Pjesë nga biseda

Haxhiu: Opozita në Shqipëri ka qenë si ajo në Hungari në këto 6-7 vitet e fundit. Ajo që ka ndodhur në Hungari ka dalë grupi që ka shkërmoqur Orbanin, jo opozita. Me një projekt që Magyar e përmbysi nga brenda. Unë e kuptoj që ideologjikisht do ta fitosh betejën ndaj pushtetit, nuk do të bësh kurrë nëse e ke vetëm nga ana morale, nëse dikush nuk ka interes te ty. Unë mendoj se ju duhet ta gjeni rrugën. Kjo që keni bërë deri tani është PD dhe Sali Berisha dhe kjo e pengon opozitarizmin e vërtetë. PD luan të njëjtin rol si një model i politikanit të vjetër pa asnjë shans për ta zëvendësuar pushtetin. Si do ta bëni ndryshimin pa prekur PS brenda?

Qori: Ju bëni dallim mes qasjes morale dhe kontradiktës shoqërore. Ne përfaqësojmë të gjitha shtresat, jo sot për nesër por edhe më tej. Ka dallim mes Shqipërisë dhe Hungarisë, Magyar doli nga partia e Orbanit, por nuk mund të pritet kurrë se mund të dalë dikush nga PS, se ajo është shkretërirë. Ka patur modele edhe më parë në Evropë, modeli i Syriza, Kosova Albin Kurti nuk del nga brinjët e partive, por si lëvizje qytetare.

Rakipi: Arlind, ose është në rregull Rama, ose çalon te opozita.

Qori: Çalon te opozita.

The post Në Hungari u përmbys një autokrat, Baton Haxhiu debat me Arlind Qorin: Po ju si do ta bëni ndryshimin? appeared first on Albeu.com.

Pjesë nga biseda

Baton Haxhiu: Ka një papajtueshmëri me këto që kërkohen tani. Nëse këto parti kanë dalë nga PD për shkak të lidershipit është e vështirë të hyjnë brenda një ombrelle me lidershipi të pandryshuar. Për faktin se dy partitë e mëdha e kanë ndërtuar sistemin vetëm mosbesimi është i madh, duhet të krijoni besimin pastaj pajtueshmërinë. Unë besoj se rruga e partive të vogla është të rriten dhe PS të zbresë nën 70. Ideja që të zbresësh nga monopoli të bën me pak autokrat, më pak arrogant dhe shumë më i ndjeshëm. Ne e kemi një lider opozitar ku ti përfaqëson rininë, diskursi nuk ka ndryshuar dhe si ta bindësh Qorin, Shehajn me diskurs të pandryshuar dhe ky e mban peshën e mossuksesit të shndërrohet në parim të ndryshimit. Nuk ka fjali që më bindin. Po të isha unë në krye të një partie opozitare do e shëroja veten nga bashkimet artificiale dhe të bëja çmos ta rrisja kuotën time në 5 deputetë. Kur synon rritjen dhe bashkimin e pranon me vështirësi se çdo përpjekje ka qenë pafuqi dhe njeriu provon vetë.

Besart Xhaferri: Argumenti juaj filloi me atë që parti të ndryshme opozitare janë shkëputur nga PD-ja. E palogjikshme.

Baton Haxhiu: Besueshmërinë më sqaro ti.

Besart Xhaferri: Kemi një rast ku LSI u shkëput nga PS dhe në 2013 bëri sërish koalicion që ndodhi ndryshimi. Pra ekziston shkëputja dhe grupimi.

Agron Shehaj: Nuk është për t’u marrë shembull.

Besart Xhaferri: Nuk e marr shumë nga ana morale. Batoni ka qenë pro atij bashkimi në 2013.

Baton Haxhiu: Arsyeja pse LSI është bashkuar është se e ka patur një moment krize morale që ka qenë e atakueshme nga PS-ja. Demonstrata e 21 janarit ishte pikërisht për shkak të Ilir Metës. E vetmja arsye për t’u larguar nga ajo ishte bashkimi me PS-në.

Besart Xhaferri: Për diskursin e z. Berisha që mund ta ketë tradicional e jep përgjigjen elektorati në zgjedhje të ndershme dhe të lira.

Ylli Rakipi: Kush i cakton nëse zgjedhjet janë të ndershme dhe të lira?

