Misioni i OSBE-së në Kosovë publikoi këtë të mërkurë “Raportin nga monitorimi i gjykimit të rasteve të krimeve të luftës në Kosovë”.

Sipas shefit të misionit, Gerard McGurk, dokumenti përmbledh shtatë vjet monitorim të vazhdueshëm dhe sistematik të proceseve gjyqësore për krime lufte në Kosovë, si dhe paraqet gjetjet nga 48 raste të shqyrtuara në Departamentin Special të Gjykatës Themelore në Prishtinë, raporton KosovaPress.

Shefi i OSBE-së për rastet e gjykimit të krimeve të luftës: Zbulimi i vonuar apo vonesat në përkthim ndikojnë në besim

“Periudha që mbulon raporti është gjithashtu me rëndësi, mbulon tranzicionin e kësaj forme më kërkuese të gjykimit nga mekanizmat ndërkombëtarë hibridë në institucionet vendore. Transferimi i rasteve nga EULEX-i si dhe paraqitja e procedurave në mungesë ishin disa nga risitë. 17 raste kanë arritur formën e prerë. Gjithashtu, konsolidimi i rolit është për gjykim të luftës është në vete një rritje. Rekomandimet përfundimtare kanë për qëllim të mbështesin përpjekjet e vazhdueshme për të forcuar administrimin e drejtësisë në pajtim me standardet ndërkombëtare. Raporti gjithashtu vëren që gjatë periudhës raportuese, numri i procedurave të krimeve të luftës është rritur dhe që këto raste kanë paraqitur sfida praktike për gjyqtarët, prokurorët dhe avokatët mbrojtës. Sfidat e identifikuara përfshijnë vonesat, brenga në lidhje me cilësinë dhe individualizimin e disa aktakuzave, sfidat e provave, problemet e zbulimit të provave dhe të përkthimit, dhe procedurat që janë mbajtur në mungesë. Monitorimi i të dhënave ka treguar që një në pesë seanca janë shtyrë nga mosparaqitja e dëshmitarëve. Gati çerek i rasteve që kanë arritur në gjykim janë prekur nga ndryshimi në panelin gjykues, dhe procedurat nganjëherë është dashur të fillojnë nga e para. Zbulimi i vonuar apo vonesat në përkthim i kanë shtyrë gjysmën e këtyre rasteve. Këto çështje nuk janë vetëm teknike, por shkojnë në zemër të procesit të rregullt, dhe kanë ndikim në besim“, tha ai.

Ushtruesi i detyrës së Kryeprokurorit, Agron Qalaj, deklaroi se procedimi i rasteve të krimeve të luftës mbetet ndër fushat më të ndjeshme dhe më të vështira të drejtësisë penale.

Qalaj: Viteve të fundit, Prokuroria Speciale ka ndërmarrë hapa të rëndësishëm në trajtimin e rasteve të krimeve të luftës

“Për sistemin prokurorial, kjo kërkon jo vetëm përkushtimin institucional, por edhe profesionalizëm, pavarësi, paanshmëri dhe respektim të plotë të ligjit. Këto raste kërkojnë një qasje të kujdesshme dhe të përgjegjshme prokuroriale. Roli i prokurorisë është të hetojë dhe ndjekë penalisht dyshimet për vepra të rënda penale, por njëkohësisht të sigurojë që çdo rast i paraqitur para gjykatës të jetë i bazuar në prova, i përgatitur me saktësi dhe i paraqitur në përputhje mes standardet e gjykimit të drejtë. Gjatë viteve të fundit, Prokuroria Speciale e Republikës së Kosovës ka ndërmarrë hapa të rëndësishëm në trajtimin e rasteve të krimeve të luftës. Puna në këtë fushë është intensifikuar, kapacitetet janë zhvilluar gradualisht dhe vëmendja institucionale ndaj kësaj kategorie të rasteve është rritur. Kjo është veçanërisht e rëndësishme duke pasur parasysh kompleksitetin e lëndëve, kohën e gjatë që ka kaluar nga ngjarjet e pretenduara, si dhe sfidat provuese që zakonisht shoqërojnë këto procedura“, tha Qalaj.

Nga ana tjetër, zëvendësministri në detyrë i Drejtësisë, Genc Nimoni, vlerësoi angazhimin shumëvjeçar të OSBE-së dhe theksoi se adresimi i krimeve të luftës ka qenë një prej prioriteteve të qeverisë.

Nimoni: Si qeveri, prioritet e kemi pasur adresimin e krimeve të luftës

“Si Qeveri e Republikës së Kosovës dhe si Ministri e Drejtësisë, me të marrë mandatin që nga viti 2021, ne kemi caktuar prioritetet tona. Në kuadër të këtyre prioriteteve ka qenë gjithashtu adresimi i krimeve të luftës dhe i drejtësisë tranzicionale. Pra, drejtësinë tranzicionale e kemi vendosur ndër prioritetet strategjike të Ministrisë së Drejtësisë, me synimin për të siguruar një qasje sa më gjithëpërfshirëse ndaj ballafaqimit me të kaluarën, llogaridhënies, dokumentimit të krimeve dhe realizimit të të drejtave të viktimave. Në këtë drejtim, brenda kompetencave tona, krah sfidave të shumta, ne tashmë kemi arritur të shënojmë rezultate konkrete, të cilat natyrisht që ndërlidhen me fushën e krimeve të luftës. Bashkëpunimi me mekanizmat ndërkombëtarë, përfshirë misionin e OSBE-së në Kosovë, mbetet një shtyllë tjetër e rëndësishme e këtij procesi. Ky lloj monitorimi ndihmon në forcimin e përgjegjësisë institucionale dhe llogaridhënies, duke rritur jo vetëm cilësinë e praktikës gjyqësore, por gjithashtu edhe besimin e publikut në sistemin e drejtësisë“, tha ai, raporton KosovaPress.

Kryetari i Gjykatës Supreme, Fejzullah Rexhepi, u shpreh se deri më tani nuk është bërë sa duhet për t’i nxjerrë para drejtësisë autorët e krimeve të luftës.

Sipas Rexhepit, me mijëra dëshmitarë kanë vdekur pa u pyetur asnjëherë, ndërsa në raste të tjera mijëra dëshmi janë dhënë, por nuk janë dokumentuar në mënyrën e duhur.

