Gjatë atentatit të ndodhur më 4 korrik mbeti i vrarë Ramazan Sino dhe u plagosën djemtë e Gentjan Bejtjas (i cili ishte dhe shënjestra) 10 dhe 13 vjeç.

Bami ka deklaruar në polici se nuk ka lidhje me ngjarjen, ndërsa për sa i përket gjurmëve të barutit të gjetura në duart e tij, tha se bën qitje  rregullisht me një armë sportive që e ka në banese me leje.

Bami ka deklaruar madje se Ramazan Sinon e kishte të afërm dhe ndjen keqardhje për ngjarjen e ndodhur.

“Ndjej keqardhje për humbjen e jetës së Ramazan Sinos që e kam të kushëri pasi nëna e Ramazanit dhe nëna ime janë vajza tezesh. Do ta dorëzoj lejen e armës që zotëroj dhe do kërkoj lirimin”, mësohet të ketë thënë i akuzuari.

Valter Bami u ndalua dje nga policia dhe u shoqëruar në ambientet e DVP Tiranë.

Sipas policisë, bazuar në përgjigjen e aktit të ekspertimit kimik, ka rezultuar se në dorën e majtë të Valter Bamit, janë konstatuar faktorë plotësues të qitjes me armë zjarri./Albeu.com./

The post Vrasja e Ramazan Sinos, Valter Bami: Më vjen keq për viktimën, e kisha të afërm, gjurmët e barutit… appeared first on Albeu.com.

Ndërkohë, ditën e sotme janë shoqëruar edhe dy persona të tjerë, që mësohet kanë lidhje shoqërore me Bamin, teksa policia më herët ka bërë kontroll në banesën e tij.

Ditën e djeshme Valter Bami u shoqërua bashkë me vëllanë e tij, Durim Bami. Ata u lanë të lirë, pasi u pyetën lidhur me atentatin ndaj Gentian Bejtjes ku mbetën të vrarë kunati i këtij të fundit Ramazan Sino dhe u plagosën dy fëmijët 10 dhe 13 vjeç.

Kujtojmë që atentati në Larushk të Fushë Krujës ndodhi pak pas mesnatës së 4 korrikut, kur Ramazan Sino sapo kishte hyrë me makinë në oborrin e kunatit të tij, bashkë me nipat.

Në drejtim të tyre u qëllua me breshëri kallashnikovi, duke e lënë dajën e të miturve në vend, ndërsa të dy u plagosën.

Në afërsi të Tapizës u gjet një automjet i djegur që dyshohet se u përket autorëve, të cilët janë larguar pa gjurmë.

The post Atentati me një viktimë dhe dy fëmijë të plagosur në Fushë Krujë, shoqërohet sërish në polici Valter Bami appeared first on Albeu.com.

Në harkun kohor të dy viteve, ky nuk ishte atentati i parë ndaj Bejtjas, por të tjerët kishin rezultuar pa pasoja fatale.

Këtë herë plumbat u derdhën në hyrjen e banesës së tij dhe ndryshe nga të gjithë sulmet e tjerë të armatosur, plumbat këtë radhë nuk kursyen as dy fëmijët e tij mitur.

Por Gentjan Bejtja, ky personazh problematik i botës së krimit, ishte i paralajmëruar shpesh për fatin e keq që e priste.

Ai e dinte fort mirë këtë gjë, dhe ishte kjo ndoshta arsyeja përse pjesën më të mirë të kohës ai e kalonte i strukur thuajse në ilegalitet të plotë. Aq sa në fshatin Larushk, në Fushë-Krujë, ku jetonte me familjen, në këtë vilë në dukje jo edhe aq të fortifikuar, por me hapësirën e nevojshme, nga ku mund të kontrollonte të gjithë peisazhin kërcënues përreth, ai dukej shumë rrallë kohët e fundit.

Gjë për të cilën mesa duket kishin dijeni edhe shënjestruesit e tij, ata të cilët kishin kohë që e ndiqnin nga pas për ta vrarë.

