Në përgjithësi, numri i popullsisë që banon në vend u reduktua me 14.8%, por imigrimi i brendshëm ka bërë që popullsia e mbetur të përqendrohet në qytetet kryesore, teksa ka rënë ndjeshëm popullsia në qytetet periferike.

Në 7 bashkitë e vendit, Tiranë, Durrës, Elbasan, Shkodër, Fier, Kamzë dhe Vorë, jetonte 52% e popullsisë, ndërsa në 54 bashkitë e tjera jeton 48% e popullsisë.

Në vitin 2011, në 7 bashkitë e mëdha jetonte 47% e popullsisë.

Kryeqyteti ka rritur më tej peshën ndaj popullsisë totale, pavarësisht se numri i popullsisë në kryeqytet është rritur më pak se të dhënat zyrtare para censit.

Në Tiranë, në vitin 2023, u numëruan gjithsej 598,176 banorë ose rreth 40 mijë banorë më shumë se në vitin 2011.

Në 12 vitet ndërmjet dy censeve, Tirana është shtuar me rreth 3300 banorë në vit, ose shumë herë më pak se projeksionet e Bashkisë së Tiranës, e cila dha lejet e ndërtimit vitet e fundit, bazuar me një shtesë vjetore të popullsisë në kryeqytet me mbi 16 -20 mijë banorë në vit.

Po nga ana tjetër, në Tiranë jeton gati 26% e popullsisë së vendit, në vitin 2011 në kryeqytet jetonte 19% e popullsisë.

Gjithashtu në Durrës, në vitin 2023 jetonte 6.4% e popullsisë, nga 6.3% në vitin 2011.

Në disa qytete, pesha e popullsisë ndaj totalit ka pësuar rënie të ndjeshme ndërmjet dy censeve. P.sh. në Shkodër në vitin 2023 jetonte 4.3% e popullsisë nga 4.8% në vitin 2011.

Secila nga 30 bashkitë e vendit, ka peshë më pak se 1% të popullsisë totale.

Urbanisti Kaprata, tha se përqendrimi i lartë i popullsisë në zonat e mëdha urbane sjell ndërlikime negative në cilësinë urbane të jetesës, modelin ekonomik, strukturën sociale, modelin politik etj.

Të dhënat e Censit, tregojnë se bashkitë në Shqipëri kanë një popullsi ende më të lartë se bashkitë në mesin e vendeve të OECD-së, por qeverisë i nevojitet një shpërndarje e re e burimeve dhe politikave.

Sipas të dhënave nga Organizata për Bashkëpunim dhe Zhvillim OECD në 2019-2020, madhësia mesatare e bashkive në mesin e shteteve anëtare të OECD ishte 10,254 banorë, 26% prej tyre kishin më pak se 2,000 banorë dhe 41% kanë më pak se 5,000 banorë.

Në dhjetë vende të OECD-së, 80% e njësive vendore kishin më pak se 5,000 banorë.

Në Ballkanin Perëndimor, njësitë vendore priren të kenë popullsi më të madhe. Në vitin 2021, madhësia mesatare e bashkive ishte rreth 27,500 banorë.

Në Bosnjë-Hercegovinë, Mal të Zi dhe në Maqedoninë e Veriut, bashkitë administrojnë më pak se 30 mijë banorë mesatarisht, ndërsa në Shqipëri më shumë se 70 mijë banorë (me popullsinë e regjistrit civil, mbi 4.2 milionë banorë).

OECD rekomandon se vendet e Ballkanit Perëndimor, duhet të kishin marrë për referencë në qeverisjen e pushtetit vendor Francën ose Austrinë, ku njësitë administrojnë më pak banorë.

Shtetet ndërmarrin shpesh reforma territoriale për t’iu përgjigjur ndryshimeve demografike, ndryshimeve socio-ekonomike ose fiskale nga presionet e konsolidimit.

Shqipëria ndërmori një të tillë në vitin 2015, ku përqendroi qeverisjen e pushtetit lokal në 61 bashki, duke konsoliduar mbi 370 komuna në të gjithë vendin.

Proceset e bashkimit të komunave janë zhvilluar në disa vende anëtare europiane dhe të OECD. Bashkimet shihen shpesh si një kërcënim për identitetin lokal dhe trashëgimitë historike, gjë që shpjegon rezistencën në shumë vende (p.sh. Francë, Sllovaki).

