Tre ditë pas takimit me furnizuesit e naftës, ku Edi Rama, mohoi kategorikisht çdo rishikim të taksave të karburanteve, çdo kompensim për qytetarët dhe ngritjen e Bordit të Transparencës, burimet thonë se tashmë qeveria po planifikon të marrë disa masa.

Sipas burimeve për News24, qeveria ka vendosur të rikthejë Bordin e Transparencës, që do të caktojë çmimet tavan për hidrokarburet.

Vendimi për ngritjen e Bordit, pritet të merret në mbledhjen e qeverisë javën që vjen. Ndërkohë, në një mbledhje të zhvilluar vonë në mbrëmjen e 19 marsit, qeveria vendosi të ulë akcizën me 20%, nga 38.8 lekë për litër aktualisht.

Ndryshimi i qëndrimit të qeverisë, që nga refuzimi fillestar për të ngritur bordin e transparencës deri te vendimi për ta rikthyer, erdhi pas rritjes së çmimit të naftës deri në 217 lekë/litër brenda 24 orëve.

Në mbledhjen e qeverisë janë përcaktuar edhe marzhet e fitimit për furnitorët e naftës: 3 lekë për tregtinë me shumicë dhe 12 lekë për tregtinë me pakicë.

Në takimin me grosistët, përfaqësuesit e qeverisë argumentuan se rikthimi i Bordit të Transparencës nuk ishte i nevojshëm, pasi që nga përshkallëzimi i konfliktit në Lindjen e Mesme, rritja e çmimit ishte konsideruar “e moderuar”.

Ndërkohë, kërkesa për rishikimin e taksave u bë nga Konfindustria, duke vënë në dukje se çdo litër nafte mbart katër taksa: akcizën, TVSH-në, taksën e karbonit dhe taksën e qarkullimit.

Për herë të parë, Bordi i Transparencës u ngrit gjatë krizës së luftës në Ukrainë në vitin 2022, duke vendosur çmim tavan për naftën dhe nënproduktet e saj, për të frenuar abuzimet nga tregtarët e hidrokarbureve.

Por duket se tani, si shumë herë më parë, qeveria shqiptare vepron më shumë pas shembullit të fqinjëve, sesa duke dëgjuar nevojat e qytetarëve dhe të grupeve të interesit vendor.

The post Pas masave të Italisë për çmimin e naftës, qeveria shqiptare planifikon të rikthejë Bordin e Transparencës appeared first on Albeu.com.

Kjo shumë do të përdoret për projekte specifike që lidhen me reformat strukturore dhe zhvillimin ekonomik.

Fondi prej 6.8 miliardë lekësh, është pjesë e fondeve që Bashkimi Europian ka vënë në dispozicion për vendet e Ballkanit Perëndimor përmes një pakete të përgjithshme prej 6 miliardë eurosh, nga të cilat Shqipëria pritet të përfitojë rreth 922 milionë euro deri në vitin 2027.

Fondet nga Plani i Rritjes, përbëjnë më pak se 4% të totalit të investimeve publike 179.6 miliardë lekë të parashikuara në buxhetin 2026.

Kjo peshë modeste tregon se, për momentin, financimet europiane të përfshira në buxhet janë ende në fazat e para të aktivizimit, ndërkohë që pjesa më e madhe e burimeve të BE-së mbetet e lidhur me ecurinë e reformave dhe me procesin e përgatitjes së projekteve që duhet të jenë në përputhje me kërkesat e Komisionit Europian.

Mbështetja financiare e BE-së, do të shpërndahet në disa vite dhe do të kushtëzohet me përparimin në zbatimin e reformave ekonomike dhe institucionale, duke u fokusuar kryesisht në rritjen e konkurrueshmërisë, përmirësimin e klimës së biznesit dhe përafrimin me tregun e përbashkët europian.

Nëse reformat për të cilat Shqipëria është angazhuar do të ecin me ritmin e kërkuar nga Komisioni Europian, përfshirë përmirësimin e administratës publike dhe zbatimin e reformave në sektorin e energjisë, vendi pritet të tërheqë pjesën më të madhe të fondeve deri në fund të vitit 2027.

