Ish-kapiteni i Shqipërisë për shtatë vjet publikoi në Instagram një fotografi nga Serbia, ku një vajzë e vogël shfaqej duke mbajtur zi për Mlladiçin. Pamja, sipas Canës, e ka zhgënjyer dhe trishtuar thellë.

Cana theksoi se skena të tilla tregojnë se Serbia ende mbetet e lidhur me të kaluarën e saj të trazuar dhe nuk po nxjerr mësime nga historia.

“Fotografia e kësaj vajze më trishton jashtëzakonisht shumë. Ajo përfaqëson një brez që duhet të sjellë shpresë dhe të ndërtojë një të ardhme të përbashkët e paqësore, të mbështetur në marrëdhënie të sinqerta mes popujve tanë. Vajza nuk kishte lindur në vitin 1992 dhe nuk e kishte përjetuar atë luftë, por është rritur duke trashëguar urrejtje. Ajo është mësuar ta shohë kriminelin përgjegjës për krimin më të rëndë kundër njerëzimit që nga Lufta e Dytë Botërore si patriot, ndërsa dënimin për gjenocid si fyerje ndaj kombit”, shkroi Cana.

Ai shtoi se brezat e ardhshëm duhet të edukohen siç duhet, por sipas tij, Serbia nuk po përballet me të shkuarën dhe nuk po tregon vullnet për të ndryshuar politikat e saj.

Reagimi i ish-kapitenit shqiptar erdhi pas pamjeve nga funerali i Mlladiçit, i cili është dënuar me burgim të përjetshëm për krime lufte dhe krime kundër njerëzimit.

Karriera e Canës përfundoi te Nantes në vitin 2016. Ai luajti për kombëtaren shqiptare nga viti 2002 deri në vitin 2016, ndërsa shtatë vitet e fundit i kaloi në rolin e kapitenit. Gjatë karrierës në klube, ai veshi fanellat e Paris Saint Germain, Marseille, Sunderland, Lazio dhe disa ekipeve të tjera të njohura evropiane.

The post Lorik Cana kritikon glorifikimin e Ratko Mlladiçit: Serbia vazhdon të jetojë në të kaluarën appeared first on Albeu.com.

Qeveria e ka cilësuar si personal dhe të papranueshëm qëndrimin e Dalibor Kitanoviqit.

Sipas Qeverisë, Ratko Mlladiqi është shpallur përfundimisht fajtor për gjenocid, krime kundër njerëzimit dhe krime lufte nga një gjykatë ndërkombëtare kompetente.

Institucioni qeveritar do t’i kërkojë Kitanoviqit të heqë dorë nga qëndrimi i tij. Në rast se ai nuk pajtohet me politikat qeveritare, pritet të largohet nga pozita që mban.

Ky është reagimi i plotë i Qeverisë:

“Qeveria mban një qëndrim të qartë, i cili mbështetet në faktet juridike të përcaktuara në nivel ndërkombëtar. Ratko Mlladiqi është dënuar me vendim të formës së prerë për gjenocid, krime kundër njerëzimit dhe krime lufte nga gjykata kompetente ndërkombëtare.

Qëndrimi i Dalibor Kitanoviqit përbën pikëpamje personale dhe është i papranueshëm për Qeverinë. Qëndrimet e saj përcaktohen në përputhje me interesat e shtetit dhe të qytetarëve.

Kur një qëndrim vendoset nga Qeveria, ai duhet të zbatohet nga çdo individ që është pjesë e saj. Veprimi sipas vullnetit personal nuk pranohet dhe për këtë arsye Qeveria do t’i kërkojë Kitanoviqit ta tërheqë qëndrimin e tij. Nëse nuk pajtohet me politikat e Qeverisë, presim që ai të largohet nga pozita që ushtron.”

The post Qeveria e RMV-së distancohet nga deklarata e Dalibor Kitanoviqit për glorifikimin e Mlladiqit appeared first on Albeu.com.

Bashkimi Demokratik për Integrim ka reaguar ndaj glorifikimit, siç pretendon kjo parti, të kriminelëve të luftës Ratko Mlladiç dhe Draža Mihailoviç nga partnerët politikë të VLEN-it në Qeveri. Sipas BDI-së, VLEN-i nuk mund të shmangë përgjegjësinë vetëm përmes deklaratave publike, pasi është pjesë e pushtetit dhe bashkëqeveris me subjektet ndaj të cilave ngre akuza.