Me siguri, të njëjtët, që i kishin kryer disa atentate në seri, por që kishin mundur vetëm ta dëmtonin fizikisht, por jo ta eliminonin plotësisht.

Në këtë vazhdë atentatesh, mendohet të ketë qenë edhe ai më i fundit, i ndodhur në orët e para të mëngjesit të datës 4 korrik 2023, këtë radhë në portën e vilës së tij, ku këtë herë, atentatorët apo porositësit e eliminimit të Gentjan Bejtjes, mesa duket kishin marrë urdhër që tashmë të qëllonin pa hezitim edhe ndaj familjes së tij, të ngushtë, dy fëmijëve të tij ende në moshë të vogël.

Ata lanë të plagosur rëndë djalin e tij të madh 13 vjeçar, dhe lënduan lehtë më të voglin, vetëm 10 vjeç.

Ndërkohë i morën jetën kunatit të tij, Ramazan Sino, 29 vjeç. Një sinjal i qartë tanimë për objektivin Gentjan Bejtja, se në arritjen e qëllimit për ta eliminuar, vrasësit nuk do të kursenin më askënd. Sado që ai të fshihej… madje as fëmijët, gjënë e tij më të shtrenjtë.

“Në lidhje me ngjarjen e ndodhur në oborrin e banesës së shtetasit Gentjan Bejtja, mëngjesin e datës 4 Korrik 2023, rreth orës 00:15, në fshatin Larushk, në Krujë, ju bëjmë me dije se si pasojë e plagëve të marra, ka ndërruar jetë shtetasi Ramazan Sino, 29 vjeç, si dhe janë plagosur dhe ndodhen në spital, nën kujdesin e mjekëve, dy të mitur të moshës 13 dhe 10 vjeç, respektivisht nipat e tij”, thuhej në njoftimin e policisë.

Sipas dinamikës së ndërtuar nga grupi hetimor, gjithçka thuhet se ka ndodhur në harkun kohor të pak minutave, në ndërrimin e mesnatës.

Autorët, të cilët dyshohen se kanë qenë tre të tillë, mendohet se e kanë pritur makinën e drejtuar nga kunati i objektivit të atentatit, në të cilët udhëtonin edhe dy nipërit e tij, në rrugën kryesore të fshatit Larushk. Vetëm 100 metra larg vilës së familjes së Gentjan Bejtjas. Ata dyshohet se sapo kanë parë makinën që të afrohej, kanë dalë me armë zjarri në duar dhe janë drejtuar me shpejtësi, drejt automjetit ku ndodheshin Ramazan Sino, kunati i Gentjan Bejtjas dhe dy nipërit e tij, në këtë rast djemtë e objektivit të vërtetë të atentatit.

Sipas provave të gjetura në vendngjarje, autorët mendohet se kanë derdhur drejt makinës së viktimave të tyre, mbi 20 plumba. Çka tregon edhe për ashpërsinë me të cilën ata kanë vepruar

Dosja hetimore

Gjatë kqyrjes së vendit të ngjarjes, policia gjeti 24  gëzhoja plumbash. Ndërsa 4 gëzhoja janë gjetur në vendin ku ka qëndruar fillimisht e ndaluar makina e autorëve.

Me qëllim identifikimin dhe kapjen e autorit/ëve të dyshuar, shërbimet e Policisë kanë ushtruar kontrolle në 3 banesa si dhe kanë shoqëruar 3 persona që mund të kenë dijeni për ngjarjen.

Personi i parë që dëgjoi krismat e gjata të armëve që vinin nga fare pranë banesës së tij, ishte një i afërm i Gentjan Bejtjas. Ai doli i pari të shikonte se ç’po ndodhte jashtë banesës së tij dhe që u përball me pamjet e rënda të atentatit. Ai tregoi për grupin hetues, se nuk mundi të shquante në errësirën e natës, autorët.

Por ndërsa grupi hetues, po kryente shoqërimet e para në lidhje me ngjarjen e rëndë, policia u lajmërua për një makinë e cila ndërkohë po digjej, jo shumë larg vendit të atentatit, në fshatin Tapizë, në Kamëz.

