Sipas njoftimit, Shqipëria është informuar nga RASFF se pas kontrolleve të kryera nga autoritetet italiane, është konstatuar prania e substancës Cereulide në formulë për fëmijë me origjinë nga Holanda, e cila përbën një rrezik potencial për shëndetin e njeriut.

Produktet e identifikuara janë:

BEBA PRE 800G – Lot nr. 51250346AA, skadencë 05.2027

BEBA PRE 800G – Lot nr. 51720346AA, skadencë 06.2027

BEBA PRE 800G – Lot nr. 51660346AC, skadencë 06.2027

BEBA 1 800G – Lot nr. 51180346AB, skadencë 04.2027

BEBA 1 800G – Lot nr. 51450346AA, skadencë 05.2027

BEBA 1 800G – Lot nr. 51660346AB, skadencë 06.2027

BEBA SUPREME PRE 800G – Lot nr. 51720742F3, skadencë 06.2027

BEBA SUPREME 2 800G – Lot nr. 51550742F1, skadencë 06.2027

BEBA SUPREME 2 800G – Lot nr. 51550742F2, skadencë 06.2027

AKU bën me dije se, pas kryerjes së kontrolleve dhe ndjekjes së plotë të gjurmueshmërisë, sasia e produktit është bllokuar dhe do të asgjësohet.

Autoriteti u bën thirrje konsumatorëve që nëse e kanë blerë këtë produkt dhe e kanë ende në përdorim, ta kthejnë menjëherë në pikat e shitjes, duke shmangur përdorimin e tij.

The post Alarmi u vu nga autoritetet italiane/ Përmban substancë të rrezikshme për fëmijët, AKU tërheq nga tregu qumështin formulë “BEBA” appeared first on Albeu.com.

Burime për “Ora investigim” bëjnë me dije se gjatë muajit shkurt, mars 2025 qytetarët shqiptarë kanë konsumuar qumësht me aflatoksinë.

Aflatoksina është  një toksinë e krijuar nga myku që rritet tek drithërat, misri dhe gruri.

Kur lopët ushqehen me foragjere të kontaminuara aflatoksinë sekretohet më pas te qumështi që prodhojnë.

Konsumimi i qumështit me aflatoksinë ka pasoja të rënda në shëndetin e njeriut.

Sipas OBSH-së aflatoksinë është kancerogjene e grupit 1, rrit rrezikun për probleme në mëlçi njëkohësisht dhe të veshkave.

Pas marrjes së informacionit se në dyqane dhe  supermarkete është tregtuar qumësht me aflatoksinë televizioni “Ora News” i ka  dërguar AKU një kërkesë për informacion.

Ky institucion pranon  se kompani të ndryshme kanë tregëtuar qumësht me aflatoksinë.

Sipas AKU  gjatë muajit mars  janë  analizuar  mostra qumështi të marra në mënyrë rastësore në tregëtim dhe në prodhim . Në bazë  të analizave  te kryera në ISUV  disa kampione qumështi  kanë rezultuar më prani të Aflatoksines M1.

Pyetjes specifike të drejtuar nga “Ora News” se te cilat mostra qumështi ka rezultuar niveli i lartë i aflatoksinë, AKU nuk i jep përgjigje.

Çdo konsumator ka të drejtë të informohet se cilat janë kompanitë  që tregtojnë qumështin që i rrezikon shëndetin, por ky informacion mbahet “sekret” nga AKU.

Qumështi që u tërhoq nga tregu do të asgjësohet, ndërsa tonelata të tjera u konsumuan nga qytetarët shqiptarë.

The post Qytetarët shqiptarë kanë konsumuar qumësht me aflatoksinë. AKU mban “sekret” emrat e kompanive prodhuese appeared first on Albeu.com.

Esmeralda Topi

Pak muaj pas protestave kundër uljes së çmimit të qumëshit në mbarë vendin, blegtorët po përballen me të njëjtën situatë. Grumbulluesit këmbëngulin që çmimi për një litër qumësht të ulet me 15-20%.

“Duan ta ulin çmimin e qumështit me patjetër dhe gjejnë bishta. Më akuzuan që i shtoj ujë – i thashë hajde nesër dhe i mjelim bashkë lopët.”, tregon Berti, blegtor nga fshati Seman i ri në Fier.

Në zonën e Myzeqesë qumështi i lopës nga fermat e mëdha dhe të mesme po grumbullohet me 65 lekë për litër. Ndërsa fermat e vogla e shesin një litër qumësht me 60 lekë. Por grumbulluesit kanë lajmëruar blegtorët se nga fillimi i këtij muaji, një litër qumësht lope do të blihet me 55 lekë dhe një litër qumësht dele 100 lekë.

