Sipas prokurores e cila vepron në këtë rast, nisma e Komisionit Shtetëror për Parandalimin e Korrupsionit, ka mbërritur pak më vonë, ndërsa procedura parahetimore ishte mundimshme.

“Është ngritur aktakuzë kundër Ramiz Merkos, me nismë të KSHPK-së, e cila mbërriti pak më vonë. Procedura parahetimore ishte e mundimshme dhe përfundimisht grumbulluam mjaftueshëm dëshmi. Aktakuza ka të bëjë me ‘keqpërdorim të pozitës zyrtare’ lidhur me veturën ‘audi’, neni 353 paragrafi 3 lidhur me nenin 1”, tha prokurorja.

Antikorrupsioni në vitin 2020 ka ngritur nismë për ndjekje penale të Merkos për blerjen e veturave, në mesin e të cilave edhe “audi A6” në vlerë prej 67 mijë euro, por Prokuroria atëherë e mbylli rastin në fazën parahetimore, edhe pse edhe revizorët konfirmuan se tenderi është zbatuar në kohë të paqëndrueshmërisë financiare në Komunën e Strugës.

Merko në ndërkohë ishte vendosur në listën e zezë të SHBA-së për korrpsion.

The post Aktakuzë për korrupsion kundër kryetarit të Strugës, Ramiz Merko appeared first on Albeu.com.

“Kjo kërkesë është bërë Prokurorisë Speciale, zonjës Katica Janeva, dhe kryeprokurorit të cilit jam ulur dhe i kam thënë se votën time do e kesh në parlament nëse ti hap hetim për të gjithë funksionarët e BDI-së, nga unë deri tek funksionari i nivelit më të ulët”

Megjithatë Ahmeti tha se ai drejton parti politik dhe nuk është organ hetues. Kreu i integristëve tha se ka kërkuar edhe ndihmën e ekspertëve ndërkombëtar, për të qenë më i besueshëm procesi i vetingut.

 “Të gjithë engjëj nuk janë në BDI, por unë kam organe politike, nuk kam organe prokurorie hetuesie. Kjo punë u takon atyre që paguhen nga taksa paguesit, ai taksa pagues jam edhe unë për t’u ndjekur drejtësia, për tu vendosur rend dhe rregull në shtet. Për të qenë kredibil si proces, kërkojmë edhe ekspertë ndërkombëtarë, për ta bërë më të besueshëm procesin.”

Deklaratat e Ahmetit vijnë pas shpalljes së rezultateve të zgjedhjeve brendapartiake për 14 degë. Ali Ahmeti tha se në të dy raundet kanë votuar 28 778 anëtarë. BDI-së, i kanë mbetur të zgjedhen edhe kryetarët e degëve në Strugë, Saraj, Haraçinë, Gazi Babë, Kaposh, Çucer Sandev, Mavrovë dhe Rostushë dhe në Qendër Zhupë./shenja

The post Ahmeti i kërkon Prokurorisë t’i hetojë gjithë funksionarët e BDI-së appeared first on Albeu.com.

Ai tha se në BDI është ngrirë anëtarësimi i Merkos dhe se institucionet do të vijojnë të kryejnë punën e tyre ndaj rastit në fjalë.

“Në BDI është ngrirë anëtarësimi i kryetarit të Strugës, Ramiz Merko dhe se institucionet do të vijojnë të kryejnë punën e tyre”, tha Xhaferi

Duke u përgjigjur në pyetjen e gazetarëve, se nëse BDI-ja do të thërrasë në përgjegjësi Merkon dhe të kërkojë largimin nga posti i kryetarit të Strugës, ai shtoi se “nuk do të përzihen në këtë pjesë, sepse funksioni i kryetarit të komunës del nga vullneti i qytetarëve”./shenja

The post A do të kërkojë përgjegjësi nga Merko? Si përgjigjet Telat Xhaferi appeared first on Albeu.com.

“Është mirë që tashmë Prokuroria Publike ka ngritur një komision që duhet ta hetojë këtë dhe shteti të funksionojë në mënyrë të tillë institucionale. Sepse Qeveria nuk është as prokuror, as gjykatës dhe unë nuk do të bëj atë që bënë disa ish-kryeministra, për të cilët u desh të shkonin në vende të tjera, por secili institucion të marrë përgjegjësinë e tij dhe të punojë sipas kompetencave të tij”, theksoi ai.

The post Kovaçevski për Merkon: Qeveria nuk është as prokuror as gjykatës, nuk do të jem si disa ish-kryeministra që ikën appeared first on Albeu.com.

“Që nga Presidenti Uillson e deri më sot, Shtetet e Bashkuara të Amerikës janë aleati ynë në çdo sfidë dhe bashkë kemi realizuar shume projekte të rëndësishme për vendin, qytetin dhe qytetarët e Strugës.
Mbështetjen vijuese amerikane për vendin tonë dhe qytetarët e Strugës e mirëpres dhe e përkrah gjithmonë.

Pas zhvillimit të fundit në lidhje me vendimin e Departamentit të Shtetit Amerikan, nuk kam dashur të komunikoj në të mirë të proceseve për të cilat do të jem i hapur si çdo herë në përkrahje të drejtësisë dhe për secilin proces në organet e drejtësisë nga ana e institucionit të Komunës së Strugës dhe nga ana ime do të dorëzohet në kohë sa më të shpejt ashtu siç kam qënë transparent çdo herë për organet e drejtësisë dhe gjithë institucionet e tjera.