“Pas marrjes së njoftimit, shërbimet e Policisë kanë shkuar menjëherë në vendngjarje, ku kanë rrethuar zonën dhe ngritur pika kontrolli.

Në orën 00.40, në Tapizë, te ‘Lapidari’, shërbimet tona, u njoftuan dhe u gjet duke u djegur një automjet dyshohet tip ‘Volksëagen’”, njoftonte policia.

Por edhe pse vila e Gentjan Bejtjas, ishte e survejuar nga të gjitha anët e saj nga kamerat e sigurisë që monitoronin të gjithë territorin, sipas grupit hetues pamjet filmike, kanë mundur të inkuadrojnë vetëm një nga autorët e atentatit.

Edhe pse në vendngjarje, thuhet të kenë qenë edhe tre të tillë.

Gjatë kqyrjes së makinës së djegur në Tapizë, policia gjeti në brendësi të saj 3 kallashnikovë.

Ndërsa ashtu si në shumë raste të ngjashme, edhe këtë herë targat e përdorura në makinën e autorëve, rezultuan të vjedhura, këtë radhë në Tiranë.

Dëshmitari okular: “Në atë orë, kur ndodhi atentati unë isha në shtëpi. Me të dëgjuar krismat, dola të shikoja nga kati i dytë i banesës sime, që është ngjitur me atë të Gentjan Bejtjas, të cilin e kam kushëri, se çfarë kishte ndodhur. Në atë moment, unë pashë tre persona të largoheshin me vrap, por nuk munda të shquaja asnjërin prej tyre. Arrita të shquaj që një prej atentatorëve i priti në makinë. Me t’u afruar te makina, ata qëlluan sërish, këtë herë në ajër”.

Por edhe pse viktimë e sulmit mbeti 29 vjeçari, Ramazan Sino, në këtë rast kunati i Gentjan Bejtjas, grupi hetues nuk ka dyshime se objektivi i vërtetë i këtij atentati tragjik, ishte vetë ky i fundit.

Sipas grupit hetues, autorët kanë hapur menjëherë zjarr në momentin që Ramazan Sino po zbriste nga makina me nipërit e tij. Ndërsa kanë nisur të qëllojnë edhe pasi kanë kryer atentatin. Këtë herë në makinën që kishin lënë në rrugë, kjo me siguri për të frikësuar çdokënd, që ndërkohë mund tu kundërpërgjigjej me armë.

“Sipas dëshmitarëve të ngjarjes autorët kanë qëlluar dy herë. Njëherë tek banesa e Gentjan Bejtjas dhe disa herë të tjera në rrugën kryesore aty ku u gjetën dhe 4 gëzhoja, ku në total janë sekuestruar 28 gëzhoja”, thuhet në dosjen hetimore.

Sipas të dhënave që ka siguruar emisioni ‘Në Shënjestër’, Gentjan Bejtja thuhet të jetë kthyer në banesën e tij, vetëm një natë përpara atentatit. Gjë e cila duket se nuk i ka shpëtuar vëmendjes së vrasësve të tij, të cilët mesa duket kishin kohë që i ishin qepur nga pas për ta eliminuar.

Por që masat të cilat Bejtja kishte marrë, nuk ua kishin mundësuar një gjë të tillë.

The post “Tre persona ikën me vrap, njëri i priste”, dëshmitari tregon çfarë pa gjatë atentatit ndaj Bejtjas: Sa u afruan te makina… appeared first on Albeu.com.

Shënjestër ishte Gentian Bejtja, i cili ka arritur që t’i shpëtojë 3 herë atentateve.

Gjithashtu të plagosur mbetën djemtë e miur të Gentianit të cilët janë jashtë rrezikut për jetën.

“Në shënjestër” ka zbardhur detaje të reja nga atentati në Fushë-Krujë. Dyshimet e para të policisë, ishin se Bejtja ndodhej në makinë me kunatin dhe djemtë e tij, natën para atentatit, teksa mendohej se ai kishte zbritur nga aty, disa minuta para krimit.

