“Tregohu burrë një herë në jetë”, tenori i famshëm shqiptar i drejtohet Ramës për Goran Bregovic

A M — Sat, 14 Aug 2021 09:06:14 +0000

Tenori i famshëm shqiptar, Ramë Lahaj, i është drejtuar me një letër kryeministrit Edi Rama për ardhjen e Goran Bregovic në Shqipëri. Lahaj shkruan se mund të ftojnë çdo artistë shqiptarë për të kënduar në festën e birrës, madje dhe atë vetë, por jo një këngëtarë që ka frymëzuar forcat serbe që vranë shqiptarët e Kosovës.

“Tregohu burrë nji here në jetë e mos na lëndo ma shumë. Mos na i qit krip plagës. Unë jam vet artist, e misioni i artistit është me ndjellë paqe përmes artit, por ky rast asht krejt ndryshe dhe ju e dini pse!”, shkruan Ramë Lahaj ndër të tjera.

Postimi i plotë i tenorit

Edi Rama po të drejtohem në emnin e të gjithë kosovareve, anulo Goran Bregoviqin!

Ai dhe kangët e tij që ishin himni i çetnikëve serb për të prerë fëmijët, nanat, motrat, vëllezërit e baballarët tanë nuk mund t’ jene në Shqipni për të festuar në festen e birrës. Zgjidh ke të duash nga artistet me mua në krye, ani pse nuk këndoj në festa birrash, por po të vij unë dhe gjithë koleget pa asnjë lloj detyrimi, me festu së bashku me muzikën tone të bukur shqipe. Po jo me atë që neve na i prenë fëmijët në djep . Tregohu burrë nji here në jetë e mos na lëndo ma shumë. Mos na i qit krip plagës. Unë jam vet artist, e misioni i artistit është me ndjellë paqe përmes artit, por ky rast asht krejt ndryshe dhe ju e dini pse! E sa i përket renditjes se kush erdh i pari e kush i mrami kur Shqipninë e dridhi tërmeti, n’ ketë punë renditja asht krejt e pa ransishme! Shipnija asht bo sofra e shtrati jone at‘here kur çetniket serb me kangët e Goranit na i ka permys e djegë shpiat e baballarëve. Mos i rafte kurrë Shipnisë me u provu në të keq, se t’ madh e t’ vogël aty na ka. T’ paret!

Thuaj jo Bregoviqit z. Kryeministër!

Shipnisë nuk i ka hije me bo dasem me dajre t’ çetnikëve.

The post “Tregohu burrë një herë në jetë”, tenori i famshëm shqiptar i drejtohet Ramës për Goran Bregovic appeared first on Albeu.com.

I ndërroi nëna jetë para koncertit tenori shqiptar ndërpret shfaqjen: Ju kërkoj falje!

admin — Sun, 08 Aug 2021 06:54:58 +0000

Tenori i shquar Ramë Lahaj ka humbur nënën e tij. Ky lajm u dha nga vetë ai për publikun, përballë të cilëve po performonte ditën e djeshme në sheshin ‘Skëndërbej’ në Prishtinë.

Ai ka mbajtur me version të shkurtur koncertin pasi nëna e tij u nda nga jeta dy orë përpara shfaqjes që u zhvillua në sheshin “Skënderbej”.

Për këtë arsye, është mbajtur vetëm çereku i asaj që ishte planifikuar nga interpretimet e tij.

“Ju kërkoj falje që duhet me mbyll më herët. As një e treta e koncertit nuk ishte, sepse dy orë para koncertit ka ndërruar jetë personi më i dashur për mua, nëna, por s’desha ta anuloj”, ka deklaruar Lahaj para mijëra spektaktorëve.

The post I ndërroi nëna jetë para koncertit tenori shqiptar ndërpret shfaqjen: Ju kërkoj falje! appeared first on Albeu.com.

rame lahaj Archives - Albeu.com

“Tregohu burrë një herë në jetë”, tenori i famshëm shqiptar i drejtohet Ramës për Goran Bregovic

I ndërroi nëna jetë para koncertit tenori shqiptar ndërpret shfaqjen: Ju kërkoj falje!