Gazetarët e AFP-së raportuan se shpërthimet u dëgjuan në kryeqytetin ukrainas pak minuta përpara se të aktivizoheshin sirenat e alarmit ajror.

Kreu i administratës ushtarake të Kievit, Timur Tkachenko, njoftoi përmes Telegramit se kryeqyteti ishte nën sulm.

“Armiku po sulmon kryeqytetin me raketa”, shkroi ai, duke u bërë thirrje banorëve të strehohen menjëherë në vende të sigurta.

Ndërkohë, kryebashkiaku i Kievit, Vitali Klitschko, konfirmoi se gjashtë persona kanë mbetur të plagosur nga sulmi, ndërsa tre prej tyre janë transportuar në spital për trajtim mjekësor.

Autoritetet ukrainase vijojnë të vlerësojnë dëmet e shkaktuara nga sulmi, ndërsa alarmi ajror mbetet aktiv në disa rajone të vendit.

Kiev was just targeted by 8 Iskander ballistic missiles.

No warning were issued before the strike. pic.twitter.com/o07B0zGOwi

— ayden (@squatsons) July 11, 2026

The post VIDEO/ Rusia sulmon Kievin me raketa, të paktën gjashtë të plagosur appeared first on Albeu.com.

Këto deklarata ai i dha gjatë një stërvitjeje ushtarake dhe prezantimit të armatimit të Ushtrisë së Serbisë. Aktiviteti u mbajt më 28 qershor në aeroportin ushtarak në Batajnicë, pranë Beogradit, si edhe në poligonin Pasulanske Livade në Serbinë qendrore, në kuadër të festës shtetërore dhe fetare të Vidovdanit.

Në një prononcim për “Bota sot”, ish-hetuesi Agim Rexhepi vlerëson se njoftimet e Vuçiqit për armatim të ri nuk duhet të trajtohen si një proces i zakonshëm modernizimi, por si një zhvillim që kërkon shqetësim dhe vigjilencë, sidomos në dritën e sulmit në Banjskë.

Sipas Rexhepit, Serbia po e vazhdon kursin e militarizimit dhe po mban gjallë një retorikë kërcënuese, prandaj këto lëvizje duhet të merren seriozisht nga institucionet e Kosovës dhe partnerët ndërkombëtarë.

“Deklaratat e presidentit serb Aleksandar Vuçiq për shtimin e arsenalit ushtarak, përfshirë raketat kineze CM-400 dhe blerjen e avionëve të rinj luftarakë, nuk mund të shihen si një zhvillim i izoluar teknik apo si modernizim i zakonshëm i ushtrisë. Kur këto deklarata vijnë nga një shtet që ende refuzon ta njohë pavarësinë e Kosovës, që vazhdon retorikën kërcënuese ndaj fqinjëve dhe që nuk ka dhënë përgjegjësi për sulmin terrorist të Banjskës në shtator të vitit 2023, atëherë ato përbëjnë një arsye legjitime për vigjilencë dhe shqetësim.

Kosova nuk udhëhiqet nga frika, por nga analiza e fakteve. Faktet tregojnë se Serbia, në vend që të ndërtojë besim përmes dialogut dhe bashkëpunimit rajonal, vazhdon të investojë në militarizim dhe në retorikë që shpesh synon demonstrimin e forcës. Askush nuk mund të harrojë se në Banjskë pamë një sulm të organizuar mirë, me armatim të rëndë dhe strukturë paramilitare, i cili dëshmoi se kërcënimet ndaj sigurisë së Kosovës nuk janë vetëm teorike, por kanë marrë formë konkrete.

Prandaj, kur pas atij episodi dëgjohen paralajmërime për shtim të raketave dhe avancim të kapaciteteve ushtarake, është krejt normale që institucionet e Kosovës dhe partnerët ndërkombëtarë t’i analizojnë me seriozitet. Problemi nuk është vetëm posedimi i armëve, por mënyra se si ato shoqërohen me një diskurs politik që shpesh prodhon tensione dhe synon presion ndaj fqinjëve”, thotë ai.

Rexhepi thekson më tej se afrimi ushtarak i Serbisë me Kinën sjell një element të ri rreziku për Ballkanin, pasi Beogradi po zgjeron lidhjet me aktorë jashtë orientimit euroatlantik.

Ai nënvizon se një zhvillim i tillë ngre pikëpyetje serioze për stabilitetin në rajon.