Dyshimet u vërtetuan  pas marrjes në pyetje të djalit të vogël të Gentjan Bejtjas. Ai pohoi para tyre, se babai kishte qenë me ta në makinë, pak minuta para atentatit.

“Babi ka qenë në një makinë me ne, para atentatit. Ai zbriti vetëm pak metra para se të mbërrinim në shtëpi. Nuk e di se ku shkoi”, ka thënë ai.

Por ndërsa Gentjan Bejtja është zhdukur pa gjurmë që nga nata e krimit ndaj familjes së tij, burime pranë grupit hetues, bëjnë me dije se së fundmi ai po bëhej gati të zhvendosej jashtë Shqipërisë.

Kjo me qëllim për të fituar qetësinë e munguar, në vendin ku jo vetëm kishte hapur shumë telashe, por edhe ishte futur në shumë të tilla, dhe që tashmë po kërcënonin hapur edhe sigurinë e familjes së tij.

Ashtu sikurse edhe në të vërtetë ndodhi.  Ndërsa lidhur mbi viktimën, Ramazan Sino, ai thuhet se kishte punuar për një kohë të pacaktuar si shofer në Prokurorinë e Apelit në Tiranë. Punë nga e cila nuk dihet se kur ishte tërhequr, ashtu si edhe arsyet.

Hetimi

“Gentjan Bejtja prej më shumë se një viti kishte ikur në Hollandë, por autoritetet nuk kanë informacion që ka kërkuar azil politik atje. Ndërkohë që janë duke u kryer një sërë veprimesh hetimore për të zbuluar vendndodhjen e tij”.

Por cila është e shkuara e errët e Gentjan Bejtjas? Pse ai është bërë shpesh pre e disa atentateve të rënda? Çfarë e lidh atë me vrasjen e komisarit të policisë Dritan Lamaj dhe zhdukjen e Enver Stafukës? Po me dy ngjarje të tjera të rënda?

Ngjarja e parë në të cilën Gentjan Bejtja, del se u përfshi është ajo e vrasjes së komisarit të Policisë, Dritan Lamaj.

Ai u qëllua për vdekje më 24 shkurt 2013, në Tiranë, brenda makinës së tij, vrasje për të cilën u mor në akuzë, biznesmeni Arben Frroku. Në atë kohë vëllai i deputetit Kristiandemokrat, Mark Frroku. Gentjan Bejtja, që thuhet se bashkë me Enver Stafukën, i siguroi Arben Frrokut, makinën me të cilën kreu krimin ndaj shefit të komisariatit Nr. 6 në Tiranë, Dritan Lamaj, pas një përplasje fizike që dy të fundit, kishin pasur më herët.

Por, si Bejtja ashtu edhe Stafuka, do të shpalleshin më vonë të dy të pafajshëm, lidhur mbi këtë ngjarje, pasi gjykata vlerësoi se nuk kishte prova të mjaftueshme për të provuar akuzën ndaj tyre. Por emri i Gentjan Bejtjas, shpejt do të dilte në një tjetër ngjarje. Këtë herë në atë të zhdukjes së mikut të tij, Enver Stafuka, mbrëmjen e datës 8 shkurt 2015.

Bejtja, ishte i pranishëm në takimin që Stafuka pati me disa eksponentë të rëndësishëm të krimit në Fushë-Krujë, por jo vetëm. Ai nuk foli kurrë se çfarë ndodhi me mikun e tij, i cili vetëm pak minuta pasi doli atë natë nga lokali në qendër të Fushë-Krujës, u rrëmbye nga një togë e maskuar policësh.

Rrëmbimi dhe zhdukja pa nam e nishan e mikut të tij, duket se do të ishte edhe prologu i atentateve të vazhdueshme që do të kryheshin ndaj Gentjan Bejtjas. Në shtator 2016, ai i shpëtoi mrekullisht një shpërthimi me lëndë eksplozive të vendosur poshtë automjetit të tij. Atentat nga i cili mbeti i plagosur në njërin nga këmbët, por që fatmirësisht nuk i mori jetën.