Gjyqtari Rexhepi: S’është bërë mjaftueshëm për t’i sjell para drejtësisë kryerësit e krimeve të luftës

“Nëse e shtrojmë pyetjen se ku qëndron problemi dhe a kemi bërë mjaftueshëm për t’i sjellë kryerësit para drejtësisë, në këtë rast mund të themi se nuk është bërë ajo që ka qenë e dëshirueshme. Kemi me mijëra dëshmitarë që kanë ndërruar jetë pa u marrë dëshmia e tyre; kemi mijëra të tjerë që kanë pasur rastin të dëshmojnë, por dëshmitë e tyre nuk janë dokumentuar si duhet; kemi prova që kanë humbur ose janë dëmtuar me kalimin e kohës. Kemi gjithashtu individë që morën pjesë aktive në faktimin e krimeve të luftës, për të cilët ende nuk ka pasur një proces përfundimtar. Kjo ka krijuar një situatë të paralizuar, ku shteti realisht nuk e ka çuar deri në fund misionin e tij. Në këtë rast, nuk mund ta fajësojmë vetëm Prokurorinë Speciale, pasi që nga marrja e kompetencave për ndjekjen e veprave penale të krimeve të luftës, kapacitetet e tyre kanë qenë të kufizuara. Atyre u ka munguar përkrahja e duhur, veçanërisht resurset njerëzore. Me numrin e prokurorëve që janë të angazhuar në ndjekjen e krimeve të luftës dhe me stafin mbështetës, ka qenë e pamundur që të bëhet më shumë. Andaj, mendoj që është detyrim i të gjitha institucioneve që të kenë një angazhim maksimal, në mënyrë që ndjekja e veprave penale të krimeve të luftës të marrë vëmendjen e plotë“, tha Rexhepi, raporton KosovaPress.

The post Raporti i OSBE-së nxjerr në pah pengesat që po e ngadalësojnë drejtësinë për krimet e luftës appeared first on Albeu.com.

Inspektorati Policor i Kosovës ka identifikuar në Qendrën e Ndalimit në Rahovec objekte të forta dhe potencialisht të rrezikshme si për personat e ndaluar, ashtu edhe për zyrtarët policorë. Në raportin e publikuar, IPK ka konstatuar po ashtu se niveli i higjienës në këtë qendër nuk është i kënaqshëm.

Qendra e ndalimit ndodhet pas grilave, në bodrumin e stacionit policor në Rahovec, aty ku dërgohen personat e dyshuar për vepra penale dhe mbahen kryesisht për 48 orë.

Pak javë më parë, IPK zhvilloi një inspektim në këtë qendër, ndërsa gjetjet tregojnë një gjendje jo të mirë.

Sipas raportit, kushtet higjienike në përgjithësi janë vlerësuar si të pakënaqshme.

“Kushtet higjienike në dhoma janë vlerësuar si jo të duhura, pasi në dhoma janë hasur mbetje ushqimore (shishe jogurti, shishe uji, letër e përdorur, etj.), ndërsa tualetet dhe lavamanët nuk pastrohen sa duhet. Dyshekët e jastëkët janë të njollosur dhe ka mungesë të çarçafëve për mbulim të dyshekëve. Në përgjithësi, niveli i pastërtisë brenda hapësirave të Qendrës nuk është i duhur. Stacioni ka të angazhuar dy punonjës civil si pastrues dhe shfrytëzon kontratën për shërbime të pastrimit të mbulojave në qendrat e mbajtjes në objektet e Policisë së Kosovës. Pavarësisht këtyre kapaciteteve, niveli i higjienës brenda hapësirave të Qendrës vlerësohet në nivel jo të kënaqshëm.”

Raporti ngre në pah edhe një shqetësim tjetër, edhe më serioz.

“Gjatë inspektimit, IPK ka hasur në mjete të tilla të rrezikshme brenda hapësirave të Qendrës së Ndalimit. Në dhomën e lavanderisë brenda hapësirës së Qendrës së Ndalimit, dera e së cilës është hasur e hapur, janë hasur mjete të forta (tullë betoni, lopatë, tavolinë, karrige, kabllo dhe mjete tjera të forta metalike). Prania e pajisjeve dhe objekteve të forta, që janë potencialisht të rrezikshme, përbën rrezik serioz për sigurinë e të ndaluarve dhe zyrtarëve mbikëqyrës në Qendër. Edhe pse në të kaluarën është rekomanduar largimi i mjeteve të rrezikshme nga këto hapësira, inspektimi pasqyron mosveprim në drejtim të rritjes së standardit të sigurisë.”

Si rezultat, institucioneve përgjegjëse u janë dërguar shtatë rekomandime. Në një përgjigje me shkrim, Policia rajonale e Gjakovës ka bërë të ditur se katër prej tyre janë zbatuar menjëherë, ndërsa 3 të tjera janë në implementim në bashkëpunim me njësi të tjera të Policisë, transmeton “Dukagjin”.

Avokati Meshar Selimaj ka thënë se gjendje të ngjashme nuk hasen vetëm në Rahovec, por edhe në qendra të tjera të ndalimit nëpër stacione policore.

“Pra nuk është veç ajo në Rahovec por është e Gjakovës dhe qendra shumë tjera që kanë nevojë për përkujdesje dhe me aq sa kemi parë gjatë këtyre kohëve ka lënë shumë për të dëshiruar mënyra se si janë menaxhuar këto qendra të ndalimit të cilat për fat të mirë nuk kanë zgjat më shumë se 48 orë pra personat që kanë qëndruar aty e kanë pasur fatin e mirë në mesin e kësaj të keqe që të mos qëndrojnë më shumë se 48 orë”, ka deklaruar ai.

Nga fundi i vitit të kaluar, në këtë stacion policor në Rahovec, një person i ndaluar kishte arritur të arratisej pasi hapi me forcë derën e dhomës së ndalimit, por më pas u kap shpejt nga zyrtarët policorë dhe u kthye sërish aty.

The post Raporti i IPK-së evidenton një sërë mangësish në Qendrën e Ndalimit në Rahovec appeared first on Albeu.com.

