Në mesazhin e publikuar mëngjesin e sotëm, Trump përdor një gjuhë të ashpër ndaj regjimit iranian dhe bën thirrje që të ndiqen zhvillimet që pritet të ndodhin gjatë ditës.

“Shikoni çfarë do të ndodhë sot me këta të çmendur. Ata kanë vrarë njerëz të pafajshëm në mbarë botën për 47 vjet dhe tani unë, si Presidenti i 47-të i Shteteve të Bashkuara të Amerikës, po i vras ata. Çfarë nderi i madh është ta bëj këtë”, shkruan Trump në postimin e tij.

Ai shton gjithashtu se, sipas tij, Shtetet e Bashkuara po shkatërrojnë plotësisht regjimin iranian në disa drejtime.

“Po shkatërrojmë plotësisht regjimin terrorist të Iranit, ushtarakisht, ekonomikisht dhe në çdo mënyrë tjetër”, thekson ai.

Në të njëjtin postim, presidenti amerikan pretendon se marina dhe forcat ajrore iraniane janë neutralizuar dhe se raketat, dronët dhe armatimet e tjera janë shkatërruar, ndërsa udhëheqësit e regjimit, sipas tij, janë zhdukur.

The post Presidenti Trump paralajmëron sulme të mëdha kundër Iranit: Shikoni çfarë do të ndodhë me këta të çmendur appeared first on Albeu.com.

Sipas ushtrisë jug-koreane, ky është testimi i pestë që koreano-veriorët zhvillojnë nga muaji janar. Raketat e lëshuara u dedektuan në verilindje dhe lindje të qytetit Vonsan. Sipas ushtrisë së Koresë së Jugut, ato po analizohen në bashkëpunim me ushtrinë amerikane ndërsa ende nuk dihet nëse u lëshuan nga toka apo deti.

“Ushtria jonë ka rritur vëzhgimin dhe vigjilencën dhe po punon ngushtë me partnerët amerikanë, duke monitoruar nga afër sinjalet e aktivitetit të mëtejmë nga Koreja e Veriut”, tha Shtabi i Përgjithshëm i ushtrisë së Koresë së Jugut por pa dhënë shumë detaje.

Testimet janë rritur akoma më shumë në një kohë kur Koreja e Jugut dhe SHBA po përgatiten për të mbajtur zgjedhjet. Ndërkohë lideri koreano-verior, Kim Jong Un është shprehur i gatshëm të sulmojë Korenë e Jugut nëse do të cënohet siguria e Veriut.

Për të demonstruar qëndrimet e tij ai ka rritur dhe testimet e raketave të cilat mund të godasin objektiva të ndryshëm në distancë të largët. Për të ndalur këtë rrezik, SHBA, së bashku me Korenë e Jugut dhe Japoninë kanë rritur bashkëpunimin ushtarak dhe po zhvillojnë stërvitje të ndryshme. Po ashtu tre vendet po punojnë dhe për të forcuar strategjitë e tyre të parandalimit bërthamor.

The post Frikë në gadishullin korean! Raketat e Koresë së Veriut alarmojnë Seulin appeared first on Albeu.com.

“Shtabi ynë në Naqoura u godit me një raketë dhe ne po punojmë për të verifikuar se nga ku. Paqeruajtësit tanë nuk ishin në strehimore në atë kohë. Për fat të mirë, askush nuk u lëndua,” tha UNIFIL në një deklaratë.

The post LUFTA/ Goditet me raketa selia e OKB në Liban appeared first on Albeu.com.

Pas më shumë se 24 orësh nga momenti që forcat e Hamas sulmuan me raketa Izraelin, dy shtetet janë futur zyrtarisht në luftë.

Izraeli ka aktivizuar nenin 40-t të Kushtetutës, e cila i jep ushtrisë liri veprimi për të ndërmarrë veprime luftarake.