Në Shqipëri, reforma territorialë, që zgjeroi madhësinë e qeverisjes vendore, ka përkeqësuar tërësisht cilësinë e shërbimeve, teksa ka lënë zonat rurale pa pjesën më të madhe të shërbimeve – vuri në dukje një analizë e Bankës Botërore vitin e kaluar.

The post Zbrazen periferitë, 52% e popullsisë në Shqipëri jeton në 7 qytetet e mëdha appeared first on Albeu.com.

Në Milano askush nuk duket se ka ndërmend të krijojë një familje. Mendohet se fajin e ka kriza ekonomike, por situata është edhe më alarmante. Milano është plot me njerëz të vetmuar.

Numri i çifteve të ndara po rritet, po ashtu edhe numri i njerëzve të rinj e të vjetër që nuk duan të angazhohen. E vërteta, sipas vlerësimeve të fundit, është se ndjenjat janë bërë po aq të ftohta sa edhe kostot për çdo person. E përkthyer në shifra do të thotë: Mosha mesatare e banorëve në Komunë është rreth 48 vjeç, më pak të sapolindur se të vdekur.

Një tjetër fakt alarmues që bllokon ndërrimin e brezave. Nga 1 milion e 417 mijë banorë, 483 mijë janë familje të konfirmuara. 56% e të cilave përbëhen nga vetëm një person. Gratë janë pak më shumë se meshkujt: 51.1 përqind kundrejt 48.5 përqind.

Nga 21 për qind të sapolindurve, 1/4 është me origjinë joitaliane. Sipas raportit, vitin e kaluar kishte 9400 djem dhe vajza të porsalindura, me një ulje progresive prej 10 për qind. Gjithnjë e më pak njerëz martohen në kishë. Vetëm 23 përqind e çifteve zgjedhin një ceremoni të shenjtë.

Vdekjet i tejkalojnë shumë lindjet: 14,029 në vitin 2023, për dy të tretat e të cilave u zgjodh djegia në vend të varrimit.

The post Milano, qyteti i beqarëve: 57% e familjeve përbëhen nga një person appeared first on Albeu.com.

Qyteti që u shfaq në krye të tabelës ishte Athina.

View this post on Instagram

A post shared by This is Athens (@thisisathens)

Athina, mblodhi vlerësimin më të mirë (8.3/10) nga 30 qytetet e studiuara. Sipas sondazhit, kryeqyteti grek është një parajsë e luleshitësve, me 31 luleshitës dhe 22 parfumeri për 10 kilometra katrorë, që do të thotë se një aromë delikate përhapet në çdo cep të qytetit.

Në vendin e dytë të listës ishte Parisi, me atmosferën e tij romantike dhe bulevardet elegante, ndërsa treshen e parë e plotëson Zvicra, i famshëm për pastërtinë dhe mjedisin piktoresk.

Lista e 10 qyteteve me erën më të mirë në botë:

1-Athinë, Greqi

2-Paris, Francë

3-Cyrih, Zvicër

4-Dublin, Irlandë

5-Luksemburgu

6-Nikosia Qipro

7-Kopenhagë, Danimarkë

8-Bukuresht, Rumani

9-Valeta, Maltë

10-Amsterdam, Holandë

The post Për disa arsye, ky qytet mban erën më të mirë në botë appeared first on Albeu.com.

Problematike situata nga temperaturat ekstremisht të larta do të jenë në zonën midis Elbasanit deri poshtë në Berat ku termometri në hije do të ngjitet rreth 43 gradë Celsius.

Por në Kuçovë sipas termometrit të ambientit të jashtëm të një farmacie duket se shifrat kanë kaluar të parashikueshmen. 50 gradë celcius shkruhet në termometrin e farmacisë në Kuçovë i cili ka prekur këtë vlerë ekstreme për shkak se tabela ndodhet në diell dhe rrezet bien pingul.

The post Temperatura “Ferri” në Shqipëri, në këtë qytet termometri shënoi 50 gradë celcius appeared first on Albeu.com.

