“Kam lexuar se ndoshta nuk është keq për Mbappe që humbi atë penallti. Duhet të kalojë këto eksperienca, të bjerë, të dështojë, të kritikohet, të piqet dhe të kuptojë se çfarë është futbolli. Unë jam i kënaqur ta shoh se si vuan, pasi e di që falë kësaj do t’ia dalë të fitojë Topin e Artë”, tha Rami.

Ish mbrojtësi i Milanit, kampion i Botës me Francën në 2018-ën dhe që aktualisht luan për Boavistën, foli edhe për karakterin shpesh të diskutuar të Mbappe.

“Sa për karakterin nuk më habit, pasi e kam parë edhe unë në 2018-ën. Do që të jetë më i miri dhe të bëjë si idhulli i tij, Cristiano Ronaldo, por nuk duhet të harrojmë që është akoma një djalosh 22-vjeçar dhe mund të përmirësohet. Zgjedhjet e tij nuk janë perfekte, por do të rritet”, tha mbrojtësi francez.

The post Befason Rami: Më mirë që Mbappe humbi penalltinë appeared first on Albeu.com.