“Themi me 65 lekë për litër qumështi i lopës po unë kam dy muaj pa marrë lekët.”, thotë i shqetësuar Berti. “Vijnë e marrin çdo ditë qumështin, po lekët prit pa ti marrim”, shton më tej ai.

Berti ka një fermë të vogël me 19 krerë lopë dhe 40 kokë dele nga të cilat aktualisht prodhon 105 kg qumësht në ditë.

“S’kemi ça të bëjmë, se jetojmë me këtë punë”, shprehet i revoltuar blegtori.

Ngritja e Task Forcës

Blegtorët thonë se do t’i rikthehen sërish protestave teksa i bëjnë thirrje qeverisë të ndërhyjë për zgjidhje.

Edhe ekspertët thonë se problematika e përsëritur kërkon adresimin përkatës. Ervin Resuli, ekspert për çështjet e bujqësisë propozon ngritjen e një task force për të monitoruar tregun.

“Institucionet shtetërore si AKU, Autoriteti i Konkurrencës, Ministria e Bujqësisë bashkë me Tatimet të ngrejnë një lloj task force që të monitorojë tregun dhe të mos e lërë blegtorin në duart e abuzuesve.”, argumenton Resuli.

Ndërhyrja duhet që të ndikojë në rregullimin e tregut, thotë ai, teksa shton se ana tjetër e medaljes është rritja e mbështetjes buxhetore.

“Subvencionimi si në rajon do të jepte zgjidhje. Në Serbi kemi rreth 1400 euro për lopë qumështore, në Maqedoni kemi rreth 900 euro, Kosovë 615 euro. Ndërsa në Shqipëri ne mbështesim rreth 100 euro për një lopë qumështore. Kjo është diferencë shumë e madhe”, shprehet Resuli.

Blegtoria në krizë

Statistikisht blegtoria shqiptare po përjeton krizë, pasi numri i krerëve është pakësuar ndjeshëm dekadën e fundit. Sipas të dhënave nga INSTAT, në 2013 në vend numëroheshin 356 mijë lopë. Në fund të 2022 numri i tyre është pakësuar me 95 mijë.

Tkurrje të fortë ka pasur edhe tek krerët e bagëtive të imta. Nga 2,7 milionë krerë me dele/dhi në fund të vitit 2013, një dekadë më pas rezultojnë 700 mijë krerë më pak.

Për shkak të pakësimit të bagëtive edhe prodhimi i qumështit ka rënë. Nga 2013 deri në fund të 2022, prodhimi i qumështit në Shqipëri është reduktuar me 161 mijë tonë.

Ciklin rënës të blegtorisë, ekspertët e shohin si pasojë të mungesës së mbështetjes dhe politikave të gabuara fiskale ndaj sektorit.

“Shkaku kryesor i rënies së numrit të krerëve janë politikat e gabuara fiskale. Një tjetër arsye janë dhe subvencionet, pasi skemat janë diskriminuese. Rënia e blegtorisë nisi në 2018 dhe goditjen përfundimtare ia dha trefishimi i inputeve bujqësore dhe rritja e çmimeve të produkteve ushqimore.”- Eduard Sharka, Kryetar i Shoqatës së Fermerëve.

Edhe Shoqata e Përpunuesve të Qumështit në Shqipëri parashikon një vit të vështirë për blegtorinë.

“Nëse blegtoria nuk do të marrë buxhetin e duhur si në rajon dhe skemat e subvencionimit të jenë të orientuara drejt prodhimit, atëherë edhe në vitin 2024, numri i krerëve do të ulet, duke sjellë për pasojë edhe rënie të sasisë së prodhuar të qumështit.” – Shoqata e Përpunuesve të Qumështit.

Përpunuesit shohin zgjidhje tek ndryshimet e poltikave fiskale, pasi siç pohojnë ata, po rritet presioni nga importi në dëm të prodhimit vendas.

Por deri më sot, qeveria nuk ka marrë parasysh asnjë prej propozimeve.

The post ‘Qumësht veresie’/ Blegtorët nuk paguhen nga grumbulluesit prej dy muajsh appeared first on Albeu.com.

Ai ka zgjedhur një mënyrë origjinale, për të shprehur protestën në lidhje me mungesën e mbështetjes për fermerët, duke derdhur qumësht para derës së Kuvendit.

Në fjalën e tij për mediat, deputeti tha se miliona euro nuk merren nga fermerët por persona të caktuar, që kanë devijuar fondet në ndërtim apo vende të tjera.