Shqipëria deri më tani ka përfituar shumë pak fonde nga plani i rritjes, për shkak se mekanizmi funksionon sipas parimit “reformë kundrejt financimit”, që do të thotë se disbursimet kryhen vetëm pasi vendi ka zbatuar reformat e dakordësuara në fusha si konkurrueshmëria, administrata publike, energjia dhe sundimi i ligjit. Shqipëria ndodhet ende në fazën e zbatimit të këtyre reformave dhe një pjesë e tyre nuk ka përfunduar plotësisht.

Gjithashtu, procesi i përgatitjes dhe miratimit të projekteve për financim kërkon kohë dhe kapacitete të forta administrative.

Shpesh, institucionet shqiptare kanë vështirësi në përgatitjen e projekteve që plotësojnë standardet e BE-së, si për analizën e kostos dhe përfitimit, ashtu edhe për garantimin e transparencës në prokurim dhe zbatimin teknik.

Këto vonesa kanë bërë që fondet e mundshme të mos përfshihen menjëherë në planifikimin buxhetor vjetor.

Plani i Rritjes i Bashkimit Europian për Ballkanin Perëndimor, është një nismë e re ekonomike dhe politike që synon të përshpejtojë afrimin e vendeve të rajonit me tregun e përbashkët europian dhe me standardet e BE-së.

Ai u prezantua nga Komisioni Europian në fund të vitit 2023 dhe mbulon periudhën 2024–2027, duke kombinuar mbështetjen financiare me një program reformash strukturore që duhet të zbatohen nga çdo vend përfitues.

Plani ka një vlerë totale prej 6 miliardë eurosh, të cilat do të ndahen ndërmjet gjashtë vendeve të rajonit – Shqipërisë, Serbisë, Maqedonisë së Veriut, Malit të Zi, Bosnjë-Hercegovinës dhe Kosovës./ Monitor

The post Qeveria shqiptare parashikon të përfitojë rreth 6.8 miliardë lekë financime, Plani i Rritjes i BE-së mbulon vetëm 4% të investimeve publike në buxhetin 2026 appeared first on Albeu.com.

Kjo ishte norma më e ulët në histori e bondeve 10 vjeçare në lekë. Për krahasim, interesi i obligacioneve 10 vjeçare të qeverisë amerikane aktualisht luhatet në kuotën 4.4-4.5 për qind.

Obligacionet janë letra me vlerë përmes të cilave qeveria merr borxh nga tregu. Interesi që rezulton nga ankandi i tyre është kostoja që paguan buxheti për marrjen e këtij e borxhi.

Në ankandin e fundit, qeveria synonte të merrte fillimisht 3.5 miliardë lekë borxh përmes bondeve 10 vjeçare.

Por oreksi i tregut për të financuar qeverinë ishte i madh duke bërë që vlera totale e kërkesave në ankand të arrinte gati 4.6 miliardë lekë.

Duke parë dhe normën e favorshme të interesit, ministria e Financave vendosi të marrë 3.7 miliardë lekë.

Prej më shumë se 1 viti, normat e interesit të letrave me vlerë kanë qenë në rënie të vazhdueshme.

Aktualisht, në të gjithë spektrin e tregut të bonove qeveritare, interesat janë në nivelet më të ulëta në histori, nga bonot me afat tremujor deri tek obligacionet 10 vjeçare.

Ky oreks i madh i tregut për të financuar qeverinë me borxh vjen për shkak të një sërë faktorëve. Së pari, një nga arsyet kryesore që po i shtyn normat për poshtë lidhet me uljen e borxhit publik dhe gjendjen e bollshme të likuiditetit në sektorin bankar.

Arsyeja e dytë ka të bëjë me zgjerimin e bazës së investitorëve që blejnë borxhin e brendshëm shqiptar.

Vitin e kaluar disa investitorë amerikanë blenë mbi 14 miliardë lekë borxh të brendshëm të qeverisë shqiptare përmes letrave me vlerë duke rritur kështu konkurrencën në treg dhe për pasojë duke ulur interesat.

Dhe afrimi i investitorëve nga jashtë që blejnë borxh në lekë të qeverisë shqiptare sinjalizon dhe faktorin e tretë të rënies së normave të interesit. Ai është rënia e primeve të rrezikut dhe rritja e besimit tek ekonomia shqiptare, por edhe tek leku./ Kapitali.al

The post Qeveria shqiptare po merr borxh 10 vjeçar gati me të njëjtat interesa si Thesari i SHBA appeared first on Albeu.com.

