“Ka pikëpyetje që vështirë ti heqësh. Duke patur parasysh zhvillimet e fundit të ekonomisë, ato zonja kanë sfida të vështira përpara. Marrin në dorë një ekonomi me një borxh shumë të lartë që do të vazhdojë të rritet më tej. Një borxh që i deklaruar është 80, por siç e kemi analizuar fsheh edhe disa borxhe të tjera.

Ekonomia jonë është shumë e brishtë. Duke qenë kështu, me sektorë jo prodhues, të tëra këto janë pikëpyetje të mëdha. Dhe sektorë si energjia që janë kontribuues në ekonomi janë sektorë që varen shumë nga ecuria e motit. Po kështu edhe bujqësia nuk është e zhvilluar intensivisht. Turizmi përsëri, pandemia, problemet e pronësisë, ka strategji, por nuk është e qartë çfarë lloj turizmi duam ne.  Prandaj pjesa e ekonomisë ka sfida të mëdha për ministret. Do të shikojmë sesi gratë do të marrin lidershipin dhe sa do kenë individualitet. Nuk mund të jenë të gjitha zgjidhje të kryeministrit,” deklaroi ajo.

Lidhur me rritjen e çmimit të bukës, ekspertja thotë se është një penalizim për qytetarët shqiptarë, pasi është një ndër produktet bazike.

“Buka për qytetarët shqiptarë është një penalizim i madh. Buka është më bazike te mënyra sesi ushqehemi ne. Konkurrenca duhet të bëjë studime. Aq më tepër që është një dakordësi e të gjitha bizneseve që çmimi duhet rritur. Në këtë rast duhet të ndërhyjë qeveria.

Janë disa mekanizma që qeveria duhet ti vënë një funksionim për të mbrojtur rritjen e çmimeve. Kur janë të pashmangshme qeveria duhet të mendojë mirë për shtresën në nevojë. Në një vend të varfër duhet të bëjë një lloj amortizimi”, tha Guxholli./abcnews.al

The post Ekonomia në qeverinë “Rama 3”, Guxholli: Ministret do përballen me sfida të mëdha appeared first on Albeu.com.

Duke ditur që Rama i përket shenjës së Gaforres, një shenjë që njihet sidomos për ndjeshmërinë  e saj të tepëëërt, që shpesh e fsheh me arrogancë  (si e parë kjo apo jo?), por edhe tepër këmbëgulëse për arritjen e qëllimeve të veta, e kujdesshme për ndjenjat e të tjerëve, në thelb është një shenjë lunatike që ka si moto “2 hapa para, 1 prapa) që nuk shkon fare mirë me shenjat e zjarrit, gërmuam për të parë  se si qëndron ky raport astrologjik në qeverinë e re.

Dhe zbuluam goxha gjëra që të bëjnë të mos e marrësh aq lehtë këtë punën e horoskopit. Psh, në qeveri nuk ka asnjë shenjë zjarri, asnjë Dash ( Dashin e ka lënë në opozitë me Monika Kryemadhin dhe Ilir Metën që i përkasin kësaj shenje). Po ashtu nuk kemi asnjë Luan apo Shigjetar. Në qeveri dominon shenja e Peshqve ( 4 ministra dhe shenja e Bricjapit, po ashtu me 4 ministra).

Peshqit njihen si shenja më intuitive e zodiakut, por janë gjithashtu edhe shenja e dytë më posesive e horoskopit. Edhe pse nuk lënë asgjë për të dyshuar në pamje të parë, janë manipulativë, posesivë dhe provokues të lindur.

Ndërsa Bricjapët njihen si punëtor të mëdhenj, si shenjë me këmbë në tokë që di të llogaritë rrezikun e të mbajë përgjegjësi kur duhet. Ndoshta prej këtyre karakteristikave ministri si Financat e Shëndetësinë, Rama ua ka besuar ministreve që kanë qëlluar të “kenë brirët” për t’i përdorur për këdo që u pengon rrugën.

Sipas llogaritjeve tona na rezulton që kemi një qeveri që drejtohet nga uji. (Urojmë të lundorojnë mirë qeveria e mos të na mbytë!) Shumica e ministrave që do të punojnë me Ramën, duket se do të kuptohen mjaft mirë mes tyre duke qenë se kanë të përbashkët të njëjtin element, ujë me ujë, po ashtu edhe ujë me tokën.

Më poshtë merrni vesh të gjitha shenjat përkatëse të ministrave.

Edi Rama, kryeministër- Gaforrja ( 4 korrik)

Arben Ahmetaj, zv ministër-Gaforrja (28 Qershor 1969)

Bledi Çuçi, Ministër i Brendshëm-Akrepi (14 nëntor 1970)

Olta Xhaçka,Ministre e Punëve të Jashtme- Bricjapi (25 dhjetor 1979)

Evis Kushi, ministre e Arsimit – Peshorja 7 tetor 1975

Delina Ibrahimi, ministre e Ekonomisë dhe Financave-Bricjapi ( 23 dhjetor)

Ogerta Manastirliu, ministre e Shëndetësisë- Bricjapi (31 dhjetor 1978)

Mirela Kumbaro, ministre e Turizmit –Peshqit ( 4 March 1966)

Ulsi Manja, ministër i Drejtësisë-Peshorja (5 Tetor 1973)

Niko Peleshi, ministër i Mbrojtjes- Akrepi (11 nëntor 1970)

Frida Krifca, ministrie e Bujqësisë- Peshqit ( 20 mars 1978)

Belinda Balluku, ministre për Infrastrukturën dhe Energjinë- Peshorja (9 tetor 1973)

Elva Margariti, ministre e Kulturës- Binjakët (14 qershor 1980)

Elisa Spiropali,  ministre shteti për marrëdhëniet me Parlamentin- Peshqit (15 mars 1983)

Milva Ekonomi, ministre shteti për Standardet dhe Shërbimet- Bricjapi ( 31 dhjetor)

Edona Bilali, ministër shteti për Biznesin dhe Sipërmarrjen- Binjakët ( 13 qershor 1989)

Bora Muzhaqi, ministër shteti për Rininë dhe Fëmijët- Peshqit ( 11 Mars 1990)/ revistawho.com

The post Me një gaforre në krye! Shenjat e horoskopit të ministrave në kabinetin “Rama 3” appeared first on Albeu.com.