Ministria njofton se po ndjek me vëmendje zhvillimet dhe do të informojë publikun në mënyrë të vazhdueshme për çdo ndryshim në këshillat e udhëtimit.

Kjo masë ka për qëllim sigurimin e qytetarëve dhe parandalimin e rreziqeve në një rajon me tensione të larta.

Njoftimi i ministrisë:

Në vijim të komunikimeve të mëparshme lidhur me përshkallëzimin në rajonin e Lindjes së Mesme, dhe në kushtet e pasigurisë dhe paparashikueshmërisë së zhvillimeve, Ministria për Evropën dhe Punët e Jashtme përsërit thirrjen për qytetarët shqiptarë që të shmangin sa më shumë të jetë e mundur çdo udhëtim jo të domosdoshëm, në mënyrë të veçantë çdo udhëtim për arsye turistike në këtë rajon, deri në një njoftim të dytë.

Ministria për Evropën dhe Punët e Jashtme po ndjek me vëmendje zhvillimet dhe do të informojë publikun në mënyrë të vazhdueshme.

The post Ministria e Jashtme bën njoftimin e rëndësishëm për qytetarët shqiptarë appeared first on Albeu.com.

Sipas Xhixhos, kjo taksë “nuk është rrjedhojë e një strategjie të qartë që i shërben mirëqeverisjes”.

Deputetja thotë se “qytetarët shqiptarë nuk mund të paguajnë sa herë qeverisë nuk i dalin llogaritë dhe i duhen para për të mbyllur aferat e saj”.

Deklarata e plotë:

“Dua ta nis këtë komunikim me një urim për të gjithë shqiptarët në emër të Partisë së Lirisë. Mbarësi, begati e shpresë për të gjithë shqiptarët, brenda dhe jashtë vendit.

Shumë prej jush e nisin këtë vit të ri me një barrë të re financiare. Nga 1 janari, qeveria u ka ngarkuar profesionistëve të lirë një taksë të re.

Tatimi me 23% i profesionistëve të lirë do të rëndojë mbi 16 700 avokatë, kontabilistë, mjekë, dentistë, fotografë, arkitektë, farmacistë, dizajner, përmbarues, videografë, specialistë IT etj.

Kjo qeveri që ka dëbuar të rinjtë e po dëbon bizneset fason, ka gjetur një tjetër mënyrë për të mbushur xhepat e saj duke dëbuar edhe shtresën e mesme.

Taksa 23% për profesionistët e lirë është taksë mbi dijen, sepse penalizon individë që kanë investuar një jetë në studime e formim profesional dhe punojnë me orare të zgjatura.

Kjo taksë e re nuk është rrjedhojë e një strategjie të qartë që i shërben mirëqeverisjes.

Kjo qeveri e ka ndryshuar 4 herë mënyrën e deklarimit brenda 4 vitesh, duke dëshmuar një paqëndrueshmëri të pashembullt politikash fiskale.

Sot, varfërisë, mungesës së mbështetjes sociale, papunësisë dhe humbjes së shpresës, si arsyet që po i shtyjnë shqiptarët të largohen, u është shtuar edhe një tjetër.

Pa asnjë konsultim me grupet e interesit, me forcën e kartonit dhe duke mos marrë parasysh amendamentin e Partisë së Lirisë, ligji për profesionet e lira detyron sot profesionistët e lirë të paguajnë më shumë se biznesi i vogël dhe ai i madh.

Vendosja e kësaj takse në kulmin e krizës së cmimeve do t’i detyrojë shumë prej orfuesve të këtyre shërbimeve të marrin rrugën e emigrimit.

Përfitimi i qeverisë nga ky taksim do të arrijë plot 2 miliard lekë ose 20 milion dollarë.

Këto para do të shkojnë në xhepat e klientëve të qeverisë, për koncesione e inceneratorë që nuk kanë punuar një ditë të vetme.

Qytetarët shqiptarë nuk mund të paguajnë sa herë qeverisë nuk i dalin llogaritë dhe i duhen para për të mbyllur aferat e saj.

Partia e Lirisë është e bindur se një sistem taksimi i pabarabartë dhe i pandershëm, në kushtet e krizës, kur qeveria duhet të mbështesë e jo të vjelë më shumë taksa, është arsyeja e mungesës së stabilitetit dhe të garancisë për të ardhmen si dhe mungesës së investimeve të huaja.

Me taksimin e ri, shtresës së mesme dhe intelektualëve, kjo qeveri po u tregon derën. Axhenda e qëllimshme për të shpopulluar vendin është shtrirë sot me ligj akoma më gjerë”, shprehet ajo.

The post Erisa Xhixho: Qytetarët shqiptarë nuk mund të paguajnë sa herë qeverisë nuk i dalin llogaritë appeared first on Albeu.com.

Në përgjithësi skuadrat pretendente për fitimin e trofeut nuk zhgënjyen, përpos Chelsea që u mposht nga Dinamo Zagreb.

Albeu Sport ka marrë mendimin e qytetarëve shqiptarë, se cila skuadër mendojnë ata se do të ngrejë lart trofeun këtë sezon.

