellën e Ravenna-s”, përfundoi pronari i klubit.

Ndërkohë, Ronaldinho është parë të enjten duke zbritur nga avioni i tij në Itali. Ai pritet të takohet me shokët e skuadrës në Ravenna gjatë së premtes.

The post Në moshën 46-vjeçare, Ronaldinho rikthehet në fushat e futbollit me skuadrën italiane appeared first on Albeu.com.