Në një deklaratë për Reuters Mykhailo Podolyak tha se është e nevojshme që të diferencohen fjalët nga veprat, ndaj dhe nuk e konsiderojnë të mirëqenë lajmin.

“Derisa flamuri ukrainas të fluturojë mbi Kherson, nuk ka kuptim të flasim për një tërheqje ruse”, tha Podolyak.

Ai tha se forcat ruse mbetën në Kherson, i cili u kap nga trupat ruse menjëherë pas pushtimit rus të Ukrainës më 24 shkurt, por ishte bërë fokusi i një kundërofensivë ukrainase.

“Ukraina nuk i merr parasysh këto deklarata nga Rusia”, tha ai.

Në përfundim ai tha se është ende herët për të folur për tërheqjen e trupave ruse nga Kherson pasi një grupim i Forcave të Armatosura të Federatës Ruse po mbahet në qytet.

Ministri rus i mbrojtjes Sergei Shoigu kishte thënë më herët të mërkurën urdhëroi trupat e tij të tërhiqeshin nga bregu perëndimor i lumit Dnipro përballë sulmeve ukrainase pranë qytetit jugor të Khersonit.

The post Tërheqja e rusëve nga Kherson, Podolyak: Do ta besojmë kur flamuri ynë të valëvitet në rajon appeared first on Albeu.com.