“Kostot janë shumë të mëdha. Të mos diskutojmë 10 përqindëshin për inputet e produkteve bujqësore. Qeveria nuk ka kohë të merret me blegtorët. Fondet janë të AZHBR-së. Miliona euro nuk merren nga fermerët por persona të caktuar që kanë devijuar fondet në ndërtim apo vende të tjera.

Në mënyrë simbolike qumështin do ta derdh në dyert e Kuvendit për të kërkuar që qeveria të kthejë sytë nga fermerët”, tha ai për gazetarët.

The post Qeveria të kthejë sytë nga fermerët, Dash Sula derdh qumësht te shkallët e Kuvendit appeared first on Albeu.com.

Në shenjë proteste blegtorët derdhën qumështin me autobot për të treguar se prodhimi vendas po shkon dëm, sepse tregu po dominohet nga produktet e importit.

Në shenjë proteste ata derdhën në rrugë sasi të mëdha qumështi.

Deputeti demokrat, Saimir Korreshi ka reaguar pas protestës. Ai thotë se ky shtet do më shumë qumështin që vjen nga Serbia se atë të blegtorëve shqiptarë.

Korreshi: Sot Blektoret dhe Fermeret kane protestuar se bashku per uljen ne menyre drastike dhe te pashpjegueshme te çmimit te qumeshtit! Ky shtet do me shume qumshtin Serb se ate te Blegtoreve Shqiptar.

Keta te fundit jane kategoria me e pa mbrojtur se bashku me fermeret.

Pa ndihma nga shteti dhe me kritere absurde per mbajtjen e rritjen e bagetive.

Sunvencione qe marrin miqte e partise dhe jo fermeret e ndershem qe kane nje kosto te paperballueshme per rritjen e bagetive.

Edhe pse cmimi i djathit eshte ne stratosfere ai i qumeshtit eshte ulur nga te gjithe grumbulluesit si nje forme e paster karteli ndermjet tyre.

Shtet degjo e mba vesh, hajdeteria jote nuk mund te rendoj fermeret, autoritet i konkurences po falimentoni blektoret me keto forma kartele e cmim qe eliminon konkurencen.

The post Protesta e fermerëve, Korreshi: Ky shtet do më shumë qumështin serb se atë të blegtorëve shqiptar appeared first on Albeu.com.

Kjo pjatë është tepër e thjeshtë për t’u përgatitur dhe do t’i shtojë shije vaktit tuaj

Përbërësit:

• Qumësht
• 1 filxhan drithëra
• 1/2 filxhan me luleshtrydhe në feta
• Kripë

Përgatitja:

Në një tigan vini qumështin të ziejë. Shtoni një filxhan me drithëra dhe pasi të jenë zbutur shtoni luleshtrydhet dhe kripën sipas dëshirës. Lërini pak sa të zbuten dhe shërbejini. Ju bëftë mirë!

The post Qumësht me drithëra dhe luleshtrydhe/ Mëngjesi perfekt i çdo dite appeared first on Albeu.com.

Konkretisht janë sekuestruar 8.2 kg mish, 2.3 kg qumësht dhe fara.

Siç shkruan Ansa produktet u sekuestruan sepse nuk ishin të certifikuara.

The post Mish i thatë dhe qumësht sekuestrohen në një aeroport në Itali, pasagjerët i morën në Shqipëri appeared first on Albeu.com.

Ai mund të përdoret edhe për flokun, sidomos për drejtimin e tij.

Vlerat Që Ofron Qumështi Për Shëndetin e Flokëve

Qumështi është shumë i pasur me proteina mirëbërëse për flokun.

Ekspertët e AgroWeb.org thonë se një regjim ushqimor i mangët në proteina ka një ndikim të fortë në hollimin e flokut dhe mosrritjen e tij.

Proteinat tek qumështi e bëjnë flokun më të dendur dhe i japin atij shkëlqim natyral.

Ato ushqejnë rrënjët e flokut, zbusin majat dhe nxisin rritjen e tij.

Si Të Drejtoni Flokët Me Qumësht

Për drejtimin e flokëve me këtë produkt që nuk mungon asnjëherë në shtëpi ju nevojiten:

Një e treta e një shishe qumështi,

Shishe spërkatëse,

Krëhër

Përgatitja:

Çdo lloj qumështi ofron rezultate të mira në drejtimin e flokut.

Qumështi duhet të jetë kremoz dhe me yndyrë që të çlirojë potencialin e flokëve tuaja.

Qumështi më i mirë për flokë të drejtë është ai i arrës së kokosit.

Për përdorimin e kësaj maske, flokët tuaj duhet të jenë të lagur dhe të krehur.

