Lajmi u bë i ditur nga Ministria e Punëve të Brendshme të vendit.

“Ky është një tjetër konfirmim i bashkëpunimit të shkëlqyer mes Shteteve të Bashkuara të Amerikës dhe Malit të Zi dhe një dëshmi se ne mund të llogarisim në mbështetjen e tyre në çdo situatë”, tha ministria për vendosjen e Ekipit të Veprimit Kibernetik.

Fundjavën e kaluar, Agjencia për Sigurinë Kombëtare e Malit të Zi tha se vendi ishte “nën një luftë hibride për momentin”.

Ajo fajësoi për sulmin drejtpërdrejt Rusinë.

Ndërkohë, një grup hakerësh kubanez ka marrë përgjegjësinë, ndërsa ekspertët thanë se mund të jetë gjithashtu vepër e individëve dhe grupeve të organizuara kriminale.

Zyrtarët malazezë thanë se Rusia ka një motiv të fortë për një sulm të tillë, sepse shteti ballkanik, i konsideruar dikur një aleat i fortë rus, iu bashkua NATO-s në vitin 2017, pavarësisht kundërshtimit të fortë nga Kremlini.

Ai gjithashtu i është bashkuar sanksioneve perëndimore kundër Moskës për shkak të pushtimit të Ukrainës.

Shtetet e tjera të Evropës Lindore që konsiderohen si armiq të Rusisë kanë pësuar gjithashtu sulme kibernetike.

Por sulmi kundër infrastrukturës së Malit të Zi dukej më i qëndrueshëm dhe më i gjerë me objektiva duke përfshirë sistemet e furnizimit me ujë, shërbimet e transportit dhe shërbimet qeveritare në internet, ndër shumë të tjera.

Të hënën, zyrtarë qeveritarë thanë se një sulm nga hakerat në sistemin e informacionit të institucioneve malazeze ishte ende në vazhdim, por se sistemi nuk do të pësojë dëmtime të përhershme.

The post Sulmi kibernetik ndaj qeverisë malazeze, ekipi i FBI-së niset drejt Malit të Zi appeared first on Albeu.com.

Më 20 korrik, këto parti kanë përsëritur kërkesat e tyre për dorëheqje, gjatë fjalimit të Abazoviçit në Kuvend.

Zëvendëspresidenti i DPS-së, Jevto Erakoviç, ka thënë se ata patën mbështetur një qeveri të pakicës, ashtu që Mali i Zi të drejtohet kah Bashkimi Evropian, por ka shtuar se “kjo nuk është ajo rrugë, por një greminë”, andaj i ka bërë thirrje Abazoviçit që të japë dorëheqje.

“Nuk do të jap dorëheqje derisa të vendosë parlamenti”, i është kundërpërgjigjur Abazoviç.

Arsyeja e mosmbështetjes është vendimi i Qeverisë për të miratuar tekstin e Marrëveshjes Themelore, e cila parasheh rregullimin e marrëdhënieve në mes të Malit të Zi dhe Kishës Ortodokse Serbe me bazë në Beograd, diçka që këto parti kundërshtojnë.

Ndonëse Qeveria ka miratuar këtë dokument më 8 korrik, pas diskutimeve të Abazoviçit me presidentin e shtetit, Millo Gjukanoviç, është arritur pajtueshmëri më 19 korrik që para nënshkrimit të konsultohet opinioni i ekspertëve dhe të kontrollohet baza ligjore.

Marrëveshja ka nxitur partinë opozitare Fronti Demokratik – që mbështet nënshkrimin e marrëveshjes – të kërkojë po ashtu dorëheqjen e Abazoviçit.

Qeveria malazeze e ka miratuar Marrëveshjen Themelore vetëm dhjetë ditë pas takimit të Abazoviçit me Patriarkun Porfirije në Serbi, i cili ka theksuar se “është arritur marrëveshje e plotë me Qeverinë për tekstin e Marrëveshjes Themelore”.

Abazoviç – Qeverinë e të cilit e mbështesin partnerët perëndimorë, Bashkimi Evropian dhe Shtetet e Bashkuara të Amerikës – nuk ka marrë mbështetje të qartë nga Brukseli dhe Uashingtoni për miratimin e Marrëveshjes Themelore.