“Bashkëpunimi ushtarak i Serbisë me Kinën paraqet gjithashtu një dimension të ri të sigurisë në Ballkan. Në një kohë kur shumica e vendeve të rajonit kanë orientim euroatlantik dhe investojnë në ndërveprueshmëri me NATO-n, Serbia po zgjeron bashkëpunimin ushtarak me aktorë që kanë interesa gjeopolitike të ndryshme nga ato të Bashkimit Evropian dhe Aleancës Atlantike. Kjo krijon shqetësime jo vetëm për Kosovën, por edhe për stabilitetin rajonal.

Megjithatë, Serbia duhet ta kuptojë se koha kur mund të ushtrohej presion ushtarak ndaj Kosovës ka përfunduar. Kosova sot është shtet me institucione funksionale të sigurisë, me një polici profesionale, me një Forcë të Sigurisë që po zhvillohet sipas standardeve të NATO-s dhe, mbi të gjitha, me mbështetjen e palëkundur të aleatëve strategjikë, në radhë të parë të Shteteve të Bashkuara të Amerikës dhe të misionit të NATO-s në Kosovë, KFOR”, deklaron ai.

Në fund, Rexhepi shprehet se Qeveria e Kosovës nuk është nxitëse e konflikteve, por as nuk pranon cenimin e sovranitetit dhe të rendit kushtetues, duke vepruar në bashkërendim me partnerët ndërkombëtarë, veçanërisht pas sulmit në Banjskë.

Sipas tij, paqja në rajon nuk ndërtohet me armatosje, por me njohje reciproke dhe me respekt për shtetet. Ai shton se për sa kohë Serbia i jep më shumë përparësi forcimit ushtarak sesa krijimit të besimit politik, do të vazhdojë të shkaktojë shqetësim në rajon, ndërsa Kosova do të vijojë forcimin e sigurisë në koordinim me aleatët.

“Qeveria e Kosovës ka dëshmuar se nuk provokon konflikte, por nuk toleron as cenimin e rendit kushtetues dhe të sovranitetit të vendit. Reagimi profesional i institucioneve pas sulmit në Banjskë tregoi se shteti është i aftë të mbrojë territorin dhe qytetarët e tij, duke vepruar në koordinim të plotë me partnerët ndërkombëtarë.

Paqja në Ballkan nuk ndërtohet me gara armatimi, por me njohje reciproke, respektim të sovranitetit dhe përgjegjësi për aktet e dhunës. Për aq kohë sa Serbia investon më shumë në demonstrimin e fuqisë ushtarake sesa në ndërtimin e besimit politik, do të vazhdojë të prodhojë shqetësime të arsyeshme për fqinjët e saj.

Kosova do të vazhdojë të investojë në siguri, në koordinim me aleatët e saj, jo për të kërcënuar askënd, por për të garantuar që askush të mos guxojë ta kërcënojë lirinë, sovranitetin dhe integritetin territorial të Republikës së Kosovës. Kjo është rruga e një shteti demokratik dhe përgjegjës, në kontrast me retorikën e militarizimit që dëgjohet periodikisht nga Beogradi” – përfundoi ai për “Bota sot”.

The post Vuçiq paralajmëron shtim të raketave kineze dhe blerje avionësh luftarakë, Rexhepi ngre alarmin për pasojat në rajon appeared first on Albeu.com.

Sipas një raporti të CNN, Teherani ka rihapur 50 nga 69 hyrjet e tuneleve të goditura në 18 objekte raketore nëntokësore. Po ashtu, janë riparuar rrugët dhe infrastrukturat e dëmtuara gjatë sulmeve.

Ekspertët theksojnë se Irani vijon të zotërojë rezerva të mëdha raketash të ruajtura nën tokë, të mbrojtura nga objekte të ndërtuara në thellësi të mëdha. Kjo i mundëson vendit të ruajë aftësitë e tij raketore edhe pas dëmtimeve të shkaktuara nga bombardimet.

“Ata janë përgatitur për një konflikt të tillë prej më shumë se 20 vitesh”, tha Timur Kadyshev nga Instituti për Kërkime të Paqes dhe Politika të Sigurisë në Universitetin e Hamburgut.

Ndërkohë, Pentagoni ka përsëritur se ushtria amerikane mbetet e gatshme të veprojë kurdo që të jetë e nevojshme, ndërsa situata në rajon vazhdon të mbetet e tensionuar.