Në janar të vitit 2022, ai u bë pre e një tjetër atentati. Këtë herë në Fushë-Krujë, ndërsa po udhëtonte me makinë së bashku me Klodian Stafukën. Aty Bejtja mbeti i plagosur në krah dhe për pasojë makina që drejtonte përfundoi në kanal,  jashtë rrugës.

Por ish-polici i burgjeve, që sot po kërkohet me ngulm të vritet, del edhe në dy ngjarje të tjera. Ai thuhet se ishte ndërsa personat e fundit që komunikoi me biznesmenin Iljas Çali, para se ky të vritej mbrëmjen e 3 Prillit 2022, ndërsa po kthehej me makinën e tij nga Rinasi në drejtim të Tiranës.

“Tri apo katër ditë përpara se të vritej, kam qenë në shtëpinë e Iljas Çalit për vizitë bashkë me gruan dhe fëmijët. Flisja me të vazhdimisht. Për herë të fundit kam shkëmbyer mesazhe me të, një orë përpara se të vritej.

Iljasi me dërgoi një video fetare dhe më shkroi: ‘Dëgjoji se janë fjalë të mëdha’. Unë i shkrova: ‘Jam tu nejt në shtëpi’ dhe i dërgova një foto nga telenovela e Ertugrulit”, deklaronte Bejtja.

Në dëshminë e tij, Gentjan Bejtja, tregoi edhe arsyet përse nuk kishte shkuar në varrimin e Iljas Çalit. Çali ndërkohë i kishte thënë se minierën e kishte marrë sërish në zotërim.

“Ai më tha që ‘e kam marrë vetë minierën’. Lajmin e vrasjes e mësova nga televizori. Në varrimin e Iljasit nuk shkova, sepse unë kisha miqësi me të, por nuk kisha lidhje aq të forta me familjen e tij”, shprehej ai.

Alibia e tij për të mos shkuar në varrimin e mikut, me të cilin kishte pasur hyrje-dalje familjare, nuk iu duk edhe aq e besueshme hetuesve. Ai mendohet se nuk shkoi për t’i dhënë lamtumirën e fundit Iljas Çalit, me qëllim për të shmangur kontaktet me disa personazhe të tjerë nga Nikla, që gjendeshin në atë varrim.

Personazhe me të cilët Bejtja thuhet se kishte krijuar konflikte dhe përplasje të lindura kohët e fundit. Po kështu Bejtja ka dhënë dëshmi edhe për atentatin ndaj Marklen Hakës, një tjetër ngjarje për të cilën ai dyshohet se qëndron pas atentatit ndaj këtij të fundit. Personazh me të cilin ndan një urrejtje të gjatë.

Ndërkohë që Bejtja thuhet se është aktualisht një prej kundërshtarëve të përbetuar edhe i vëllezërve Valter dhe Durim Bami. Edhe këta të cilësuar si ‘Të Fortët’ e fshatit Nikël në Fushë-Krujë.

Personazhe, banesat e të cilëve ishin të parat që u kontrolluan nga policia, fill pas atentatit të mbrëmjes së 4 Korrikut. Valter Bami ishte një ndër të parët që u morën në pyetje nga policia në lidhje me atentatin e fundit ndaj familjes së Gentjan Bejtjas.

“Siç edhe më gjetët kam qenë në shtëpinë time në gjumë. Nuk e kuptoj përse më keni shqetësuar, pasi nuk kam përplasje apo konflikte me askënd”, ka deklaruar ai.

The post “Babi ishte me ne në makinë”, nga dëshmia e djalit të Bejtjas tek ajo e kundërshtarit të tij, çfarë ndodhi pak orë pas atentatit në Fushë-Krujë appeared first on Albeu.com.

Autorët kanë zënë pritë pranë banesës së Bejtjas, ku sapo është shfaqur makina e tij, kanë hapur zjarr, duke vrarë në vend drejtuesin e makinës Ramazan Sino dhe plagosur dy fëmijët e mitur. Shënjestra dyshohet se ka qenë në makinë pork a zbritur disa metra larg shtëpisë. Autorët kanë pasur informacione se ai ka qenë në Shqipëri dhe janë përgatitur për atentatin e tretë.

