Fehim Sali, arsimtar nga Dragashi, u arrestua të enjten nga Policia e Kosovës nën dyshimin se kishte kryer veprimtari spiunazhi për Shërbimin Inteligjent Serb, BIA. Të nesërmen, Departamenti Special i Gjykatës Themelore në Prishtinë vendosi që ai të mbahet një muaj në paraburgim.

Prokuroria Speciale dyshon se Sali ishte rekrutuar nga Zhelimir Matoviq, zyrtar i BIA-s serbe, të cilit pretendohet se i përcillte informacione përmes komunikimeve të vazhdueshme.

Në kërkesën për paraburgim thuhet se, nën udhëzimet e zyrtarit të BIA-s, ai dyshohet se mblidhte dhe transmetonte të dhëna lidhur me zhvillimet politike në Kosovë.

Sali dyshohet gjithashtu se kishte identifikuar zyrtarë të Agjencisë së Kosovës për Inteligjencë, përfshirë edhe duke i fotografuar ata.

Sipas Prokurorisë, veprimtaria e tij e dyshuar përfshinte edhe persona që i përkisnin sektit vehabi, si dhe individë të tjerë të cilët Sali pretendohet se i kishte sugjeruar si objektiva të mundshëm që BIA t’i kontaktonte dhe rekrutonte.

Procedura hetimore ndaj tij kishte filluar në qershor të vitit 2025, pasi AKI-ja ia kishte përcjellë Prokurorisë Speciale informacionet për aktivitetin e dyshimtë.

Prokurori i çështjes, Bekim Kodraliu, deklaroi të premten se provat e mbledhura nga Policia e Kosovës, në bashkëpunim me AKI-në, kishin krijuar dyshimin e bazuar se Sali ishte rekrutuar nga BIA.

Kodraliu tha se ishte vërtetuar dyshimi i bazuar që i pandehuri kishte qenë i rekrutuar nga Shërbimi Inteligjent Serb, konkretisht nga zyrtari i këtij shërbimi, Zhelimir Matoviq.

Sipas prokurorit, informacionet e ofruara nga Sali konsiderohen nga Prokuroria si të dëmshme për interesat e shtetit të Kosovës.

Ai bëri të ditur se edhe vetë i pandehuri kishte pranuar se ishte rekrutuar dhe se kishte mbajtur kontakte të vazhdueshme me zyrtarë të BIA-s.

Pas ndalimit të Salit, hetuesit e Drejtorisë për Hetimin e Krimit të Organizuar dhe Krimeve të Rënda, së bashku me Prokurorinë Speciale, bastisën vendbanimin e tij në Dragash.

Nga kontrolli u sekuestruan 39 mijë e 500 euro para të gatshme, 500 dinarë serbë, katër telefona celularë dhe dokumente të ndryshme që vlerësohen si relevante për rastin.

Duke reaguar për rastin, ish-eprori i UÇK-së, Naim Miftari, deklaron se Serbia ka pasur deri më sot shumë informacione për Kosovën, veçanërisht për FSK-në, Policinë dhe AKI-në.

Ai përmend rastin e Osman Musës dhe ngre pyetjen se sa të dhëna mund t’ia ketë përcjellë UDB-së serbe gjatë kohës kur shërbente në Policinë e Kosovës.

Sipas Miftarit, Serbia ka qenë aq e informuar për Kosovën, sidomos për FSK-në, Policinë dhe AKI-në, sa ka ditur madje numrin e municioneve dhe sa plumba posedonte Kosova. Si shembull, ai përmend Osman Musën, i cili kishte qenë epror i lartë dhe kishte punuar në pozita të ndjeshme brenda Policisë së Kosovës.

Miftari pretendon se Musa, pasi kishte kuptuar se ishte zbuluar, por jo nga institucionet shtetërore, ishte përfshirë nga paniku, kishte ikur në Britani dhe atje kishte treguar se ishte agjent i UDB-së-BIA-s serbe në Kosovë.

Në deklaratën për “Bota sot”, ish-eprori pyet se sa informacione i ishin dërguar UDB-së serbe gjatë kohës që Musa ishte pjesë e Policisë së Kosovës. Ai shton se Kosova nuk ngriti asnjëherë aktakuzë për tradhti lidhur me këtë rast dhe nuk paraqiti kërkesë për ekstradim.

