Berisha bëri thirrje për protesta, për të larguar qeverinë e Edi Ramës.

“Vota e kontrolluar është vota e regjimeve totalitarëve, defacko është në vdekje klinike. Raporti i OSBE konstaton se për kontrollin e votës u përdorën mjete antikushtetuese dhe antiligjore, të cilat dhunuan Kodin Zgjedhore, standardet ndërkombëtare të zgjedhjeve të lira. Zgjedhjet u kontrolluan nga administrata, Patronazhisti dhe Aktivisti bënë gjithçka për të diktuar vullnetin e shqiptarëve. Në raport gjen përqindje që përmbysin zgjedhjet. Gjen se 14 maji ishte një farsë elektorale”, tha Berisha.

Berisha, teka foli për protesta, tha se ata qytetarë që janë interesuar për votën e lirë, jtë ngrihemi “ndaj këtij regjimi”.

“Ky pushtet qëndron i bazuar në raportin krimi shndërrohet në votë dhe vota në krim. Kurrë të mos përligjet një votë e vjedhur. Vota e vjedhur nuk shpreh vullnetin qytetar, por të rrëmbyesve të votës. PD qëndron e vendosur të udhëheqë shqiptarët drejt një përpjekjeje të madhe që shqiptarët të votojnë si qytetarët e tjerë evropianë.

Në një votë të kontrolluar, të blerë dhe nën terror, siç thotë raporti i OSBE, nuk ka asgjë që mund të provojë humbjen e opozitës. Këto provojnë vjedhjen e votës. Ata që mendojnë se Rama vodhi zgjedhjet dhe i fitoi ato, ata vetëm përligjin vjedhjen dhe kjo është katastrofë.

Ata që janë interesuar për votën e lirë, janë së paku 600 mijë që nuk u ndikuan dhe votuan në misionin e ri. Të ngrihemi ndaj këtij regjimi. Ne po përgatitemi për një lëvizje të qëndrueshme që shqiptarët të votojnë të lirë, si popujt e tjerë të rajonit.

U drejtohemi të gjithë idealistëve, misioni ynë është të rikthejmë të drejtën për të votuar shqiptarëve në një lëvizje të re të fuqishme. PD do lëvizë në shumë plane, por drejtim kryesor duhet të jetë përmbysja e këtij regjimi që qëndron mbi binomin krimi-votë dhe vota-krim”, tha Berisha.

The post “Raporti i OSBE tregoi se vota është blerë në terror”, Berisha: Ta largojmë Ramën me protesta appeared first on Albeu.com.

Basha thotë se gjitha shkeljet që ka konstatuar raporti janë denoncuar nga PD para dhe pas 25 prillit.

Më tej Basha tha se, ky raport është vula e turpit mbi vjedhjen më të madhe në historinë e pluralizmit.

“Pjesa dërrmuese e shqiptarëve e dinë se 25 prilli nuk kishte asnjë lidhje me demokracinë dhe zgjedhjet e lira. Raporti konfirmon se 25 prilli ishte një masakër zgjedhore, këtë e kemi thënë prej ditës së parë. Këtë tashmë e di e gjithë bota demokratike sepse ky raport është vula e turpit mbi vjedhjen më të madhe në historinë e pluralizmit. Blerje masive të votave, e kemi thënë ne e konstaton edhe raporti, shkrirja në një e partisë në pushtet, e kemi thënë ne e konstaton edhe raporti, keq përdorimi i aseteve publike, abuzimi me pushtetin, rritje fiktive e punësimeve në administratë për qëllime elektorale, e kemi thënë ne e konstaton edhe raporti, përdorimi i fondeve të rindërtimit, legalizime në këmbim të votës, vjedhja e të dhënave private dhe ngritja e sistemit kriminal të patronazhistëve, e kemi thënë ne e konstaton edhe raporti e vijon thellohet kjo dramë sic ishte rasti i patronazhistit trafikantë droge. Ndryshimi i fletës së votimit që solli një numër rekord votash të plavefshme.

Para dhe pas 25 prillit PD i ka denoncuar krimet zgjedhore. Kemi depozituar 185 padi në SPAK por prap në vijim të traditës së pandëshkueshmërisë së dosje 184 dhe 339, asnjë nga krimet elektorale nuk është ndëshkuar. Sot hetimi është një nga rekomandimet e OSBE si një prioritet për zgjedhje të lira.

Nuk po fërkojmë duart se na doli fjala. Sepse më 25 prill nuk ishte PD që u dëmtua, por Shqipëria dhe shqiptarët e ardhmja e tyre që mori një goditje të rëndë. Sot shumica dërrmuese e shqiptarëve duan ndryshimin. Detyrë e SPAK të ndjekë më përparësi dosjet e krimeve zgjedhore dhe të ndalë ping pongun. “ tha Basha./albeu.com

The post Basha: Raporti i OSBE/ODIHR për zgjedhjet, vula e turpit mbi vjedhjen më të madhe në historinë e pluralizmit appeared first on Albeu.com.