Adolfo Urso, deri 10 ditë para se të betohej si ministër, ishte pronari Italian World Services, së bashku me djalin e tij Pietro, një kompani aktive në sektorin e konsulencës institucionale dhe lotimin për bizneset, duke arritur rezultate të shkëlqyera.

Në vitin 2015, siç kishte zbuluar në atë kohë ‘Report’, ministri aktual në fakt po kryente konsulencë për llogari të kompanive të Francesco Becchetti, nipi sipërmarrësit dhe menaxherit të landfillit Manlio Cerroni, ish-pronar i televizionit shqiptar Agon Channel.

Sot Becchetti, heq dorë nga miqësia e së shkuarës: Ministri Urso e ka braktisur, duke zgjedhur krahun e kryeministrit Rama në luftën gjyqësore ku qeveria shqiptare i detyrohet Becchettit 120 milionë euro.

Përveç D’Alemës, edhe një figurë e rëndësishme e së djathtës italiane, para disa vitesh ka zbarkuar në Tiranë për të bërë biznes. Në 2015, ministri aktual zhvillonte shërbime konsulence për hesap të bizneseve të Francesco Becchettit, pronari i kanalit televiziv shqiptar ‘Agon Channel’.

Gazetari: Adolfo Urso ka qënë konsulenti juaj?

Becchetti: “Po, ka qenë konsulenti për ndërkombëtarizimin të grupit tim të biznesit”.

Pas asaj që i ndodhi, Francesco Becchetti, shprehet se ka humbur jo vetëm mbështetjen profesionale, por edhe miqësinë e Adolfo Urso që në atë periudhë duket se ka vendosur një raport kordial dhe miqësor me kryeministrin shqiptar.

Gazetari: Ju përcjell të falat e Francesco Becchettit. Thotë se e keni braktisur për të qëndruar në krah të më të fortit që është Edi Rama

Ministri Urso: “Unë jam gjithmonë nga ana e Italisë”.

Deri 3 ditë para betimin si ministër, Adolfo Urso, ishte pronari i Italian Ëorld Services, kaluar më pas tërësisht të birit Pietro, shoqëri aktive në sektorin e konsulencës institucionale dhe të lobimit, i cili, sipas asaj qe rrëfen i interesuari direkt, në momentin kur kishte më shumë nevojë e ka braktisur Becchetin.

Becchetti: “Unë i kam bërë vetes disa pyetje dhe i kam dhënë përgjigje”.

Gazetari: Çfarë përgjigjesh?

Becchetti: “Nëse vlerësoni interesat që kanë luajtur, bizneset që janë shoqëruar te Rama…”.

Shoqërimi i bizneseve italiane mbi të gjitha jashtë vendit, është misioni kryesor i Italian World Services e familjes Urso. Ky biznes operon në vende të ndryshme dhe nga 2015 edhe në Ballkan dhe në Shqipëri.

Gazetari: Italian Word Services, shoqëria e lobimit, ka klientë në  Shqipëri?

Ministri Urso: “Unë nuk bëj pjesë në këtë shoqëri, pyesni djalin tim”.

Gazetari telefonon Pietro Urson, djalin e ministrit: Jam Giorgio Mottola, babai juaj më tha t’ju kontaktoj ju dhe doja t’ju pyes nëse kompania juaj ka klientë në Shqipëri?

Pietro Urso: “Do të flas me avokatin tim më përpara”.

Gazetari: Adolfo Urso ka qënë konsulenti juaj?

Becchetti: “Po, ka qenë konsulenti për ndërkombëtarizimin të grupit tim të biznesit”.

Pas asaj që i ndodhi, Francesco Becchetti, shprehet se ka humbur jo vetëm mbështetjen profesionale, por edhe miqësinë e Adolfo Urso që në atë periudhë duket se ka vendosur një raport kordial dhe miqësor me kryeministrin shqiptar.

Gazetari: Ju përcjell të falat e Francesco Becchettit. Thotë se e keni braktisur për të qëndruar në krah të më të fortit që është Edi Rama.

Ministri Urso: “Unë jam gjithmonë nga ana e Italisë”.