Miftari sjell në vëmendje edhe raste të tjera të personave që, sipas pretendimeve të tij, kanë punuar për Serbinë.

Ai përmend Fatmir Shehollin, të cilin e cilëson ish-njeri të UDB-së, duke pretenduar se Ilmi Recica dhe Latif Gashi e kishin futur në SHIK me arsyetimin se ai po i sillte këtij shërbimi dokumente me thasë. Sipas Miftarit, këto ishin tregime të përdorura për të fshehur dështimin e tyre.

Ai pretendon gjithashtu se i njëjti person, të cilit i referohet me inicialet F. Sh., kishte marrë nga A. J. U-ja qindra mijëra euro, kinse për informacione që supozohej se i siguronte nga Serbia. Miftari i quan këto pretendime përralla dhe vjedhje të pastër të realizuar përmes agjentit Sheholli.

Sipas tij, po të mos arrestohej edhe për disa ditë, Sheholli do të vazhdonte të shfaqej pa ndërprerje në studio televizive si hero që kishte ndihmuar LDK-në para luftës. Miftari thotë se kishte deklaruar në televizion dhe në OJQ publike se pritej që F. Sheholli të shpallej edhe komandant i përgjithshëm i UÇK-së.

Mes emrave të përmendur prej tij është edhe Baton Haxhiu, të cilin Miftari e quan ish-postier të Ivica Stanishiqit pas luftës, këshilltar të Hashim Thaçit, të drejtuesve të SHIK-ut, të Kadri Veselit dhe të Edi Ramës. Ai përmend gjithashtu Gani Thaçin, të cilin e cilëson operator të UDB-së në Kosovë.

Miftari përmend më tej Hashim Thaçin dhe Kadri Veselin, duke i quajtur bashkëpunëtorë dhe nëpunës të dhëndrit serb, agjentit Denhear Arnaud, i cili ishte shef për Ballkanin në DGSE. Sipas tij, ky shërbim e ndau haptazi veriun e Kosovës në interes të Serbisë përmes KFOR-it francez në Mitrovicë.

Ai sjell si shembull edhe Branislav Nikoliqin, të cilin e quan agjent të UDB-së-BIA-s serbe dhe që, sipas tij, Hashim Thaçi e emëroi këshilltar gjatë kohës kur ishte president. Miftari pretendon se Nikoliqi ishte kapur nga Policia e Kosovës së bashku me dy agjentë të tjerë, ndërsa përpiqeshin të blinin dëshmitarë të rremë kundër UÇK-së për pretendimet rreth tregtisë me organe, të cilat ai i quan një gënjeshtër të madhe ndaj UÇK-së.

Ish-eprori thotë se, gjatë kohës kur ishte i lirë dhe mbante postet e kryeministrit dhe presidentit, Hashim Thaçi e paraqiste veten si figura kryesore e UÇK-së. Sipas Miftarit, pasi u burgos për krime lufte nga Gjykata Speciale, Thaçi deklaroi, për t’iu shmangur përgjegjësisë së tij, se kishte qenë larg fronteve, luftës dhe komandës, si dhe larg rolit të njeriut kryesor të UÇK-së.

Sipas Miftarit, raste të tilla ka pasur para luftës, pas përfundimit të saj dhe vazhdojnë të ketë edhe sot.

Megjithatë, ai shprehet se do të vijë një ditë kur BIA do ta humbasë rëndësinë dhe nuk do të përbëjë më kërcënim për shtetin e Kosovës.

Miftari thotë se ekzistojnë edhe shumë raste të tjera dhe se UDB-ja ka qenë e pranishme në Kosovë para luftës, pas saj dhe vazhdon të jetë edhe sot. Sipas tij, ajo po dobësohet çdo ditë falë shtetit, Qeverisë, Policisë, AKI-së dhe Prokurorisë.

Ai vlerëson se BIA do të bëhet një ditë e parëndësishme dhe nuk do të jetë më rrezik për Kosovën, por thekson se kjo mund të arrihet vetëm duke mos u ndalur asnjëherë dhe duke e mbrojtur shtetin 24 orë në ditë, gjatë çdo jave, muaji dhe viti.