Mbusheni shishen spërkatëse me qumësht dhe spërkateni flokun në të gjithë gjatësinë e tij, përfshirë rrënjët dhe majat.

Masazhojeni flokun ngadalë për t’i dhënë kohë atij që të përthithë qumështin dhe proteinat.

Përpiquni ta mbani maskën sa më gjatë, pra bëni punët e shtëpisë, lexoni një libër, shihni një film ose çdo gjë tjetër që bëni në ditën tuaj të pushimit.

Pasi qumështi të jetë përthithur nga floku, lajeni me shampo dhe përdorni zbutësin.

Lëreni flokun të thahet natyralisht.

Nëse keni flokë me onde do të vëreni se ato do të drejtohen si me magji.

Floku kaçurrel do të jetë më i bindur, më i butë dhe më i manovrueshëm.

Kujdes

Nëse jeni të ndjeshëm ndaj laktozës, atëherë mos e përdorni këtë maskë flokësh.

The post Si të përdorni qumështin për flokë të drejtë? appeared first on Albeu.com.

Në kërkim të vazhdueshëm të zgjidhjeve të reja për karburantet alternative, ka sektorë të industrisë që mbeten të pashfrytëzuar në përpjekjet për të reduktuar varësinë nga nafta.

Dhe një lajm që na vjen nga SHBA forcon më tej besimin se nuk i kemi ezauruar të gjitha mundësitë që kemi për të prodhuar disa lëndë djegëse alternative.

Në veçanti, Shoqata e Prodhuesve të Qumështit të Miçiganit (MMPA) njoftoi se do të zgjerojë bashkëpunimin me Dairy Distiller. Kjo kompani e merr qumështin dhe e përdor për të prodhuar një vodka me bazë qumështi të quajtur Vodkow.

Kompania përdor një nënprodukt të përpunimit të qumështit të quajtur tretësirë qumështi për prodhimin e vodkës. Kjo lëndë është plot me laktozë e cila është një lloj sheqeri.

Kjo do të thotë se, si me format e tjera të sheqerit, ai mund të bëhet lënda e parë për prodhimin e etanolit.

Përveç vodkës, ky etanol mund të përdoret edhe për prodhimin e karburantit për makina. Zgjerimi i prodhimit do të kërkojë krijimin e një fabrike të re prej 41 milionë dollarësh që do të fillojë të funksionojë në vitin 2025.

Kjo fabrikë mund të prodhojë më shumë se 10 milionë litra etanol në vit nga materiali i pasur me laktozë. Dhe prej andej do të përzihet në objekte speciale me derivatet e naftës për të krijuar një biokarburant “më të pastër”.

Megjithatë, jo gjithçka është kaq rozë me qumështin, pavarësisht imazhit që kemi për një produkt të pastër dhe të shëndetshëm. Siç theksohet nga ekspertët, industria e qumështit është një proces shumë i rëndë për mjedisin.

Është tregues se prodhimi dhe përpunimi i qumështit përbën afërsisht 2% të emetimeve totale të gazeve serrë në SHBA dhe 20% të emetimeve nga sektori i bujqësisë.

The post Harrojeni karburantin! Makinat në të ardhmen do të funksionojnë me…qumësht appeared first on Albeu.com.

Lëngu i portokallit:

Një gotë me lëng portokall të shtrydhur përmban 110 kalori. Ai është i pasur me vitaminë C, një antioksidant i fuqishëm që mbron lëkurën nga dëmtimi i diellit dhe veprimi i radikaleve të lira. Por, sipas një studimi të Rochester Eastman Institute for Oral Health lëngu i portokallit mund të dëmtojë rëndë smaltin e dhëmbëve duke reduktuar fortësinë e tyre me 84 % tek njerëzit që e pinin atë çdo ditë.

Qumështi:

Një gotë me qumësht siguron 20% të nevojave ditore të proteinave dhe kalciumit që i nevojitet trupit. Por, kur nuk është i përpunuar acidet e tij yndyrore mund të rrisin rrezikun e sëmundjeve kardiovaskulare, obezitetit dhe diabetit të tipit 2.

Qumësht apo lëng portokalli?!

Përgjigjja e duhur është qumështi. Është më i lehtë për dhëmbët, ka kalcium e proteina që ndihmojnë në rindërtimin e dhëmbëve etj. Nëse qumështi është organik ai do të përmbajë shumë antioksidantë të dobishëm për trupin dhe vitaminë E.

The post Qumësht apo lëng portokalli, cilin prej tyre duhet të pini gjatë paradites? appeared first on Albeu.com.