Deri 3 ditë para betimin si ministër, Adolfo Urso ishte pronari i Italian Ë\World Services, kaluar më pas tërësisht të birit Pietro, shoqëri aktive në sektorin e konsulencës institucionale dhe të lobimit, i cili, sipas asaj qe rrëfen i interesuari direkt, në momentin kur kishte më shumë nevojë e ka braktisur Becchetin.

Becchetti: “Unë i kam bërë vetes disa pyetje dhe i kam dhënë përgjigje”.

Gazetari: Çfarë përgjigjesh?

Becchetti: “Nëse vlerësoni interesat që kanë luajtur, bizneset që janë shoqëruar te Rama…”.

Shoqërimi i bizneseve italiane mbi të gjitha jashtë vendit është misioni kryesor i Italian World Services e familjes Urso. Ky biznes operon në vende të ndryshme dhe nga 2015 edhe në Ballkan dhe në Shqipëri.

Gazetari: Italian Word Services, shoqëria e lobimit, ka klientë në  Shqipëri?

Pietro Urso: “Do të flas me avokatin tim më përpara”.

“REPORT” EKSKLUZIV: ME ÇFARË MERRET KOMPANIA LOBUESE E MASSIMO D’ALEMËS NË SHQIPËRI?

Marrëdhënia e ngushtë e D’Alemës me Shqipërinë daton që nga koha e luftës në Kosovë, kur kryeministri i atëhershëm mbështeti bombardimet e NATO-s kundër Serbisë.

Me kalimin e viteve, ai ka intensifikuar gjithnjë e më shumë udhëtimet e tij në Tiranë dhe marrëdhëniet e tij me qeverinë e Edi Ramës.

The post RAI 3 zbulon bizneset në Shqipëri nga ato të ish-kryeministrit Massimo D’Alema, tek ato të ministrit të Melonit, të mundësuara nga Edi Rama (VIDEO) appeared first on Albeu.com.

Kryeministri i Shqipërisë u përgjigj se kjo ide ishte kerkesë miqësore nga Giorgia.

Pyetje: Si lindi ideja për qendrat e emigrantëve? Kush jua propozoi?

Edi Rama: E kam thënë dhe e përsëris. Ka qenë një kërkesë mjaft miqësore nga Giorgia, nëse do ta merrja në konsideratë mundësinë për të bërë diçka bashkë për këtë dhe unë i thashë “pse jo, ta mendojmë”. Pastaj kaluan muaj dhe ajo erdhi në Shqipëri dhe patëm mundësinë ta diskutojmë më gjatë se çfarë mund të bëhej, cila mund të ishte pjesa jonë në këtë gjë dhe pastaj e bëmë.

Pyetje: Nuk mendoni se dëbimi i migrantëve që përpiqen të mbërrijnë në Itali drej Shqipërisë, është një shkelje e të drejtave themelore të njeriut?

Edi Rama: Kjo është një mënyrë për ta parë gjënë pork a edhe një tjetër mënyrë për ta parë, sepse gjeografia nuk mund të jetë mallkimi i Italisë, që është lënë e vetme për shumë kohë. Në momente dramatike në kohë është braktisur në vetminë e saj, sepse nëse dikush vë këmbë në Itali, vë këmbë në Europë. Pra nuk është një që mbërrin aty dhe Italisë i duhet ta menaxhojë vetë; është dikush që mbërrin në Europë dhe Europa duhet ta menaxhojë së bashku. Për më tepër ka një dispozitiv të rëndësishëm të lëgjislacionit europian, që është rishpërndarja dhe që qartësisht nuk ka funksionuar. Në dëm të Italisë. Ndërkohë ne nuk jemi vend që është pjesë e BE-së, ne jemi pjesë e E-së, pra jemi vend europian dhe gjendemi në anë tjetër të detit nga Italia dhe thjesht kemi marrë përsiper një përgjegjësi si europianë, që ju keni nevojë që në të kontrinbuojmë e të marrim pjesë. Nëse këtë do ta bëntë një vend i BE askush nuk do të kishte thënë gjë, por fakti që Shqipëria nuk është në BE, ngre gjithë këtë zhurmë dhe me pas këtë interpretim, sbujektiv te faktit.

The post Edi Rama jep intervistë për RAI3: Qëndrat e emigrantëve ishin kerkesë miqësore nga Giorgia appeared first on Albeu.com.