“Partnerët e VLEN-it në Qeveri, të cilët VLEN-i i ka mbrojtur dhe legjitimuar në çdo aspekt, sot glorifikojnë Ratko Mladiçin dhe Draža Mihailoviçin”, thuhet në reagimin e BDI-së.

BDI-ja përmend në mënyrë të veçantë ministrin e Vetëqeverisjes Lokale, Ivan Stoilkoviq, i cili, sipas saj, është pjesë e partneritetit politik të pranuar dhe të mbrojtur nga VLEN-i për të ruajtur bashkëqeverisjen.

“Ratko Mladiç nuk është një figurë për debat apo interpretim historik. Ai është një kriminel lufte i dënuar me burgim të përjetshëm për gjenocid, krime kundër njerëzimit dhe krime lufte, përgjegjës, ndër të tjera, për gjenocidin në Srebrenicë, ku u vranë mbi 8.000 burra dhe djem boshnjakë”, thekson BDI.

Partia opozitare shqiptare vlerëson se qëndrimet e Stoilkoviqit dhe të subjektit që ai përfaqëson nuk përbëjnë një rast të vetëm, por janë përsëritur edhe më herët.

Në këtë kuadër, BDI-ja rikthen në vëmendje deklaratat e mëparshme për Srebrenicën dhe shprehet se “pikërisht këtë profil politik dhe këtë qasje ndaj një prej gjenocideve më të tmerrshme në Evropën e pas Luftës së Dytë Botërore, VLEN-i e ka partner në Qeveri”.

Reagimi i BDI-së kritikon edhe sjelljen e VLEN-it pas këtyre zhvillimeve. “Dhe çfarë bën VLEN-i? Sillet sikur të ishte organizatë joqeveritare apo parti opozitare: pret që të reagojë opinioni, populli dhe partitë e tjera, pastaj del me ndonjë reagim formal për të larë duart”, thuhet në kumtesë.

Sipas BDI-së, VLEN-i, si pjesë e koalicionit qeverisës, nuk mund të qëndrojë në rolin e vëzhguesit.

“VLEN-i nuk është spektator. VLEN-i është në Qeveri dhe është bashkëpërgjegjës për partnerët që i mban në pushtet dhe për gjithçka që toleron për hir të karrigeve”, deklaron BDI.

BDI-ja e lidh këtë situatë me raportet e pushtetit aktual me figura dhe struktura politike nga Serbia dhe Republika Srpska, duke pretenduar se tolerimi i këtyre qëndrimeve është pjesë e një politike më të gjerë.

“E toleruan ardhjen e Milorad Dodikut dhe ligjëratat e tij antiperëndimore e proruse; ndërkohë VLEN-i ka ndërtuar marrëdhënie dhe partneritete ekonomike e energjetike me struktura nga Serbia dhe Republika Srpska, nga Alta Banka deri te marrëveshjet në sektorin energjetik dhe projektet e gazifikimit”, thuhet në reagim.

Sipas BDI-së, glorifikimi i kriminelëve të luftës nga partnerët e VLEN-it duhet parë si rezultat i një klime politike të karakterizuar nga heshtja dhe toleranca ndaj subjekteve që janë pjesë e pushtetit.

“Prandaj, glorifikimi i kriminelëve të luftës nga partnerët e VLEN-it nuk është një incident i izoluar. Ai është pjesë e një politike të heshtjes, tolerancës dhe nënshtrimit ndaj partnerëve të pushtetit”, thekson BDI.

Partia shpreh gjithashtu shqetësimin për atë që e cilëson si depërtim të “Botës serbe” në strukturat politike dhe institucionale të vendit, duke pretenduar se për këtë çështje janë ngritur shqetësime edhe në raportet evropiane.

Në fund, BDI-ja i kërkon VLEN-it të mos fshihet pas reagimeve në rrjetet sociale. “VLEN-i nuk mund të fshihet më pas një reagimi në Facebook. Heshtja përballë glorifikimit të gjenocidit është tolerancë, ndërsa toleranca në pushtet është bashkëpërgjegjësi”, thuhet në kumtesë.

BDI-ja pohon se VLEN-i ka vendosur të vijojë bashkëqeverisjen, pavarësisht qëndrimeve të partnerëve të tij politikë. “Për hir të disa karrigeve, VLEN-i ka zgjedhur të bashkëqeverisë, të heshtë dhe të tolerojë”, përfundon reagimi i BDI-së.

The post BDI akuzon VLEN-in për bashkëqeverisje me partnerë që nderojnë Ratko Mlladiqin appeared first on Albeu.com.

