qeverisë së re Archives - Albeu.com

Adriatik Lapaj: Refuzova dy herë të isha pjesë e qeverisë së re në shtator, një person i njohur në Tiranë m’u afrua dhe…

V K — Tue, 26 Aug 2025 06:44:42 +0000

Në një intervistë për News24, Adriatik Lapaj, ka rrëfyer se në muajin qereshor, pak pas zgjedhjeve të 11 majit, ka pasur 2 tentativa nga mazhoranca aktuale që të jetë pjesë e qeverisë së re.

Lapaj tregoi se ka refuzuar të jetë pjesë e një pushteti i cili sipas tij, po përpiqert që të krijojë një tablo të një demokracie ku pushteti bashkëpunon me forcën më të re politike në opozitë.

Ky vendim, ka ardhur me kosto të cilat është i lumtur t’i mbajë.

“Unë tashmë duhet t’i them gjërat siç janë, në fund të muajit qershor ka ardhur një person që më ka kërkuar të jem pjesë e pushtetit në një qeverisje me shkallë të gjerë. Më ka ardhur një person që është njeri i mirë në këtë qytete.

Dy javë më vonë ka ndodhur sërish e njejta gjë dhe sërish e kam refuzuar.
Kam refuzuar të jem palë me pushtetin i cili ka kërkuar që të krijojë një tablo të një demokracie ku pushteti bashkëpunon me forcën më të re politike në opozitë, për këtë po marr kostot për të cilat jam krenar që po i marr. Kam vendosur që të qendroj deri në fund në anën e së drejtës”, tha ai.

The post Adriatik Lapaj: Refuzova dy herë të isha pjesë e qeverisë së re në shtator, një person i njohur në Tiranë m’u afrua dhe… appeared first on Albeu.com.

Kuvendi i Maqedonisë së Veriut cakton seancën, ja kur krijohet qeveria e re

V K — Wed, 19 Jun 2024 08:29:59 +0000

Kryetari i Kuvendit të Maqedonisë së Veriut, Afrim Gashi ka caktuar seancën për zgjedhjen e Qeverisë së re për ditën e shtunë në ora 11:00. Mandatari dhe lideri i OBRM-PDUKM-së, Hristijan Mickoski, ditën e djeshme, ka dorëzuar në Kuvend propozimin për përbërjen e qeverisë dhe programin e punës së saj.

Rregullorja e Kuvendit, parasheh që seanca për zgjedhjen e Qeverisë të zgjasë më së shumti dy ditë.

Gjithashtu, Mandatari shpjegon programin dhe propozimin për përbërjen e Qeverisë, pas së cilës do të debatohet në Kuvend.

Votimi për zgjedhjen e Qeverisë bëhet sipas propozimit për përbërjen e Qeverisë në tërësi, me votim publik.

Votimi bëhet pas përfundimit të debatit, më së voni deri në orën 24:00.

Qeveria zgjidhet nëse shumicën e numrit të përgjithshëm të deputetëve.

Kryetari i Kuvendit e njofton Presidentin e Republikës për zgjedhjen e Qeverisë.

Qeveria e re e propozuar nga Mickoski, do të ketë 24 anëtarë.

Përveç kryeministrit, do të jenë edhe 23 zëvendëskryeministra dhe ministra të tjerë, 20 prej të cilëve janë me resor.

The post Kuvendi i Maqedonisë së Veriut cakton seancën, ja kur krijohet qeveria e re appeared first on Albeu.com.

VMRO dhe LSDM përplasen në Kuvend për legjitimitetin e Qeverisë së re

admin — Sun, 16 Jan 2022 14:16:13 +0000

Në Kuvendin e Maqedonisë së Veriut të dielën, më 16 janar, ka vazhduar debati për zgjedhjen e qeverisë së re, që do të drejtohet nga Dimitar Kovaçevski, kryetar i Lidhjes Sociale Demokrate.

Debati pritet të zgjasë deri në mesnatë kur edhe do të votohet për përbërjen e re të qeverisë.

Qeveria e re do të ketë 21 anëtarë; 17 ministra dhe 4 zëvendëskryeministra.

Lidhja Social Demokrate do të ketë 12 anëtarë të Qeverisë, gjashtë Bashkimi Demokratik për Integrim dhe tre partia Alternativa.

Të dielën debati ka nisur me fjalimet e deputetëve të VMRO DPMNE-së, të cilët thanë se qeveria që do të drejtohet nga Dmitar Kovaçevski nuk ka legjitimitet, pasi sipas deputetes së VMRO DPMNE-së, Bllagica Lasovska, “mandatari Kovaçevski nuk ka marrë pjesë në zgjedhje, nuk ka kërkuar besimin e qytetarëve dhe nuk ka marrë asnjë votë prej tyre andaj edhe nuk ka legjitimitet për të drejtuar qeverinë”.

Ajo tha se “shumica e ministrave janë vazhdimësi e regjimit hibrid” që u mund në zgjedhjet lokale disa muaj më parë”.