Besart Xhaferri: Raporti i OSBE/ODIHR-it. Pra siç po thoja për diskursin vendos elektorati. Mund të ketë një diskurs më modern z. Shehaj, por nuk qëndron këru problem, por te farsa elektorale. Bëji me kushtet e Maqedonisë së Veriut zgjedhjet. Unë kisha përballë në listën e mbyllur më 11 maj ministrin e Brendshëm që kishte vetëm 3 muaj përvojë dhe unë kisha 5 vite në media dhe do të përqafohesha nga ajo zonë, u përqafua Ervin Hoxha. Nëse do të shkoja si Besart Xhaferri qytetar dher Ervin Hoxha si qytetar dhe jo si ministër, do të jetë e kundërta. Unë nuk kisha diskurs të vjetër.

The post “Diskursi i Berishës nuk ka ndryshuar, si ta bindësh Qorin dhe Shehajn?”, Haxhiu replikon me deputetin e PD për bashkimin e opozitës appeared first on Albeu.com.

Sipas Qorit, Rama ka injoruar edhe aspektin moral, pra duke kryer vizitë dhe duke u takuar me kryeministrin e një vendi që ka vrarë mijëra persona në Gaza, por edhe për faktin se Netanyahu kërkohet të arrestohet nga Gjykata Ndërkombëtare Penale, juridiksionin e së cilës Shqipëria e njeh, dhe autoritetet tona duhet ta arrestojnë Netanyahun nëse shkel brenda territorit të Shqipërisë dhe jo ta legjitimojnë.

“Netanyahu është nën akuzë nga Gjykata Ndërkombëtare e Drejtësisë për genocid dhe shumë organizata të të drejtave të njeriut, madje edhe në Izrael, kanë dalë në përfundimin se qeveria e Netanyahut dhe aparati ushtarak ka kryer genocide në Gaza. Netanyahu kërkohet edhe nga Gjykata Penale Ndërkombëtare, për krime lufte dhe krime kundër njereëzimit. Nëse në dimensionin e parë Shqipëria ka detyrim moral për të qenë në krahun e viktimave dhe të shtypurve, në aspektin e dytë ka edhe disa detyrime ligjore. Në 2003, Kuvendi i Shqipërisë ka ratifikuar Statutin e Romës, që njeh juridiksionin e Gjykatës. Nëse Netanyahu vjen në Shqpëri, duhet të dorëzohej përpara këaj gjykate.

Midis këtyre dy aspekteve, detyrimit nga e drejta ndërkombëatare dhe tekat e Ramës për të dalë me nje personazh që janë të paktë lidertë botëror që dalin, Shqipëria duhet të ruante reputacionin e vet.

Arsyeja pse Rma e bën këtë gjë, besoj se kryesorja ka të bëjë me frikën që ka nga institucionet e reja të drejtësisë , për akuzat për korrupsion. Është i gatshëm të bëjë gjithçka në arenën ndërkombëtare, për të përfituar ndonjë influencë nga politika e madhe botërore. Nuk gjej asnjë arsye tjetër pse kryeministri i Shqipërisë takohet me një personazh, që nuk është një kryministër i çfarëdoshëm, por është i akuzuar nga Gjykata Penale Ndërkombëtare, juridiksionin e të cilës e njeh.

Edi Rama na ka poshtëruar si vend dhe si popull, kur nuk respekton viktimat e panumërta, flitet për 70 mijë viktima, shumë prej të cilëve fëmijë. Nuk respekton as detyrimet që ka Shqipëria bazuar mbi të drejtën ndërkombëatre.

Është detyrim që shteti duhet ta zbatonte dhe kryeministri nuk mund ti lejojë vetes të dalë dhe të buzëqesh me një personazh politik të akuzuar për gjëma, krime kundër njerëzimit dhe krime lufte. Këto nuk janë opinione por janë akuza zyrtare.

Dua t’ju vë në dukje faktin që prej vitesh Netanyahu nuk takohet me shumë prej udhëheqësve të shteteve demokratike, këta refuzojnë të takohen me të, ka një peshë të madhe morale, një takim i tillë, apo legjitimimi i politikave të Netanyahut, qeverisë së tij të ekstremit të djathtë”, tha Qori.

The post Vizita e Ramës në Izrael, Qori: Na ka poshtëruar si vend dhe si popull, Netanyahun duhet ta arrestojmë po shkeli në Shqipëri! appeared first on Albeu.com.

