Ndryshimet kanë ndodhur pas marrjes së gradave, teksa mësohet se brenda pak ditësh kanë marrë pozicione të ndryshme disa nga drejtuesit e seksioneve dhe komisariateve.

Më konkretisht, Ardrit Elmazi me detyrë zëvendës drejtor i krimeve në këtë drejtori, është emëruar në Kukës në postin e drejtorit të kufirit.

Në vend të tij është emëruar Lorenc Meta, i cili mbante më herët postin e zëvendës drejtorit të policisë Elbasan.

Në Maliq, është komanduar shef komisariati Arjan Boçi, i cili ka patur detyrën e shefit të krimeve në këtë komisariat, pasi Fabiol Qose u emërua asistent i drejtorit të DVP Korçë, pasi drejtoi këtë komisariat për një periudhë prej 2 vite e gjysmë.

Lëvizje ka patur edhe në seksione, konkretisht në seksionin e drogës ku shef u emërua komisar Sefedin Balliu, ndërsa shef i krimeve të rënda u emërua kryekomisar Asllan Zhivanaj.

The post Emrat/ Ndryshime në radhët drejtuese të Policisë së Korçës, kush ikën dhe vjen appeared first on Albeu.com.