Shumica prej tyre janë shprehur të bindur se skuadra gjermane e Bayern Munich është favorite këtë sezon.

Nuk mbetet pas as Manchester City apo edhe PSG. I çuditshëm është fakti se asnjë prej tyre nuk përmend skuadrën kampione në fuqi, Real Madridin apo edhe Barcelonën që ka bërë një merkato të frikshme.

Po ashtu sic dihet përpos, Gjermanisë, shqiptarët janë të lidhur edhe Italinë dhe klubet italiane, por cilësia e tyre në vitet e fundit lë për të dëshiruar dhe kjo ka bërë që të mos klasifikohen si prentendente.

Këto janë disa prej përgjigjeve të qytetarëve shqiptarë:

Qytetari 1: Milani, dihet ajo punë… Kurse për ta meritu njëra midis City-t dhe Bayern-it… Bayern mbetet Bayern, ka më shumë eksperiencë se ekipet e tjera… Pavarësisht se dhe Barça dhe PSG nuk janë keq, por besoj që këto të 2-ja duhet të jenë në finale.

Qytetari 2: Unë vetëm Gjermanin dua dhe pik mbaroi… Beyerni do ta marri se s’bën..

Qytetari 3: Besim kam te Paris Saint- German. Janë lojtarët më të mirë dhe trajneri ka të bëjë shumë.

Qytetari 4: Bayerni! Ka ekipin e duhur. Konkurenti më i fortë për Bayernin mendoj se është Barcelona./albeu.com

The post Sezoni i ri i Champions League, cila skuadër do të triumfojë këtë vit sipas qytetarëve shqiptarë? (VIDEO) appeared first on Albeu.com.

Sëfundmi faqja “Homeland Justice” e njohur ndryshe si “Drejtësia e Atdheut”, ka bërë sëfundmi publike të dhënat personale dhe numrat e telefonit të të gjithë qytetarëve shqiptarë.

Marrja e informacioneve dyshohet të jetë bërë pas hakërrimit që iu bë në muajin korrik disa prej web-ve të institucioneve shqiptare.

Ndërkohë që më herët “Homeland Justice” ka bërë publike edhe e-maile të institucioneve më të rëndësishme shqiptare, përfshirë edhe ato të kryeministrit Edi Rama.

Përveç institucioneve ligjzbatuese shqiptare, për këtë çështje në vendin tonë kanë ardhur dhe specialistë nga FBI-ja amerikane për të hetuar rastin./albeu.com/

The post SKANDALI: Hakerat nxjerrin “në shesh” numrat e telefonit të qytetarëve shqiptarë (FOTO LAJM) appeared first on Albeu.com.

Përgjatë 24 orëve te fundit kanë hyrë për ne Republikën e Shqipërisë rreth 9739 persona dhe kane dalë për në Greqi rreth 4444 të tjerë nga pika kufitare e Kakavijës.

Fluks është konstatuar në orët e para të mëngjesit. Mësohet se pala greke po punon me tre sportele ndërsa pala shqiptare me 4 sportele por fluksi gjate kësaj ore ka rene.

Kjo fundjave përkon edhe me pikun e sezonit turistik ndërsa te shumte janë qytetaret te cilët kishin zgjedh vendin fqinj dhe kthehen tashmë nga pushimet./albeu.com

The post Fluks makinash në Kakavijë, mijëra qytetarë hyjnë në Shqipëri appeared first on Albeu.com.

Autoritetet gjermane vendosën që të gjithë qytetarëve që u është refuzuar kërkesa e azilit, por që ndërkohë janë të integruar në Gjermani, do të mund të qëndrojnë të ardhmen në këtë vend.

Kështu raporton revista gjermane ‘Der Spiegel’ e cila thotë se Ministria e Punëve të Brendshme në Berlin ka një projektligj që do t’u japë shansin azilkërkuesve të refuzuar të qëndrojnë në Gjermani. Nëse ky projektligj i cili pritet të paraqitet së shpejti do të hyjë në fuqi pritet që të përfitojnë 105 000 persona.

Përmes kësaj të gjithë ata emigrant që jetojnë prej pesë vjetësh apo më gjatë në Gjermani me lejen ‘Duldung’ që është pezullim i përkohshëm i dëbimit të personave pa të drejtë qëndrimi do të kenë mundësi që të jetojnë legalisht përgjithmonë.

Konkretisht personat e prekur nga rregullorja e do të merrnin për 1 vit provë, një leje qëndrimi. Nëse në këtë kohë ata tregojnë se zotërojnë gjuhën gjermane dhe mund ta sigurojnë jetesën, mund të marrin një leje qëndrimi afatgjatë në Gjermani. Personat e dënuar nuk përfitojnë, ashtu si ata që kanë bërë të dhëna të gabuara për identitetin e tyre për të penguar dëbimin.

Ministrja e Punëve të Brendshme, Nancy Faeser është angazhuar për dëbimin me pasoja të azilkërkuesve të refuzuar që nuk respektojnë ligjet gjermane.

The post Për të gjithë ata që u është refuzuar kërkesa e azilit, Gjermania ka një “lajm të mirë” appeared first on Albeu.com.