Më 11 korrik, Qendra për Edukim Qytetar ka prezantuar një sondazh të opinionit publik, i cili ka nxjerrë në pah se vetëm 11 për qind e qytetarëve kanë qenë të interesuar për nënshkrimin e Marrëveshjes Themelore me Kishën Ortodokse Serbe.

Qeveria e Dritan Abazoviçit është zgjedhur më 28 prill të këtij viti me votat e DPS-së, URA-s, SDP-së, Partisë Popullore Socialiste pro-serbe dhe partive të popujve pakicë. /REL/

The post Humbi mbështetjen e SDP-së, Abazoviç: Nuk do të jap dorëheqjen appeared first on Albeu.com.

Në Kuvend më 19 janar u dorëzua nisma për një mocion mosbesimi ndaj Qeverisë malazeze të kryeministrit, Zdravko Krivokapiq.

Për dorëzimin e kësaj nisme në procedurë parlamentare njoftoi Lëvizja Qytetare Ura e udhëhequr nga zëvendëskryeministri, Dritan Abazoviq.

Kjo nismë është nënshkruar nga anëtarët e koalicionit “E zeza mbi të bardhë”, Lëvizja Ura dhe Lidhja e Qytetarëve CIVIS, që janë pjesë e koalicionit aktual qeverisës si dhe partitë opozitare Partia Socialdemokrate, Socialdemokratët, Partia Boshnjake, Lista Shqiptare, Koalicioni Shqiptar dhe një pjesë e Partisë Demokratike të Socialistëve të presidentit të Malit të Zi, Millo Gjukanoviq.

“Kjo nismë do të tregojë nëse Qeveria aktuale e ka mbështetjen e shumicës së deputetëve, por edhe për modelin e propozuar për krijimin e një qeverie të pakicës”, tha Ura.

Më 17 janar, Lëvizja Ura dhe Lidhja Qytetare CIVIS propozuan formimin e një qeverie të pakicës si model për tejkalimin e krizës politike disamujore.

Ata janë pjesë e koalicionit qeverisës së bashku me partinë pro-serbe, Fronti Demokratik dhe Demokratët, me të cilët fituan 41 nga 81 vendet në zgjedhjet e gushtit të vitit 2020.

Inicimi i mocionit për mosbesim ndaj Qeverisë vjen pas njoftimit të Partisë Demokratike të Socialistëve (DPS) të Gjukanoviqit se do të mbështesë çdo nismë që do të çojë në largimin e Qeverisë aktuale të Malit të Zi. Ura dhe CIVIS megjithatë kanë thënë se partia e Gjukanoviqi nuk do të kishte vend në një qeveri të pakicës.

Kryeministri i Malit të Zi, Zdravko Krivokapiq kundërshtoi ashpër paralajmërimin për formimin e një qeverie të pakicës, duke e cilësuar si “mashtrim” këtë nismë.

Ndërkaq, i dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, ka deklaruar për mediumin malazias, Vijesti më 19 janar se Shtetet e Bashkuara do të punojnë me çdo qeveri që do të formohet në mënyrë demokratike, për të mbështetur rrugën e këtij shteti në integrimet euro-atlantike.

Për të iniciuar shkarkimin e Qeverisë në Kuvend nevojiten 27 vota, ndërsa për largimin e saj duhet një shumicë prej 41 deputetësh.

Me mbështetjen e DPS-së, e cila ka 30 deputetë në Parlamentin malazez, Lëvizja Ura siguron numrin e mjaftueshëm të votave për një mocion mosbesimi ndaj Qeverisë së kryeministrit Zdravko Krivokapiq.

Qeveria e Krivokapiqit, e cila ka një votë më shumë se sa duhet në Parlament, ka humbur mbështetjen e shumicës qeverisëse, kryesisht të partisë pro-serbe, Frontit Demokratik (DF).

Megjithatë, Fronti Demokratik nuk ka nisur asnjëherë një nismë formale për të shkarkuar Qeverinë, e cila nuk ka pasur mbështetjen e kësaj partie që nga mesi i vitit të kaluar.

Ndër të tjera, DF-ja nuk është pajtuar me miratimin e Rezolutës për Srebrenicën në Parlamentin e Malit të Zi, si dhe me shkarkimin e ministrit Vlladimir Lleposaviq për shkak të mohimit të gjenocidit në Srebrenicë.