The post Irani rihapi bazat nëntokësore të raketave, ekspertët: Janë përgatitur për një konflikt me SHBA-në dhe Izraelin prej 20 vitesh appeared first on Albeu.com.

Sipas mediave ukrainase, në kryeqytet janë dëgjuar shpërthime të shumta, ndërsa sistemet e mbrojtjes ajrore kanë hyrë në veprim për të neutralizuar dronët rusë.

Raportohet se disa ndërtesa janë shembur në periferi të Kievit si pasojë e bombardimeve. Bilanci paraprak flet për një viktimë dhe 16 persona të plagosur.

Lajmi u konfirmua nga kreu i administratës ushtarake të qytetit, Timur Tkachenko, i cili deklaroi se të plagosurit janë transportuar në spital, përveç dy personave që morën trajtim mjekësor në ambulancë.

The post Përfundon armëpushimi treditor, Rusia sulmon me raketa Kievin, një i vdekur dhe 16 të plagosur appeared first on Albeu.com.

Sipas raportit, Teherani ka ende 70 përqind të rezervave të tij të raketave balistike para luftës, 60 përqind të sistemeve të lëshimit të raketave, dhe rreth 40 përqind të rezervave të tij të dronëve.

Në kohën e armëpushimit më 8 prill, Irani kishte qasje në rreth gjysmën e sistemeve të lëshimit të raketave. Në ditët që pasuan, ai rimori rreth 100 sisteme të fshehura në shpella dhe fortesa, duke e çuar rezervën e tij të lançuesve në rreth 60 përqind të nivelit të tij para luftës.

Pavarësisht dëmeve të rënda në insfrastrukturën e prodhimit të armëve, zyrtarët amerikanë besojnë se Irani ka ende “më shumë sesaduhet për të mbajtur peng anijet në Ngushticën e Hormuzit në të ardhmen”.

Analistët thonë se strategjia e parandalimit e Teheranit, mbështetet gjithnjë e më shumë në gjeografi dhe aftësi asimetrike.

Megjithatë, New York Times vëren se vlerësimet e agjencive të inteligjencës amerikane dhe ushtrisë ndryshojnë.

The post New York Times: Irani ruan ende një pjesë të konsiderueshme të arsenalit të tij raketor appeared first on Albeu.com.

Komanda e Frontit të Brendshëm, dërgoi një “direktivë paraprake” në telefonat celularë në zonat përkatëse, duke u thënë njerëzve të hyjnë në një hapësirë ​​të mbrojtur dhe të qëndrojnë atje deri në njoftim të mëtejshëm.

Të paktën nëntë persona u vranë dhe dhjetëra të tjerë u plagosën pas një sulmi me raketa iraniane në qytetin izraelit Beit Shemesh të dielën – sulmi më vdekjeprurës ndaj Izraelit që nga fillimi i kësaj lufte.

Sulmet me raketa vazhduan ndaj Izraelit deri të dielën në mbrëmje. Shumica u interceptuan, por njëra ra në një rrugë në zonën e Jerusalemit duke plagosur të paktën tre persona.

The post Irani lëshon sërish raketa drejt izraelit, ushtri thirrje banorëve: Shkoni në strehimore appeared first on Albeu.com.

Në një reagim të fortë publik, Rama i cilësoi sulmet si “të verbëra dhe të dëshpëruara”, duke theksuar se ato nuk përbëjnë vetëm një agresion ndaj një shteti sovran, por edhe një goditje ndaj stabilitetit, prosperitetit dhe perspektivës së paqes në Lindjen e Mesme.

“Sulmet kundër një oaze paqeje si Dubai me raketa urrejtjeje dhe shkatërrimi zbulojnë natyrën e vërtetë të një regjimi mesjetar në Teheran”, shprehet Rama, duke shtuar se bëhet fjalë për një sistem që eksporton dhunë dhe përdor terrorin si instrument për të frikësuar fqinjët dhe vetë popullin e tij.

The post Raketat iraniane godasin në Dubai, Rama: Shqipëria në solidaritet të plotë me Emiratet e Bashkuara Arabe appeared first on Albeu.com.

Një pjesë e sulmeve u kapën falë sistemit të mbrojtjes ajrore të tjerë shënjestruan disa zona të ndryshme në qendër dhe veri të vendit.

Si pasojë kanë mbetur të lënduar disa persona ndërsa raportohet edhe për dëme materiale, përfshirë edhe një objekt banimi.