Të njëjtën gjë po bën edhe tani, ku burime thonë se po përgatit një kabinet krejtësisht të ri që do t’ja prezantojë shqiptarëve në përfundim të pushimeve verore me qëllim një “Rilindje 2”.

Si një skifter që vendos të ndërmarrë sfida të jashtëzakonshme pasi arrin një moshë të caktuar duke shkulur pendët dhe copëtuar sqepin për të jetuar edhe shumë vite të tjera, Rama pritet të lehtësojë veten nga çdo personazh që e ka rrethuar deri më tani që ka apo pritet të ketë të bëjë me SPAK duke hequr dorë nga çdo kosto për t’u fokusuar te investimet e reja, duke synuar edhe një mandat tjetër, kur përballë ka një opozitë të ndarë në tresh, ku njëra ndërton kulla, njëra ka vulën dhe tjetra merr koncensione në portin e Durrësit.

Por cilat pritet të jenë lëvizjet më të forta të Ramës në qeveri?

Delina Ibrahimaj

Koka e parë që “pritet” do të jetë Delina Ibrahimaj, e cila u shkarkuar njëherë në fakt nga Rama, por për arsye ende të paqarta vijoi punën në qeveri, të paktën edhe për disa javë. Ibrahimaj u shkarkua pas një sherri gjatë mbledhjes së kabinetit, por më pas edhe ajo edhe Rama dolën në publik dhe mohuan një lajm të tillë.

Duket se kryeministri nuk është nxituar në shkarkimin e saj duke pritur vjeshtën për t’ja përfshirë emrin në listën e ministrave të tjerë që ikin në kuadër të një riformatimi të qeverisë. Ibrahimaj në fakt nuk qenë ndonjëherë ministre më shumë se sa një investim i grupeve të fuqishme të biznesit në vend.

Olta Xhaçka

Xhaçka është një ndër bashkëudhëtaret e vjetra të Ramës, por “skifterit” tashmë i duhet një sqep dhe pendë të reja, rrjedhimisht duhet të bëjë sakrifica të mëdha, përfshi edhe largimin e njerëzve që i përkasin grupit të ngushtë të njerëzve që u futen në PS nga Mjaft-i.

Kujtojmë po ashtu se Xhaçka është e vetmja ministre investitorë strategjike, të paktën me letra, në kabinetin Rama, ndërsa afera që po e merr më qafë është koncensioni i Portit të Limionit ndaj një kompanie private, e cila tashmë është sekuestruar nga SPAK dhe po hetohet prej prokurorëve që këto ditë po trembin shumë “të fuqishëm” në Tiranë, shkruan AlbEu.com.

Deri më tani Xhaçka është paraqitur disa herë në SPAK për të dhënë llogari për një vendim që e la vendin pa një bazë detare kur ajo ishte në krye të Ministrisë së Mbrojtjes.

Frida Krifca

Pavarësisht se tashmë ajo ka nisur një fushatë agresive në rrjetet sociale me investime të fermerëve të bëra sipas saj me mbështetjen e Ministrisë së Bujqësisë duke arritur statistika të larta në Facebook, një kriter thelbësor ky për të ruajtur postin e ministrit, Krifcën nuk e kap tetori në krye të punëve.

Anulimi i fondeve IPARD nga KE dhe zbulimi se nga fondet kanë përfituar trafikantë droge apo personazhe pranë maxhorancës si edhe konfirmimi se fondet janë dhënë përmes procedurave korruptive janë një shkak i mjaftueshëm për ta hequr Krifcën nga Ministria e Bujqësisë. Kujtojmë se KE ka kërkuar paratë e IPARD mbrapsht nga Maqedonia kur u hasën shpërdorime, kurse në Bullgari dje u arrestua një kryebashkiak.

Rama ka treguar deri më tani se ministrat mund të abuzojnë me pushtetin, por mbajnë përgjegjësi pastaj nëse kapen.

Bora Muzhaqi

Nuk është kuptuar ndonjëherë se çfarë bën Bora Muzhaqi në krye të ministrisë dhe çfarë bën në fakt ministria që ajo drejton, por politikania e re do të mbahet mend në publik për gafat e shumta që ka lënë. E kush nuk i mban mend deklaratat se nuk kishte kohë të fliste kur mediat e pyesnin mbi një krim makabër ndaj një fëmijë në Fier apo se do t’u mësonte fëmijëve në klasë të parë kodimin para abetares?

