Dyshja angleze, Marcus Rashford dhe Luke Shaw janë në listën e largimeve sipas Dean Saunders. Kryetari i INEOS dhe tifozi i United, Ratcliffe ranë dakord javën e kaluar për një marrëveshje prej 1.5 miliardë eurosh me familjen Glazer, e cila do t’i japë atij një 25 për qind të aksioneve në klub dhe do ta lejojë atë të marrë drejtimin e operacioneve të futbollit të “Djajve të Kuq”.

United ka qenë në rënie të lirë këtë sezon, duke humbur 13 nga 27 ndeshjet e tyre në të gjitha garat, me trajnerin Erik ten Hag që është në presion të vazhdueshëm.
Megjithatë, do të ketë një rregullim masiv brenda dhe jashtë fushës nën drejtimin e Ratcliffe, i cili është këshilluar nga Saunders se cilët lojtarë duhet të largohen.

Ish-sulmuesi i Villas, Liverpool dhe Derby County filloi me tre sulmues në intervistën e tij për “talkSPORT”: “Rashford ka qenë atje shumë gjatë, po ashtu edhe (Anthony) Martial, unë do t’i largoja ata menjëherë. Antony? Le të hip në aeroplan”.

“Luke Shaw po ashtu është gjatë në klub. Dalot nuk është mjaftueshëm i mirë. Varane, ai është një lojtar i mirë padyshim por nuk funksionoi për të. Ten Hag u përpoq të shpëtonte nga Varane”.
Jonny Evans nuk është mjaftueshëm i mirë, kështu që janë katër lojtarët në defanziv. Wan-Bissaka, ai është përpjekur ta heqë qafe atë. Ai ka hequr qafe Fred. (Scott) McTominay, trajneri ka treguar qartë se nuk mbështetet te ai, edhe pse ai shënon gola.

Ai nuk është mjaftueshëm i mirë për të luajtur për Man United, për mendimin tim. Nëse luan për Man United në mesfushë, duhet të jesh një nga lojtarët më të mirë në botë në mesfushë. Nuk po luan për Crystal Palace!”.

Saunders më pas emëroi të përjashtuarin e Red Devils, Jadon Sancho si lojtarin e tij të 10-të që iu bashkua eksodit, me nënshkrimin prej 80 milionë eurosh që u shfaq për herë të fundit në gusht para një përplasjeje me Ten Hag. /abcnews.al

The post Ratcliffe me “fshesë në dorë”, priten 10 largime nga Manchester United appeared first on Albeu.com.

Një mbledhje e bordit të enjten do të përcaktojë fatet e klubit teksa gjasat janë të gjitha me Sir Jim Ratcliffe, që nuk ka më rivalitet në garën e tij. 12 anëtarë në bordin e Djajve të Kuq do të përcaktojnë nëse 1,4 miliardë paundët e ofruar nga britaniku për 25% të klubit janë të mjaftueshme apo jo.

Miliarderi i famshëm britanik i industrisë petrokimike, Ratcliffe, ka ruajtur një profil të ulët përgjatë të gjithë procesit, ndryshe nga Sheikh Jassim që me ambicien për të marrë 100% të klubit, mori më shumë jehonë. Jo vetëm për këtë arsye, por edhe projektin e fuqishëm që miliarderi kishte për rimëkëmbjen e Djajve të Kuq në skenën elitare të Anglisë dhe të kontinentit.

Rikonstruksion të plotë të Old Trafford dhe qendrës stërvitore Carrington, larjen e borxhit 477 milionë paundë të Glazers brenda klubit, afrimin e lojtarëve më të rëndësishëm, nën moton e rikthimin të United në lavdinë e dikurshme. Diskursi i Sheikh Jassim dhe përfaqësuesve të tij nuk i ka pëlqyer pronarëve Glazer, të cilët e kanë konsideruar nëncmim për punën që ata kanë bërë që kur blenë United në 2005 për 800 milionë paundë.

Me profil të ulët dhe me shumë pragmatizëm në negociata, Sir Jim Ratcliffe ia ka dalë që të kalojë pengesën e parë. Dorëzimin e Sheikh Jassim. Tanimë që rrugën e ka përpara i vetëm, i duhet të marrë miratimin e 12 anëtareve të bordit që udhëhiqet nga Joel dhe Avram Glazer.

Një nga ambiciet e Ratcfliffe është të zotërojë 100% të klubit në 2026, por për momentin një marrëveshje për vetëm 25% të aksioneve konsiderohet ideale.

The post A paraqet investimi i Ratcliffe ndryshimin e nevojshëm për Man. United? appeared first on Albeu.com.