Sipas të dhënave të studimit, perceptimi neto pozitiv për FSHF-në ka kaluar nga 47% në vitin 2016 në 52% në vitin 2026. Po ashtu, raporti nënvizon se 47% e të anketuarve kanë një imazh të fortë pozitiv për Federatën, nivel që rezulton mbi mesataren europiane dhe më i lartë se ai i organizatave të tjera sportive në Shqipëri.

Nga gjetjet e raportit rezulton se njohja e rolit të FSHF-së në administrimin, zhvillimin dhe promovimin e futbollit është ndjeshëm më e lartë se mesatarja europiane. Studimi thekson se besimi i qytetarëve se e kuptojnë rolin dhe aktivitetin e Federatës është 43% më i lartë se benchmark-u europian.

Raporti evidenton edhe një lidhje të drejtpërdrejtë mes njohjes së punës së Federatës dhe vlerësimit ndaj saj. Te qytetarët që thonë se janë të informuar mirë për aktivitetin e FSHF-së, 83% shprehen pozitivisht për institucionin.

Për sa i përket vlerave që publiku ia atribuon Federatës, shqiptarët e cilësojnë FSHF-në si një organizatë respektuese, progresive, të përgjegjshme dhe kompetente.

Këto vlerësime bëhen edhe më të theksuara tek ata që kanë më shumë informacion për aktivitetet dhe projektet e Federatës. Një nga përfundimet më domethënëse të raportit lidhet pikërisht me arsyet që ndikojnë në krijimin e një opinioni pozitiv për FSHF-në.

Pjesa më e madhe e të anketuarve e lidh këtë perceptim me përparimin dhe përmirësimin e vazhdueshëm të futbollit shqiptar, me zhvillimin e futbollit për fëmijë dhe të rinj, me investimet në infrastrukturë, si edhe me sukseset e Kombëtares shqiptare në arenën ndërkombëtare.

Studimi nxjerr në pah gjithashtu shkallën e lartë të njohjes së nismave të Federatës. Plot 63% e shqiptarëve shprehen se njohin të paktën një projekt ose iniciativë të FSHF-së. “Projekti 100 Fushat” rezulton iniciativa më e njohur, ndërsa programi “Topi Yt” krijon ndikim të fortë emocional dhe perceptim pozitiv te publiku.

Sipas raportit, 68% e shqiptarëve e lidhin FSHF-në me Kombëtaren shqiptare, në rritje krahasuar me vitin 2016. Ky tregues pasqyron ndikimin që ekipet kombëtare kanë në identitetin dhe imazhin e futbollit shqiptar.

Një tjetër element i rëndësishëm i studimit është mbështetja e publikut për zhvillimin e mëtejshëm të futbollit. Sipas anketimit, 85% e të pyeturve mendojnë se futbolli duhet të ketë më shumë mbështetje financiare, ndërsa 81% vlerësojnë se duhen politika dhe iniciativa shtesë për avancimin e tij.

Në përmbyllje, gjetjet e raportit konfirmojnë se investimet, projektet zhvilluese dhe rezultatet e arritura gjatë viteve të fundit kanë ndikuar në forcimin e imazhit të Federatës Shqiptare të Futbollit, si edhe në rritjen e besimit të publikut ndaj rolit të saj në zhvillimin e futbollit në vend.

The post Raporti i UEFA-s dhe Nielsen: Rritet vlerësimi për FSHF-në, publiku shqiptar e sheh avancimin e futbollit si meritë të Federatës appeared first on Albeu.com.

Në raport, Shqipëria përshkruhet si një vend me disa probleme në fushën e investimeve dhe sundimit të ligjit, të cilat ndikojnë në klimën e përgjithshme të biznesit.

Në dokument thuhet se sfidat kryesore që dëmtojnë ambientin e biznesit përfshijnë korrupsionin e përhapur, një sistem gjyqësor të dobët, mungesën e transparencës në prokurimet publike, si dhe praninë e madhe të ekonomisë informale dhe pastrimit të parave, sidomos me burim nga trafiku i drogës.

Ekonomia informale ka ndikuar ndjeshëm në shtrembërimin e konkurrencës në treg. Për më tepër, bizneset raportojnë ndërhyrje të paligjshme, shantazhe dhe presion nga aktorë të administratës publike, media dhe grupe të organizuara kriminale.

“Komuniteti i biznesit raporton se hyrja masive e të ardhurave të paligjshme nga trafiku i drogës, kontrabanda, evazioni fiskal dhe korrupsioni po shtrembëron konkurrencën në treg. Investitorët raportojnë gjithashtu se mund të bëhen objekt shantazhesh nga administrata publike, media dhe grupe kriminale”, thuhet në raport.

DASH evidenton korrupsionin e vazhdueshëm në procesin e prokurimeve shtetërore, ku kontratat shpesh jepen përmes procedurave të dyshimta dhe të mbyllura.

Përkundër përpjekjeve të qeverisë për të promovuar transparencë në tenderime, përmes platformës “Open Procurement” dhe dixhitalizimit të shërbimeve, raporti vëren se realiteti në terren mbetet problematik.

Kontratat e partneritetit publik-privat (PPP) përmenden si një tjetër burim shqetësimi, pasi, sipas raportit, ato shpesh janë hartuar pa analizë të thelluar dhe me mungesë të ekspertizës profesionale. Kjo ka kufizuar pjesëmarrjen e investitorëve të huaj dhe ka krijuar terren për favorizime.

Sipas raportit, të drejtat e pronës vazhdojnë të jenë një çështje delikate. Të huajt dhe vendasit përballen me vështirësi të mëdha për të siguruar tituj të qartë pronësie.

“Përdorimi i vazhdueshëm i kontratave të partneritetit publik-privat (PPP) ka reduktuar hapësirat për konkurrencë të ndershme, përfshirë edhe për investitorët e huaj, sidomos në sektorin e infrastrukturës dhe sektorë të tjerë. Analiza e dobët dhe mungesa e ekspertizës teknike në hartimin dhe monitorimin e kontratave PPP vazhdojnë të jenë shqetësime serioze.

Disa investitorë amerikanë janë përballur me mosmarrëveshje të vështira tregtare, si me entitete publike, ashtu edhe me ato private, disa prej të cilave kanë përfunduar në arbitrazh ndërkombëtar”, thekson DASH.