Ndërkohë mediat ndërkombëtare raportojnë për një situatë tragjike, ku për shkak të shpërthimit të raketave, kanë humbur jetën 22 anëtarë të së njëjtës familje, mes tyre dhe 7 fëmijë.

Trupat e pajetë janë gjetur poshtë gërmadhave të një ndërtese në Gazën jugore, e cila ishte bombarduar me raketa nga forcat ajrore izraelite.

Trupat e pajetë i përkasin famijles së Abu Daq.

The post LUFTA/ Raketat e Izraelit vrasin 22 anëtarë të një familjeje, mes tyre dhe 7 fëmijë appeared first on Albeu.com.

Në vitin 1959–1960, kohë kur Shqipëria ishte anëtare e Traktatit të Varshavës, vëndi ynë u armatos me raketa moderne sovjetike, që e rritën fuqishëm potencën ushtarake mbrojtëse, në raport me fqinjët potencialisht armiqësorë.

Me ndërprerjen e marrdhënjeve me Bashkimin Sovjetik, u ndërpre si për të gjitha furnizimet, edhe furnizimi me raketat e drejtuara kundërajrore ‘Sam 2’, krenaria e teknologjisë ushtarake të asaj periudhe, që përbënin garanci për fuqizimin e mbrojtjes së Atdheut. Pas prishjes dhe largimit të sovjetikëve nga baza më e madhe Ushtarako Detare e Mesdheut, raketat filluan të furnizoheshin nga shteti aleat më i ri, Republika Popullore e Kinës së Mao Ce Dunit. Transportin kryesor të tyre e kreu trans-oqeaniku “Vlora”, i cili komandohej nga Kapiteni Qemal Hate, “Hero i Punës Socialiste”, i ndarë nga jeta disa vite më parë.

Raketat që vinin nga Kina, për shkak të distancës së gjatë, dhe moslejimit të mjeteve detare për këtë transport, niseshin në fshehtësi të plotë, duke qenë të çmontuara dhe të mbuluara me ngarkesa orizi në vapor. Po ashtu, edhe për avionët ‘Mig’ të variantit kinez dhe armatime të tjera.

Ardhja e tyre dhe vetë raketat që për atë periudhe ishin nga më modernet, qenë kthyer dhe mbeten ende pjesë krenarie kombëtare, sidomos pas largimit të trupave dhe anijeve sovjetike nga baza e Pasha Limanit.

Punonjësit e Portit tregojnë, se këto mallra të rëndësisë së veçantë, janë shkarkuar vazhdimisht natën. Lidhur me transportin detar të raketave me anijen “Vlora”, tregon Ylli Bare, dhëndri i Qemal Hates, edhe ky ish-kapiten anije transporti, i cili thotë se transportin e raketave nga Kina, e kreu anija “Vlora”.

Kapiteni Ylli Bare, tregon se anija, përveç rrugëtimit nga Kejp Tauni, kalonte kryesisht nëpër Kanalin e Suezit dhe se për këtë anije, shteti kishte gjetur kanale të jashtëligjshme dhe u paguante autoriteteve të egjiptiane, dollarë me valixhe dhe anija i shpëtonte kontrollit të imtësishëm, që mund të rrezikonte ngarkesën strategjike që sillte në atdhe.

Rreth këtij transporti me rëndësi të jashtëzakonshme politike dhe strategjike, Ylli Bare tregon se, raketat futeshin në hambarët e vaporit në pjesën fundore të tyre, nga 8 deri në 10 copë.

“Përveç tyre, në vapor transportoheshin tanke, topa, deri aeroplanët reaktivë ‘Mig’. Madje edhe aviatorët e parë ushtarakë që do të shkonin në Kinë për t’u trajnuar, shkuan me këtë vapor, rreth 17 vetë. U nisën nga Durrësi dhe u kthyen po me këtë vapor, së bashku me avionët e parë nga më modernët të saj periudhe.

