Sipas Bardhit, një re gazi e padukshme po vret banorët e Jagodinës, prandaj duhet një ndërhyrje e menjëhershme e autoriteteve.

Postimi i plotë e Gazment Bardhit: 

AJRI QË VRET — Krimi mjedisor në Jagodinë, Roskovec

Çdo ditë, banorët e fshatit Jagodinë në Roskovec zgjohen dhe jetojnë nën një re gazi të padukshme, por shumë të rrezikshme. Ky nuk është thjesht një problem mjedisor. Kjo është një kërcënim direkt për jetën! Ky është një KRIM i rëndë.

Jagodina është një zonë bujqësore dhe me njerëz shumë punëtor. Ndotja ka dëmtuar prodhimet bujqësore, ka ulur rendimentin dhe cilësinë e ushqimit që vjen nga toka. Por më e rënda është se kjo ndotje po dëmton shëndetin e banorëve: probleme me frymëmarrjen, alergji, sëmundje kronike — e askush nuk mban përgjegjësi. Institucionet shtetërore e dinë çfarë po ndodh, por zgjedhin të mos veprojnë, të heshtin.

I bëjmë thirrje të gjitha institucioneve shtetërore dhe lokale: NDËRHYNI TANI! Ndaleni menjëherë këtë krim të rëndë ndaj jetës dhe shëndetit të banorëve të asaj zone. Banorët nuk kërkojnë mëshirë, kërkojmë ajër të pastër, tokë të shëndetshme dhe një të ardhme të sigurt. Personalisht do ta ndjek këtë çështje kudo, dhe do jem zëri i këtyre banorëve, që kanë kohë që bërtasin me zë të lart, por për qëllime korruptive nuk i dëgjon askush, as bashkia, as qeveria dhe as prokuroria.

The post Gazment Bardhi denoncon krimin mjedisor në Roskovec: Ajri që vret, banorët jetojnë nën një re gazi të padukshme appeared first on Albeu.com.

Një person ka vdekur dhe një tjetër është lënduar si pasojë e një aksidenti që ka ndodhur sot rreth orës 11:40 në rrugën Rahovec – Xërxë.

Lajmin e ka konfirmuar zëdhënësi i Policisë, Sheremet Elezaj. Ai ka bërë të ditur se në aksident kanë qenë të përfshira dy automjete. Ai tha se viktima është i moshës madhore dhe se vdekjen e tij e ka konstatuar ekipi mjekësor në QKMF-në e Rahovecit.

Sipas Elezajt, personi i lënduar është dërguar për trajtim mjekësor dhe pastaj është shoqëruar në Polici.

“Njësitet relevante të policisë kanë dalë ne vend-ngjarje si dhe është njoftuar Prokurori i Shtetit i cili po ashtu ka dalë në vendin e ngjarjes. Rasti është duke vazhduar me hetime”, tha ai./Express/

The post Aksident i rëndë në rrugën Rahovec-Xërxë, një i vdekur dhe një i lënduar appeared first on Albeu.com.

Lajmin  për vdekjen e tij e ka dhënë një faqe në Facebook që mban emrin e fshtatit nga ishte viktima.

“Ka vdekur në moshën 42 vjeçare Feriz (Reshit) Gashi nga Fortesa, varrimi i të ndjerit bëhet sot, 11 korrik 2022, në ora 17:00, në varrezat e fshatit.  U shprehim ngushëllime të sinqerta familjarëve, bashkëfshatarëve, miqve dhe të gjithë atyre që e njohën! Prehu në paqe Izë!”.

Më 6 korrik, Policia e Kosovës e kishte konfirmuar për mediat që Gashi ishte goditur nga rrufeja dhe se ai kishte qenë në gjendje të rëndë.

Ai ishte dërguar për trajtim në QKUK, ku ka qëndruar deri në ditën e fundit të tij.

“Një person i moshës madhore është goditur nga rrufeja në fshatin Bellacerkë. Prej familjarëve, personi është dërguar në Rahovec dhe për shkak të gjendjes së rëndë është dërguar për trajtim të mëtutjeshëm në QKUK”, kishte dekluar zëdhënësi i Policisë për rajonin e Gjakovës, Shemsi Elezaj.

The post E goditi rrufeja, humb jetën 42-vjeçari në Kosovë appeared first on Albeu.com.