Qeveria e Zdravko Krivokapiqit u zgjodh më 4 dhjetor 2020 me votat e Frontit Demokratik, Demokratëve dhe Lëvizjes Qytetare Ura si qeveria e ekspertëve, kurse i vetëm politikan në të është kreu i Lëvizjes Ura, Dritan Abazoviq, që mban postin e zëvendëskryeministrit.

The post Shqiptari Abazoviç drejt kryeministrisë, dorëzohet mocioni për rrëzimin e Qeverisë së Krivokapiqit në Mal të Zi appeared first on Albeu.com.

Abazoviç ka deklaruar sot se qëndrimet e këtij fraksioni politik janë të thjeshta.

Sipas tij, Fronti Demokratik (DF) i ka akuzuar gjatë gjithë kohës se nuk janë pro riorganizimit të Qeverisë dhe “tani kanë ardhur në atë që thamë”.

Ai tha se do të ishte mirë që sa më shpejt të gjendet një zgjidhje, sepse duhet të miratohen ligje shumë të rëndësishme.

“Unë e respektoj qëndrimin e DF se ne jemi këtu nëse duhet të ulemi për të rënë dakord. Dhe ata erdhën në atë që thamë. Qëndrimi ynë ishte i qartë më parë. Do të ishte mirë të gjejmë një zgjidhje për të mos humbur kohë. Unë e mbështes. Për ta zgjedhur një qeveri të re, dikush duhet ta rrëzojë atë ekzistuese, nuk e di nëse kolegët e mi janë të gatshëm të shkojnë për të”, tha Abazovic.

Duke komentuar seancën e Komisionit për Siguri dhe Mbrojtje, ai tha se nuk ka shumë risi për çështjen e Cetinjes. “Ne presim që prokuroria ta bëjë punën e saj”, tha ai./albeu.com/

The post Dritan Abazoviç flet hapur: Mali i Zi drejt një qeverie të re appeared first on Albeu.com.

Në të njëjtën kohë, ai e përjashtoi mundësinë e partneritetit të DPS-së me Frontin Demokratik. “Unë ende njoh disa kapacitete demokratike midis Demokratëve dhe URA-s”, tha Gjukanoviq.

Ai beson se është e mundur të arrihet një koalicion më i gjerë dhe mendon se do të ishte i dobishëm për Malin e Zi. “Na duhet të na jepet një shans dhe mendoj se do ta institucionalizojmë atë shumë shpejt”, tha Gjukanoviq.

Ai përsëriti se qeveria aktuale u formua nën kujdesin e një komuniteti fetar – Kishës Ortodokse Serbe dhe e quajti periudhën pas 30 gushtit të vitit të kaluar, kur DPS-ja e tij humbi pushtetin pas 30 vjetësh, “fillimi i sezonit të ngrënies”.

Gjithçka që ka të bëjë me DPS-në po hahet. Sulmet janë një arsye shqetësimi dhe një arsye për një reagim që nuk është gjithmonë institucional”, tha Gjukanoviq mbrëmë në një intervistë në Televizionin Publik Malazez, TVCG.

Ai deklaroi se rezultatet e zgjedhjeve parlamentare nuk janë e drejta për ta përmbysur shtetin.

“Nëse dikush guxon në qëllimin e tij të çmendur t’i interpretojë rezultatet e zgjedhjeve parlamentare si e drejtë për ta përmbysur shtetin, unë me të vërtetë mendoj se nuk ka asnjë lidhje me politikën. Çfarë mendoni, nëse dikush sulmon shtëpinë tuaj, ju duhet të mblidhni një këshill familjar për të biseduar ndërsa dikush po ua shkatërron shtëpinë? Jo. Ju duhet ta mbroni shtëpinë”, tha Gjukanoviq./Express/

The post Presidenti malazez “i shtrin dorën” shqiptarit Abazoviç: Eja të formojmë qeverinë e re appeared first on Albeu.com.

Mosmarrëveshjet mbi mënyrën si u trajtuan protestat e dhunshme fundjavën e kaluar kanë zgjeruar përçarjet në koalicionin e brishtë qeverisës të Malit të Zi.

Abazoviç tha se protestat u shtypën me brutalitet dhe kjo sjellje nuk i shërben demokracisë në vend.

Fjala e plotë e tij:

Zv.kryeministri malazez Dritan Abazoviç kërcënoi se do të rrëzonte qeverinë e koalicionit, nëse ministri i Brendshëm Sergej Sekuloviç dhe shefi i policisë Zoran Brdjanin shkarkohen, siç kanë kërkuar partnerët e tij në qeveri.