Nën hetim u vu Sigfrido Ranucci, zëvendës drejtor i RAI3 dhe njëkohësisht drejtues i emisionit “Report” që transmetoi ditë më parë një reportazh kundër Shqipërisë ku fliste edhe për marrëveshjen me Italinë për emgigrantët, duke sjellë më pas edhe reagimin e kryeministrit Edi Rama.

Mediat italiane shkruajnë se bëhej fjalë për faturime fiktive për të cilat Ranucci flet në një video të regjistruar pa dijeninë e tij në vitin 2014 teksa ndodhet në tavolinë në negociata për të marrë material “ekskluziv” për kryebashkiakun e atëhershëm të Veronës, Flavio Tosi.

Një akuzë e tillë është mohuar nga avokati i Ranuccit, zoti Luc Tirapelle i cili përjashton mundësinë që “RAI 3” të ketë pasur fonde për blerjen e materialeve të dobishme për emisionin Report apo për kryerjen e veprimtarive të dosjeve kundër politikanëve të ndonjë partie.

Sipas avokatit, Ranucci në atë takim po luante bllofin për të parë nëse vërtet ekzistonte një video që dëmtonte figurën e Flavio Tosit.

Më tej në artikullin e publikuar nga media italiane, shkruhet se Ranucci mburrej me mundësinë që kishte për të bërë fatura fiktive duke kërkuar ndërhyrjen e një miku të tij, me qëllim mbeledhjen e provave të nevojshme për hetimin.

Lidhur me këtë ngjarje ka reaguar edhe deputeti i “Forza Italia”, Andrea Ruggeri i cili ka deklaruar se ka marrë mesazhe kërcënuese nga Ranucci.

“Sot sjell gjithë materialin që kam: sms kërcënuese nga Ranucci dhe raporte të aktiviteteve të zhvilluara. Është një çështje e një rëndësie të paparë”, tha deputeti ndër të tjera.

The post Skandal i “RAI 3” në Itali/ Gjykata hap dosjen për faturimin e rremë të Raportit! Deputeti Italian: Më ka kërcënuar me sms appeared first on Albeu.com.

Bardhi: Ky Kuvend sot, edhe në emër të qytetarëve që përfaqësojmë në këtë sallë, duhet të distancohet nga sjellja e Edi Ramës ndaj medias shtetërore italiane Rai 3, por mbi të gjitha duhet të distancohen nga modeli qeverisës që ka ndërtuar Edi Rama, model që turpëron shqipërinë.

Ish këshilltari i Edi Ramës, ish magjistrati i njohur italian Mandoi, na ripohoi atë që kemi thënë si opozitë cdo ditë, që anëtarët e mafias shqiptare, të krimit të organizuar apo narkotrafikantët kanë përfaqësuesit e tyre brenda institucioneve dhe kanë mundësi perfekte për të kushtëzuar veprimet e qeverisë.

E vërteta nuk turpëron Shqipërinë të nderuar kolegë, por sigurisht turpëron Edi Ramën, prandaj është fshehur ka një muaj.

Të thuash të vërtetat lidhur me Edi Ramës, nuk ka aspak të bëjë me imazhin e Shqipërisë dhe shqiptarëve. Imazhi i Olsit dhe Olsave të shumtë të Edi Ramës, nuk është imazhi i Shqipërisë dhe shqiptarëve.

Imazhi i vërtetë i Shqipërisë dhe shqiptarëve, janë ata qytetarë të ndershëm të këtij vendi, që nuk përfshihen në trafik droge, që nuk pasurohen përmes korrupsionit madhor, që punojnë me ndershmëri, pavarësisht vështirësive që i krijon keqqeverisja jote 11 vjeçare, që shkëlqejnë në çdo sektor në Itali dhe çdo vend të botës.

-Çfarë konsiderohet qeveria e një shteti që të dënuarit për trafik droge në Itali, i bëri deputetë, kryetar bashkie dhe drejtues të lartë në administratën publike?

-Cfarë konsiderohet qeveria e një shteti që Ministrin e Brendshëm e ka të dënuar për shpërdorim detyre se në vend që të luftonte, mbështeti familjarët e tij të përfshirë në trafik droge?

-Çfarë konsiderohet qeveria e një shteti ku Prokuroria e Posaçme pohon se nuk bashkëpunon dot me Policinë e Shtetit gjatë aksioneve kundër krimit të organizuar, sepse i rezulton që drejtues të lartë të Policisë bashkëpunojnë me krimin e organizuar?