Ramës nuk i duhen më fytyrat e reja dhe investimet e të tjerëve në qeveri, tashmë që rripi po shtrëngohet dhe përgjegjësinë do ta mbajë ai vetë.

Edona Bilali

Bilali ka qenë në qendër të një skandali me shpërndarjen e fondeve për START UP-et duke ia shpërndarë njerëzve pranë saj. Tashmë që situata politike ka ndryshuar në Shkodër, kurse investitori i saj politik pritet të ketë probleme me drejtësinë, Edona Bilali është një emër që nuk i duhet më Ramës në kabinet. /albeu.com

The post 5 ministrat që Rama u “ha kokën” në shtator: Arsyet për secilin appeared first on Albeu.com.

Mitsotakis ka informuar për çështjen e Fredi Belerit homologët e tij në BE, ndërsa ka bërë të qartë se është një çështje që Greqia nuk do lejojë “të kalojë në heshtje”, pasi do të vijojë reagimet derisa të ndryshojë qëndrimi i palës shqiptare.

“Kisha shansin të informojë homologët e mi për sa ndodhin sot në Shqipëri me kryebashkiakun e zgjedhur të Himarës dhe të shpreh zhgënjimin tim, revoltën time për faktin se një kryebashkiak i zgjedhur arrestohet dy ditë para zgjedhjes së tij dhe ndodhet në burg, sipas mendimit tim, me procedura të dyshimta. E konsideroj një goditje ndaj shtetit të së drejtës dhe ndaj përpjekjes së Shqipërisë për përshtatjen me bazën ligjore të BE-së. Parashikoj që kjo çështje do zgjidhet shumë shpejt”, është shprehur Mitsotakis.

Sipas tij, zgjidhja e çështjes do të përbëjë element i vlerësimit grek për integrimin europian të Shqipërisë që siç tha parashikohet të jetë një udhëtim i gjatë.

“Pajtueshmëria me rregullat bazë të shtetit të së drejtës përbën kusht të panegociuedjëm për çdo vend që dëshiron të bëhet anëtar i familjes europiane. Dua të besoj se ky mesazh është bërë plotësisht i qartë në Shqipëri”, është shprehur Mitsotakis. Ai paralajmëron se Greqia nuk do ta lërë të kalojë pa reagime, vetëm pak ditë pas triumfit historik në raundin e dytë të zgjedhjeve parlamentare të Greqisë.

The post “Nuk do ta lejoj të kalojë në heshtje”, kryeministri grek flet për Fredi Belerin në Bruksel, mesazhi për qeverinë shqiptare appeared first on Albeu.com.

Aktivitetit do të nisin rreth orës 10:30 me ceremoninë e mirëseardhjes dhe prezantimin e dy delegacioneve. Më pas do të nisë mbledhja e përbashkët dhe në orën 13:00 pritet nënshkrimi i Deklaratës së Përbashkët dhe Marrëveshjes Bilaterale për ndërtimin e urës në lumin Buna.

Kjo është mbledhja e dytë që zhvillohet mes qeverive të dy vendeve ndërsa në takimin e dy kryeministrave në Ohër vitin e kaluar, u diskutua për projektin e ndërtimit të përbashkët të urës mbi Bunë.

Deklaratat dhe marrëveshjet që pritet të nënshkruhen nesër:

-Deklaratë e Përbashkët midis Kryeministrit të Republikës së Shqipërisë Edi Rama dhe Kryeministrit të Malit të Zi Dritan Abazovic, në kuadër të mbledhjes së dytë të përbashkët midis qeverive Republikës së Shqiperisë dhe Malit të Zi

-Marrëveshje bilaterale midis Republikës së Shqipërisë dhe Malit të Zi mbi ndertimin e urës në lumin e Bunës. (Kryeministri Edi Rama dhe Kryeministri i Malit të Zi Dritan Abazovic)

-Marrëveshje midis Republikës së Shqipërisë dhe Malit të Zi për hapjen e pikës së përbashkët kufitare Shën Nikollë – Pulaj, në territorin Republikes së Shqipërisë ((Kryeministri Edi Rama dhe Kryeministri i Malit të Zi Dritan Abazovic)