Me katër vende në parlament, koalicioni i Abazoviçit, “E zeza në të bardhë”, është anëtari më i vogël i koalicionit qeverisës prej 41 anëtarësh, i cili ka një shumicë prej vetëm një anëtari në parlamentin e përbërë nga 81 vende.

“I kam thënë kryeministrit dhe kolegëve të mi në qeveri disa herë që ata po e teprojnë. Ka mundësi të mos kemi një ministër të ri të brendshëm, por do të kemi një kryeministër të ri. Unë do të rrëzoj qeverinë”, tha Abazoviç për televizionin lokal Vijesti. “Nuk do ta mbështes më qeverinë, nëse nëse mendoj se ata po bëjnë diçka që është e padrejtë”, shtoi ai.

Kriza e fundit politike në kampin e shumicës qeverisëse erdhi pas protestave të dhunshme në Cetinje, kryeqytetin e vjetër mbretëror të Malit të Zi, të dielën e kaluar, pasi përkrahësit e opozitës dhe grupet e vetëshpallura patriotike u përleshën me policinë, duke u përpjekur të ndalonin emërimin e një serbi të ri në krye të mitropolitit të Kishës Ortodokse.

Ndërsa policia përdori gaz lotsjellës për të shpërndarë protestuesit dhe për të hequr barrikadat që ishin ngritur pranë Cetinjes, Patriarku Ortodoks serb Porfirije dhe Mitropoliti i ri, Joanikije, u desh të transportoheshin në Cetinje me helikopterë të ushtrisë.

Protestuesit pretenduan se vendi i inaugurimit në Cetinje ishte një fyerje për luftën e Malit të Zi për sovranitetin dhe pavarësinë nga Serbia, me të cilën ai u bashkua nga fundi i Luftës së Parë Botërore deri në 2006.

Abazoviç e bëri kërcënimin e tij pasi kryeministri Zdravko Krivokapiç akuzoi ministrin e brendshëm dhe shefin e policisë për hezitim për të shpërndarë protestat kundër emërimit të mitropolitit të ri serb.

Më 7 shtator, Krivokapiç njoftoi një hetim të brendshëm në polici, duke paralajmëruar se “askush nuk do të kursehet, pavarësisht se çfarë pozicioni kanë apo se cila parti politike e mbron atë”.

“Nëse dikush mendon se policia malazeze duhet të menaxhohet në një mënyrë që ne të mund të kemi përfitime politike, kjo nuk do të ndodhë në kurrizin tim,” u përgjigj Abazoviç.

Por dy blloqet e tjera në qeveri kanë kërkuar një hetim, duke akuzuar ministrin e brendshëm dhe kreun e policisë se kanë refuzuar të zbatonin vendimet e qeverisë për protestën në Cetinje.

Partneri më i madh në qeverinë e koalicionit, Fronti Demokratik pro-serb, i bëri thirrje kryeministrit të shkarkojë Sekuloviçin dhe Brdjanin.

Një tjetër parti partnere, Mali i Zi Demokratik, e sfidoi Abazoviçin të rrëzonte kryeministrin, nëse guxonte. “Forca! Rrëzojeni qeverinë, nëse keni guxim. Sigurisht që nuk keni guxim dhe kërcënimet tuaja janë thjesht një blof, si shumë herë më parë”, tha ajo në një deklaratë për shtyp të premten.

Koalicioni i lëkundur i Malit të Zi u përball me telashe më parë kur Fronti Demokratik e akuzoi Krivokapiçin për bashkëpunim të dobët me partitë në pushtet gjatë emërimit të zyrtarëve të policisë dhe propozimeve të ligjeve.

Qeveria u formua më 4 dhjetor të vitit të kaluar, pasi tre blloqe, Për të ardhmen e Malit të Zi, Paqja është kombi ynë dhe E zeza në të bardhë, fituan një shumicë të ngushtë në parlament në zgjedhjet vendimtare në gusht që i dhanë fund sundimit prej tri dekadash të Partisë Demokratike të Socialistëve./albeu.com

The post Kajosevic: Dritan Abazoviç mund të rrëzojë qeverinë pro-serbe në Mal të Zi appeared first on Albeu.com.