Në përfundim, Miftari shprehet se edhe uji flet, por armiku jo, ndërsa shton se kush dëshiron ta ruajë paqen dhe lirinë e popullit e të shtetit të vet duhet të përgatitet mirë për luftë. Sipas tij, nuk duhet lejuar që askush ta befasojë Kosovën.

Në kërkesën për paraburgim është përfshirë si element edhe e kaluara institucionale e Fehim Salit.

Ai kishte shërbyer si anëtar i Këshillit Konsultativ për Komunitete pranë Zyrës së Presidentes së Kosovës, detyrë të cilën e kishte ushtruar deri kur u shkarkua në maj të vitit 2024.

Prokuroria e ka përmendur këtë funksion në kuadër të rrethanave që lidhen me çështjen.

Gjykata Themelore në Prishtinë konstatoi se ekziston rreziku që Sali të arratiset, të ndikojë mbi dëshmitarët dhe provat, apo ta përsërisë ose vazhdojë veprën penale.

Në vlerësimin e rrezikut të arratisjes ka ndikuar edhe fakti se Sali u arrestua më 13 gusht, rreth orës 04:00, në pikën kufitare të Merdares, ndërsa po largohej nga Kosova.

Gjykata mori në konsideratë gjithashtu se ai ka shtetësi të Kosovës dhe të Serbisë, si dhe lidhje familjare në Serbi.

Mbrojtja e kundërshtoi masën e paraburgimit, duke theksuar se Sali ka vendbanim të përhershëm, familje dhe vend pune në Kosovë. Sipas saj, udhëtimet e tij drejt Serbisë ishin bërë për arsye familjare dhe personale.

Pavarësisht këtyre argumenteve, gjykata vlerësoi se arresti shtëpiak, dorëzania dhe masat e tjera më të lehta nuk do të garantonin praninë e tij dhe as do të parandalonin pengimin e hetimeve.

Fehim Sali do të mbahet në paraburgim deri më 13 shtator 2026, ndërkohë që hetimet lidhur me rastin janë duke vazhduar.

The post Ish-eprori i UÇK-së pas arrestimit të “arsimtarit”: BIA dinte madje edhe sa plumba kishte Kosova appeared first on Albeu.com.

Komisioni për Vlerësimin e Performancës zhvilloi sot mbledhjen e radhës nën drejtimin e kryetares Elza Bajrami – Kastrati, ndërsa të pranishëm ishin edhe anëtarët Aleksandër Lumezi dhe Nazan Shero.

Në kuadër të procedurës për vlerësimin e performancës, Komisioni nisi shqyrtimin e rasteve penale të prokurorëve të Grupit IV për vitin 2026.

Diskutimet u përqendruan në mbarëvajtjen e analizës së rasteve dhe në respektimin e standardeve e kritereve të përcaktuara, me synimin që puna e prokurorëve të vlerësohet në mënyrë objektive, profesionale dhe të paanshme.

Në vijim, Komisioni do t’i zhvillojë aktivitetet sipas kompetencave ligjore dhe planit të punës, për të siguruar një proces të rregullt, transparent dhe të mbështetur në kriteret e përcaktuara të vlerësimit të performancës.

The post Komisioni nis shqyrtimin e rasteve penale për vlerësimin e prokurorëve appeared first on Albeu.com.

Ministria e Mjedisit ka vendosur që të kthejë prapa në procesin e vlerësimit të gjitha aplikimet për Pëlqim Mjedisor, konsultimi publik i të cilave nuk i plotëson kriteret e kërkuara nga ligji. Këtë urdhër e bëri të ditur vetë ministrja Fitore Pacolli.

Në një deklaratë për shtyp, Pacolli theksoi se banorët janë partneri më i çmuar në ruajtjen e natyrës. Ajo shtoi se një proces vendimmarrës i drejtë në fushën mjedisore nuk mund të konceptohet pa përfshirjen aktive të tyre. Për këtë arsye, u mor vendimi për t’i rikthyer në pikën zero të gjitha praktikat ku standardet ligjore të dëgjimit të publikut nuk janë respektuar.