Janë raportuar raste të abuzimeve me sistemin gjyqësor, ku individë të caktuar kanë manipuluar dokumentacionin për të përvetësuar prona në mënyrë të paligjshme. Mbivendosja e titujve të pronësisë është një dukuri e përhapur dhe kompensimi për pronat e konfiskuara gjatë komunizmit vazhdon të jetë i ngadaltë dhe joefikas.

Raporti i DASH thekson se Shqipëria ka ndërmarrë reforma të thella për të luftuar korrupsionin në nivelet më të larta, përfshirë ndryshime kushtetuese dhe ngritjen e institucioneve të specializuara si SPAK dhe Byroja Kombëtare e Hetimit (BKH).

Megjithatë, zbatimi i reformës në drejtësi ka krijuar boshllëqe serioze për shkak të largimit të gjyqtarëve dhe prokurorëve të korruptuar, duke ngadalësuar proceset gjyqësore, veçanërisht në gjykatat e apelit.

Përkundër përparimeve të regjistruara, si përmirësimi në Indeksin e Perceptimit të Korrupsionit nga Transparency International (nga 37 në 42 pikë), investitorët e huaj mbeten skeptikë për klimën e të bërit biznes në Shqipëri.

Ata theksojnë se mungesa e stabilitetit ligjor, ndryshimet e shpeshta në politikat fiskale dhe rreziku nga arbitrariteti i autoriteteve mbeten pengesa të mëdha.

Sipas raportit, investimet direkte nga SHBA në Shqipëri arritën në 382 milionë dollarë në fund të vitit 2024, një rritje krahasuar me vitin 2023. Megjithatë, raporti vëren se ky nivel është ende modest dhe përfaqëson një pjesë të vogël të kapitalit të huaj në vend, për shkak të klimës së pasigurt për investime.

Bizneset amerikane që operojnë në Shqipëri shpesh zgjedhin të përfshijnë klauzola të arbitrazhit ndërkombëtar në kontrata, për të shmangur zgjidhjen e mosmarrëveshjeve përmes sistemit vendas të drejtësisë, të cilin e konsiderojnë të ngadaltë, joefektiv dhe të ndikuar politikisht.

The post Klima e investimeve, Departamenti Amerikan i Shtetit publikon raportin për Shqipërinë: Sfidë kryesore paratë e drogës! PPP-të me mungesë të ekspertize appeared first on Albeu.com.

Ndonëse kushtetuta parashikon një gjyqësor të pavarur, “presioni politik, frikësimi, korrupsioni dhe burimet e kufizuara e penguan gjyqësorin të funksiononte plotësisht, në mënyrë të pavarur dhe efikase”, thuhet në raport.

Në raport vëren se ka patur edhe përparim, duke përmendur Strukturën e Posaçme Anti-Korrupsion (SPAK) i cili gjatë vitit të kaluar ka hetuar, ndjekur penalisht dhe dënuar zyrtarët e lartë dhe pjesëtarë të krimit të organizuar, të përfshirë në korrupsion.

Korrupsioni, thekson raporti, ishte i pranishëm në të gjitha degët dhe nivelet e qeverisjes, përfshirë edhe prokurimin publik dhe partneritetet publiko-private.

Një nga problemet kryesore të përmendura në raport është gjendja e medias dhe trysnia ndaj saj.

Sipas raportit, vëzhguesit pohojnë se “qeveria, partitë politike, bizneset dhe grupet kriminale u përpoqën të ndikonin në media në mënyra të papërshtatshme dhe jotransparente”.

Ka media të lira dhe një përhapje të madhe të organeve të medias, veçanërisht në internet, që përfaqësojnë një spektër të gjerë pikëpamjesh pa përgjegjësi, shpesh pa e atribuar informacionin.

“Megjithatë, janë të pakta mediat e pavarura, pasi shumica e mediave janë në pronësi të biznesmenëve me peshë që kanë interesa të mëdha, të cilët përdorin mediat e tyre për të avancuar interesat e tyre, përfshirë përfitimin dhe nxitjen e interesave që kanë me partitë politike”, thuhet në raport.

Departamentit i Shtetit thotë gjithashtu se ka pasur raporte të besueshme sipas së cilave, përfaqësuesit e lartë të mediave përdornin organet e tyre për të ushtruar shantazh ndaj bizneseve, duke i kërcënuar ato me pasqyrim negativ.

“Presioni politik, korrupsioni dhe mungesa e fondeve kufizuan median e pavarur të shkruar dhe gazetarët thuhet se kanë praktikuar autocensurë”, thuhet në raport.

Po sipas Departamentit të Shtetit, raporti i Misionit Ndërkombëtar të Vëzhgimit të Zgjedhjeve pas zgjedhjeve parlamentare të prillit 2021 vlerësoi se gazetarët mbetën të pambrojtur ndaj presionit dhe korrupsionit.

Duke iu referuar këtyre zgjedhjeve, në raport thuhet se sipas Misionit Ndërkombëtar të Vëzhguesve megjithëse zgjedhjet në përgjithësi ishin të organizuara mirë, partia në pushtet siguroi avantazhe të rëndësishme nga fakti i të qënit pushteti i saj, nga kontrolli mbi administratat vendore dhe nga keqpërdorimi i burimeve administrative”.

Raporti përmend gjithashtu përfitimin që shumica siguroi nga mbulimi pozitiv i institucioneve shtetërore në media, si edhe pretendimet e besueshme për blerje të përhapura të votave nga partitë politike dhe nxjerrjen dhe përdorimin e paligjshëm të të dhënave të ndjeshme personale.

Në raport thuhet se disa pronarë biznesesh, aktivistë të shoqërisë civile dhe politikanë akuzuan qeverinë për zbatim selektiv të ligjit për sekuestrimin e pronave për qëllime politike.

Aty përmenden si shembuj mbyllja me forcë e një ambjenti biznesi të një deputeti të opozitës, i cili tha se kompania e tij ishte vënë në shënjestër, pasi ai kishte akuzuar vazhdimisht dhe publikisht zyrtarët e qeverisë për korrupsion.

Po ashtu përmendet shembja në dhjetor e një hoteli nga Inspektorati Kombëtar për Mbrojtjen e Territorit , duke përmendur si arsye shkelje të rënda të ligjeve të ndërtimit.

Në raport përmendet fakti që pronari i hotelit, që është edhe pronar i disa mediave dhe bizneseve të tjera, pretendon se hoteli i tij u shkatërrua për të heshtur kritikat dhe kundërshtimet, ndërkohë që qeveria tha se veproi në përputhje me ligjet në fuqi.