Ushtria izraelite iu përgjigj Hezbollah me goditje nga ajri në disa vendodhje në periferinë jugore të Bejrutit.

Në 24 orët e fundit në Liban u vranë dhe plagosën dhjetëra persona sipas autoriteteve vendase.

Sulmet dhe kundërsulmet mes Izraelit dhe Hezbollah vijnë në një kohë që ushtria ka lëshuar urdhra evakuimi oër qytetin e Gazës duke shkaktuar një valë të re zhvendosjesh të banorëve civilë.

Urdhrat e reja sipas zëdhënësit të ushtrisë izraelite erdhën pas disa sulmeve me raketa të nisura në drejtim të izraelit nga e njëjta lagje.

Përgjegjësia e breshërisë me raketa të shtunën u mor nga krahu i armatosur i Hamasit, i cili tha se kishte shënjestruar një bazë të ushtrisë izraelite afër kufirit.

Në Gazën veriore, ku forcat izraelite kanë operuar kundër rigrupimit të militantëve të Hamasit që nga fillimi i muajit të kaluar, zyrtarët shëndetësorë thanë se një dron izraelit hodhi bomba në spitalin Kamal Adwan, duke plagosur edhe drejtorin e ti.

Forcat izraelite thonë se militantët e armatosur përdorin ndërtesa civile duke përfshirë blloqe banimi, spitale dhe shkolla për mbulim operacional.

Në javët e fundit, Izraeli tha se kishte lehtësuar shpërndarjen e furnizimeve mjekësore dhe karburantit dhe transferimin e pacientëve nga spitalet e Gazës veriore në bashkëpunim me agjencitë ndërkombëtare si Organizata Botërore e Shëndetësisë.

The post Grupi Hezbollah godet Izraelin, dhjetëra raketa lëshohen nga grupi militant appeared first on Albeu.com.

Ushtarët italianë u dërguan në spital me lëndime jo të rrezikshme për jetën, pasi baza UNIFIL në Shama u godit nga dy raketa 122 mm.

UNIFIl tha se raketat ka të ngjarë të jenë lëshuar nga Hezbollahu ose anëtarë të grupit të armatosur.

Ndërkohë, Hezbollahu nuk e ka komentuar deklaratën e agjencisë, por grupi tha se ka lëshuar një breshëri raketash mbi forcat izraelite në perëndim të Shamës.

The post Sulmohet me raketa agjencia paqeruajtëse e OKB-së në Liban appeared first on Albeu.com.

Izraeli ka nisur gjithashtu sulme ajrore brenda Libanit, në atë që ai e quan një akt vetëmbrojtjeje.

Sirenat e sulmit ajror, janë dëgjuar në pjesë të Izraelit verior dhe fluturimet për dhe nga Tel Aviv po devijohen.

Zëdhënësi i IDF, Daniel Hagari, thotë se Hezbollahu ka planifikuar një sulm të gjerë.

Në një deklaratë, Hezbollahu tha: “Së pari, me mëshirën e Allahut të Plotfuqishëm, faza e parë ka përfunduar me sukses të plotë.

Kjo fazë përfshin shënjestrimin e kazermave dhe vendeve sioniste për të lehtësuar kalimin e dronëve sulmues drejt objektivave të tyre të synuara thellë brenda entitetit.

Me mëshirën e Allahut, dronët kaluan siç ishte planifikuar”.

Së dyti, numri i raketave Katyusha të lëshuara deri më tani ka kaluar 320 në drejtim të vendeve armike.

Së treti, vendet që janë shënjestruar dhe goditur me sukses nga mëshira e Allahut janë:

1. Baza “Meron”
2. Pozicioni i Artilerisë “Neveh Ziv”
3. Baza “Zaatoun”
4. Pozicionet e Artilerisë “Zaoura”
5. Baza “Sahel”
6. Kazerma “Keila” në Golanin e pushtuar sirian
7. Kazerma “UAV” në Golanin e pushtuar sirian
8. Baza “Nafah” në Golanin e pushtuar sirian
9. Baza “Yardena” në Golanin e pushtuar sirian
10. Baza “Ein Zeitim”
11. Kazerma “Ramot Naftali”

Së katërti, detaje të mëtejshme rreth operacionit ushtarak do të jepen në deklaratat pasuese.”

The post Hezbollahu sulmon Izraelin me qindra raketa, avionët izraelitë godasin objektivat në Liban appeared first on Albeu.com.