-Çfarë konsiderohet qeveria e një shteti që Kryeministri i vendit sipas medias shtetërore belge përmendet në dosjen e trafikantëve ndërkombëtar të drogës që po hetohen në Bruksel si pjesë e përgjimeve SKY ECC?

-Çfarë konsiderohet qeveria e një shteti ku vëllai i Kryeministrit përdor të njëjtin automjet që përdorin krerët e organizatës së ndërtimit të laboratorit të Xibrakës, i pari laborator kokaine në vend dhe më i madhi në Ballkan?

Përgjigjen e ka dhënë me guxim, profesionalizëm dhe fakte investigimi i televizionit shtetëror italian “Rai 3”. Ky investigim në asnjë rast nuk sulmon Shqipërinë, por nxjerr të vërtetat lidhur me Qeverinë e Edi Ramës, që ka treguar në këto 11 vjet se ka fuqizuar krimin e organizuar dhe dobësuar qytetarin e ndershëm.

Nicola Gratteri, prokuror i Antimafias në Napoli na konfirmoi se: Mafia shqiptare është e fortë sepse vjen nga shtet ku ka një korrupsion të përhapur. Kështu organizatat kriminale që vijnë nga Shqipëria janë menjëherë të pasura, të forta dhe të pushtetshme. Mafia shqiptare tashmë është strukturuar dhe ka arritur të punojë në bashkëpunim me N’Drangheta. Ka disa vite që e shohim edhe në Amerikën e Jugut dhe është e aftë që edhe në mënyrë të pavarur të sjellë në Itali dhe në Europë tonelata kokaine.

Prandaj dhe shqetësimi kryesor i qytetarëve është rikthimi i qeverisjes në shërbimin e tyre.

Edi Rama mund ti fshihet Kuvendit, por kërkesës së qytetarëve që qeverisja të jetë në shërbim të tyre, nuk i fshihet dot për gjatë./albeu.com 

The post “Imazhi i Shqipërisë nuk është Olsi Rama dhe Agaçi”, Bardhi pas investigimit të “Rai3”: Kryeministri fshihet sa herë duhet të japë llogari appeared first on Albeu.com.

Në një reagim për mediat shqiptare, Ranuçi u shpreh se ndërhyrja e Ramës pas investigimit për marrëveshjen me emigrantët, duke telefonuar drejtorin e “Rai 3”, është e njëjtë me atë të Rusisë.

Rama shprehu keqardhje për këtë krahasim.

“Është për të ardhur keq që ju e krahasoni telefonatën time shumë civile me ndërhyrjet e Kremlinit, që pretendohet se janë kryer në programin tuaj. Të paktën për respektin që i detyrohemi viktimave të Kremlinit, nuk do ta krahasoja me aq lehtësi poloniumin e përdorur për të censuruar me vdekje kundërshtarët e parehatshëm me një telefonatë të ndodhur pas një censure të pësuar”, tha kryeministri.

Rama hodhi poshtë edhe pretendimet se ka dërguar notë proteste ndaj televizionit italian.

“Më vjen keq gjithashtu që gënjeni për një notë proteste që unë i paskërkam thënë drejtorit gjatë telefonatës, tashmë shumë të famshme. Në të vërtetë nuk kam njoftuar asnjëherë një notë të tillë dhe as nuk mund ta dërgoj. Në të vërtetë nuk kam folur kurrë për një letër të tillë dhe as duke u kufizuar vetëm në vëzhgimin e një ngjarjeje surreale në programin e tij, ku fillimisht censurohen përgjigjet e kërkuara dhe më pas sulmohen të censuruarit se nuk janë përgjigjur”, tha Rama.

Edhe një herë tjetër, Edi Rama akuzoi gazetarët italianë se kanë gabuar në investigim, duke censuruar përgjigjet e Sekretarit të Këshillit të Ministrave, Engjëll Agaçi, përgjigje të cilat emisioni “Report” ka paralajmëruar se do të publikohen në vijim të dokumentarit të dielën./albeu.com

The post Rama replikon me “Rai 3”: Keqardhje që na keni krahasuar me Kremlinin appeared first on Albeu.com.