Në vendin e krimit policia kriminale ka sekuestruar plot 28 gëzhoja automatiku, të cilat tashmë janë çuar për ekspertim balistik dhe daktiloskopik, për të mësuar nëse janë qitur nga e njëjta armë dhe nëse ka elemntë të gjurmëve të gishtave.

Bejtja i shpëton një atentati për herë të tretë. Ai ka qenë një ish-punonjës i Policisë së Fushë-Krujës, që më pas është implikuar në disa ngjarje kriminale të rënda.

Bejtja është një emër i njohur për policinë. Ai ishte personi që së bashku me Enver Stafukën vodhën veturën e përdorur në vrasjen e kryekomisar Dritan Lamajt në vitin 2013.

Bejtja u bë i njohur me 26 shkurt të vitit 2013, një ditë pas vrasjes së kryekomisar Dritan Lamajt, në rrugën “Petro Korçari”, fare pranë banesës së tij. Ai së bashku me Enver Stafukën, u arrestuan nga policia, të dyshuar për vjedhjen e veturës BMË, e përdorur në vrasjen e kryekomisar Lamajt. Miku i ngushtë i Enver Stafukës, personazh i njohur i botës së krimit i rrëmbyer nga një skuadër “policore” dhe i zhdukur në rrethana të dyshimta në Shkurtin e vitit 2015, filloi të futej në rrethin e armiqve.

Hera e parë që kanë tentuar ta vrasin ka qenë në 2016 kur i ka shpëtuar një atentati, me eksploziv. Në mjetit e tij një sasi eksplozivi shpërtheu dhe e plagosi atë. Edhe më 9 Janar të vitit 2022, Gentian Bejtja i shpëtoi një tjetër atentati në afërsi të Niklës në Fushë-Krujë, ndërsa mbeti i plagosur miku i tij 31-vjeçar Klodian Stafuka që ishte me të në makinë gjatë momentit kur ndaluan për të furnizuar makinën në një pikë karburanti. Ngjarja mbetet e pazbuluar.

Bejtja, një ish-punonjës i policisë së burgjeve, njihet nga strukturat e policisë për backgroundin e tij kriminal dhe hasmërinë e krijuar me disa grupe kriminale të Fushë-Krujës me të cilët kishte qenë më parë në miqësi.

Mes kundërshtarëve të tij në zonën e Fushë-Krujës, policia rendit Durim Bamin, Ramazan Rajën, Mariglen Hakën.

Bami dhe Haka, ditën e sotme janë shoqëruar në polici ku aktualisht po meren në pyetje./Express/

The post Pritë në hyrje të vilës, 28 plumba ndaj kunatit e dy djemve, kush janë armiqtë e Bejtjes: Nga Ramazan Raja te Durim Bami appeared first on Albeu.com.

Ai tha se nga mënyra e organizmit dhe kryerjes së këtij atentatit, kuptohet se ka një hakmarrje të jashtëzakonshme dhe një inat të madh.

Ngjarje të tilla, sipas Dogjanit, krijojnë panik tek qytetarët, teksa vuri në dukje guximin që grupet kriminale tregojnë e madje nuk i frikësohen as policisë.

“Ky lloj kriminaliteti tregon që autorët nuk kanë frikë nga shteti. Mënyra si kanë vepruar tregon se e njohin territorin. Të paktën njëri nga ata duhet të jetë banor i zonës. Fakti që kanë qëlluar me breshëri automatiku, tregon hakmarrje të jashtëzakonshme dhe nuk kanë pyetur nëse ka apo jo fëmijë”, tha ai në emisionin “Open”.

“Edhe nëse këta do të kenë qenë autorë të paguar, do të thotë se pagesa ka qenë e lartë sepse kanë qëlluar pa ndërprerje për të ekzekutuar objektivin.

Mund të jetë e lidhur me hakmarrje, larje hesapesh. Më bën përshtypje se ku e marrin guximin këto grupe, në një kohë që në zonën e Krujës është e njëjta skenë… digjet makina, autorë janë disa persona.