Vetëkuptohet që avionët ishin të çmontuar. Duke qenë se paguhej për kalimin në Suez, “Vlora”, nuk rrinte në radhë si anijet e tjera. Dhe duhet të kemi parasysh se këtu, kishte radhë të madhe për të kaluar nga anijet e tjera, por anija jonë kalonte pa radhë”, thekson Ylli.

“Në Egjipt, duke qenë se dihej që kishte diplomatë dhe oficerë shërbimesh sekrete që rrinë nëpër ambasadat e ndryshme, zakonisht praktika e mallit që transportohej, deklarohej se ishte ngarkesë me oriz dhe mekanizma bujqësore, ngarkesa që mbulonte objektet ushtarake. Ndërkohë në kuvertë, lejohej që të organizoheshin deri mikropanaire, nga tregtarët vendas.

Për pazarin siç i thonin, lejohej që të hipnin në kuvertë 30-40 egjiptianë, që vinin me varka për t’u shitur gjësendi marinarëve. Ishte një manovër e goditur psikologjike, për të hequr çdo dyshim që mund të kishte ndokush, për llojin e ngarkesës e, për të qetësuar vëzhguesit e huaj, se anija nuk kishte ngarkuar gjera të rëndësishme, nga ato që dyshoheshin…!

Ndërkohë kur anija dilte nga Kanali, dy nëndetëset tona, e prisnin atë në afërsi të portit të Aleksandrisë dhe e shoqëronin me pas nëpër Detin Mesdhe, gjatë gjithë rrugëtimit të mëtejshëm deri në gjirin e Durrësit. Rrugëtimi i nëndetëseve drejt portit të Aleksandrisë në Egjipt, rakordohej me nisjen e “Vlorë”-s nga Kina.

Kur vinte në Durrës “Vlora”, priste natën përsëri për t’u futur në portin, ku puna ishte e ndërprerë në të gjithë sektorët.  Mjetet i shkarkonte ushtria natën dhe i transportonte më pas në kushtet e sekretit të plotë ushtarak, për në destinacion. Zakonisht transportet ushtarake Kinë – Shqipëri, priteshin nga Mehmet Shehu”, tregon kapiten Ylli.

Si erdhën raketat e para Sovjetike në Portin e Durrësit?

Raketa e para të drejtuara kundërajrore, erdhën nga Bashkimi Sovjetik. Ardhja e tyre ishte tepër e rëndësishme për vendin tonë, pasi ishim shteti i 2-të në botë, pas Bashkimit Sovjetik, që pajiseshin me këtë teknologji moderne të sofistikuar, për atë periudhë kohe.

Raketat e para kanë arritur në vendin tonë në vitin 1959. Lidhur me këtë ngjarje shumë të rëndësishme, sipas ish-komandantit të repartit të Raketave Kundërajrore, Lelo Leli, raketat e para tokë-ajër në Shqipëri, erdhën nga ish Bashkimi Sovjetik, në muajin dhjetor 1959.

Ato u pritën në portin e Durrësit dhe natën, me masa të rrepta sigurie e ruajtje, u transportuan në Pezë-Helmës. Atje, me kohë ishin ndërtuar baza e ruajtjes dhe e furnizimit të raketave, si dhe objektet e vendosjes së efektivit e aparaturave radioteknike dhe shtretërit e lëshimit.

Ajo u quajt qendra mësimore. Ndërsa baza e mbushjes, u emërtua reparti teknik ose reparti 3700 k. Ato raketa kishin një gjatësi prej 10.88 metrash. Raketat që kanë qenë pjesë e armatimit të Mbrojtjes Kundër Ajrore të Ushtrisë Shqiptare, nuk kanë pasur mbushje bërthamore, por kanë pasur vetëm mbushje luftarake, e cila kur shpërthente, ndahej në 3.600 copa.

