Në mbledhjen e Këshillit të Përgjithshëm të partisë, Haradinaj thotë se rezultati zgjedhor është një prej tre arsyeve pse u largua nga pozita e kryetarit.

“Procesi zgjedhor fillon nga 20 shkurti. Është risi ose ndryshim sepse nuk do të kandidoj për kryetar të Aleancës në këto zgjedhje të brendshme. I kam treguar edhe disa arsye, ua shpjegoj edhe ju. Një arsye është koha e gjatë, arsyeja e dytë është rezultati zgjedhor. Po ashtu është edhe besim që kam në kuadrin e Aleancës”, ka thënë ai.

Haradinaj ishte përfolur se po mbledh nënshkrimet për të qenë kandidat për president, por një gjë të tillë e ka mohuar.

“Nuk jam kandidat për president të vendit. Nëse në një rrethanë të caktuar deputetët, Parlamenti do të ma kërkonin do ta shqyrtoja, por nuk jam kandidat… ende nuk kemi një qëndrim se si do të veprojmë rreth çështjes së presidentit, do ta shqyrtojmë”, ka deklaruar Haradinaj.

The post Ramush Haradinaj jep dorëheqjen si kryetar i AAK: Nuk do kandidoj për president appeared first on Albeu.com.

Analisti Idaver Sherifi, tha se është realizuar një sondazh dhe përfundimet janë interesante. Ai tha se Kosova na njeh më tepër nga se e njeh Shqipëria atë. Sipas Sherifit, Albin Kurti dhe Ramush Haradinaj janë dy figurat që njihen më tepër në Shqipëri.

Idaver Sherifi: Kosova na njeh më tepër sesa e njohim ne. Nga sondazhi që kemi bërë, 3.9 përdind e qytetarëve shqiptarë në Shqipëri nuk e dinë se ka zgjedhje në Kosovë, pjesa më e madhe e dinë se ka zgjedhje, por nuk e dinë se kur. Shqiptarët e Shqipërisë njohin më shumë Albin Kurtin dhe Ramush Haradinajn. Liderët e rinj Lumir Abduxhiku dhe Memli Krasniqi njihen pak.

Edhe Bedri Hamzën nuk e njohin shumë në Shqipëri. Unë besoj se arsyeja kryesore e mosnjohjes është se vetë liderët e Kosovës nuk janë promovuar sa duhet në Shqipëri. Kurti është polarizues në gjetjen që kemi bërë. Haradinaj ka njohjen më të lartë dhe ka vlerësim pozitiv.

The post Të dielën zgjedhjet/ Sherifi: Kosova na njeh më tepër se sa e njohim ne, Kurti dhe Haradinaj dy figurat më të famshme në Shqipëri appeared first on Albeu.com.

Ai ka thënë se Albin Kurti shihet si shumë polarizues në opinionin e Shqipërisë.

Ndërkaq, për Ramush Haradinajn tha se është më i pëlqyeri.

“I pari në këtë kategori për kotnradiktën në vete është emri i Albin Kurtit, sepse Albin Kurti 52% që e shikojnë pozitiv, por është 45% që e shikonë më negative. Pra është shumë polarizues. Nuk ka mes, o e duan o e urrejnë”.

“Pastaj është Ramush Haradinaj 23 deri 38% që është më i pëlqyeri. Kanë një mendim pozitiv për Ramush Haradinaj njerëzit në Shqipëri”, ka thënë ai. /Gazeta Express

The post VIDEO/ Çka mendojnë qytetarët në Shqipëri për politikanët e Kosovës? Sherifi: Albin Kurtin e njohin si polarizues, Haradinaj është më i pëlqyeri appeared first on Albeu.com.

E kandidati për kryeministër i koalicionit, Ramush Haradinaj, tha se këto gra janë zëri i ardhmërisë.

Ai shtoi se gruaja e fortë e bën Kosovën Fituese.

“Zëri i grave – zëri i ardhmërisë. Gruaja e fortë e bënë Kosovën Fituese. Sot në Deçan pamë forcën e grave – të vendosura për zhvillim, të përkushtuara për familje, të gatshme për fitore. Me këtë energji, suksesi është i garantuar. Faleminderit për mbështetjen e fuqishme!”, ka shkruar Haradinaj.

The post Haradinaj takohet me gratë e Deçanit: Zëri i tyre, zëri i fitores appeared first on Albeu.com.

Ai ka thënë se në qeverisjen e tij Ferizaj ishte top prioritet i tyre.

“Ferizaj – prioritet i Kosovës Fituese! Ferizaj, në qeverisjen tonë ishte top prioritet i qeverisë. Ky përcaktim do të jetë kursi ynë edhe për qeverisjen e ardhshme. Mbështetje për bizneset, arsimin, shëndetësinë, familjet dhe pensionistët. Faleminderit Ferizaj për pritjen madhështore. 1️⃣3️⃣7️⃣ për Kosovën Fituese.”