Në listë janë pjesë të ndryshme të botës, nga Brazili, Kanadaja, Sllovenia deri në Japoni. Lista u bë nga redaktorët e tyre dhe ajo që u pëlqente veçanërisht kur zgjidhnin qytetet e vogla më të bukura ishin rrugët me kalldrëm, arkitektura koloniale, pamjet e pabesueshme…

“Janë për vendasit miqësorë, hotelet apo sharmin e mirë të modës së vjetër, por ne nuk do të lodhemi kurrë nga udhëtimet në qytete të vogla. Pothuajse çdo vend i planetit ka një qytet të vogël që ia vlen të kërkohet, nga fshatrat historikë në Japoni deri te oazet e shkretëtirës në Egjipt. Pa u zgjatur, këto janë qytetet e vogla më të bukura në botë”, thuhet në artikull.

Më së shumti u pëlqente qyteti Albarasin në Spanjë.  Ndodhet në provincën e Teruelit dhe sipas regjistrimit të vitit 2018, kishte një popullsi prej 1,016 banorësh.

“Ky qytet i izoluar malor përgjatë lumit Guadalquivir është një pretendent kryesor për titullin e qytetit të vogël më të bukur në Spanjë, me ndërtesa rozë dhe portokalli që përzihen pa probleme me një mjedis shkëmbor.

Vendi është veçanërisht unik falë historisë së tij të sundimit mysliman dhe të krishterë, ku tjetër mund të gjeni një katedrale gotike dhe rrënojat e një kështjelle në të njëjtin qytet të vogël?”, thuhet në përshkrimin e këtij qyteti të vogël.

The post Ky qytet konsiderohet si më i bukuri në botë appeared first on Albeu.com.

Lino-machi, me vendndodhje në distriktin Date në Fukushima të Japonisë, çdo vit ka qindra raportime, me disa prej tyre që sugjerojnë se ai vend është një magnet për tu vizituar jashtëtokësorët.

Me më pak se 5,000 persona që jetojnë në qytetin e vogël, shumë banorë besojnë se mungesa e dritave dhe ndriqimit është një faktor që i terheq ata, dhe se si banorë, ata sigurisht janë duke mirëpritur miq të rinj, raporton Mirror.

Atje ka statuja të alienëve, e madje edhe një laborator për studimin e UFO-ve ku shfaqen “fragmente nga anijet kozmike të rrëzuara”, me vizitorë të shumtë, numri i të cilëve shtohet çdo vit.

Ata që bëjnë një udhëtim mund të shohin nëse mund ta dallojnë një UFO me pak ndihmë. Qyteti madje ka edhe një kullë për vrojtimin e qiellit teksa komuniteti japonez po përballet me jetën në planetë të tjerë.

Nga laboratori pretendojnë se ata kanë hetuar afro 452 raportime të pamjeve në zonë vetëm gjatë vitit të kaluar, dhe thotë se kjo shifër është më e madhe se në çdo rajon tjetër. Qyteti ka edhe një muze i cili përmban studime dhe dokumenta të CIA-së për të cilat thonë se janë të klasifikuara.

Shumica e pamjeve të alienëve në vitin 2022 erdhën nga mali i afërt Senganmori, me vizitorët që shpesh bënin një udhëtim në mënyrë që t’i shohin ata me sytë e vetë.

Pamja e parë u regjistrua në vitin 1970, dhe që atëherë gjithnjë e më shumë njerëz kanë raportuar se edhe ata i kanë parë UFO-të dhe alienët.

Sipas drejtorit të muzeut, zona e Fukushimës është goditur nga dukuri të çuditshme për shekuj me radhë. Toshio Kanno thotë se ngjarjet e çuditshme dikur i atriboheshin shpirtrave dhe magjisë – por kjo nuk bëhet më.

“Senganmori ka qenë i rrethuar nga mite dhe legjenda që nga kohërat e lashta, për shkak të fushës së tij të fortë magnetike”, deklaroi Kanno.

“Në vitin 1992, projekti i zhvillimit rajonal të qeverisë kombëtare çoi në ndërtimin e laboratorit UFO Fureai Kan, dhe qyteti filloi një zhvillim të përqendruar rreth temës së UFO-ve”, bëri ai të ditur.

Dhe duket se ky mund të jetë vetëm fillimi i çdo gjëje.

“Si pjesë e përpjekjeve tona për të transformuar qytetin në një ‘fshat UFO;, ne u përqendruam në zhvillimin e një sërë produktesh të lidhura me UFO-t, duke përfshirë suvenire dhe ushqime të ndryshme”, shtoi ai.