-Memorandum Mirëkuptimi për bashkëpunimin në fushën e Energjisë midis Ministrisë së Infrastrukturës dhe Energjisë së Republikës së Shqipërisë dhe Ministrisë së Investimeve Kapitale të Malit të Zi (Ministrja e infrastrukturës dhe Energjisë Belinda Balluku dhe Zv/kryeministri dhe Ministri i investimeve kapitale Ervin Ibrahimovic)

-Marrëveshje bashkëpunimi në fushat e mirëmbajtes dhe menaxhimit të përbashkët të peshkimit në liqenin e Shkodrës dhe lumin e Bunës, midis Ministrisë së Bujqësisë dhe Zhvillimit Rural të Republikës së Shqipërisë dhe Ministrisë së Bujqësisë, Pylltarisë dhe Ujësjellësit të Malit të Zi.

(Ministrja e Bujqësisë dhe Zhvillimit Rural Frida Krifca dhe Zv/kryeministri dhe Ministri i bujqësisë, pylltarisë dhe ujësjellsit Vlladimir Jokovic)

-Marrëveshje bashkëpunimi në fushën e mbrojtjës së shëndetit të bimëve, midis Ministrisë së Bujqësisë dhe Zhvillimit Rural të Republikës së Shqipërisë dhe Ministrisë së Bujqësisë, Pylltarisë dhe Ujësjellësit të Malit të Zi. (Ministrja e Bujqësisë dhe Zhvillimit rural Frida Krifca dhe Zv/kryeministri dhe Ministri i bujqësisë, pylltarisë dhe ujësjellsit Vlladimir Jokovic)

-Marrëveshje bashkëpunimi në fushën e mbrojtjes sociale midis Republikës së Shqipërisë dhe Malit të Zi (Ministrja e Shëndetsisë dhe Mbrojtjes Sociale Ogerta Manastirliu dhe Ministri i Punës dhe Mirëqenies Shoqërore Admir Adrović)

-Memorandum bashkëpunimi midis Ministrisë së Arsimit dhe Sportit, Ministrisë së Rinisë dhe Fëmijeve të Republikës së Shqipërisë dhe Ministrisë së Sportit dhe të Rinisë së Malit të Zi (Ministrja e Arsimit dhe Sportit Evis Kushi, Ministrja për Rininë dhe Fëmijet Bora Muzhaqi dhe Ministri i Sportit dhe Rinisë Vasilije Llalloshevic.)

-Programi i bashkëpunimit kulturor midis Ministrisë së Kulturës së Republikës së Shqipërisë dhe Ministrisë së Kulturës dhe Medias së Malit të Zi për periudhën 2023-2025 (Ministrja e Kulturës Elva Margariti dhe Ministri i kulturës dhe Medias së Malit të Zi Masha Vllahovic)

-Memorandum mirëkuptimi dhe bashkëpunimi midis Ministrisë së Mbrojtjes së Republikës së Shqipërisë dhe Ministrisë së Mbrojtjes së Malit të Zi (Ministri i mbrojtjes Niko Peleshi dhe Drejtuesi i Ministrisë së Mbrojtjes Filip Axhic)

-Memorandum bashkëpunimi midis Ministrisë së Shëndetësisë dhe Mbrojtjes Sociale të Republikës së Shqipërisë dhe Ministrisë së Shëndetit të Malit të Zi (Ministrja e Shëndetësisë dhe Mbrojtjes Sociale Orgeta Manastirliu dhe Ministri i Shëndetit Dragosllav Shqekic)

The post Nesër mbledhje mes dy qeverive Shqipëri-Mali Zi, agjenda dhe marrëveshjet që do të firmosen appeared first on Albeu.com.

Xhaferaj tha se përgjigja një muaj më vonë me justifikimin se ishit me pushime tregon fytyrën e vërtetë të qeverisë shqiptare në raport me Kosovën, në një kohë kur situata në veri ishte e përshkallëzuar dhe Vuçiç kërcënonte me luftë.

“Kërkesa është bërë që në datën 19 dhjetor, duke pasur parasysh përshkallëzimin që kishte situata në veri të Kosovës në atë kohë, është e parecendentë dhe e papranueshme që qeveria i përgjigjet sot kërkesës së opozitës, thuajse një muaj më vonë.

Është e një nëpërkëmbje e qeverisë në raport me Kuvendin. Në këtë kërkesë, kam kërkuar që në komision të ftohen edhe deputetë të Kosovës, të komisoneve përkatëse të sigurisë. Nuk kishte asgjë të keqe që ata të vinin.