Duke folur për të drejtat e grave, raporti vë në dukje se qeveria nuk e zbatoi ligjin në mënyrë efektive kur bëhet fjalë për përdhunimet.

Po ashtu raporti thekson se autoritetet nuk kanë publikuar të dhëna për ndjekjet penale për rastet e përdhunimit bashkëshortor. Koncepti i përdhunimit nga bashkëshorti nuk është kuptuar mirë dhe autoritetet shpesh nuk e konsiderojnë atë si krim, thuhet në raport.

Megjithëse ligji e ndalon ngacmimin seksual, zyrtarët rrallë e zbatuan detyrimiun që rrjedh nga ky ligj, sipas raportit.

The post Raporti i DASH për Shqipërinë: Mangësi në gjyqësor, korrupsion në qeverisje dhe pak media të pavarura appeared first on Albeu.com.

Shkalla e imigrimit pas pandemisë prej 1.1 milionë personave në vit mund të jetë fillimi i një tendence drejt niveleve të larta të migrimit në dekadat e ardhshme, sipas Fondacionit të Tregut Social.

Plakja e popullsisë së Britanisë dhe mungesa e aftësive do të thotë se vendi ka një kërkesë të vazhdueshme për punëtorë migrantë. Britania duhet të pranojë më shumë se një milion emigrantë çdo vit për të përmbushur kërkesën për fuqi punëtore.

Një nga autorët e studimit, Jonathan Thomas, vuri në dukje nevojën e Mbretërisë së Bashkuar për t’u fokusuar në strategjinë e imigracionit. Kjo përfshin, në veçanti, zhvillimin e partneriteteve me vendet e origjinës së migrantëve.

Në të njëjtën kohë, ekspertët u kanë bërë thirrje autoriteteve britanike që të nënshkruajnë marrëveshje konstruktive me Francën për të reduktuar numrin e emigrantëve të paligjshëm që hyjnë në vend përmes Kanalit Anglez.

Këtë vit u shënua një rekord kalimesh të paligjshme në Kanal. Sipas vlerësimeve të fundit të gazetarëve britanikë, deri më tani në këtë mënyrë kanë kaluar pothuajse 45,000 njerëz (në vitin 2021, ky numër ishte 28,500 persona, në 2020 – 8,400).

Në mesin e emigrantëve të paligjshëm, shumica janë shtetas të Afganistanit, Iranit, Irakut dhe Shqipërisë.

Që kur Britania u largua nga BE-ja, Mbretëria e Bashkuar ka zbatuar një politikë relativisht liberale të imigracionit, duke u dhënë të drejta të qëndrimit të përhershëm mbi 5 milionë shtetasve të BE-së dhe mbi 5 milionë banorëve të Hong Kongut.

The post RAPORTI/ Britanisë i duhen 1 milion emigrantë në vit për të plotësuar vendet e punës appeared first on Albeu.com.

DASH ka përshkruar zhvillimet mes dy vendeve në 100 këto 100 vite nuk përmendur investimet e shumta të SHBA në Shqipër, duke nisur nga programet e mbrojtjes e deri tek ndihma gjatë krizës së pandemisë.

Deklarata e Plotë:

Presidenti i SHBA-ve Woodrow Wilson avokoi për një shtet të pavarur shqiptar në Konferencën e Paqes në Paris në janar 1919. Menjëherë pas kësaj, më 28 korrik 1922, Shtetet e Bashkuara dhe Shqipëria vendosën marrëdhënie diplomatike për herë të parë kur Maxwell Blake, Komisioneri Amerikan në Shqipëri, Zgjeruar njoftimin me shkrim për njohjen e Shqipërisë nga Shtetet e Bashkuara për Ministrin e Punëve të Jashtme të Shqipërisë.

Marrëdhëniet diplomatike SHBA-Shqipëri u ndërprenë në vitin 1939 kur Shqipëria u pushtua nga Italia (1939-43) dhe Gjermania (1943-44) gjatë Luftës së Dytë Botërore. Pas luftës, Shqipëria pa 45 vjet izolim dhe moszhvillim nën udhëheqësin e saj komunist. Me rënien e komunizmit në vitin 1991, qeveria shqiptare kërkoi lidhje më të ngushta me Perëndimin për të përmirësuar kushtet ekonomike dhe futi reformat themelore demokratike. Marrëdhëniet diplomatike midis Shteteve të Bashkuara dhe Shqipërisë u rivendosën në vitin 1991. Në vitin 2015, ne nënshkruam Partneritetin Strategjik SHBA-Shqipëri për të pasqyruar partneritetin e ngushtë midis vendeve tona dhe për të zgjeruar bashkëpunimin tonë në dobi të të dy kombeve.

Shtetet e Bashkuara dhe Shqipëria përkujtojnë 100-vjetorin e vendosjes së marrëdhënieve SHBA-Shqipëri në vitin 2022. Pavarësisht ndërprerjeve të këtyre marrëdhënieve gjatë shekullit të kaluar, dy vendet tona krijuan lidhje të forta, tejkaluan konfliktet dhe vështirësitë dhe u shfaqën si aleatë dhe miq të ngushtë. Me këtë histori në mendje, ne shikojmë drejt së ardhmes dhe gjithçka që mund të arrijmë së bashku gjatë shekullit të ardhshëm. Dy kombet tona janë të rrënjosura në një angazhim të përbashkët ndaj vlerave demokratike, paqes dhe prosperitetit ekonomik, të cilat janë themeli i këtij partneriteti të qëndrueshëm. Temat e 100-vjetorit pasqyrojnë këto prioritete: Miqësia, Demokracia, Mbrojtja dhe Biznesi.

Miqësi

Gjatë vitit të kaluar, qeveria shqiptare është dëshmuar sërish si një partner i fortë duke mbështetur zhvendosjen e afganëve.

Në vitin 2022, Shtetet e Bashkuara zgjatën vlefshmërinë e vizës së vizitorëve B1/B2 për shqiptarët nga tre në dhjetë vjet.