Masat konkrete të këtij vendimi parashikojnë që çdo dosje, Raporti i Vlerësimit të Ndikimit në Mjedis i së cilës nuk ka qenë i aksesueshëm për qytetarët ose ku procedurat e konsultimit janë anashkaluar, do të rihapet. Gjithashtu, asnjë leje mjedisore nuk do të miratohet pa u zhvilluar më parë një seancë dëgjimore e plotë, transparente dhe gjithëpërfshirëse me publikun.

Pas rifillimit të procedurës dhe garantimit të qasjes në raportin e vlerësimit, kompania aplikuese, respektivisht hartuesi i dokumentit, detyrohet të organizojë forma plotësuese të komunikimit me komunitetin. Kjo mund të bëhet përmes takimeve fizike ose kanaleve elektronike, ndërsa i gjithë procesi duhet të dokumentohet me kujdes gjatë paraqitjes ose riparaqitjes së kërkesës për Pëlqim Mjedisor.

Ministrja Pacolli e mbylli deklaratën duke nënvizuar se ky akt administrativ rrit ndjeshëm transparencën dhe llogaridhënien. Sipas saj, qëllimi është që pjesëmarrja e popullatës të mos mbetet thjesht një formalitet, por të bëhet një shtyllë thelbësore e gjithë sistemit të vendimmarrjes. Ajo i cilësoi banorët si aleatin kryesor të përhershëm në përpjekjet për mbrojtjen e mjedisit dhe partnerin më të rëndësishëm në formësimin e politikave të ardhshme.

The post Pacolli rikthen në shqyrtim të gjitha dosjet për leje mjedisore që dështuan në konsultimin publik appeared first on Albeu.com.

Megjithatë, vlera e parave të sekuestruara ka pësuar një rënie të ndjeshme, duke shënuar sekuestrimi në vlerë 9,4 mln euro për janar-gusht 2025, kundrejt 53,9 mln eurove të sekuestruara në të njëjtën periudhë të vitit të kaluar. Ulje prej rreth 82%.

Të dhënat janë bërë publike në raportet statistikore mujore të Ministrisë së Brendshme.

Referuar të dhënave të raporteve statistikore të Ministrisë së Brendshme, për muajt janar-gusht 2025 është shënuar niveli më i lartë i Veprës penale “Pastrimi i parave (N.287)” me 311 raste të referuara nga institucionet.

Krahasuar me të njëjtën periudhë të 2024-, numri i rasteve të referuar është rritur me 38 vepra apo rreth 14% më shumë. Ky është numri më i lartë i rasteve të referuara për hetim nga institucionet në 5 vitet e fundit.

Por pavarësisht rritjes së rasteve të referuara, nga të dhënat e Ministrisë së Brendshme rezulton se vlera e parave të sekuestruara për këtë vepër penale është ulur ndjeshëm.

Për muajt janar- gusht 2025 sekuestrimit kanë qenë në vlerë 9,4 mln euro, kundrejt 53.9 mln euro që u sekuestruan në të njëjtën periudhë të 2024-s. Për periudhën janar-gusht 2025 sekuestrimit në vlerë janë ulur rreth 82%.

Për periudhat janar-gusht të viteve 2021-2025, sekuestrimet për veprat penale të kategorisë ‘Pastrimi i Parave (N.287), kanë pasur nivelin më të lartë në muajin qershor 2024 me 52,700,000 euro.

Për 8 mujorin e 5 viteve numri i lartë i rasteve të referuara, është shënuar në muajin qershor 2025 me 56 raste.

Sakaq sipas raportit vjetor të Ministrisë së Brendshme, gjatë vitit 2024 vlera e aseteve të sekuestruara për veprën penale të pastrimit të parave ka qenë 27,636,788 euro dhe vlera e aseteve të konfiskuara sipas ligjit antimafia ka qenë 4,093,091 euro pasuri të luajtshme dhe të paluajtshme.