Çfarë bën policia e shtetit? Kjo ngjarje ka përcjellë panik e pasiguri tek qytetarët”, tha ai.

The post “Nuk kanë frikë nga shteti”, ish-drejtuesi i Policisë për atentatin në Fushë Krujë: Mund të jetë hakmarrje appeared first on Albeu.com.

Për fat të mirë 10-vjeçari kishte marrë lëndime të lehta. Por djali tjetër i Gentianit, Alvi Bejtja, 13 vjeç është në gjendje të rënduar shëndetëosre.

I mituri u dërgua në spital dhe ndodhet nën kujdesin e mjekëve në spitalin e Traumës në Tiranë. Nga atentati mbeti i vrarë kunati i Gentian Bejtjas, Ramzan Sino.

Gjithashtu policia njofton se ka  ushtruar 3 kontrolle në 3 banesa si dhe janë shoqëruar 3 persona që mund të kenë dijeni për ngjarjen.

Gentianit dhe familjarëve të tij iu bë pritë rreth orës 00:15 dhe sapo kanë zbritur nga makina, pranë banesës së 42-vjeçarit, është qëlluar me breshëri plumbash.

Dyshohet se autorët kanë ndjekur lëvizjet e Ramazan Sinos dhe nipit të tij, Alvi Bejtja deri në momentin që kanë mbërritur në banesë, shkruan albeu.com. Dy persona kanë pasur rolin e ekzekutorit, ndërsa një persona ka drejtuar automjetin e autorëve tip “Volswagen”, që 25 minuta pas ngjarjes u gjet i djegur në fshatin Tapizë.

Sipas burimeve nga grupi hetimor, makina është djegur totalisht, teksa brenda saj janë gjetur 3 armë zjarri tip kallashnikovë. Por në zonë nuk ka kamera sigurie pasi janë hequr në kuadër të operacionit të policisë “Fijet”.

Njoftimi policisë  

Krujë/Informacion shtesë

Në lidhje me informacionin paraprak të dhënë mbrëmë, për ngjarjen e ndodhur në oborrin e banesës së shtetasit G. B., ju bëjmë me dije se:

Ka ndërruar jetë si pasojë e plagëve të marra shtetasi R. S.,  29 vjeç, si dhe janë plagosur dhe ndodhen në spital, nën kujdesin e mjekëve, dy të mitur të moshës 13 dhe 10 vjeç, (nipat e shtetasit R. S).

Me qëllim identifikimin dhe kapjen e autorit/ëve të dyshuar, shërbimet e Policisë kanë ushtruar 3 kontrolle në 3 banesa si dhe kanë shoqëruar 3 persona që mund të kenë dijeni për ngjarjen.

Në përfundim të veprimeve hetimore në lidhje me ngjarjen, do të ketë një njoftim për shtyp në vijim.

/albeu.com/

The post Gentian Bejtjas i vranë kunatin dhe i plagosën 2 djemtë e mitur, njëri në gjendje të rëndë. Shoqërohen në polici 3 persona appeared first on Albeu.com.

Shënjestër e atentatit ka qenë ish-polici Gentian Bejtja, por për fat të keq u vra kunati i tij dhe u plagos i biri. Gentianit dhe familjarëve të tij iu bë pritë rreth orës 00:15 dhe sapo kanë zbritur nga makina, pranë banesës së 42-vjeçarit, është qëlluar me breshëri plumbash.

Dyshohet se autorët kanë ndjekur lëvizjet e Ramazan Sinos dhe nipit të tij, Alvi Bejtja deri në momentin që kanë mbërritur në banesë, shkruan albeu.com. Dy persona kanë pasur rolin e ekzekutorit, ndërsa një persona ka drejtuar automjetin e autorëve tip “Volswagen”, që 25 minuta pas ngjarjes u gjet i djegur në fshatin Tapizë.