Lapaj tha se të gjithë duhet të bashkohen në shesh duke lënë mënjanë logot e partive, për të rrëzuar Ramën, ndërsa Qori refuzon kategorikisht çdo bashkim me forca të tjera si PD, apo edhe partitë e reja, pasi thotë se nuk janë të ndershme.

Debati:

Arlind Qori: Na kërkohet të bashkohemi me parti të tjera. Kam thënë që partitë e tjera nuk kanë ndershmërinë dhe nivelin e seriozitetit tonë. Fatmirësisht nuk e bëmë gabimin të bashkoheshim me ta, sepse do të bëheshim gazi i botës me tezen apo me dajën që lufton për mandat. Të gjithë partitë e tjera përveç Lëvizjes Bashkë janë në koalicion me Sali Berishën për zgjedhjet e Tiranës. Çdo parti ka lirinë dhe të drejtën të bëjë çdo aksion që ka qejf, çdo lloj proteste që dëshiron. Ne qëndrojmë larg këtyre aventurave.

Adriatik Lapaj: Në lidhje me tryezën e zotit Berisha, jemi në shesh po protestojmë prej 32 ditësh pa ndërprerje. Në këtë kuptim, nuk është normale të ulemi sallave të konferencave të diskutojmë në lidhje me protestat. Protesta është këtu, sheshi është i hapur për të gjithë.
Kemi thënë ka një kohë për partinë dhe ka një kohë për Shqipërinë. Asnjë nga ne veç e veç, në këtë moment që ndodhet vendi nuk e mund dot Edi Ramën. Ai ka një sistem montruoz të projeksionimit të votës, është “monstër politike”, që prodhon rezultat në disfavor të ndryshimit dhe Shqipërisë. Nuk do të shkojmë në atë tryezë, pasi ajo ka logo partie. Po të qe për tryeza partie, e shtroja unë një dhe i ftoja të gjithë. Po ndenjëm brenda gardheve nuk krijohet dot kohezioni social për të detyruar Ramën të ikë.

Ylli Rakipi: Ju ndryshoni shumë edhe me njëri tjetrin te forcat e reja. Ju mbeteni si shoqata. Këtë a ma shpjegoni dot?

Adriatik Lapaj: Ju aty zoti Rakipi, ndoshta nuk doni ta kuptoni por unë sapo ta shpjegova, thashë ka një kohë për partinë dhe një kohë për Shqipërinë. Ne nuk jemi si parti politike këtu. Ne e kemi lënë egon mënjanë, partinë mënjane te selia dhe po themi e kemi ulur gardhin partiak për ta hapur veten ndaj shoqërisë, qytetarëve. Nuk kemi siklet të rrimë në këtë shesh edhe me qytetarë që kanë votuar lëvizjen e Qorit, partine e Shehajt, PD-në. Mjafton të kuptojmë që edhe pse nuk e përlqejmë njëri tjetër halli i përbashkët, Edi Rama, është më i madh. Problemi më i madh është Edi Rama. Veç e veç të ndarë, gjtihmonë humbasim ne. Askush të mos ketë sikletin e logove dhe partive, ne themi, nuk jemi këtu si Shqipëria Bëhet dhe të mos vijnë të tjetër si parti, por si shqiptarë. Edi Rama me bandën që drejton duhet të ikë. Ndaj them, ka një kohë për partine, ka një kohë për Shqipërinë. Këta mund të mos më duan mua, edhe pse nuk kam ndonjë problem me këta, por nuk mund të jenë egoistë, për të bërë çdo gjë, përveçse të përballen me Edi Ramën. Edi Rama e ka zyrën në Bulevardin Dëshmorët e Kombit.

Arlind Qori: Politika duhet bërë në emër të të drejtës dhe vërtetës. Kush gënjen i bën dëm shoqërise. Një kryetar partie nuk mund të thotë nuk veproj si kryetar i një parti politike. Të thuash jam kryetar dhe jam pa logo, është nonsense. Në vitin 2018 gjatë protestave të studentëve, kryetarja e LSI ishte Monika Kryemadhi, tha grisa teserën e LSI dhe tani po shkoj si qytetare. Nëse thua nuk vij si kryetar partie, duhet të pranosh që edhe Berisha do të vijë si qytetar. Edhe bashkimi yt me Berishën. Nuk është koalicoon partiak por na qenka bashkim popullor… Kjo nuk është e vërtëtë. Kjo është hipokrizi. Kemi nevojë për të vërtetën dhe ata që merren me politikë të kenë përgjegjësinë të thonë të vërtetën.