Thjesht injorimi i kërkesës tonë për t’i ftuar tregon fytyrën e vërtetë të bashkëpunimit të qeverisë tonë me Kosovën. Një fytyrë që vrapon që të bëjë fotografi, dhe kur ata ishin në situatën më të vështirë dhe ne kërkuam këtu që deputetët më respektivë të vinin të dëgjonin nga këto komisione se kush është politika jonë e jashtme, kush është politika jonë e mbrojtjes dhe e sigurisë, ata nuk ftohen të marrin pjesë. Nuk gjej asnjë arsye për neglizhimin e kësaj kërkese. Dhe njëkohësisht vonesa.

Dëgjoj në mënyrë joinformale që kemi qenë me pushime. Ndërsa Aleksandër Vucic deklaronte me 19 dhjetor se unë kam kaluar gjithë natën me ministrin e brendshëm dhe shefin e shtabit të përgjithshëm, qeveria e shtetit amë thotë se ne kemi qenë me pushime.

Normalisht, ne kemi kërkuar këtë seancë dëgjimore për të dëgjuar kush janë politikat e jashtme dhe ato të mbrojtjes e sigurisë, është ftuar dhe ministrja e jashtme po më thanë se ajo vazhdon me arrogancën e mosprezencës në komision. Do t’i shkruajmë dhe delegacioneve të BE, sepse që në shtator kemi një kërkesë që ministri i Brendshëm të vijë në komision dhe nuk ka ardhur. Pra anashkalimin e mbikëqyrjes parlamentare, një zë shumë i rëndësishëm i kriterit politik. Vucic gjatë 2021-2022, Vucic e ka kërcënuar 4 herë Kosovën me luftë dhe ne duam të dimë ku qëndron qeveria jonë”, tha Xhaferaj./albeu.com

The post “Vuçiç kërcënonte me luftë, ju ishit me pushime”, Xhaferaj i ashpër me qeverinë: Injorimi i kërkesës tonë për Kosovën tregoi fytyrën tuaj të vërtetë appeared first on Albeu.com.

Një organizatë bamirëse për refugjatët ka goditur qeverinë britanike për tragjedinë sot, duke thënë se ajo ishte edhe “e parashikueshme” dhe “e pashmangshme”. Tim Naor Hilton, shefi ekzekutiv i Aksionit për Refugjatët, tha se vdekjet në Kanalin Anglez ishin “zemërthyese” dhe do të ishin “ritraumatizuese” për refugjatët e tjerë.

“Të jemi të qartë, tragjedia e sotme dhe ajo e ditëve të mëparshme janë të parashikueshme dhe të pashmangshme dhe të shkaktuara nga politikat armiqësore të qeverisë – të tilla si ato të shpallura dje nga kryeministri, të cilat janë krijuar për të mbajtur njerëzit jashtë dhe jo për të mbajtur njerëzit të sigurt”, tha ai.
Hilton tha se ministrat kishin “injoruar” një raport të Zyrës së Brendshme që sugjeronte se politikat parandaluese ishin joefektive.

“Që atëherë, dhjetëra njerëz kanë vdekur në brigjet jugore, megjithatë qeveria ka dyfishuar skemat e shtrenjta dhe të kota për t’u ngurtësuar që vetëm i bëjnë më të mundshme vdekjet në Kanal,” tha ai, duke bërë thirrje që qeveria britanike të krijojë rrugë më të sigurta për emigrantët.

The post Mbytja e gomones në Kanalin Anglez, organizata për refugjatët: Politikat e qeverisë po shkaktojnë viktima appeared first on Albeu.com.

Rama u shpreh se marrëdhëniet nuk përcaktohen nga kahet politike, duke sjellë në vëmendje raportet që ish-kryeministri Silvio Berlusconi, i qendrës së djathtë, kishte me Fatos Nanon.

Komentet Rama i bëri në një intervistë për median italiane SkyTg24.

Rama: Nuk varet nga kahja politike. Unë mendoj për Berluskonin që është përfaqësuesi i së djathtës. Berluskoni ka pasur një marrëdhënie shumë të mirë me Fatos Nanon. Ka pasur periudha kur në Itali kanë qenë qeveri të djathta ndërsa në Shqipëri kanë qenë të majta. Kemi lidhje të hershme historike, nuk ka ndarje kahesh politike. Çdo gjë që shihni në Tiranë si monument kulture, janë bërë nga arkitektët italianë. Nuk ka receta për të djathtën dhe të majtën.

