Del fotoja e autorit të krimit me 2 të vdekur dhe 2 të plagosur në Paskuqan, u largua me “C Class” pas ngjarjes (FOTO LAJM)

Xh — Wed, 01 Mar 2023 12:59:57 +0000

Dan Hutra, rreth 40 vjeç është shpallur në kërkim pas ngjarjes së rëndë të ndodhur mesditën e sotme në Paskuqan.

40-vjeçari qëlloi me armë ndaj familjes së ish-gruas duke lënë 2 persona të vdekur dhe 2 të plagosur.

Albeu.com ka siguruar edhe foton e autorit të dyshuar, i cili u largua nga vendi i ngjarjes me makinën tip “C Class” ngjyrë e zezë.

Nuk dihet ende shkaku i kësaj ngjarjeje të rëndë, por paraprakisht dyshohet se mes autorit të dyshuar dhe vjehrrit ka pasur konflikt.

Policia ka ngritur pika kontrolli dhe po punon për kapjen e autorit.

Ndërkohë Drejtori i Policisë së Shtetit, Muhamet Rrumbullaku ndodhet në vendin e ngjarjes./Albeu.com.

Krimi i dyfishtë në Paskuqan, dyshohet se dhëndri ka pasur konflikte me ish-vjehrrin

Xh — Wed, 01 Mar 2023 12:46:34 +0000

Një krim i dyfishtë në familje tronditi mesditën e sotme Paskuqanin.

Dyshohet se dhëndri Dan Hutra ka qëlluar me armë drejt familjes së ish-gruas.

Më pas autori është larguar nga vendi i ngjarjes me makinën tip “C Class” ngjyrë e zezë.

Po vijojnë hetimet për të zbardhur të plotë ngjarjen e rëndë, por paraprakisht dyshohet se kas pasur një konflikt mes autorit dhe ish-vjehrrit.

Policia së bashku me drejtorin e Policisë së Shtetit Muhamet Rrumbullaku ndodhen në vendin e ngjarjes./Albeu.com/