Vepra penale “Pastrimi i parave (N.287)

Pastrimi i produkteve të veprës penale ose veprimtarisë kriminale (N.287) – Pastrimi i produkteve të veprës penale ose veprimtarisë kriminale, nëpërmjet:

a) këmbimit ose transferimit të pasurisë, me qëllim fshehjen ose mbulimin e origjinës së paligjshme të saj, duke ditur se kjo pasuri është produkt i veprës penale ose i veprimtarisë kriminale;

b) fshehjes ose mbulimit të natyrës së vërtetë, burimit, vendndodhjes, disponimit, zhvendosjes, pronësisë ose të drejtave në lidhje me pasurinë, duke ditur që kjo pasuri është produkt i veprës penale ose i veprimtarisë kriminale;

c) fitimit të pronësisë, posedimit ose përdorimit të pasurisë, duke e ditur në çastin e marrjes në dorëzim të saj, që kjo pasuri është produkt i veprës penale ose i veprimtarisë kriminale;

ç) kryerjes së veprimeve financiare ose transaksioneve të copëzuara për shmangien nga raportimi, sipas legjislacionit për parandalimin e pastrimit të parave;

d) investimit në veprimtari ekonomike ose financiare të parave a sendeve, duke ditur se janë produkte të veprës penale ose veprimtarisë kriminale./ Monitor

The post Pastrimi i parave/ Rriten rastet për hetim në 6 mujorin e parë të 2025 appeared first on Albeu.com.

Të dhënat tregojnë se helmimet nga ushqimi, të cilësuara si toksiko-infeksione alimentare, mbeten një burim serioz shqetësimi.

Në total, janë shënuar 466 raste të tilla në janar-maj 2025, me numrin më të lartë në janar, 112 raste dhe një rritje të ndjeshme sërish në maj 115 raste.

Ky lloj infeksioni përbën shkakun më të zakonshëm të sëmundjeve diarrehike pas gastro-enteriteve dhe shpesh lidhet me standardet e dobëta të higjienës gjatë përpunimit apo ruajtjes së ushqimeve, sidomos në ambientet e përbashkëta të gatimit dhe shërbimit.

Në të njëjtën kohë, rastet me salmonelë, një tjetër burim i zakonshëm i infeksioneve ushqimore, kanë njohur një rritje të dukshme.

Nga vetëm 3 raste në janar, ato arritën në 31 raste në maj, duke e çuar totalin për periudhën në 59 raste në 5- mujorin 2025.

Kjo rritje graduale përgjatë muajve sinjalizon një përkeqësim të kontrollit mbi produktet ushqimore, veçanërisht në sezonin pranveror kur rritet konsumi i ushqimeve të freskëta dhe shpeshtohen aktivitetet në ambient të hapur.

Gjatë periudhës janar–maj 2025, në Shqipëri janë raportuar gjithsej 28,268 raste të sëmundjeve diarrehike, sipas të dhënave të mbledhura nga ISHP.

Pjesën dërrmuese të këtyre rasteve e përbëjnë gastro-enteritet me etiologji të panjohur, të cilat përfaqësojnë mbi 98% të rasteve totale, me 27,716 raste të regjistruara në pesë muajt e parë të vitit.

Kjo shifër me origjinë të panjohur përbëjnë mbi 98% të të gjitha sëmundjeve diarrehike të raportuara gjatë periudhës janar–maj 2025 tregon se nuk është identifikuar shkaku i saktë i sëmundjes, nëse është bakteriale, virale, parazitare apo toksike.

Kjo lë hapësirë për shumë pasiguri si në diagnozë, ashtu edhe në trajtim dhe parandalim.

Fakti që 98% e rasteve futen në këtë kategori tregon se sistemi i survejancës epidemiologjike është i mangët në testime laboratorike, ose rastet identifikohen dhe klasifikohen vetëm mbi bazën e simptomave klinike të përgjithshme (si diarre dhe të vjella), pa hetim të mëtejshëm.

Mungesa në përcaktimin e shkakut i bën më vështira ndërhyrjet parandaluese pasi nuk dihet nëse duhet të merren masa për ujin, ushqimin, higjienën personale apo ndonjë burim tjetër specifik./ B.Hoxha, Monitor

The post Nuk ka siguri ushqimore/ Nga janari në maj, si u rritën rastet me salmonelë dhe helmim appeared first on Albeu.com.

“Kemi shtim të numrit të virozave respiratore tek fëmijët, ende vazhdojnë ato gastrointensinale dhe më pak apo më shumë me javë të ndryshme kemi edhe raste me Covid që vazhdojnë të shkaktojnë komplikacione sidomos respiratore pra të frymëmarrjes tek fëmijët për të cilat detyrohemi t’i hospitalizojmë. Simptomatologjia është e njëjtë dhe nëse nuk bën ekzaminimin përkatës mund të mendosh një virozë të thjeshtë dhe të jetë një Covid apo anasjelltas.”