Adriatik Lapaj: Është hall i madh, por nuk e lë pa pëgjigje. E para, e di gjithë Shqipëria që ne vendosëm listat e mbyllura njerëz për ti djegur për të garuar me listë të hapur dhe unë kam garuar me listë të hapur, nuk u fsheha te lista e mbyllur. Tezet dhe hallat, ne i vendosëm për ti djegur, por ju i keni vendosur nëpër lista, motrat dhe vëllezërit.

Arlind Qori: Ata janë aktivistë. A e di kush është deputeti i Lëvizja Bashkë? E njohin të gjithë për mirë. Deputeten tuaj nuk e njeh njeri. Ju u tallët me popullin. Si pretendoni që pasi u bëtë gazi i botës të tërhiqni edhe të tjerët.

Adriatik Lapaj: The një pretendim që nuk bashkohen njerëz. Të dielën kur janë arrestuar katër persona, duhet të dilje krah tyre, sepse gjykata tha u arrestuan në mënyrë të paligjshme. Ka patur 3 mijë qytetarë.

Arlind Qori: A mos u tall? Po si mo 3 mijë qytetarë?

Adriatik Lapaj: Kjo qasje i shërben Edi Ramës. Bashkohu në shesh kundër Edi Ramës!

Arlind Qori: Ti ke hapur lokal në shesh.

Adriatik Lapaj: Të gjtihë bashkë të rrëzojmë Ramën! Nuk ka nevojë Shqipëria për dënglat e tua dhe të mijat, por ka nevojë të ikë Rama sot, jo nesër!

Arlind Qori: Si e heq ti Ramën, duke u bërë qesharak? Duke zënë atë vend?

Adriatik Lapaj: Të kam kursyer kaq kohë. Bashkohu në shesh kundër Edi Ramës. Ti dhe gjithë të tjerët. Bashkohuni kundër Ramës, lëri tezet dhe dajot. Bashkohu kundër Ramës dhe pastaj futu në zgjedhje.

Arlind Qori: Ju jeni në koalicion me njëri tjetrin, nuk ju ndjek njeri nuk keni reputacion.

Adriatik Lapaj: Mos më bridh nëpër Tiranë, bashkohu kundër Edi Ramës, që drejton regjimin. Shefi i Ballukut është Rama. Klptokracinë e drejton Edi Rama.

The post “Je hipokrit, qesharak, ke hapur lokal në shesh!”/ Plas mes Qorit dhe Lapajt: Lëri dënglat, mos bridh, por bashkohu të rrëzojmë Ramën! appeared first on Albeu.com.

Qori shtoi më tej se nëse do bënte një veprim të tillë, të gjithë mbështetësit e “Lëvizjes Bashkë” do konsideronin tradhtar të të gjitha parimeve. Ai shtoi ndër të tjera se Shqipëri sot ka shumë arsye për të protestuar, madje ka edhe më shumë arsye për të protestuar se ç’ka njerëz nëpër protesta. Qori theksoi se ka korrupsion, ka kapje të shtetit, ka kriminalizim të gjithanshëm të institucioneve publike.

“Unë nuk i dëgjoj fare me thënë të drejtat, thirrjet e faktorëve të vjetër politikë dhe të kompromentuar. Nuk bie dakord që po të ishim edhe ne sot me Sali Berishën, do të kishte më shumë njerëz në shesh. Se sikur unë të çmendesha edhe të ndaja të njëjtën tribunë apo të njëjtin shesh me Sali Berishën, mua nuk do më vinte asnjëri, as nga mbrapa, as në krahë.

Të gjithë mbështetësit e “Lëvizjes Bashkë” do të më konsideronin tradhtar të të gjitha parimeve që unë kam mbajtur deri tani në politikë, që është lufta e pakompromis ndaj çdo faktori të korruptuar e destruktiv të shoqërisë shqiptare kundër gjithë atyre që i shërbejnë oligarkisë ekonomike.

Tani sot Shqipëri ka shumë arsye për të protestuar, madje ka edhe më shumë arsye për të protestuar se ç’ka njerëz nëpër protesta. Ka korrupsion, ka kapje të shtetit, ka kriminalizim të gjithanshëm të institucioneve publike.