VLEN ka reaguar ashpër ndaj çdo përpjekjeje për të glorifikuar çetnikët, duke veçuar në mënyrë të posaçme Ratko Mlladiqin, i dënuar për gjenocid dhe krime të tjera të rënda.

Përmes një postimi në Facebook, kjo parti shprehet se shqetësimi bëhet edhe më i madh kur materiale të tilla publikohen nga drejtuesi i një institucioni, misioni i të cilit është mbrojtja e të drejtave të shqiptarëve dhe komuniteteve të tjera.

Sipas VLEN-it, rasti nuk lidhet me preferencat apo bindjet individuale, por me standardet që duhet të respektojë një zyrtar publik dhe me mesazhin që institucionet përcjellin te qytetarët. Në reagim kërkohet përgjegjësi e menjëhershme, ndërsa theksohet se askush që nuk nderon viktimat dhe vlerat e bashkëjetesës nuk mund të shërbejë si garant i të drejtave të komuniteteve.

The post VLEN kërkon përgjegjësi për glorifikimin e çetnikëve dhe Ratko Mlladiqit appeared first on Albeu.com.

Security expert Gurakuç Kuçi has expressed concern that the public rehabilitation of individuals convicted of war crimes could affect not only how the past is addressed, but also the security of the future.

As an example, Kuçi cited Ratko Mlladiq, the former commander of the Army of the Republika Srpska, who died yesterday. According to him, the way Serbia and Russia have glorified Mlladiq’s image conveys to younger generations the idea that crimes can be justified when committed in the name of the nation.

He believes that a form of patriotism has taken hold in Russia and Serbia in which violence against others is minimized or justified when it is presented as the defense of national interests.

“The more a perpetrator of crimes is portrayed as a ‘defender of the national interest,’ the more easily his crime is transformed into a ‘patriotic sacrifice,’” Kuçi wrote on Facebook.

Kuçi stressed that the support and rehabilitation of individuals convicted of crimes, through institutions, politicians and the media, sends a dangerous signal: crime can be relativized, justified and even rewarded when it is claimed to have been committed for the nation.

“The logic that produced these people is also rehabilitated. Violence is no longer seen as a path toward accountability, but as a possible route to the status of a patriot,” he emphasized.

The expert also warned of the consequences these narratives could have for younger generations. According to him, ethnocentric and hostile attitudes toward Albanians, Bosniaks, Croats and other communities continue to spread in Serbia and the Republika Srpska.

The post Kuçi warns: Serbia and Russia’s glorification of Ratko Mlladiq risks fueling new criminals appeared first on Albeu.com.

Eksperti i sigurisë, Gurakuç Kuçi, ka shprehur shqetësimin se rehabilitimi publik i individëve të dënuar për krime lufte mund të ndikojë jo vetëm në mënyrën se si trajtohet e kaluara, por edhe në sigurinë e së ardhmes.

Si shembull, Kuçi ka përmendur Ratko Mlladiqin, ish-komandantin e Ushtrisë së Republikës Srbska, i cili vdiq dje. Sipas tij, mënyra se si Serbia dhe Rusia kanë glorifikuar figurën e tij u përcjell brezave të rinj idenë se krimet mund të arsyetohen kur kryhen në emër të kombit.

Ai vlerëson se në Rusi dhe Serbi është konsoliduar një lloj patriotizmi ku dhuna ndaj të tjerëve minimizohet ose justifikohet kur paraqitet si mbrojtje e interesave kombëtare.

“Sa më shumë që një autor krimesh paraqitet si ‘mbrojtës i interesit kombëtar’, aq më lehtë krimi i tij shndërrohet në ‘sakrificë patriotike’”, ka shkruar Kuçi në Facebook.

Kuçi ka theksuar se mbështetja dhe rehabilitimi i personave të dënuar për krime, përmes institucioneve, politikanëve dhe mediave, përcjellin një sinjal të rrezikshëm: krimi mund të relativizohet, të arsyetohet dhe madje të shpërblehet kur pretendohet se është kryer për kombin.

“Rehabilitohet edhe logjika që i prodhoi këta njerëz. Dhuna nuk shihet më si rrugë drejt përgjegjësisë, por si një rrugë e mundshme drejt statusit të patriotit”, ka nënvizuar ai.

Eksperti ka paralajmëruar edhe për pasojat që këto narrativa mund të kenë te brezat e rinj. Sipas tij, në Serbi dhe në Republikën Srpska vijojnë të përhapen qëndrime etnocentrike dhe armiqësore ndaj shqiptarëve, boshnjakëve, kroatëve dhe komuniteteve të tjera.