The post Haradinaj tubim në Ferizaj: Mbështetje për bizneset, arsimin, shëndetësinë, familjet dhe pensionistët appeared first on Albeu.com.

Po ashtu, ai premtoi zvogëlim të çmimit të rrymës, investime në shtrirjen e gazit dhe projekte të rëndësishme në Klinë.

“Me programin tonë, Shtimja do të jetë pjesë e rëndësishme e zhvillimit të vendit, duke u përfshirë në shumë projekte kapitale që do të përmirësojnë jetën e qytetarëve të saj”, tha Haradinaj.

Ndërsa partneri i tij i koalicionit, Fatmir Limaj, bëri thirrje që ta mbështesin këtë koalicion për të mirën e Kosovës.

Lidhja me NATO-n dhe zhvillimi shoqëror janë objektivat kryesore që ky koalicion ka për qëllim për zhvillimin e Kosovës.

The post Haradinaj premton ulje të çmimit të energjisë e investime në gazsjellës appeared first on Albeu.com.

Haradinaj, në një postim në Facebook, ka thënë se zhvillimin e kësaj infrastrukture ja kanë borxh Kosovës, të cilën koalicion dëshiron ta bëjë model në rajon.

“Kosova Fituese me infrastrukturë moderne. Pa infrastrukturë rrugore, nuk ka zhvillim. Ja kemi borxh Kosovës, ta bëjmë model në rajon”, ka shkruar Haradinaj në Facebook.

Ai thotë se programi i këtij koalicioni përfshinë disa projekte madhore, mes tjerash:

1. Autostrada e Dukagjinit: Prizren – Rahovec – Gjakovë – Junik – Deçan – Pejë – Istog – Mitrovicë

2. Finalizimi i autostradës: Prishtinë – Gjilan – Dheu i Bardhë

3. Finalizimi i rrugës Klinë – Gjakovë

4. Finalizimi i rrugës Prishtinë – Vushtrri – Mitrovicë

5. Finalizimi i autostradës Prishtinë – Pejë

6. Fillimi i rrugës Prizren – Tetovë

7. Finalizimi i rrugës Deçan – Plavë

8. Unaza e jashtme e Prishtinës

9. Finalizimi i rrugës Prishtinë – Podujevë

10. Aksi ndërlidhës i autostradave në Duhël

The post Haradinaj: Rrugët që na lidhin – infrastruktura e ‘Kosovës Fituese’ appeared first on Albeu.com.

Para përkrahësve të këtij koalicioni, kandidati për kryeministër, kreu i AAK-së, Ramush Haradinaj, duke folur për plan-programin qeverisës, tha se dyfishimi i pagave në Kosovë do të ndodhë nën udhëheqjen e tij.

Po ashtu, ai përmendin anëtarësimi në NATO, ngritjen e buxhetit për mbrojtje në 4 për qind të bruto produktit vendor e gjithashtu rritjen e pagave për të gjithë punonjësit në institucionet publike.

“Nëse janë 700 sot, ato kanë me qenë 1400”, tha Haradinaj.

Partneri i koalicionit, kryetari i Nisma Socialdemokrate, Fatmir Limaj, tha se Kosova, më shumë se kurrë, ka nevojë për rreshtim drejt një fitoreje të madhe për ndryshim të vendit.

“Nuk e keni vështirë me zgjedhë çka do që të bëni, veç vonoheni. Mos e vononi zhvillimin e Dukagjinit, shumë jeni vonuar katër vite…”, tha Fatmir Limaj, partner i koalicionit, kryetar i Nismas Socialdemokrate

Kandidati për deputet, që vjen nga Istogu, Bekë Berisha, deklaroi se ky koalicion vizion e ka forcimin e ushtrisë e shtetit.

The post Haradinaj premton ngritjen e buxhetit për mbrojtje në 4 përqind appeared first on Albeu.com.

Tutje Haradinaj thotë se ka gjasa që të ketë zgjedhje të përgjithshme bashkë me zgjedhjet që do të organizohen në katër komunat veriore.

“Kjo është shpikje e Albin Kurtit. Imagjinoni, Kurti hargjon pare të Kosovës me e shkarku Lulzim Hetemin. Absurditeti më i madh, me pagu pare, me organizu peticion me shkarku Lulzim Hetemin.Ekziston mundësia të shkojmë në zgjedhje në qershor, së bashku me këto zgjedhjet komunale”, ka thënë Haradinaj.

Haradinaj ndër të tjera ka folur edhe për problemin e Manastirit të Deçanit, duke thënë se Kurti po mundohet që t’ia bartë përgjegjësinë Komunës së Deçanit dhe sipas tij Kurti po fshihet.

“Për këtë temë mundohet me e bartë përgjegjësinë me bartë fajin te tjerët, është mirë t’i dalë përballë këtij vendimi dhe jo të fshehët”, ka thënë Haradinaj për Demos, transmeton Express.