Në vitin 2021, SHBA dhe Shqipëria nënshkruan një Memorandum Mirëkuptimi për të mbrojtur pasurinë kulturore të Shqipërisë kundër plaçkitjeve dhe trafikimit.
Deklarata jonë e përbashkët e vitit 2015 mbi Partneritetin Strategjik midis Shteteve të Bashkuara dhe Shqipërisë bazohej në vlerat e përbashkëta demokratike, respektimin e të drejtave të njeriut dhe sundimin e ligjit.

Shtetet e Bashkuara dhanë ndihmë humanitare për Kryqin e Kuq Shqiptar dhe UNICEF-in pas tërmetit të 2019-ës, dërguan ekspertë të zjarrfikësve për të ndihmuar gjatë zjarreve të vitit 2021 dhe ofruan më shumë se 4.4 milion dollarë ndihmë për COVID-19 për përhapjen e vaksinave, komunikimin e rrezikut dhe komunitetin fejesa.

Studiuesit dhe studentët shqiptarë kanë hulumtuar, dhënë mësim ose kanë studiuar në universitetet amerikane nëpërmjet Programit Fulbright në Shqipëri, themeluar në vitin 1991. Studiuesit dhe studentët amerikanë kanë udhëtuar në Shqipëri për projekte kërkimore dhe mësimore. Në vitin 2021, 91 shqiptarë erdhën në Shtetet e Bashkuara përmes Programit të Vizitorëve të Shkëmbimit të Sektorit Privat të Departamentit (BridgeUSA). Një MOU 2019 financoi bashkërisht Programin Studentor Fulbright, duke zgjeruar bursat për studentët shqiptarë për të ndjekur studimet master në Shtetet e Bashkuara.

Që nga viti 2001, Fondi i Ambasadorit të SHBA për Ruajtjen e Kulturës (AFCP) ka dhënë 1.28 milionë dollarë për financimin e konservimit dhe mbrojtjes së strukturave dhe objekteve të rëndësishme arkeologjike në Shqipëri. Në vazhdën e tërmetit të nëntorit 2019, AFCP është fokusuar në restaurimin e monumenteve historike në Shqipëri, duke përfshirë kështjellat dhe muret e qyteteve në Durrës dhe Prezë, të cilat u përfunduan dhe festuan këtë vit për të nderuar 100-vjetorin.

Që nga viti 1992, qeveria e Shteteve të Bashkuara ka dhënë më shumë se 1 miliard dollarë ndihmë për Shqipërinë për të mbështetur pluralizmin politik; shoqëria civile; qeverisje vendore efektive; media e pavarur; rregulli i ligjit; sektorët e energjisë dhe shëndetësisë; sistemet ekonomike të tregut të lirë; dhe rritje të qëndrueshme ekonomike, duke përfshirë zhvillimin e turizmit dhe partneriteteve të mikro-ndërmarrjeve.

Demokraci

Një shtyllë e marrëdhënieve të forta dypalëshe është një angazhim i përbashkët ndaj demokracisë. Mbështetja e Shteteve të Bashkuara do të vazhdojë për reformën në drejtësi, shoqërinë civile, median dhe procesin zgjedhor në Shqipëri.

Pjesëmarrja e Shqipërisë në Samitin për Demokracinë të udhëhequr nga SHBA në Uashington, DC në dhjetor 2021 kontribuoi në promovimin e institucioneve më të forta demokratike.

Programimi i asistencës së SHBA-së po ndihmon Shqipërinë të përmirësojë transparencën dhe llogaridhënien e qeverisë, të forcojë institucionet e drejtësisë në shërbim të publikut, të rrisë kapacitetin e shoqërisë civile dhe të luftojë korrupsionin, duke kontribuar të gjitha në rrugën e saj të anëtarësimit në BE.

Programimi i SHBA-së mbështet një shtyp të lirë në Shqipëri të ndërtuar mbi gazetarinë investigative me cilësi të lartë, e cila është jetike për një demokraci të lulëzuar. Ne po investojmë në trajnime dhe në rritjen e shkrim-leximit mediatik për të zgjeruar transparencën publike dhe për të zgjeruar njohuritë e qytetarëve për çështjet që ndikojnë në jetën dhe jetesën e tyre.

Mbrojtja

Shtetet e Bashkuara dhe Shqipëria ndajnë një partneritet të fortë ushtarak dhe angazhim në NATO, të cilës Shqipëria iu bashkua në 2009.

Midis 2003 dhe 2013, afro 4,000 trupa shqiptare punuan së bashku me forcat e NATO-s si pjesë e Operacionit Liria e Qëndrueshme dhe Forcave Ndërkombëtare të Asistencës për Sigurinë në Afganistan. Forcat shqiptare dhe ato amerikane qëndrojnë përkrah njëra-tjetrës edhe në misionin KFOR të NATO-s në Kosovë.

Shqipëria ishte një nga vendet e para që mirëpriti mbi 2,500 të evakuuar afganë pas marrjes së pushtetit nga talebanët në vitin 2021. Qeveria e SHBA-së dhe OJQ-të amerikane njohën kontributin e qeverisë shqiptare në ofrimin e strehimit të sigurt për ata në nevojë.

Në vitin 2021, Shqipëria ndihmoi në pritjen e Defender Europe 21, i cili integroi afërsisht 28,000 forca amerikane, aleate dhe partnere nga 26 vende në operacione pothuajse të njëkohshme në zonat e trajnimit në më shumë se një duzinë vendesh nga Balltiku, në Afrikë, në Detin e Zi dhe Detin kritik dhe rajonet e Ballkanit. Stërvitja ishte aq e suksesshme sa Shqipëria do të presë sërish pjesë të Defender-Europe 23 vitin e ardhshëm.

Shqipëria u zgjodh anëtare jo e përhershme e Këshillit të Sigurimit të OKB-së (KSB) për 2022-2023. Prioritetet e Shqipërisë në Këshillin e Sigurimit përfshijnë adresimin e krizave globale, inkurajimin e zgjidhjes paqësore të konflikteve, partneritetin dhe ndërmjetësimin. Shqipëria dhe Shtetet e Bashkuara janë bashkëmbajtës në KS të KS për çështjet e Ukrainës.

Komanda e Operacioneve Speciale të SHBA-së në Evropë (SOCEUR) krijoi një seli të Forcave të Operacioneve Speciale me bazë përpara në Shqipëri këtë vit, me mbështetjen e plotë të qeverisë shqiptare dhe ushtrisë shqiptare.