Për këtë, në të mirë të procesit, vendosa që secilin aktivitet në strukturat partiake ta ngrij deri në mbylljen e proceseve të rëndësishme për të gjithë.

Për fund dua të falenderoj secilin qytetar për mbështetjen ndër vite por dhe mbështetjen të cilën nuk e kanë kursyer dhe këto ditë të cilët jam i bindur se bashkërisht do i kalojmë, në funksion të krijimit të kushteve për një jetë sa më të mirë të qytetarëve të Strugës dhe jo vetëm, për Strugën që e duam”./shenja

The post U shpall non grata nga SHBA, reagon Merko: Në të mirë të procesit do të ngrijë të gjitha aktivitet në parti appeared first on Albeu.com.

Sipas VMRO-DPMNE-së, KSHPK0ja ka pranuar sot se kanë reaguar para 4 viteve për një rast ku ekzistonte dyshimi i bazuar për kriminalitet të kryetarit të Komunës së Strugës, Merko, por që Këshilli Gjyqësor, sipas VMRO-së, i kontrolluar politikisht nga LSDM dhe BDI, e kanë shuar si rast.

“Dy pyetje shtrohen hapur: Pse Antikorrupsioni heshti për 4 vjet edhe pse dinte për skandalet e Merkos dhe kush nga pushteti i LSD-së dhe BDI-së i bëri presion Këshillit Gjyqësor për mbylljen e rastit të kryetarit të Strugës? Kuptohet që dorëheqjet në Këshillin Gjyqësor janë gjëja më e vogël, sepse kërkohet dorëheqja e gjithë qeverisë. Krimi është thellësisht i metastazuar në të gjitha institucionet e shtetit”, thuhet në reagimin e VMRO-së./KlanMacedonia

The post VMRO me akuza për Antikorrupsionin: Pse keni heshtur për Merkon edhe pse i keni ditur skandalet e tij? appeared first on Albeu.com.

“SHBA janë partneri jonë më i madh strategjik dhe qëndrimet e tyre jo vetëm që në BDI i respektojmë por i konsiderojmë si qëllim mira. Kështu ka qenë gjithmonë. Shpesh e them se çdo sukses i shtetit e mban vulën e SHBA-së, BDI ka qëndrime të qarta në lidhje me sundimin e drejtësisë, luftën kundër korrupsionit, mënyrës në të cilën punojnë bartësit e funksioneve publike dhe qëndrimet e tilla janë shndërruar në vendime formale në BDI.

BDI ka sjellë këto vendime: BDI kërkon menjëherë të fillojë hetim gjithëpërfshirës për Ramiz Merkon për të gjitha pretendimet dhe informacionet që dalin nga vendimi i DASH. E dyta, BDI e pranon vendimin e Ramiz Merkos për ngrirjen e antarësimit të tij në organet e partisë, kryesinë qendrore, këshillin qendror. BDI e ndërpret aktivitetin partiak në Strugë, derisa të mos krijohen kushte të reja për këtë. BDI u bën thirrje të gjitha institucionet të fillojnë hetime për të gjitha partitë politike, nga kryetarët deri tek tjerët, ngase vetëm kështu mund të luftohet korrupsioni”, tha Bujar Osmani.

The post Ramiz Merko në listën e zezë të SHBA, vjen reagimi i parë nga BDI appeared first on Albeu.com.

“Populli në Maqedoninë e Veriut meriton integritet nga ana e zyrtarëve publik, dhe një sistem i cili do t’i mbajë ata përgjegjës. SHBA-ja do të vazhdojë të publikojë çdokënd, pa marrë parasysh pozitës apo partitë politike, që minon sundimin e ligjit, duke kërcënuar progresin dhe stabilitetin e Maqedonisë së Veriut” shkruan Aggeler.

Ajo ka shtuar se për këtë vit kjo është masa e parë e ndërmarrë ndaj një politikani në vend, por, pret të ketë më shumë.

“Kryetari Merko është i pari për këtë vit, por presim të ketë më shumë. Korrupsioni ka pasoja” shkruan Aggeler.

The post Kryebashkiaku i Strugës non grata, paralamëron ambasadorja amerikane në RMV: Do të ketë të tjerë appeared first on Albeu.com.

Uashingtoni nuk do të lejojë hyrjen e tij në Shtetet e Bashkuara, për shkak të përfshirjes së tij në korrupsion të konsiderueshëm. Në njoftimin e Departamentit të shtetit thuhet se kryetar i komunës së Strugës, ka shpërdoruar fondet dhe ka ndërhyrë në procese gjyqësore dhe procese të tjera publike, duke dëmtuar besimin e publikut ndaj institucioneve demokratike të Maqedonisë së Veriut.

Veprimi i sotëm thuhet më tej në njoftim dërgon mesazhin se Shtetet e Bashkuara qëndrojnë krah Maqedonisë së Veriut për të nxitur stabilitetin përmes forcimit të institucioneve demokratike dhe trajtimit të mangësive që lidhen me sundimin e ligjit. Ky përcaktim ripohon angazhimin e Shteteve të Bashkuara për të luftuar korrupsionin, i cili dëmton interesin publik, pengon prosperitetin ekonomik të vendeve dhe pakëson aftësinë e qeverive për t’iu përgjigjur në mënyrë efektive nevojave të njerëzve të tyre përfundon njoftimi i Departamentit amerikan të Shtetit. /VOA

The post DASH shpall non-grata politikanin shqiptar (EMRI) appeared first on Albeu.com.