Ky rasti i fundit i AKSHI tregon diçka që është vërtetë çmëritëse, ku arrin puna deri në rrëmbim personi. Atë biznesmenin, po të mos e pranonte që të tërhiqej nga tenderi, atë të shkretin kushedi do e gjenim copa-copa ne sot, se rrëmbimi është për të të bindur të bësh diçka përndryshe, do të ekzekutojë në mënyrë krejt mafioze.

Pak më parë po dëgjoja një prokuror të antimafias italiane, Nikola Grateri, i famshëm, i cili kur fliste për mafian shqiptare thoshte që është e dyta në Evropë mbas Ndragetas. Sepse, thoshte Grateri, vjen nga një shtet ekstremisht i korruptuar, ku pastrohen paratë në përmasa të jashtëzakonshme. Shtet ekstremisht i korruptuar, pastrim shumë i madh parash. Sjell që mafia shqiptare sot të jetë shumë e fortë, jo vetëm në Shqipëri, po edhe në Evropë.

Pjesë e kësaj mafias, pjesë e këtij sistemi të kompromentuar. Mafiozë, oligarkë, sigurisht, është qeveria në radhë të parë dhe Edi Rama si kryesues i saj. Siç iu thashë, Shqipëri ka shumë arsye për të protestuar, ka arsye për t’u marrë me efektet e korrupsionit. Pensionistët nuk blejnë dot një shishe kos, ndërkohë që ai zotëria Agasi harxhonte tre milionë euro vetëm verë nga paratë të cilat janë bërë brenda ditës përmes aferave korruptive dhe ku përgjegjës janë të gjitha hallkat e shtetit,” tha Qori, ndër të tjera.

The post “Shqipëria ka shumë arsye për të protestuar”, Qori shpjegon pse nuk u bashkua me protestën e PD-së: Po të çmendesha dhe të ndaj tribunën me Berishën, do të më konsideronin tradhtar appeared first on Albeu.com.

Megjithëse puntata ende nuk është transmetuar, Arbana Osmani ka ndarë disa momente të shkurtra në Instagram, duke treguar një nga pyetjet më të sikletshme të intervistës.

Në njërën prej këtyre videove, Arbana e pyet Arlind Qorin se sa para ka në llogarinë e tij bankare.

Pa hezitime, Qori u shpreh se menaxhimi i financave është në dorë të bashkëshortes së tij. Ai tregoi se nuk e di shifrën saktë, por nuk e la pa dhënë një numër, duke thënë: “Diku te 20 milionë lekë të vjetra.”

Më pas, ai theksoi se shifra nuk është e saktë dhe mund të ketë një luhatje: “plus minus 5 mijë euro.”

Vëmendje mori edhe reagimi i Arbanës, e cila u përgjigj:”Sa the?”.

The post Arlind Qori befasohet nga pyetja e Arbanës, zbulon paratë që ka në bankë appeared first on Albeu.com.

Për mediat, Berisha tha se Partia Demokratike do t’i konsiderojë me seriozitetin më të madh kandidatët e pavarur në këto zgjedhje dhe se do të presë për ta edhe dy ditë.

“PD vlerëson dhe çmon shumë kandidaturat e pavarura. Do konsiderojmë me seriozitetin më të madh kandidatë të pavarur të cilët garojnë si të tillë dhe që konsiderohen të nevojshëm për fitoren e tyre, mbështetjen e PD. Besoj se në një valë me këtë nga diskutimet paraprake janë edhe forcat e tjera opozitare”, tha Berisha ndër të tjera.

Më herët Berisha njoftoi nga selia blu se Adriana Kalaja, Edi Paloka dhe Klevis Balliu, kanë shprehur dëshirën për të garuar për Bashkinë e Tiranës përballë socialistes Ogerta Manastirliut.

Ndryshe nga emrat e propozuar nga bisedimet me aleatët si aktivistët Edlira Çepani e Florian Haçkaj, dhe pedagogu Ermal Hasimja, lideri demokrat tha se mijëra militantë të PD duan që kandidati të vijë nga radhët e kësaj force politike.

“Adriana Kalaja, Edi Paloka, Klevis Balliu kanë shfaqur dëshirën, por përpjekja jonë për të arritur në një ujdi të gjerë me forcat e tjera opozitare, nuk ka asnjë lidhje me problemin e kandidatëve tanë të shkëlqyer, por ka lidhje me rekordin elektoral.

Kjo nuk mund të injorohet. Ka lidhje dhe me një gjë tjetër, mijëra militantë do donin kandidatë disa prej jush, por disa të tjerë do donin dikë jashtë nesh që të jemi sa më afër fitores, jo me qëllim të keq”, u shpreh Berisha.

