Deri më tani, aleanca ushtarake perëndimore dhe vetë qeveria polake kanë shmangur fajësimin e Rusisë.

Si shefi i NATO-s ashtu edhe presidenti polak e kanë quajtur goditjen që vrau dy persona një “incident tragjik”.

Kjo është në përputhje me një qëndrim të mëparshëm të përshkruar nga presidenti amerikan Joe Biden. Pak kohë më parë, kryeministri i Mbretërisë së Bashkuar Rishi Sunak tha se ishte e rëndësishme të vërtetoheshin faktet e asaj që ndodhi./BBC

The post Polonia dhe NATO shmangin fajësimin e Rusisë për raketën appeared first on Albeu.com.

Takimi mbahet me kërkesë të Polonisë – vend anëtar i NATO-s.

Agjencia e lajmeve Reuters, duke cituar dy diplomatë evropianë, tha se takimi mbahet në bazë të Nenit 4 të Traktatit të NATO-s.

Sipas këtij neni, vendet anëtare mund të ngrenë shqetësimin kur ndiejnë se “integriteti territorial, pavarësia politike ose siguria e tyre” janë në rrezik.

Shtetet e Bashkuara dhe aleatët perëndimorë thanë se janë duke i hetuar raportet për shpërthimet në Poloni, për të përcaktuar origjinën e raketave.

“Do të përcaktojmë se çfarë ka ndodhr dhe cilët do të jenë hapat e duhur të ardhshëm”, tha zëdhënësja e Këshillit të Sigurisë Kombëtare të Shtëpisë së Bardhë, Adrienne Watson.

Polonia e vendosi ushtrinë e saj në gatishmëri të shtuar, pas takimit urgjent që mbajti Këshilli i saj i Sigurisë Kombëtare.

“Ka pasur një vendim për të ngritur gjendjen e gatishmërisë së disa njësive luftarake dhe shërbimeve të tjera të uniformuara”, u tha gazetarëve zëdhënësi i Qeverisë polake, Piotr Muller.

Derisa Ukraina fajësoi Rusinë për ngjarjen në Poloni, Rusia mohoi se raketat e saj kanë goditur territorin polak, duke thënë se raportet janë “një provokim i qëllimshëm” për të përshkallëzuar situatën./REL

The post U kërkua aplikimi i nenit 4, NATO mblidhet urgjent për të diskutuar ngjarjen në Poloni appeared first on Albeu.com.

Presidenti i SHBA Joe Biden thotë se liderët botërorë në takimin e tij kanë rënë dakord të mbështesin hetimin dhe të kuptojnë saktësisht se çfarë ka ndodhur në Poloni më herët.

Hapat e ardhshëm do të përcaktohen pasi të zbulohet se çfarë ka ndodhur, shtoi ai.

“Ka informacion paraprak që e kundërshton këtë,” u tha Biden gazetarëve kur u pyet nëse raketa ishte lëshuar nga Rusia.

“Nuk ka gjasa në vijat e trajektores që të jetë qëlluar nga Rusia, por do të shohim”, përfundoi ai.

The post Biden: Raketa nuk ka gjasa të jetë lëshuar nga Rusia appeared first on Albeu.com.