“Në kohën kur kemi krizë të rënë ekonomike, shëndetësore, energjetike dhe mungesë të ngrohjes qëndrore, mandatari për kryeministër flet për gjendje të mirë ekonomike dhe rritjen e Prodhimit Bruto Vendor. Si mund të harrojmë se kemi inflacion, se qytetarët nuk kanë as bukë për të ngrënë, kur çmimet e produkteve po rriten, kur paraja po humb vlerën?. Kjo është tallje me ndjenjat e qyetarëve”, deklaroi deputetja Lasovska.

Ndërkaq, Marija Georgievska, deputete e LSDM-së, tha se partitë që do të jenë pjesë e qeverisë së re kanë legjitimitet të plotë ta udhëheqin vendin, sepse në zgjedhjet e fundit parlamentare kanë marrë mbështetjen e qytetarëve.

“ Hristijan Mickoski në zgjedhjet parlamentare nuk ishte bartës i listës dhe kandidat për deputet, pra a do të kishte legjitimitet për të formuar qeveri nëse do të fitonte VMRO-DPMNE dhe koalicioni i tij?” tha Georgievska duke hedhur poshtë pretendimet e opozitës se qeveria nuk ka legjitimitet.

Halil Snopçe, deputet i Aleancës për Shqiptarët tha se “qeveria mund të quhet e re, por të gjithë anëtarët e saj janë fytyra të vjetra të qeverisë së kaluar të korruptuar dhe të paaftë të përballet me shumë probleme me të cilat përballet vendi”.

Ai tha se zgjedhjet e parakohshme parlamentare janë mënyra e vetme për dalje nga gjendja në të cilën ndodhet Maqedonia e Veriut.

Dimitar Apasiev, deputet i partisë “E Majta”, kritikoi përbërjen e qeverisë, respektivisht numrin e madh të ministrave shqiptarë, që sipas tij, flet për tendencën për “shqiptarizimin e Maqedonisë”.

“11 poste ministrore për maqedonasit dhe 10 për shqiptarët. Pra, kjo është një tirani kornizë, një gjysmë protektorat, një shtet paralel në një shtet ku të rinjtë maqedonas dhe shqiptarë nuk komunikojnë, mosrespektimi i himnit, gjuhës, kurse Bujar Osmani (Ministri i Punëve të Jashtme) duhet të ketë kujdes se çfarë bën me Bullgarinë”, deklaroi Apasiev.

Ndryshe, mandatari për formimin e qeverisë së re, Dimitar Kovaçevski në fjalimin e tij para deputetëve tha se ka plan konkrete për zhvillimin e vendit dhe se puna e Qeverisë së re do të përqendrohet në tri prioritete: përballjen me krizën energjetike, pandeminë e koronavirusit, rritjen e standardit jetësor të qytetarëve të Maqedonisë së Veriut dhe realizimin e investimeve strategjike.

Ai tha se qeveria do të angazhohet seriozisht edhe për zgjidhjen e kontestit me Bullgarinë, por përjashtoi çdo mundësi që të bisedohet edhe për çështjet që kanë të bëjnë me identitetin. Kovaçevski hodhi poshtë edhe kërkesën e opozitës për zgjedhje të parakohshme.

Ai në postin e kreut të Qeverisë së Maqedonisë së Veriut do të zëvendësojë ish-kryeministrin Zoran Zaev, i cili dha dorëheqjen për shkak të disfatës së LSDM-së në zgjedhjet lokale, që u mbajtën më 31 tetor të vitit 2021.

The post VMRO dhe LSDM përplasen në Kuvend për legjitimitetin e Qeverisë së re appeared first on Albeu.com.

Seanca për zgjedhjen e Qeverisë së re në Maqedoninë e Veriut

admin — Sat, 15 Jan 2022 12:20:04 +0000

Në Kuvendin e Maqedonisë së Veriut ka filluar seanca për zgjedhjen e Qeverisë së re.

Tashmë është konfirmuar edhe rendi i ditës me pikë të vetme të rendit të ditës – zgjedhja e përbërjes dhe programit qeverisës

Sipas propozimit, për kryeministër pritet të zgjidhet Dimitar Kovaçevski, ndërkaq për ministra janë propozuar:

Sllavjanka Petrovska – ministre e Mbrojtjes
Oliver Spasovski – ministër i Punëve të Brendshme
Nikolla Tupançevski – ministër i Drejtësisë
Artan Grubi – ministër për sistem politik dhe marrëdhënie mes komuniteteve
Bujar Osmani – ministër i Punëve të Jashtme
Fatmir Besimi – ministër i Financave
Kreshnik Bekteshi – ministër i Ekonomisë
Lupço Nikollovski – ministër i Bujqësisë, Pylltarisë dhe Ekonomisë së Ujrave
Bekim Sali – ministër i Shëndetësisë
Jeton Shaqiri – ministër i Arsimit dhe Shkencës
Jovana Trençevski – ministre e Punës dhe Politikës Sociale
Goran Milevski – ministër i Vetëqeverisjes Lokale
Bisera Kostadinova Stojçevska – ministre e Kulturës
Admirim Aliti – ministër për Shoqëri Informatike dhe Administratë
Bllagoj Boçvarski – ministër për Transport dhe Lidhje
Naser Nuredini – ministër për Mjedis Jetësor dhe Planifikim Hapësinor
Bojan Mariçiq – ministër pa resor – zëvendëskryeministër për çështje evropiane
Sllavica Grkovska – ministër pa resor – zëvendëskryeministre për luftë kundër korrupsionit
Fatmir Bytyqi – ministër pa resor – zëvendëskryeministër për çështje ekonomike
Xhemail Çupi – ministër pa resor.