Edi Rama nuk ka bërë asgjë më shumë sesa bën me median në Shqipëri. Ditën kur u denoncua me dokumente dyshimi për përfshirjen e Olsi Ramës në Laboratorin e Xibrakës, gazetarët profesionistë raportuan për ndërhyrje të drejtëpërdrejta të Edi Ramës ndaj drejtuesve të medias për të fshirë lajmin.

Reagimi i sotëm i komisionit përgjegjës në Senatin Italian, që e quan telefonatën ndaj Rai 3 si ndërhyrje e papranueshme në lirinë e medias, nxjerr në pah heshtjen skandaloze të Komisionit tonë të Medias, që po ligjëron si normale ndërhyrjet alla–Putin të Edi Ramës ndaj medias.

Heshtja është neglizhencë e pafalshme që turpëron Kuvendin e Shqipërisë. Edhe gjuha e Edi Ramës ndaj medias në Shqipëri që transmetuan me korrektësi investigimin e Rai 3 është e papranueshme dhe skandaloze, siç evidenton edhe Safe Journalists. Komisioni i Medias duhet të mblidhet me urgjencë, për të dënuar sjelljen e papranueshme të Edi Ramës ndaj medias, duke ndërmarrë të gjitha masat e nevojshme ligjore në mbrojtje të lirisë së medias.

The post Sulmi drejt televizionit italian RAI 3, Bardhi: Edi Rama nuk ka bërë asgjë më shumë sesa bën me median në Shqipëri appeared first on Albeu.com.

Në një intervistë në SYRI TV, Ranucci është shprehur se dokumentet që kanë publikuar ata janë dokumente gjyqësore.

‘Unë sinqerisht e prisja më shumë një reagim në Itali se ne jemi televizion publik që bëjmë investigime të rëndësishme. Merremi me administratën publike. Italia po jep 1 miliard euro para publike për këtë program për emigrantët. Sigurisht me Shqipërinë duhet të bënim llogaritë edhe me korrupsionin. Ne kemi vepruar mbi bazën e dokumenteve gjyqësore, pra shumë të rëndësishme. Na vjen keq që kryeministri Edi Rama dhe këshilltari i tij juridik, Engjëll Agaçi, nuk e pranuan intervistën. Nuk e kuptoj pse nuk pranuan një intervistë me televizionin publik italian,’ tha ai.

The post “Rama dhe Agaçi refuzuan intervistat” Drejtuesi i RAI-t: Dokumentet tona janë gjyqësore appeared first on Albeu.com.

I pyetur se cili është qëndrimi i tij për dokumentarin e RAI 3 dhe se çfarë nuk shkon sipas tij, Rama tha se “ishte një produkt që dukej si i nxjerrë nga magazinat e errëta të kohës së palavdishme të medias italiane, kur sa herë që fliste për albanezi, fliste për vrasës, fliste për trafikantë, fliste për prostituta, fliste për hajdutë dhe për Shqipërinë si atdheu i krimit dhe i të gjithë të këqijave. E dyta, nuk është një zënkë verbale. Është thjesht një reagim në funksion të së vërtetës, të së vërtetës së thjeshtë. Se ndër shumë gënjeshtra që u thanë aty, u tha edhe një gënjeshtër shumë e madhe, që viktimat e atij agresioni, dhe viktima kryesore ishte Sekretari i Përgjithshëm i Këshillit të Ministrave, kishin refuzuar të përgjigjeshin, kishin refuzuar të jepnin opinionin e tyre”.

“Kam marrë përgjigje me shkrim, sepse pyetjet janë dërguar me shkrim në kohën e duhur, në afatin e përcaktuar prej atyre vetë. Dhe kulmi është që pasi e thonë këtë gënjeshtër vetë në emision duke krijuar një moment tjetër të hijes së dyshimit për gjithë atë konspiracion të ngritur mbi mbledhjen e ujërave të zeza të kanaleve politike dhe mediatike të Tiranës, shfaqen edhe këtu në një kanal të ujërave të zeza dhe vazhdojnë duke i thënë shqiptarëve, sa fatkeqësi e madhe që as përgjigje nuk denjuan të kthejnë. E pra kjo është skandaloze. Është normale që për këtë të reagohet”, theksoi Rama.