Sipas burimeve nga grupi hetimor, makina është djegur totalisht, teksa brenda saj janë gjetur 3 armë zjarri tip kallashnikovë. Por në zonë nuk ka kamera sigurie pasi janë hequr në kuadër të operacionit të policisë “Fijet”./albeu.com/

The post Atentati në Krujë/ Shënjestra, Gentian Bejtja arriti të shpëtonte, kunati u vra aksidentalisht appeared first on Albeu.com.

Gazetari Igli Çelmeta në një raportim live për News24 nga vendi i ngjarjes, solli detaje lidhur me atentatin mafioz, ndërsa theksoi se krimi mund të kishte marrë përmasa edhe më të rënda, pasi në shtëpinë 3-katëshe kishte dhe 3 fëmijë të tjerë. Sipas tij, autorët, 3 persona, dy ekzekutorë dhe një shofer, pasi kanë ndjekur viktimën, 29 vjeç, dhe nipin e tij, i kanë qëlluar me kallashnikov nga një distancë rreth 20 metra, ku ata ishin futur në oborrin e banesës.

Ndërkohë, i mituri ndodhet në gjendje të rëndë në spitalin e Traumës, ndërsa i është nënshtruar një ndërhyrje kirurgjikale. Po ashtu bëhet e ditur se në momentin kur policia shkoi në vendin e ngjarjes, nuk gjeti Gentjan Bejtjan në banesën e tij.

The post Daja u vra, nipi u plagos! Detaje nga krimi në Krujë, në banesën Gentian Bejtjas ndodheshin dhe 3 fëmijë të tjerë appeared first on Albeu.com.

Ndërkohë i plagosur nga plumbat mbeti djali i Genetian Bejtjas, Alvi Bejtja 13 vjeç, i cili ndodhet në spital nën kujdesin e mjekëve.

29-vjeçari Ramazan Sino ishte daja i Alvit.

Gentianit dhe familjarëve të tij iu bë pritë rreth orës 00:15 dhe sapo kanë zbritur nga makina, pranë banesës së 42-vjeçarit, është qëlluar me breshëri plumbash. Dyshohet se autorët kanë ndjekur lëvizjet e Ramazan Sinos dhe nipit të tij, Alvi Bejtja deri në momentin që kanë mbërritur në banesë, shkruan albeu.com. Dy persona kanë pasur rolin e ekzekutorit, ndërsa një persona ka drejtuar automjetin e autorëve tip “Volswagen”, që 25 minuta pas ngjarjes u gjet i djegur në fshatin Tapizë.

Sipas burimeve nga grupi hetimor, makina është djegur totalisht, teksa brenda saj janë gjetur 3 armë zjarri tip kallashnikovë. Por në zonë nuk ka kamera sigurie pasi janë hequr në kuadër të operacionit të policisë “Fijet”.

Kjo është hera e tretë që Gentian Bejtja i shpëton atentatit.

Me 9 janar të vitit 2022 Gentian Bejtja i shpëtoi një atentati në afërsi të Niklës në Fushë-Krujë ndërsa mbeti i plagosur miku i tij 31 vjeçar Klodian Stafuka që ishte me të në makinë gjatë momentit kur ndaluan për të furnizuar makinën në një pikë karburanti. Ngjarja mbetet e pazbuluar.

Gentian Bejtja më 2016 i ka shpëtuar një atentati, me eksploziv. Bejtja ishte personi që së bashku me Enver Stafukën vodhën veturën e përdorur në vrasjen e kryekomisar Dritan Lamajt në vitin 2013. Por po ashtu Bejtja, një ish- polic i burgut të Fushë- Krujës, është i njohur për policinë për precedentë penalë në krimet ndaj pronës.

Bejtja u bë i njohur me 26 shkurt të vitit 2013, një ditë pas vrasjes së kryekomisar Dritan Lamajt, në rrugën “Petro Korçari”, fare pranë banesës së tij. Ai së bashku me Enver Stafukën, u arrestuan nga policia, të dyshuar për vjedhjen e veturës BMW, e përdorur në vrasjen e kryekomisar Lamajt./albeu.com/

The post FOTO/ Atentati mafioz në Krujë, ky është kunati i Gentjan Bejtjas që mbeti i vrarë appeared first on Albeu.com.