Komanda Evropiane e SHBA (EUCOM) po ndihmon Shqipërinë për të zhvilluar aftësitë e saj të NATO-s. Një ekip nga Brigada e 4-të e Asistencës së Forcave të Sigurisë të Ushtrisë Amerikane (SFAB) po jeton dhe stërvitet së bashku me Forcat Tokësore Shqiptare për të përshpejtuar këto përpjekje.

Biznesi

Në tetor 2020, Shtetet e Bashkuara dhe Shqipëria nënshkruan një Memorandum të Bashkëpunimit Ekonomik (MEC). Në të njëjtën ditë, Shqipëria nënshkroi një marrëveshje me kompaninë amerikane të infrastrukturës Bechtel, për projektin e planifikuar prej kohësh të hidrocentralit të Skavicës, duke nisur projektin në tetor 2021. Ky moment historik shënon një të ardhme premtuese në marrëdhëniet ekonomike në rritje të Shteteve të Bashkuara dhe Shqipërisë. MEC lehtësoi gjithashtu një marrëveshje midis Shqipërisë dhe kompanive amerikane të energjisë, ExxonMobil dhe Excelerate Energy për të importuar gaz natyror të lëngshëm amerikan në Shqipëri nëpërmjet një terminali LNG në Vlorë, i cili do të përdoret për të prodhuar energji jo vetëm në Shqipëri, por edhe për të përmbushur nevojat për energji. në të gjithë rajonin.

Tregtia dypalëshe midis Shteteve të Bashkuara dhe Shqipërisë ishte 162.2 milionë dollarë në vitin 2021, 47% më shumë se një vit më parë. Eksportet e S. janë rritur me 61% dhe eksportet shqiptare janë rritur me 30% krahasuar me vitin 2020. Investimet e huaja direkte të SHBA gjithashtu arritën një nivel të ri në vitin 2021. Kohë të begata janë përpara për investitorët amerikanë pasi Shqipëria demonstron avantazhet e saj si një destinacion investimi.

Dhoma Amerikane e Tregtisë në Shqipëri (AmCham Albania), e krijuar në vitin 2000, po rrit tregtinë dypalëshe, po promovon investimet e huaja në Shqipëri dhe po ndriçon imazhin e biznesit shqiptar në tregjet amerikane dhe ndërkombëtare nëpërmjet 220 anëtarëve aktivë që përfaqësojnë bizneset më produktive dhe më të suksesshme në Shqipëria.

Në vitin 2022, Shqipëria dhe Grupi Ndërkombëtar Jones nënshkruan një Memorandum Mirëkuptimi për rrjetet dixhitale të sigurta.

The post DASH publikon raportin në 100 vjetorin e marrëdhënieve me SHBA: Ja prioritetet tona appeared first on Albeu.com.

Gjatë vitit 2021 lindën 27.284 foshnja, duke shënuar një rënie me 2,8 %, krahasuar me një vit më parë. Gjatë vitit 2021 humbën jetën 30.580 persona, duke shënuar një rritje me 10,8 %, krahasuar me një vit më parë.

Shtesa natyrore e popullsisë në tremujorin e katërt 2021 tregon se janë 898 vdekje më shumë se sa lindje. Ndërsa në të gjithë vitin 2021 shtesa natyrore ishte 3.296 vdekje më shumë se sa lindje. Shqipëria është karakterizuar nga shtesë natyrore pozitive ndër vite. Shtesa natyrore negative për vitin 2021 është ndikuar edhe nga situata e pandemisë Covid-19, raportoi INSTAT.

Shtesa natyrore në rënie

Në tremujorin e katërt 2021, pesë qarqe të vendit kanë shënuar shtesë natyrore pozitive të popullsisë, ndërsa në shtatë qarqet e tjera, shtesa natyrore e popullsisë ishte negative.

Në tremujorin e katërt 2021, qarku me shtesën natyrore më të lartë është Tirana, me 460 lindje më shumë sesa vdekje, ndërsa qarku me shtesën natyrore më të ulët është Korça, me 349 vdekje më shumë se sa lindje.

Gjatë vitit 2021, katër qarqe të vendit shënuan shtesë natyrore pozitive të popullsisë, ndërsa në tetë qarqet e tjera shtesa natyrore e popullsisë ishte negative.

Gjatë vitit 2021, qarku me shtesën natyrore më të lartë është Tirana, me 1.642 lindje më shumë sesa vdekje, ndërsa qarku me shtesën natyrore më të ulët është Vlora, me 1.222 vdekje më shumë se sa lindje.

Lindjet, renie pavarëisht bonusit

Gjatë vitit 2021 lindën 27.284 foshnja, duke shënuar një rënie me 2,8 %, krahasuar me një vit më parë.

Në tremujorin e katërt 2021, katër qarqe të vendit shënojnë rritje të numrit të lindjeve, në krahasim me tremujorin e katërt 2020, ndërsa tetë qarqet e tjera shënojnë ulje në krahasim me të njëjtën periudhë.

Në tremujorin e katërt 2021, qarku me numrin më të lartë të lindjeve është Tirana me 2.514 lindje, ndërsa qarku me numrin më të ulët është Gjirokastra me 113 lindje. Rritjen më të lartë në përqindje të lindjeve gjatë tremujorit të katërt 2021, krahasuar me të njëjtën periudhë të vitit 2020 e zë qarku i Beratit me 13,7 %, ndërsa rënien më të madhe e ka qarku i Dibrës me 15,7 %.

Gjatë vitit 2021, pesë qarqe të vendit shënuan rritje të numrit të lindjeve, në krahasim me vitin 2020, ndërsa shtatë qarqet e tjera pësuan rënie.

Gjatë vitit 2021, qarku me numrin më të lartë të lindjeve është Tirana me 9.473 lindje, ndërsa qarku me numrin më të ulët është Gjirokastra me 451 lindje. Rritjen më të lartë në përqindje të lindjeve gjatë vitit 2021, krahasuar me vitin 2020 e zë qarku i Kukësit me 3,9 %, ndërsa rënien më të madhe e ka qarku i Elbasanit me 11,3 %.