Sa i përket raportit me aleatët, Haradinaj thotë se Kurti dhe Qeveria e tij s’kanë qenë asnjëherë të mirëpritur në SHBA.

“Kurti ka sanksione që nga fillimi, Kurti s’ka qenë i mirëpritur asnjëherë në Washington, ky dhe Qeveria e tij.Kurti po lakmon në fitore ditore që e rrezikojnë sigurinë e Kosovës dhe të rajonit”, ka theksuar Haradinaj./Express/

The post Haradinaj: Ekziston mundësia të shkojmë në zgjedhje në qershor, së bashku me këto zgjedhjet komunale appeared first on Albeu.com.

Madje VV-ja beson se gara është e ashpër vetëm për vendin e parë, pasi fituesi i zgjedhjeve dihet që nga tani. Vartësi numër një i Albin Kurtit në hierarkinë e VV-së, Glauk Konjufca, vlerësoi ditë më parë se “gara do të jetë e ashpër” për numrin dy në skenën politike të Kosovës.

“Koalicionet kanë ndodhur e ndodhin edhe tash. S’është befasi. Aleanca ka qenë edhe më herët në një koalicion me Nismën. Po ndodh sërish. Vetëm u uroj suksese. Sa i përket rezultatit të zgjedhjeve, sondazhet janë, opinioni po hulumtohet vazhdimisht edhe prej organizatave, edhe prej partive që po i porosisin këto sondazhe. Rezultatet janë të qarta, unë mendoj që gara ka me qenë një garë e ashpër për numrin dy në skenën politike të Kosovës” – deklaroi disa ditë më parë Konjufca, raporton Nacionale.

PDK-ja e LDK-ja kanë një narracion të ngjashëm, i cili lidhet sërish me suksesin e tyre të pretenduar në zgjedhjet e ardhshme. Këto dy parti janë të bindura që Kurti nuk do të jetë më kryeministër.

Abelard Tahiri, shef i grupit parlamentar në PDK, theksoi se mandatari i kësaj partie do të jetë fitues i zgjedhjeve të ardhshme.

“Ne si PDK besojmë se VV-ja nuk do t`i fitojë zgjedhjet e ardhshme. Ne jemi të bindur që mandatari ynë do të jetë person fitues i atyre zgjedhjeve. Ne jemi të bindur, ashtu siç kemi befasuar në zgjedhjet lokale, që prej parashikimeve që PDK-ja del me 2 komuna, kemi shku me numrin më të madh të komunave. Prapë jam i bindur që mandatari ynë për kryeministër, kryetari i PDK-së, do ta marrë numrin më të madh të votave dhe do të arrijë me e pasë mandatin për themelimin e qeverisë”- ka thënë Tahiri.

Arben Gashi, shef i grupit parlamentar të LDK-së, vlerësoi se viti 2024 është viti i fundit që Kurti do të jetë kryeministër, duke lënë të nënkuptohet se LDK-ja do të jetë triumfuese në zgjedhje.

“Është viti i fundit, maksimumi i mundshëm deri kur do të jetë në pushtet z. Kurti është tash e një vit, pra një vit i plotë. Por zgjedhjet do të duhet të shpallen deri në fund të shtatorit dhe të mbahen diku në fillim të janarit ose të shkurtit të vitit 2025”- ka thënë Gashi.

Kohë më parë Lumir Abdxhiku, kryetar i LDK-së, ishte shprehur i bindur se partia e tij do ta mposhtë Kurtin në zgjedhjet e ardhshme.

Ndërsa deputeti i AAK-së, Pal Lekaj, ishte goxha optimist në një paraqitje televizive pas zyrtarizimit të koalicionit me Nismën. Sipas Lekajt, ky koalicionin do të jetë çelësi për formimin e qeverisë së ardhshme.

“Mendoj që deri mbi 20 deputetë…. Asnjë subjekt politik mendoj se nuk ka me mujtë me e formu qeverinë pa koalicion me këto dy subjekte, Aleancë dhe Nismë…Do të jemi çelësi i qeverisjes së ardhshme. Do të jemi prezentë, do të flasim prapë dhe do e shohim se sa deputetë do t’i kemi. Duke u bazuar në krejt vlerat që i kanë dy kryetarët, Haradinaj dhe Limaj mendoj se në këto dy subjekte kanë njerëz kombëtarë, me vizion të qartë për vendin që e kanë dëshmuar edhe gjatë luftës, edhe pas luftës, edhe në qeveri” – deklaroi Lekaj në emisionin “Dpt te Fidani” në ATV.

Përkundër këtyre pretendimeve absolutiste, një gjë është e sigurt: në zgjedhjet e ardhshme do të ketë vetëm një fitues. Mbetet të shihet se cila do të jetë ajo parti. /Mirlind Behluli, nacionale/

The post Të gjitha partitë në Kosovë, të bindura se i fitojnë zgjedhjet e ardhshme appeared first on Albeu.com.