Pyetjes nëse shikon një sulm ndaj tij, ndaj qeverisë italiane apo ndaj Shqipërisë, sepse Italia do të ketë edhe zgjedhje lokale njëkohësisht me zgjedhjet e parlamentit europian, Rama iu përgjigj se “jam mësuar me sulmet dhe të them të drejtën nuk më bëjnë përshtypje si sulme dhe nuk më prekin se janë sulme, por në këtë rast si në çdo rast kur sulmohet Shqipëria, kur përbaltet Shqipëria, kur Shqipëria iu paraqitet të huajve nga të huajt në një dritë të tillë unë revoltohem. Nëse do kishte qenë për mua personalisht nuk do kisha bërë asnjë reagim. Siç nuk bëra asnjë reagim që aty ishte përfshirë edhe familja ime, madje edhe pastaj sqarova që nuk po hyj tek ajo pjesë”.

“Nëse ka një gjë që për mua është e dorës së parë është krenaria për Shqipërinë, është ngritja e kokës e Shqipërisë dhe mundësia për ta parë ne sy si të barabartë, gjë që ne po e arrijmë dhe çdo përpjekje për të na ulur kokën në mënyrë të padrejtë, në mënyrë skandaloze atëherë do të marrë përgjigje”, tha Rama.

Lidhur me telefonatën e kryer me drejtorin e Rai3, Rama theksoi se “nuk kisha se me të komunikoja tjetër, nuk komunikova me drejtorin e Rai3 për t’u ankuar për ndonjë gjë që është punë e gazetarëve, por për t’i bërë me dije se një skandal i madh deontologjik dhe etik ka ndodhur, pasi përmes ekranit të shërbimit publik italian iu është përcjellë atyre që e kanë ndjekur në Itali dhe Shqipëri një gënjeshtër e pafalshme për atë burimin e informacionit. Kanë pasur në dorë përgjigjet e dhëna dhe nuk kanë publikuar asnjë nga këto dhe kanë thënë që nuk na janë përgjigjur. Kjo është kulmi dhe e vetmja gjë ka qenë dhe nuk ka qenë asgjë tjetër”.

The post Akuzat e “RAI3”, Rama: Ka ndodhur një skandal i madh deontologjik dhe etik appeared first on Albeu.com.

Reagimi i Engjëll Agaçit

Në vëmendje të personelit redaktues të “Report”.

Po lexoj se objekti i investigimit tuaj gazetaresk ka të bëjë me Protokollin për emigrantët, të përcaktuar midis qeverisë shqiptare dhe asaj italiane, i miratuar më pas me ligj nga parlamentet përkatëse dhe i kaluar në testin e kushtetutshmërisë nga Gjykata Kushtetuese e Shqipërisë.

Të them të drejtën, nuk e gjej lidhjen e sa më sipër me aktivitetin tim të mëparshëm profesional si avokat në Itali, i cili përfundimisht ka përfunduar pak para datës 15.09.2013, ditë në të cilën pata nderin të merrja detyrën e Sekretarit të Përgjithshëm të Qeverisë Shqiptare, post që e mbaj edhe sot.

Në lidhje me hetimin tuaj, sinqerisht nuk shoh ndonjë interes publik për të hetuar veprimtarinë time personale dhe profesionale në të kaluarën, e cila është krejtësisht e palidhur dhe e parëndësishme me atë aktuale. Mbi të gjitha, nga thelbi i pyetjeve tuaja vërej se nuk është bërë një verifikim i kujdesshëm i burimeve tuaja.

Sigurisht që këto janë vëzhgime që do të vlerësohen me kujdes nga redaksia e sjellshme siç tregohet më sipër. Në çdo rast, për shkak të funksionit që mbaj dhe për transparencë dhe vërtetësi më të madhe, ofroj disponueshmërinë time për t’iu përgjigjur të gjitha pyetjeve tuaja.

Është e vërtetë që keni luajtur rolin e ndërmjetësit në negociatat për shitjen e 30 mijë hektarëve tokë nga Artur Shehu te fondacioni Eftimiadi, që u zhvilluan më 28 shkurt 2015?