Vlen të theksohet se përpos Manastirliut, i vetmi kandidat që ka shpallur kandidaturën deri më tani nga partitë opozitare është Arlind Qori, drejtuesi i “Lëvizjes Bashkë”.

“Me votëbesimin e Këshillit Koordinues të Lëvizjes BASHKË dhe inkurajimin e shumë qytetarëve, do të jem kandidat për kryetar i Bashkisë së Tiranës. Nëse qytetarët më mbështesin masivisht, zotohem që të gjitha forcat e mia morale, intelektuale dhe fizike t’i ushtroj në dobi të tyre”, njoftoi një ditë më parë Qori.

The post “Keni edhe dy ditë kohë”, Sali Berisha në “udhëkryq” për kandidatin! Do t’ia plotësojë dëshirën militantëve apo negociatorëve të partive opozitare? appeared first on Albeu.com.

Alimehmeti, i ngarkuar nga kreu i Partisë Demokratike, Sali Berisha, për të zhvilluar bisedime me partitë e tjera opozitare, theksoi se uniteti është kyç për të sfiduar pushtetin e kryeministrit Edi Rama.

“Po të qëndrojë opozita përballë, nuk ka pushtet që nuk bie. Neve na intereson rezultati në fund të ditës,” u shpreh ai, duke shtuar se dialogu dhe bashkimi i forcave janë domosdoshmëri për të krijuar një koalicion të fortë opozitar.

Alimehmeti nënvizoi gjithashtu nevojën e një “pajtimi kombëtar” brenda opozitës, duke theksuar rolin udhëheqës të Partisë Demokratike si forca më e madhe opozitare.

Ai e cilësoi si mangësi të së shkuarës mungesën e aleancave në zgjedhjet parlamentare, ndërsa nënvizoi se tashmë është momenti për të krijuar një front të përbashkët.

Sa i takon kandidaturës për Tiranën, Alimehmeti tha se tashmë ekziston një bashkëpunim i ngushtë në Këshillin Bashkiak mes forcave opozitare për të kundërshtuar kryebashkiakun Erion Veliaj.

Megjithatë, ai përjashtoi mundësinë e një marrëveshjeje me Arlind Qorin, duke theksuar se “ai nuk është pjesë e spektrit të djathtë”.

“Mendoj se duhet të kishte pasur aleanca në zgjedhjet parlamentare, por është bërë e qartë që nuk u realizuan siç duhej. Tani është koha të krijohet një pajtim kombëtar që udhëhiqet nga PD dhe të bashkohemi të gjithë në një front të fortë,” përfundoi Alimehmeti.

The post Alimehmeti për zgjedhjet në Tiranë: Na takon të udhëheqim pajtimin kombëtar, ja pse s’ka negociata me Qorin appeared first on Albeu.com.

“Unë e kam kritikuar këtë, e kemi diskutuar edhe një vit më parë, i mbetem të njëjtit qëndrim, është zhvatje që i bëhet popullit shqiptar, Sazani dhe Zvërneci janë pasuri e jona dhe nuk mund t’ia falim askujt, qoftë oligarkë, investitorë të huaj apo biznesmenë në vende të rëndësishme si SHBA. Zoti Rama të dhurojë shtëpinë e tij po të dojë zotit Kushner apo zonjës Trump apo direkt Presidentit Trump. Nëse do të bëjë qoka, apo të rregullojë pozicionin e qeverisë në SHBA. Nga artikulli i “The Guardian”, kuptohet se Sazani do të shndërrohet në një ishull privat për miliarderët. I vetmi ishull që kemi si republikë, një ishull në të cilin sovranitetin e kemi vendosur pas Luftës së Dytë Botërore po e falim. Meqenëse Kushner do të marrë edhe investitorin strategjik si status, qeveria do të sigurojë infrastrukturën, në mënyrë që miliardat e tyre të jenë sa më të sigurta.

Një problem që vjen, ka të bëjë me procesin, me procedurat. Dikush mund të thotë duhet për turizëm, harrojmë natyrën dhe biodiversitetin. Pse nuk ka thirrje që një grup i pavarur gjykuesit të shqyrtojë kërkesat apo propozimet më interesante edhe nga pikëpamja mjedirore?