Vetëm javën e fundit 7 fëmijë u shtruan në Pediatrinë Infektive. Temperatura e lartë dhe e vështirë për ta dominuar dhe pamundësia për të marrë frymë  ka zgjatur kohën e qendrimit  të pacientëve të vegjël  në spital deri në dy javë.

“Aktualisht kemi 7 raste të shtruara dhe po mbajmë në aktivitet një pavion të caktuar me shtretër për fëmijët që mund të vijnë edhe gjatë fundjavës. Veçanërisht janë të shtruar 6 muajt e parë të jetës. Kjo është një shenjë që tregon se pavarësisht se nënat shumica e kanë kaluar Covidin nuk kanë antikorpe të mjaftueshme për tu transmetuar fëmijëve për t’i mbrojtuar nga infeksionet e gjashtë muajve të parë të jetës. Ndoshta ky është një stimul apo një konkluzion që të rishihet vaksinimi i nënave shtatzanë ndaj këtij infeksioni. Fatmirësisht kohët e fundit nuk kemi pasur raste të rënda për tu shtruar në terapinë intensive, por në varësinë e prekjes së mushkërive apo organeve të tjera mund të qëndrojnë 10 ditë deri në dy javë. Për shembull një bronkopneumoni me pamjaftueshmëri të frymëmarrjes tek bebet e vogla që kërkon ndihmesë me oksigjen minimalisht qëndron 10 ditë në spital.”

Mjekja thotë se në qarkullim përveç nënvarianteve të “Omicron” janë dhe virozat stinore dhe i bën thirrje prindërve të mos i lënë fëmijët në mjedise të mbyllura dhe të mos i dërgojnë në çerdhe,  kopshte apo shkolla të sëmurë.

The post Rriten rastet, mjekja: Vjeshta ka shtuar virozat tek fëmijët appeared first on Albeu.com.

“Situata epidemiologjike është e qetë dhe e qëndrueshme. Karakteristike është një rritje shumë e lehtë e rasteve me COVID në korrik krahasuar me qershorin. Rritje e lehtë vërehet në 15 bashki, 30 bashki janë me 0 raste dhe rënie e numrit të rasteve vërehet në 17 bashki”, thotë Artan Simaku Epidemiolog Ishp.

Në vendin tonë ende nuk është izoluar variant i ri i COVID, E.G 5.1, i identifikuar në Shtetet e Bashkuara të Amerikës dhe disa vende të Europës. Megjithatë, disa sekuencime gjenetike janë dërguar në laboratorët e referencës, për të parë cili është variant që po rrit numrin e të infektuarve.

“Nuk janë evidentuar variante të tjera, janë variantet ba4 dhe ba5 të cilët kanë qarkulluar dhe që qarkullojnë në disa vende të Europës”,  shprehet  epidemiologu.

Por edhe pse COVID ka një tjetër variant të ri qarkullim, ekspertët thonë se nuk duhet të shqetësohemi.

Edhe pse sporadike, në shërbimin infektiv të të rriturve dhe fëmijëve ka pasuar raste të shtrimeve në spital si pasojë e infektimeve me COVID. Që prej majit të 2023, Organizata Botërore e Shëndetësisë e hoqi emergjencën shëndetësore të COVID-19, megjithatë ekspertët kërkojnë që të mos neglizhohen masat mbrojtëse dhe vaksinimi, veçanërisht për grupet e riskut.

The post Rikthehen rastet me Covid, sa të rrezikuar jemi? Qetësojnë ekspertët: Nuk kemi variant të ri appeared first on Albeu.com.

Vaksinimi anticovid dhe i gripit kryhet në qendrat shëndetësore në të gjithë vendin. Vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Ju informojmë për situatën e Covid19 në 24 orët e fundit: Janë kryer 292 testime, nga të cilët 17 qytetarë kanë rezultuar pozitivë me COVID19:

11 në Tiranë, nga 2 qytetarë në Himarë, Shkodër, nga 1 qytetarë në Vlorë, Durrës.

Janë 180 qytetarë aktivë me Covid19 në të gjithë vendin.