Pesha e tyre relative, ishte rreth 2 ton. Arsenali raketor i vendit tonë, përbëhej nga rreth 300 raketa të tipave ‘SAM-2’, (sovjetike) si dhe ‘HQ-1’, ‘HQ-2’, të prodhimit kinez. Ato vazhduan të jetë në shërbim të mbrojtjes së vendit, deri në periudhën e shpërthimit të Gërdecit.

Raketat e para në Port, i priti Enver Hoxha

Ish-inxhinieri i Portit të Durrësit, që i ka shkarkuar këto raketa, ka lënë të shkruara në kujtimet e tija para ndarjes nga jeta, se raketat kanë arritur natën e 16 dhjetorit 1959, në portin e Durrësit. Ato janë shkarkuar në fshehtësi të madhe dhe kanë qenë rreth 28 copë raketa tokë–ajër, të blera në Bashkimin Sovjetik.

Ato kanë ardhur me me anije transporti ushtarake sovjetike. Vinçieri që i ka shkarkuar ato me vinçin e tijë, tip “Ganz” në port, ka qenë një nga vinçierët më të vjetër dhe më me përvojë në port, Qirjako Moçi. Shkarkimin e tyre e ka ndjekur pranë vinxhit, vetë Enver Hoxha dhe Kadri Hazbiu. Enveri ishte i shqetësuar për përfundimin e operacionit të shkarkimit.

Vinçieri kujtonte se Enveri, i kishte shkuar te vinçi dhe i kishte thënë: – “Dëgjo Qirjako, këto raketa i kemi blerë me djersën dhe gjakun e popullit, me flori. Ndaj duhet kujdes i madh”. Qirjako kujtonte se si kanë shkarkuar rreth 28 copë raketa atë natë.

Po ka shfaqur edhe dyshime se ky shkarkim, ishte vëzhguar nga ndonjë shërbim i huaj zbulimi, pasi në një distancë të konsiderueshme një person që gjuante peshk me grep te moli i peshkimit, për çdo raketë të shkarkuar shënonte një shenjë + në një paketë cigaresh “Diamanti”.

Qiriako Moçi, që shkarkoi raketat e para që erdhën në portin e Durrësit, ka punuar si vinçier nga viti 1952 deri në vitin 1989, kur doli në pension. Ishte vinçieri më jetëgjatë në Portin e Durrësit. Në të gjitha rastet e tjera, kur vinin raketat nga Kina, ato në port i priste ish-kryeministri Mehmet Shehu dhe zv/kryeministri e ministri i Mbrojtjes, Beqir Balluku.

Dëshmitë e Kajo Hima, ish – marinari i transoqeanikut “Vlora”

Kajo Hima, është një marinar i vjetër, i cili ka punuar 38 vite në det. Nga këto vite, 9 prej tyre, ai i ka kaluar në anijen “Vlora”, dhe kujton momentet kur transportonte raketat si dhe objekte të tjera të rëndësishme ushtarake. Ai sjell në kujtesë se si, edhe në Kinë, raketat ngarkoheshin natën. Masat e sigurisë edhe atje ishin shumë të larta, sidomos kur në port, kishte anije sovjetike.

–“Na nxirrnin në Radë dhe prisnim që të binte nata për të hyrë në port dhe të ngarkoheshim. Hambarët e anijes kishin 3 kate. Në katin e poshtëm, ngarkonim raketat dhe tanket që ishin të paketuara në arka. Ngarkesën e bragonim fort me kavo dhe me shumë kujdes, me qëllim që, nëse gjatë lundrimit do të kishte furtunë, ato të mos luhateshin dhe dëmtoheshin nga përplasjet që shkaktonin dallgëzimet e mëdha në detëra e oqeane.

Mbi armatimet e rralla ne hidhnim ngarkesa orizi dhe gruri. Që të maskonim udhëtimin me transportin e ushqimeve, kur vinim në Durrës, “Vlora”, po natën hynte në port, për t’u shkarkuar, në kushte maksimale sigurie dhe fikeshin të gjithë dritat.

