Tabaku tha se në kushtet në të cilat jemi qeveria ka krijuar pabarazi në të gjitha shtresat në Shqipëri.

“Debati prodhoi atë që ka prodhuar në këto 8 vite, ndoshta edhe në kuadrin e opozitës. Propozime që shkojnë në një drejtim dhe një kah. Unë kam gjykuar që diskutimi që ka nisur për taksën e qarkullimit prej vitit 2015-të ka qenë një diskutim i drejtë. Sot taksa e qarkullimit nuk shërben më për qëllimin që është propozuar. Qeveria nuk mund të vijë të bëjë diskutime populiste se me çfarë duhet t’i paguajmë ne rrogat dhe pensionet. Sot jemi në kushtet që qeveria ka dështuar si nga pikpamja e të ardhurave ashtu dhe nga shpenzimet. Mekanizmat e tregut funksionojnë shumë herë më mirë se kjo mbështetje e vogël që i ka dhënë pensionistëve.

Unë mendoj se mënyra se si kanë shkuar nga 2013-ta deri më sot nuk ka qenë e paqëllimtë, mënyra e taksimit e ka lëvizur gjithë barrën te shtresa e mesme duke taksuar më shumë punën, nuk besoj se kjo është e paqëllimtë. Nuk ka kohë tjetër dhe moment tjetër për të prerë shpenzimet për PP-të dhe koncensionet, qeveria për të ndërtuar këtë shtet të madh ka ngritur këtë sistem fiskal që bazohet tek taksimi progresiv, dhe unë dyshoj se çfarëdo që të sugjerojmë ne për qeverinë nuk mund të ndryshojmë gjë”, tha Tabaku.

The post Tabaku: Qeveria po propagandon, nuk po ndihmon shqiptarët përballë krizës appeared first on Albeu.com.