The post Seanca për zgjedhjen e Qeverisë së re në Maqedoninë e Veriut appeared first on Albeu.com.

Pas pak fillon në Kuvend debati për zgjedhjen e qeverisë së re

admin — Sat, 15 Jan 2022 09:44:12 +0000

Programi dhe përbërja e re e Qeverisë së Maqedonisë së Veriut sot do të hyjë në procedurë kuvendore.

Për në ora 11:00 është caktuar seanca plenare ku pikë e vetme e rendit të ditës është zgjedhja e Qeverisë së re dhe do të zgjasë dy ditë.

Sipas propozimit, për kryeministër pritet të zgjidhet Dimitar Kovaçevski, ndërkaq për ministra janë propozuar:

Sllavjanka Petrovska – ministre e Mbrojtjes
Oliver Spasovski – ministër i Punëve të Brendshme
Nikolla Tupançevski – ministër i Drejtësisë
Artan Grubi – ministër për sistem politik dhe marrëdhënie mes komuniteteve
Bujar Osmani – ministër i Punëve të Jashtme
Fatmir Besimi – ministër i Financave
Kreshnik Bekteshi – ministër i Ekonomisë
Lupço Nikollovski – ministër i Bujqësisë, Pylltarisë dhe Ekonomisë së Ujrave
Bekim Sali – ministër i Shëndetësisë
Jeton Shaqiri – ministër i Arsimit dhe Shkencës
Jovana Trençevski – ministre e Punës dhe Politikës Sociale
Goran Milevski – ministër i Vetëqeverisjes Lokale
Bisera Kostadinova Stojçevska – ministre e Kulturës
Admirim Aliti – ministër për Shoqëri Informatike dhe Administratë
Bllagoj Boçvarski – ministër për Transport dhe Lidhje
Naser Nuredini – ministër për Mjedis Jetësor dhe Planifikim Hapësinor
Bojan Mariçiq – ministër pa resor – zëvendëskryeministër për çështje evropiane
Sllavica Grkovska – ministër pa resor – zëvendëskryeministre për luftë kundër korrupsionit
Fatmir Bytyqi – ministër pa resor – zëvendëskryeministër për çështje ekonomike
Xhemail Çupi – ministër pa resor.

The post Pas pak fillon në Kuvend debati për zgjedhjen e qeverisë së re appeared first on Albeu.com.

Talibanët pranë shpalljes së qeverisë së re

admin — Sun, 29 Aug 2021 06:21:42 +0000

Një javë pas rimarrjes së pushtetit në Afganistan përmes fitoreve ushtarake, udhëheqësit e kryengritjes talibane janë ende duke zhvilluar bisedime dhe takime të brendshme me ish -rivalët për të formuar atë që ata kanë premtuar se do të jetë një “qeveri përfshirëse islame”.

Talibanët thanë të shtunën se do të shpallnin një qeveri të rTalibanët thanë të shtunën se do të shpallnin një qeveri të re.

Udhëheqësit e lartë talebanë zhvilluan takime të reja të shtunën me figura të shquara në kryeqytetin afgan për të shkëmbyer pikëpamje mbi sistemin e ardhshëm të qeverisjes, tha Mohamad Naeem, zëdhënësi politik i grupit.

Ai citoi një udhëheqës të lartë, Shahabuddin Dilaëar, që u tha bashkëbiseduesve afganë se talibanët duan një “sistem qendror të fortë që respekton sundimin e ligjit, është i lirë nga korrupsioni dhe çdo qytetar ka mundësinë t’i shërbejë vendit dhe popullit të tij”.

Talibanët filluan angazhimet politike pasi lëshuan një amnisti të përgjithshme për të gjithë ata që shërbyen ose ishin pjesë e ish -qeverisë afgane.

Mullah Abdul Ghani Baradar, nënkryetari taliban, gjithashtu ka mbërritur në Kabul nga kështjella jugore e grupit islamik, Kandahar, për të mbikëqyrur procesin e formimit të qeverisë.

Ndërkohë, mijëra afganë vazhduan iu drejtuan aeroportit të Kabulit me shpresën për të gjetur vend në një nga fluturimet që ushtria amerikane dhe vendet e tjera po kryejnë për të evakuuar personelin e huaj dhe afganët që u shërbenin forcave ndërkombëtare në kapacitete të ndryshme.

The post Talibanët pranë shpalljes së qeverisë së re appeared first on Albeu.com.