Aktualisht në Spitalin Infektiv po marrin trajtim 8 pacientë. Në 24 orët e fundit nuk ka asnjë humbje jete me SarsCov2.

Janë shëruar 7 qytetarë gjatë 24 orëve të fundit, duke e çuar numrin e të shëruarve në 330,100 që nga fillimi i epidemisë.

Statistika ( 1 Prill 2023)

Raste të reja ditore               17

Të shëruar në 24 orë            7

Të shtruar në spitale             8

Humbje jete në 24 orë           0

Testime ditore                        292

Testime totale                   2,049,179

Raste pozitive                      333,883

Raste të shëruara                  330,100

Raste Aktive                             180

Humbje jete                              3,603

Shpërndarja gjeografike e rasteve aktive sipas qarqeve:

Tiranë                      150

Shkodër.                    8

Vlorë                         7

Durrës.                      5

Fier                             3

Berat.                         3

Elbasan.                     2

Korçë.                          2

The post Asnjë humbje jete, 17 të infektuar në 24 orët e fundit appeared first on Albeu.com.

Vaksinimi anticovid dhe i gripit kryhet në qendrat shëndetësore në të gjithë vendin. Vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Ju informojmë për situatën e Covid19 në 24 orët e fundit: Janë kryer 279 testime, nga të cilët 14 qytetarë kanë rezultuar pozitivë me COVID19:

7 në Tiranë, nga 2 qytetarë në Shkodër, Fier, nga 1 qytetarë në Rrogozhinë, Devoll, Gramsh.

Janë 154 qytetarë aktivë me Covid19 në të gjithë vendin.

Aktualisht në Spitalin Infektiv po marrin trajtim 8 pacientë. Në 24 orët e fundit  nuk ka asnjë  humbje jete me SarsCov2.

Janë shëruar 12 qytetarë gjatë 24 orëve të fundit, duke e çuar numrin e të shëruarve në 330,072 që nga fillimi i epidemisë.

Statistika ( 28 Mars 2023)

Raste të reja ditore               14

Të shëruar në 24 orë            12

Të shtruar në spitale             8

Humbje jete në 24 orë           0

Testime ditore                        279

Testime totale                   2,047,887

Raste pozitive                      333,828

Raste të shëruara                  330,072

Raste Aktive                             154

Humbje jete                              3,602

Shpërndarja gjeografike e rasteve aktive sipas qarqeve:

Tiranë                      132

Fier                             7

Vlorë                         4

Shkodër.                    4

Berat.                         3

Durrës.                      3

Elbasan.                     1

Korçë.                          1

The post 14 të infektuar dhe asnjë humbje jete në 24 orët e fundit appeared first on Albeu.com.

Vaksinimi anticovid dhe i gripit kryhet në qendrat shëndetësore në të gjithë vendin. Vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Ju informojmë për situatën e Covid19 në 24 orët e fundit: Janë kryer 184 testime, nga të cilët 8 qytetarë kanë rezultuar pozitivë me COVID19:

5 në Berat, 2 në Tiranë, 1 në Durrës.

Janë 174 qytetarë aktivë me Covid19 në të gjithë vendin.

Aktualisht në Spitalin Infektiv po marrin trajtim 5 pacientë. Në 24 orët e fundit  nuk ka asnjë humbje jete me SarsCov2.

Janë shëruar 19 qytetarë gjatë 24 orëve të fundit, duke e çuar numrin e të shëruarve në 329,923 që nga fillimi i epidemisë.

Statistika ( 15 Mars 2023)

Raste të reja ditore               8

Të shëruar në 24 orë            19

Të shtruar në spitale             5

Humbje jete në 24 orë           0

Testime ditore                        184

Testime totale                   2,044,584

Raste pozitive                      333,697

Raste të shëruara                  329,923

Raste Aktive                             174

Humbje jete                              3,600

Shpërndarja gjeografike e rasteve aktive sipas qarqeve:

Tiranë                      144

Berat.                         12

Fier                           6

Vlorë                         5

Durrës.                      3

Gjirokastër.             2

Shkodër.                    1

Kukës.                          1

The post Tetë të infketuar dhe asnjë humbje jete në 24 orët e fundit appeared first on Albeu.com.