Më datë 31.03.2012, si Jurist, mora përsipër një detyrë formale nga Gjykata e Triestes, në emër të Kuratorit të atëhershëm, për të ndjekur ngjarjet dokumentare dhe materiale të Amanetit të Vërtetë të të ndjerit Z. Salvatore Eftimiadi. E kam ndërprerë veprimtarinë në fjalë pasi kam marrë funksionin institucional të sipërpërmendur dhe ia kam komunikuar kuratorit fillimisht verbalisht dhe më pas komunikuar zyrtarisht edhe nga Studio Juridike, pjesë e së cilës kam qenë.

A është e vërtetë që në ushtrimin e profesionit tuaj si avokat në Itali keni kryer funksione asistence ligjore dhe/ose konsulence në favor të shumë shtetasve shqiptarë të përfshirë në procedimet penale për trafik droge në gjykatat italiane?

Në veprimtarinë time të gjatë profesionale si avokat në Itali kam asistuar shumë shtetas italianë, padyshim edhe shqiptarë dhe komunitete të tjera të huaja në Itali. Në disa nga procedurat kam ndihmuar ish-klientët e mi të përfshirë në krimet e parashikuara me Dekretin Presidencial 309/90 (Ligji për Narkotikët).

Konkretisht, a keni dhënë ndihmë ligjore dhe/ose këshilla për Renardo Nallbanin, Alxi Nallbanin, Dritan Nikollin dhe Artur Shehun?

Ju sjell në vëmendje se legjislacioni italian dhe ai europian për mbrojtjen e të dhënave personale më pengon të zbuloj emrat e ish-klientëve të mi, përveç me pëlqimin e tyre. Në çdo rast, është e drejta dhe e drejta juaj të keni akses në dosjet e gjykatave vendore për kontrollet e nevojshme. Por, mund të përjashtoj absolutisht që mbiemri i fundit të ketë qenë një ish-klient i imi.

Keni pasur një rol konsulence apo ndonjë rol tjetër në hartimin e Protokollit midis Italisë dhe Shqipërisë për emigrantët?

Është pjesë e detyrave të mia aktuale të shikoj të gjitha dokumentet që i paraqiten Këshillit të Ministrave. Pra, edhe sikur të mos isha pjesë e grupit të negociatorëve për hartimin e Protokollit ndërmjet Italisë dhe Shqipërisë, sigurisht që kam dhënë kontributin tim modest.

Tiranë, 5 Prill 2024″.

The post RAI 3 publikon letrën e Engjëll Agaçit: Kam qenë avokat i personave të përfshirë në aktivitete trafiku appeared first on Albeu.com.

“Mbrëmë publiku italian ndoqi një nga dokumentarët më tronditës në historinë e televizioneve italiane. Ndoqi një dokumentar kushtuar mafies shtetërore shqiptare. Një dokumentar të faktuar se qeveria, kreu i saj janë një mafie kokaine, janë një mafie heroine, janë një mafie droge, e rrezikshme për Shqipërinë, e rrezikshme për Italinë, e rrezikshme për Europën.Të dashur miq, çdo orë që kalon, çdo ditë që kalon sjell dëshmi tronditëse se çfarë bëhet me fatin e shqiptarëve. Se si shkelmohet mbi qenien e tyre. Çdo ditë që kalon fakton kontrollin e plotë dhe total të asaj që iu serviret shqiptarëve si drejtësi e re, drejtësi e krimit, drejtësi e narkoshtetit, drejtësi e kleptokracisë. Çdo ditë që kalon është një apel për ne që të marrim fatin në dorë. Dokumentari faktonte se Olsi Rama ishte eksponent kryesor i klanit të Hakmarrjes për Drejtësi të kokainës së Xibrakës. Fakton ato që kemi denoncuar me qindra herë se Olsi Rama ishte personi kryesor me Genti Xhixhën, Ermal Hoxhën, Gentian Gjonajn që instaluan në Xibrakë fabrikën më të madhe të kokainës në Ballkan, në të cilën u gjetën mbi dy tonelata drogë. Tregon falsitetin e hetimit. Personi i panjohur Olsi Rama nuk u emërtua kurrë, ndonëse u fotografua, u filmua në të gjitha aktivitetet e klanit,” tha Berisha.

The post Dokumentari i RAI-3/ Berisha: Faktonte se Olsi Rama ishte eksponent kryesor i klanit të Hakmarrjes për Drejtësi të kokainës së Xibrakës appeared first on Albeu.com.