The post Ky qytet njihet si “shtëpia” e UFO-ve appeared first on Albeu.com.

Emri i tij mund të mos na duket i njohur, pasi deri më sot shumica prej nesh mendonin se titullin e qytetit më të madh në planet do ta mbante Tokio, Pekini apo edhe Nju Jorku. E megjithatë, ky qytet i panjohur i Kinës i “rrëzon” të gjithë.

Bëhet fjalë për një qytet, që nuk është as kryeqytet, në të cilin jeton dhjetëfish sa (dhe më tepër) popullsia e Shqipërisë. Si ka mundësi që as nuk kemi dëgjuar për të? Arsyeja është se në Kinë nuk është qyteti më i rëndësishëm, dhe kështu lajmet nga vendi më i populluar në botë vijnë kryesisht nga Pekini dhe Shangai.

Chongqing është plot me rrokaqiejt, ura futuriste dhe një metro që në disa pjesë kalon nëpër ndërtesa! Të vizitosh këtë qytet kinez është jo vetëm interesante, por edhe shumë e lirë. Kostoja e jetesës është e ulët. Kjo është arsyeja pse të qenit turist në Chongqing ju lejon të vizitoni të gjithë qytetin të qetë dhe pa shpenzuar shumë.

Vlen të përmendet se Chongqing është aq i madh sa mund të duhen dy ditë për ta kaluar atë nga një vend në tjetrin.

The post Nuk është asnjë nga ato që mendoni, ky është qyteti më i populluar në botë appeared first on Albeu.com.

Vittorio Lai festoi ditëlindjen e tij të 100-të në qytetin Perdasdefogu, në ishullin e Sardenjës dhe Piuccia Lai, e cila ka të njëjtin mbiemër por nuk kanë lidhje, do ta festojë ditëlindjen e saj të 100-të më 20 shkurt.

Sardenja është identifikuar si një nga pesë vendet në botë me përqendrimin më të lartë të njëqindvjeçarëve, me 33.6 persona mbi moshën 100 vjeç për çdo 100 mijë banorë.

Perdasdefogu bëri bujë në vitin 2012 kur familja Melis u certifikua nga Guinness World Records si grupi më i vjetër në botë me nëntë vëllezër e motra.

Consolata Melis, motra më e madhe e familjes, mban rekordin si banorja më e vjetër e qytetit, pasi vdiq në moshën 108-vjeçare në vitin 2015.

Shkencëtarët që e kanë studiuar qytetin thanë se ajri i pastër, mënyrat e jetesës aktive dhe dietat e shëndetshme mund të kontribuojnë në këtë.

“Prania e 10 njëqindvjeçarëve konfirmon jetëgjatësinë e jashtëzakonshme të banorëve të Perdasdefogut dhe e çon shiritin edhe më lart”, tha për The Guardian Luisa Salaris, një profesore e demografisë në Universitetin e Cagliarit.

The post Ky është qyteti i vogël italian që ka 10 banorë mbi 100 vjeç appeared first on Albeu.com.

Sipas revista gjermane “Fokus”, në garë kanë qenë 575 qytete në botë dhe ndër kriteret kryesore ka qenë situata e sigurisë.

Trebinje ka fituar 81.9 pikë nga 100 gjithsej, ç’ka e ka hequr këtë vit nga maja fituesin e vitit të kaluar, qytetin gjeorgjian Batumi.

Pikët më të larta lidheshin me qiratë, kostot e jetesës dhe kujdesin shëndetësor, dhe çdo vend shfaqet në listë vetëm një herë me qytetin e tij më të mirë.

Revista shkruan se Trebinja ndodhet në pjesën më jugore të Bosnjës dhe afër detit dhe se është vendi më i vogël në këtë listë.

The post A e dini se cili është qyteti më i mirë për të jetuar pas daljes në pension appeared first on Albeu.com.

Në disa video të publikuara në rrjete sociale shihet se rëra ka përfshirë rrugët dhe ndërtesat.

Ky qytet ndodhet afër shkretëtirës Gobi, shkruan BBC.

The post Stuhia e rërës përfshin një qytet të tërë në Kinë (VIDEO) appeared first on Albeu.com.