The post Kuçi paralajmëron: Glorifikimi i Ratko Mlladiqit nga Serbia dhe Rusia rrezikon të ushqejë kriminelët e rinj appeared first on Albeu.com.

Arben Fetoshi, drejtor i Institutit “Octopus”, ka reaguar ndaj nderimit të Ratko Mlladiqit në Republikën Serbe dhe paralajmërimit për organizimin e një varrimi shtetëror në Serbi.

Sipas tij, glorifikimi i ish-komandantit serb përfaqëson vijimësinë e politikave të së kaluarës dhe cenon stabilitetin e Ballkanit Perëndimor. Fetoshi e lidh këtë qasje me narrativën e “Botës Serbe” dhe pretendimet e vazhdueshme ndaj Kosovës.

Një “gjeneral” serb, i dënuar nga Tribunali i Hagës me burgim të përjetshëm për “gjenocid, krime kundër njerëzimit dhe krime lufte”, vazhdon të shihet si kërcënim për sigurinë e Ballkanit Perëndimor edhe pas vdekjes.

Ndërsa në Republikën Serbe Ratko Mlladiq nderohet, Bosnja vijon të mbajë zi për fëmijët, gratë dhe burrat e vrarë në masakrat e tij. Në të njëjtën kohë, njoftimi për një ceremoni shtetërore varrimi në Serbi shihet si sinjal strategjik drejtuar Kosovës dhe komunitetit euro-atlantik.

Fetoshi vlerëson se, përtej reagimeve të zbehta të aktorëve civilë dhe humanitarë, nderimi institucional i Mlladiqit dëshmon se politika e Millosheviqit vazhdon të jetë e pranishme, tashmë e maskuar pas konceptit të “Botës Serbe”.

Fakti nëse kjo shkel ligjin, siç thekson Fondi për të Drejtën Humanitare në Serbi, apo nëse përbën “skandal e turp”, sipas Akademisë për Zhvillim Demokratik në Novi Sad, si dhe pasojat që mund të ketë në rrugëtimin drejt BE-së, nuk duket se kanë peshë për sa kohë nderimi mbrohet përmes strategjisë së mohimit dhe përdoret për të “legjitimuar” ideologjinë e “Serbisë së Madhe”.

Presidenti Vuçiq mund të përpiqet ta “zbusë” deklaratën e ministrit të tij, Nenad Vujiq, por kjo, sipas Fetoshit, nuk e mbulon rrezikun real, i cili paraqitet i mbështjellë me një narrativë “viktimizimi”.

Një varrim i Mlladiqit me “dinjitet” nuk përbën distancim nga gjenocidi dhe spastrimi etnik. Përkundrazi, ai shihet si një lojë me fjalët që e kërcënon rajonin përmes ndërtimit të një narrative për Kosovën “represive”.

The post Fetoshi: Nderimi i “përbindëshit” Mlladiq kërcënon Kosovën dhe sigurinë e rajonit appeared first on Albeu.com.

Qendra Memoriale e Srebrenicës ka depozituar pranë UEFA-s një raport zyrtar ndaj FK Crvena Zvezdës, duke e akuzuar klubin për lavdërimin e Ratko Mlladiçit gjatë sfidës së Ligës së Evropës kundër Viktoria Plzen. Në raport përfshihet edhe publikimi i mëvonshëm i fotografive me mesazhe kontroverse në kanalet zyrtare të klubit në rrjetet sociale.

Ndeshja përfundoi me fitoren 5-1 të Viktoria Plzen ndaj Crvena Zvezdës. Gjatë takimit, tifozët e skuadrës së Beogradit shpalosën pankarta me mbishkrimin “Gjeneral, lavdi e madhe dhe faleminderit” dhe brohoritën emrin e Ratko Mlladiçit.

Sipas Qendrës Përkujtimore, UEFA nuk duhet ta trajtojë këtë ngjarje thjesht si veprim të një grupi tifozësh. Pas përfundimit të ndeshjes, Crvena Zvezda publikoi në profilet e veta zyrtare fotografi ku pankartat e diskutueshme shfaqeshin qartë dhe në mënyrë dominuese, duke e përhapur më tej mesazhin përmes komunikimit institucional të klubit. Klubi nuk u distancua prej tyre, por i përfshiu në komunikimin zyrtar pas ndeshjes.