Ndër të tjera, Rama foli edhe për raportin e Shqipërisë me Rusinë, pas luftës në Ukrainë. Ai shprehet se Shqipëria nuk ka asnjë marrëdhënie të veçantë me Rusinë, pasi sipas Ramës, ata kanë bërë disa gjëra që kanë ndikuar tek vendi ynë.

Rama: Nuk do ketë forcë që do të na kthejë në të shkuarën. Demokracia është element që mbrohet më shumë se çdo vend tjetër. Ne nuk kemi raporte të veçanta me Rusinë sepse ka bërë disa gjëra që në njëfarë mënyre kanë ndikuar tek ne. Na ka bërë që të jemi vendi më pro amerikan. Sepse 50 vjet kemi qenë të bombarduar nga mëngjesi në darkë. Mos mendoni kurrë që t’i afroheni Amerikës se është e keqja më e madhe. SHBA tashmë është kthyer në mollën e Adamit. Kaluam nga vendi anti-amerikan në vendin më pro amerikan në botë. Është arsyeja pse ne nnuk kemi asnjë lidhje dhe asnjë raport me Rusinë.

Sepse e kemi patur në Bulevard deri në vitin 1990. Ne marrëdhëniet me Rusinë i kemi prishur në vitin 1960, kur erdhi Hrushov në Pushtet. Enver Hoxha e akuzoi atë si tradhtar. Ne e thoshim me zë të lartë këtë. Pas 1990 ne nuk kemi pasur asnjë prirje për t’u afruar me Rusinë. Nuk kemi të bëjmë me Rusinë nga asnjë lloj pikëpamje. Mund të qëndrojmë pa ta. Nuk kemi asnjë problem të vendosim asnjë sanksion ndaj tyre. Me Kinën kemi një marrëdhënie normale. Kina ka një prani të vogël. Ne me Kinën kemi pasur një martesë, kemi qenë shumë të afërt. Tashmë nuk kemi asnjë alternativë tjetër përveçse asaj të hyrjes në Europë.

The post Raporti i Shqipërisë me qeverinë e re të Italisë? Rama: Kemi lidhje të hershme historike, kujtojmë Berlusconin me Nanon (VIDEO) appeared first on Albeu.com.

Salianji është shprehur se nafta kontrabandë nga Libia nuk do të ishte kapur në Durrës nëse nuk do të kishin ndërhyrë ndërkombëtarët.

I ftuar në studion e “Radar Informativ” me Juli Xhokaxhi, Salianji theksoi se është shkelur embargoja e Këshillit të Sigurisë dhe se qeveria ende nuk ka asnjë shpjegim për atë që ka ndodhur.

Deputeti tha se qeveria po mbron pesë kompanitë që marrin naftën kontrabandë dhe shtoi se do ta ndjekin në rrugë ligjore.

“Këtë herë e ka kapur policia dhe e ka zënë halli, nuk ka ku të shkojë. Kjo është një rrugë e vazhdueshme e kontrabandës, që ne e kemi denoncuar. Duke pasur parasysh që është rritur numri i makinave, por ka rënë sasia e karburantit.

Këtu është shkelur embargoja e Këshillit të Sigurimit. Duke ardhur një anije për herë të tretë në Shqipëri. Niset një anije nga fundi i botës dhe të vijë këtu. Ka një njeri në këtë ven që kjo kontrabanda, pse policia nuk referon të thotë, një nga këto pesë kompani të importojë. Policia po i fsheh këto pesë kompani. Ne  ta ndjekim në mënyrë ligjore. Ky është një rast që Shqipëria dëmtohet rëndshëm, ndërkohë që çmimi i naftës është më i larti në botë. Nuk tha gjë sot ministri. Kryeministri nuk erdhi fare. Si ka mundësi që vjen kjo anija në Durrës dhe nuk ka asnjë shqiptar aty. Ndodhi e njëjta gjë edhe para një muaji me bananet”, tha Salianji./albeu.com/

The post “Ndërhynë ndërkombëtarët”, Salianji flet për naftën nga Libia: Qeveria po mbron 5 kompani appeared first on Albeu.com.