Lejohej vetëm një korridor drite për shkarkimin, ndërkohë punonjësit tradicionalë të portit, kishin bllokuar turnin dhe shkonin në shtëpi. Po ashtu edhe policia. Në ato momente, porti ruhej vetëm nga oficerët e Sigurimit të Shtetit. Ndërsa ekuipazhi i anijes pajisej me një lejë të posaçme dhe kur linim shërbimin, kontrollohej nga oficerët e Sigurimit që vëzhgonin gjithçka.

Madje nga rigoroziteti i tyre, një natë pata edhe një incident me ta. Bëra një dush dhe u nisa me nxitim. Kur me kontrolluan, u kërkova që të kthehem në anije, për ta marrë lejen. Po ata s’më besuan dhe më dërguan direkt e në dhomat e izolimit të Degës se Punëve të Brendshme. Pas pak kohe, u desh ardhja e Kryetarit të Degës, Kopi Niko, i cili më njihte dhe e zhbllokoi situatën”.

Kajo thotë se; anija “Vlora” ishte nga më të mirat e Flotës Detare Tregtare të vendit tonë, me kapacitet transportues 12.600 ton. Ajo kishte vetëm një vit që ishte prodhuar, kur u ble në Xhenova të Italisë, në vitin 1961, me rreth 4 milionë USD. Anija punonte edhe me solar.

Sapo hyri në përdorim të Flotës sonë Tregtare, duke qenë se ishte piketuar për transportin e raketave dhe mjeteve të tjera ushtarake që furnizonte në atë periudhë shteti kinez, po në vitin 1961, stafi i saj u kompletua me oficerë të Marinës Luftarake Detare.

Anija “Vlora”, kujtohet nga njohësit e saj dhe marinarët, si një mjet detar shumë i fortë, pasi nuk kishte ndodhur të bënte asnjë defekt rrugës. Edhe kur kishte përballuar lundrime të gjata e tajfune në oqeanet që përshkonte. /Shqiptarja.com

The post DOSSIER/ Misioni sekret, dy nëndetëse shqiptare në Egjipt: Si paguheshin dollarë me valixhe për të futur raketat dhe avionët appeared first on Albeu.com.

“Dëgjova një shpërthim të madh, një shpërthim të tmerrshëm dhe më pas shkova në dritare dhe pashë një re të madhe tymi të zi. Pashë njerëz që vraponin. Mendova se ndoshta diçka ka ndodhur në objekt, se njëra nga makineritë u prish dhe shpërtheu”.

“Kam frike. Nuk kam fjetur gjithë natën”, tha mësuesja 60-vjeçare e shkollës së mesme të fshatit, e cila është rreth gjashtë kilometra larg kufirit.

“Jam e tmerruar. U vranë njerëz që i njihnim shumë mirë. Është një komunitet shumë i vogël”.

Rusia fajësoi sot Ukrainën për shpërthimin vdekjeprurës, me Belgjikën e cila tha se sulmi ishte shkaktuar me sa duket nga përdorimi i sistemeve të mbrojtjes ajrore ukrainase për të rrëzuar raketat ruse.

Kush ishin dy viktimat e sulmit me raketa në Poloni

Njëra nga viktimat ishte babai i një ish-nxënëseje në shkollë dhe tjetra ishte burri i një pastruese shkolle,tha një prej banorëve.

“Që nga fillimi i luftës ne kemi analizuar rrezikun dhe së fundmi gjërat ishin qetësuar, por ja ku jemi sot. Eshte e frikshme”.

Incidenti ngriti menjëherë frikën se NATO mund të përfshihej drejtpërdrejt në luftën e Rusisë në Ukrainën e mbështetur nga Perëndimi, por situata u qetësua pasi autoritetet u kërkuan qytetarëve të mos nxirrnin përfundime të shpejta.

Dy viktimat ishin burra rreth të 60 -tave dhe të dy punonin në një fabrikë të përpunimit të grurit.