Raporti vlerëson se këto veprime mund të aktivizojnë dispozitat e Rregullores Disiplinore të UEFA-s për sjellje diskriminuese, cenim të dinjitetit njerëzor, përcjellje të mesazheve politike dhe ideologjike të papërshtatshme për aktivitetet sportive, si dhe për sjellje që dëmtojnë imazhin e futbollit dhe të UEFA-s.

Qendra i ka rikujtuar UEFA-s edhe një precedent të mëparshëm disiplinor që lidhet me Crvena Zvezdën dhe glorifikimin e Ratko Mlladiçit. Në atë procedurë, UEFA kishte arritur në përfundimin se lavdërimi i Mlladiçit nuk ishte vetëm shprehje mbështetjeje për një person, por një mesazh fyes ndaj viktimave për arsye etnike dhe fetare.

Sipas Qendrës Memoriale, rasti i fundit paraqet një rëndesë të veçantë, pasi mesazhet nuk mbetën vetëm në tribuna, por u promovuan edhe pas ndeshjes nëpërmjet kanaleve zyrtare të vetë klubit.

Për këtë arsye, Qendra i ka kërkuar UEFA-s nisjen urgjente të procedurave disiplinore, vlerësimin e sjelljes së tifozëve dhe veprimeve të klubit si pjesë të së njëjtës çështje, si dhe konsiderimin e publikimit të fotografive përmes kanaleve zyrtare të Crvena Zvezdës si rrethanë veçanërisht rënduese.

Duke iu referuar seriozitetit të rastit, precedentit disiplinor të mëparshëm të UEFA-s ndaj të njëjtit klub për lavdërimin e Ratko Mlladiçit dhe faktit që këtë herë mesazhi u përhap edhe nga vetë Crvena Zvezda, Qendra Memoriale e Srebrenicës ka kërkuar përjashtimin e përhershëm të klubit nga garat e UEFA-s.

“Një klub që përdor me vetëdije kanalet e tij zyrtare të komunikimit për të përhapur mesazhe që lavdërojnë një njeri të dënuar ligjërisht për gjenocid, nuk mund ta reduktojë një sjellje të tillë në sjelljen e tifozëve. Kjo nuk është më vetëm një çështje e tribunës, por e marrëdhënies institucionale të klubit me vlerat mbi të cilat UEFA bazon futbollin evropian”, deklaroi Qendra Memoriale.

The post Qendra Memoriale e Srebrenicës i kërkon UEFA-s përjashtimin e përhershëm të Crvena Zvezdës pas glorifikimit të Ratko Mlladiçit appeared first on Albeu.com.

Djali i Ratko Mlladiç, Darko Mlladiç, në një deklaratë për shtypin rus deklaroi se gjendja e babait të tij ishte e rëndë.

“Ai u dërgua në spitalin e burgut me dobësi të përgjithshme, pneumoni dhe probleme me zemrën. Ata thanë se ekzaminimi vazhdon dhe do të na informoni kur të dalin rezultatet. Kam kërkuar transferim urgjent. Situata është e rëndë, kam marrë premtim se më së voni deri të hënën do t’i njoftojnë rezultatet”, tha ai.

Në gjenocidin që filloi me pushtimin e qytetit të Srebrenicës në lindje të vendit më 11 korrik 1995 në Bosnje dhe Hercegovinë nga forcat serbe të Bosnjës, u masakruan 8372 boshnjakë.

Gjykata Ndërkombëtare e Drejtësisë në Hagë, Holandë, vendosi në vitin 2007 se ajo që ndodhi në Srebrenicë ishte “gjenocid”, bazuar në provat nga Gjykata Penale Ndërkombëtare për ish-Jugosllavinë (ICTY). Mlladiç u dënua me burgim të përjetshëm nga Gjykata Ndërkombëtare Penale në vitin 2017 dhe apeloi kundër vendimit.

Dënimi i përjetshëm i Mlladiçit u la në fuqi në seancën e apelit më 8 qershor 2021 në Mekanizmin e mbetur të Gjykatave Penale Ndërkombëtare (IRMCT).

Mlladiç shërbeu si komandant në Ushtrinë e Republika Srpska, e themeluar në Bosnje dhe Hercegovinë në 1992 dhe u kap në një fshat në Serbi më 26 maj 2011, pasi u fsheh për 16 vjet pas një aktakuze kundër tij në 1995.

Mlladiç konsiderohet përgjegjës për masakrën e myslimanëve boshnjakë gjatë luftës në Bosnje./albeu.com

The post Në gjendje të rëndë shëndetësore, “Kasapi i Bosnjës” i dënuar me burgim të përjetshëm shtrohet në spital appeared first on Albeu.com.