Vdekjet në rekorde nga pandemia

Në tremujorin e katërt 2021, njëmbëdhjetë qarqe të vendit shënojnë ulje të numrit të vdekjeve, në krahasim me tremujorin e katërt 2020, ndërsa vetëm një qark shënon rritje në krahasim me të njëjtën periudhë.

Në tremujorin e katërt 2021, qarku me numrin më të ulët të vdekjeve është Kukësi me 166 vdekje, ndërsa qarku me numrin më të lartë është Tirana me 2.054 vdekje. Uljen më të madhe në përqindje të vdekjeve gjatë tremujorit të katërt 2021, krahasuar me të njëjtën periudhë të vitit 2020 e zë qarku i Lezhës me rënie prej 24,6 %, ndërsa rritjen më të madhe e ka qarku i Vlorës me 3,0 %.

Gjatë vitit 2021, vetëm një qark i vendit shënoi ulje të numrit të vdekjeve, në krahasim me vitin 2020, ndërsa njëmbëdhjetë qarqe të tjerë shënuan rritje në krahasim me të njëjtën periudhë.

Gjatë vitit 2021, qarku me numrin më të ulët të vdekjeve është Kukësi me 612 vdekje, ndërsa qarku me numrin më të lartë është Tirana me 7.831 vdekje. Uljen më të madhe në përqindje të vdekjeve gjatë vitit 2021, krahasuar me vitin 2020 e zë qarku i Kukësit me rënie prej 2,4 %, ndërsa rritjen më të madhe e ka qarku i Vlorës me 33,2 %./Monitor

The post Për herë të parë në 98 vite, në Shqipëri 3296 vdekje me shumë se lindje appeared first on Albeu.com.

Në këtë raport të dytë, dërguar të gjithë faktorëve ndërkombëtare, PD informon lidhur me vendimet e kryesisë për përjashtimin e Sali Berishës dhe mbështetësve të tij nga partia, vendim që pason dhunën në protestën e 8 janarit.

“Kryesia vendosi të: Dënojë ashpër aktet e dhunës, gjuhën përçarëse dhe retorikën që nxisin konflikt mes anëtarëve të PD-së.; Përjashtimin nga PD dhe sipas rastit nga të gjitha funksionet ekzekutive dhe nga grupi parlamentar.të PD-së, të anëtarëve që kanë organizuar, nxitur, urdhëruar apo ushtruar dhunë të deputetit Sali Berisha dhe të tjerëve ish përfaqësues të PD-së. Gjithashtu ftoi përfaqësuesit e tjerë të PD-së që të distancohen publikisht nga aktet e dhunës kundër PD-së dhe veprimeve që dëmtojnë interesat e partisë elektorale apo politike të PD-së.”

Gjithashtu që nga e shtuna e kaluar e 8 janarit anëtarë të Grupit Parlamentar të PD-së, të Presidencës dhe Kombëtare Këshilli që ka qenë i pranishëm gjatë një mbledhjeje në seli ose është dëmtuar fizikisht nga protestuesit si rasti i PD Sekretari Roland Bejko dha publikisht një dëshmi personale me të cilën u përballën gjatë asaj dite. Përmes dëshmive të tyre ata përgënjeshtruan pretendimet e Berishës se protesta ishte paqësore.

Ngjarjet janë evidentuar edhe me pamje video ku janë parë shkatërrimi i kamerave të jashtme me qëllim nga protestuesit e dhunshëm, thyerja e syzeve, përdorimi i materiale ndërtimi si shufra hekuri për të shkatërruar dritaret dhe për të thyer dyert në përpjekjet e tyre për të hyrë në katet e sipërme të shtabit të PD.” thuhet ndër të tjera në raport.

The post PD u dërgon ndërkombëtarëve tjetër raport për protestën e 8 janarit, për çfarë i informon appeared first on Albeu.com.

Mësohet se me anë të një përmbledhje të asaj që ndodhi më 8 janar, Partia Demokratike ka bërë një raportim te prezenca ndërkombëtare në Shqipëri por edhe në Komisionin Europian.

Raporti i përpiluar nga Partia Demokratike thekson se çdo akt dhune që nga përdorimi i çekiçëve e te hedhja e gurëve nga mbështetësit e Berishës në selinë blu. Për këto akte, PD bën fajtore Sali Berishën.

Pjesë nga raporti i PD-së:

Berisha dhe mbështetësit e tij sulmojnë me forcë në selinë e PD-së: Fakte dhe dëshmi nga ajo ditë

Një dhunë e paprecedentë ka ndodhur të shtunën në tubimin e thirrur nga deputeti Sali Berisha kundër PD-së institucion me synimin për të hyrë brenda selisë së PD-së dhe për largimin me forcë të kryetarit Lulzim Basha.

Protesta thirri kundër kryetarit të Partisë Demokratike, Lulzim Basha, pas vendimeve të tij kishte marrë kundër ish-kryetarit Sali Berisha, i shpallur non grata nga SHBA për korrupsion dhe shkelje të demokracisë.

Ora 11.00 – Vetëm një orë para nisjes zyrtare të protestës së thirrur nga Berisha, disa prej mbështetësve të tij ka sulmuar dhe sulmuar fizikisht dhe verbalisht sekretarin e PD-së për Zhvillimin Vendor z. Roland Bejko. në prani të gjerë të mediave dhe kamerave.

Gjithashtu nënkryetari i PD-së deputeti. Enkelejd Alibeaj ishte vënë nën mbrojtjen e Gardës Kombëtare pasi u sulmua dhe u kërcënua me jetë nga persona të mbledhur sot në protestën e thirrur nga Berisha.

Ai ka reaguar në një postim në Tëitter duke dënuar rolin e Berishës në këtë tubim të dhunshëm duke theksuar se ai është të gatshëm për akte dhune. Ai rithekson se “Veprimi i Berishës po i vë PD-në përballë njëri-tjetrit ndërsa ai tërhiqet përpara, gjë që tregon fytyrën e vërtetë të Berishës. Ai është i gatshëm të dëmtojë këdo që nuk e bën këtë mendo si ai”.

Ora 11.45 –Gazetarët e medias i fotografuan këto akte që në momentin kur njerëzit u vërsulën me forcë në hyrjen kryesore të selisë së PD-së duke thyer dhe shkatërruar derën dhe xhamat.”

The post PD u raporton ambasadave dhe KE për protestën e Berishës: Sulm brutal appeared first on Albeu.com.