Këtu investitori është zgjedhur para investimit si projekt dhe kjo po bëhet fakt i kryer. Nuk e kuptoj se çfarë dobie i sjell kjo popullit shqiptar. Nuk e kuptoj lehtësinë me të cilën dorëzojmë sovranitetin e Shqipërisë. Njëlloj si në Shëngjin me kampin e refugjatëve, ku ligji shqiptar nuk ka fuqi.

Për të gjithë këto arsye më duket transaksion problematik dhe do të doja të dëgjoja sa më shumë zëra kundër një transaksioni të tillë.

Vërej edhe njerëz që justifikojnë me kinse patriotizëm, meqenëse jemi aletë të SHBA, duhet të kujdesemi për interesat e farefisit të presidentit të SHBA. Por, aleanca jonë është me SHBA dhe jo me biznesmenë apo farefis të pushtetmbajtësve në SHBA. SHBA është shtet më serioz, se duan ta portretizojnë, me djalin, kunatin, vajzën e me rradhë.

Frika ime është që keqkuptohen edhe marrëdhëniet ndërkomëbtare dhe shihen si ortakëri të pista me leje ndërtimi”- tha Qori.

The post “Rama t’i falë shtëpinë e vet Trump-it, jo pronat tona!”/ Arlind Qori kundër projektit në Sazan: Aleancën e kemi me SHBA, jo me farefisin e Presidentit appeared first on Albeu.com.

“Tani po bëj video denoncuese për mbrapshtitë. Qeveria jep leje ndërtuese, rritet çmimi i metrit katror jo vetën në Tiranë por kudo. “Lëvizja bashkë” nuk është parti elektorale.

Për mua dita para dhe pas zgjedhjeve nuk ka rëndësi. Një parti nuk mund të mbyllë qepenin dhe ta hapë një herë në dy vite, edhe pse partitë këtë bëjnë dhe llogarisin 3 muajt e pashimeve. Nuk kemi as etikën për të bërë diçka të tillë, as komoditetin. Partitë opozitare duhet ta intensifikojnë aktivitetin.

Ylli Rakipi: PD është ngritur dhe thotë se zgjedhjet janë vjedhur e shqyer, treni bullgar dhe meksikan. Dakord ju keni problematika. Këto zgjedhje ç’janë për ju?

Arlind Qori: Pyetja nuk shtrohet nëse do të njihen zgjedhjet, se nëse nuk njeh zgjedhjet do të thotë të marrësh armët dhe dalësh malit. Këto zgjedhje nuk ishin të lira dhe të ndershme. Ne duhet të analizojmë defektet.

Partitë e tjera shpenzuan miliona euro. Kush i dha ato para? Po të marr rastion e kohës televizive, më 11 prill-9 maj. “Lëvizja bashkë” del shumë më poshtë se partitë që nuk hynë në Kuvend. Qytetari shqiptar voton lirisht. Unë mendoj se një pjesë e konsiderueshme e qytetarve ndjejnë frikë ditën e votimit dhe para votimit. Është përballë kërcënimit me vendin e punës, biznesin, bukën e fëmijëve. 25 mijë vetë që votuan për “Lëvizja bashkë” votuan lirisht, por fakti se të tjerë trajtohen si bujkrobër, ne nuk mund të jemi të dakord me këtë.

Ne nuk biem dakord me Sali Berishën se 53 për qind e votave që ka marrë Edi Rama i ka marrë në këtë mënyrë, pra që askush nuk do ta votonte Edi Ramën nëse nuk do të bënte presione. Edi Rama përmes këtyre makinacioneve, presionit, oligarkisë, financimeve, arrin të krijojë një marzh mbështetjeje që nuk e ka në mënyrë organike. Ka njerëz në Shqipëri që vazhdojnë të votojnë për PS dhe Edi Ramën dhe pyetja që më shqetëson mua është pse? Ta kuptoj dhe ta ndryshoj në zgjedhjet e tjera. Le ta marrim se 13 për qind të votave i ka marrë me këto mënyrat e abuzimit. Prapë mua më shqetëson ai 40 përqindëshi, këta njerëz e votojnë me gjithë këto gjëma të qeverisjes dhe një nga argumentet që unë gjej është figura e Sali Berishës. Berisha në mendjen e shumë qytetarëve të Shqipërisë është mishërimi i një të keqeje më të madhe se Edi Rama”- tha Qori.

The post A u vodhën zgjedhjet? Ja ç’thotë Arlind Qori appeared first on Albeu.com.