“Ne nuk e prisnim që të ndodhte diçka e tillë, edhe nëse ndodhin aksidente, veçanërisht kur lufta është vetëm gjashtë kilometra nga fshati ynë,” tha një nga banorët.

Autoritetet lokale shpallën tre ditë zie pas shpërthimit.

The post Sulmi me raketa në Poloni, kush ishin dy viktimat appeared first on Albeu.com.

Në një video të publikuar sëfundmi në aplikacionin Telegram, Garda Revolucionare e Iranit ka vendosur në objektivat e saj edhe kampin e MEK në Manëz të Durrësit duke publikuar edhe foto satelitore të saj.

Gjatë videos, paraqiten njëri pas tjetrit objektivat e dronëve dhe raketave të Iranit, ku përfshihen qyteti i Tel Avitit, bazat amerikane në rajonit si edhe kampi i MEK në Manëz.

Në fund, iranianët theksojnë se kanë gjithçka nën kontroll dhe se mund të godasin kur të duan.

Shqipëria është vendosur nën objektivin e Iranit pas pranimit të muxhahedinëve të MEK në vendin tonë, të cilët konsiderohen si kundërshtarë të regjimit të ajatollahëve. Sëfundmi, Shqipëria ka qenë viktimë e një sulmi kibernetik nga irananët, të cilët kanë arritur të marrin nga sistemet tona një mori informacionesh konfidenciale./abcnews.al

The post Irani kërcënon Shqipërinë: Sulme me dronë dhe raketa, kush është objektivi appeared first on Albeu.com.

Sipas shërbimeve lokale gjashtë civilë të tjerë janë plagosur nga bombardimet ruse, ndërsa ekipet janë vënë në kërkim të trupave që janë bllokuar në pallatin pesëkatësh, që u bombardua dje nga raketat ruse./albeu.com

The post Sulmet me raketa në jug të Ukrainës, shkon në 10 numri i viktimave appeared first on Albeu.com.

Lufta ruse ka shkaktuar pasoja të mëdha në Ukrainë, jo vetëm në humbje ushtarake por edhe në humbjen e jetëve.

“Grupi i parë i katër sistemeve të raketave të artilerisë së lëvizshmërisë së lartë që SHBA i premtoi Ukrainës tani janë në vend dhe grupi i sapo shpallur HIMARS do të dorëzohet deri nga mesi i korrikut”, është njoftuar nga autoritetet e mbrojtjes në SHBA.

Ndërkohë më herët ministrat e Jashtëm të G7 kanë deklaruar se Rusia është fajtore për luftën në Ukrainë, si edhe për përkeqësimin e krizës ushqimore.

The post Mbrojtja amerikane: Sistemet raketore të SHBA, mbërrijnë në Ukrainë në korrik appeared first on Albeu.com.

Një nënë me 3 fëmijët e saj të mitur që qëndron në një vendstrehim në Kiev tregon për mediat e huaja se si po i mëson ata të dallojnë ndryshimin mes zhurmës së një bombe dhe një predhe që po vjen.

“Nëse dëgjon boom, boom, do të thotë që bombardimet janë larg, ndërsa nëse dëgjohet një si vërshëllimë, ajo është zhurma e një rakete në fluturim dhe rreziku më i madh për ne”, tregon Olena.

Nëna tregon se ajo ka vendosur të mos largohet nga qyteti, pasi këtë gjë e konsideron njësoj të rrezikshme.

?️”If I say run, we run to the shelter, if I say hide, we run to the nearest wall and cover our heads.”

Olena and her 3 young children are sheltering in Kyiv.??

She explains why she’s told them the difference between the sound of a bomb and the sound of an incoming missile.

⬇️

— BBC Radio 5 Live (@bbc5live) March 3, 2022

The post Dëshmia e nënës ukrainase: Po iu mësoj fëmijëve si të mbrohen dhe të dallojnë zhurmat e raketave (VIDEO) appeared first on Albeu.com.