Sipas mediave italiane një pjesëmarrje prej më shumë se 55% nuk ishte imagjinuar. Votimet u rihapën në orën 7:00 të mëngjesit të së hënës, ndërsa edhe kryeministrja italiane Giorgia Meloni mori pjesë në procesin e votimit.

Deri më tani, nga sonadazhet e bërë referendumi duket për “Jo”. Sipas tyre, “Jo” janë shprehur 53,9%, dhe “Po” janë shpreur 46,1% e qytetarëve, teksa pjesëmarrja ka qenë rekord në masën 58%.

Italianët u thirrën të votojnë për tre ndryshime të mëdha në sistemin gjyqësor: nëse reforma miratohet me votën Po, do të futet ndarja e karrierës midis prokurorëve dhe gjyqtarëve, do të ndahet Këshilli i Lartë i Gjyqësorit, organi vetëqeverisës i magjistratëve dhe do të krijohet një Gjykatë e Lartë Disiplinore i cili do të merret me procedurat disiplinore kundër vetë magjistratëve.

Reforma parashikon gjithashtu që anëtarët e CSM-së, dy të tretat e magjistraturës dhe një e treta juristët, nuk zgjidhen më siç ndodh tani çdo katër vjet, por emërohen me short.

The post Referendumi për reformën në drejtësi/ Rezultatet e para të sondazheve ‘rrëzojnë’ Melonin appeared first on Albeu.com.

Sipas kryeministres italiane, masat kryesore përfshijnë pagesën nga shteti të pagave të punëtorëve që do të pezullohen për një periudhë nëntëdhjetë ditë. Për këtë qëllim u ndanë 580 milionë euro. Njëkohësisht deri në gusht do të ngrihet pagesa e taksave nga banorët e qarkut. Më shumë se njëzet milionë euro janë gjithashtu në dispozicion për riparimin e dëmeve në shkolla dhe dyqind milionë të tjera për fondin e fatkeqësive natyrore.

Ndër të tjera, mbështetje e posaçme është miratuar nga ministritë e Turizmit dhe Sporteve, ndërsa çmimi i biletës për të gjithë muzetë italianë pritet të rritet përkohësisht me një euro, me qëllim për të shpëtuar punimet e artit dhe trashëgimisë kulturore të Emilia Romagna.

“Planifikohet ndihma e re për invalidët. Të gjithë ministrat bashkëpunuan, qeveria jonë bëri gjithçka që ishte e mundur”, tha Georgia Meloni.

Ajo shtoi se pastaj do të ketë një fazë të dytë, me fonde të reja për rindërtimin.

The post Qeveria italiane miraton fondin, 2 miliardë euro për zonat e prekura nga përmbytjet appeared first on Albeu.com.

Krimi i ri i “tubimeve të rrezikshme” prej më shumë se 50 personave, mund të ndëshkohet me deri në gjashtë vjet burgim dhe hap rrugën për përgjim të organizatorëve.

Të hënën, më shumë se 1.000 personave u është thënë që të largohen nga një festë e madhe në Modena. “Festës i ka ardhur fundi!” ka deklaruar ministri i të djathtës ekstreme, Matteo Salvini.

Banorët janë ankuar për 48 orë të muzikës me zë të lartë në një festë për Natën e Shtrigave (Halloween), e cila ka tërhequr shumë të rinj nga qytetet italiane, por edhe nga Belgjika dhe Franca. Pjesëmarrësit kanë planifikuar që të festojnë deri të martën, mirëpo pas urdhrit të autoriteteve ata janë larguar.

Kryeministrja Meloni ka argumentuar se ligji i ri synon të mbrojë njerëzit nga dëmet eventuale dhe nuk përbën ndryshim nga pjesa tjetër e Evropës.

Sipas saj, një vendim i tillë tregon se shteti i Italisë nuk është më i dobët në respektim të rregullave.

Qeveria e kaluar veçse pati nisur punën për ndryshim të ligjit, pas organizimit të një feste të madhe më 2021, e cila ka përfunduar me dy persona të vdekur.

Kritikët kanë pyetur se pse Qeveria ka shënjestruar festat e organizuara nga të rinjtë, dhe ka injoruar një marsh fashist në fundjavë të mbi 2.000 mbështetësve të ish-diktatorit italian, Benito Mussolini.

Në këtë organizim janë kënduar himne fashiste, është kujtuar marshi i Mussolinit në Romë dhe nisja e regjimit fashist 100 vjet më parë.

Ministri i Brendshëm italian, Matteo Piantedosi, ka argumentuar se dy ngjarjet kanë qenë “krejtësisht të ndryshme” dhe që marshi i Mussolinit nuk ka prishur rendin publik dhe është mbajtur me vite. Në anën tjetër, sipas tij, festimet me zë të lartë të muzikës, kanë shkaktuar shqetësim në Modena./REL

The post Qeveria italiane nis me “urdhrat”, pritet të ndalohen me ligj festimet e mëdha appeared first on Albeu.com.

Fratteli d’Italia, një parti nacionale konservatore me rrënjë neofashiste doli si partia më e madhe e Italisë në zgjedhjet e përgjithshme të parakohshme të mbajtura më 25 shtator. Është forca më e madhe në një koalicion të krahut të djathtë që përfshin lëvizjen e Ligës Veriore të Salvinit dhe Forza Italia të Berlusconit. Në një postim në Twitter të enjten, Meloni shprehu angazhimin e saj të palëkundur për të udhëhequr një qeveri të re të unifikuar.

“Ne jemi të gatshëm t’i ofrojmë Italisë një qeveri që mund të trajtojë me kompetencë dhe me vetëdije sfidat dhe emergjencat tona të sotme,” tha ajo.

Entuziazmi i saj u nda nga anëtarët e tjerë të koalicionit të saj, me Salvinin që deklaroi se “ekipi është gati” dhe Berlusconi deklaroi se partia e tij, Forza Italia, do të jepte një “kontribut vendimtar” në krijimin e qeverisë së re.

The post Qeveria italiane drejt krijimit, Meloni me Berlusconin e Salivinin takohen me Presidentin, në fundjavë bëhet betimi appeared first on Albeu.com.

“E dini se mund të llogarisni në mbështetjen tonë besnike në kauzën për lirinë e popullit ukrainas. Qëndroni të fortë dhe kini besim”, shkroi Meloni në një postim në Twitter.

Ajo iu përgjigj mesazhit urues të dërguar nga Zelensky, pasi partia e Melonit, Vëllezërit e Italisë, fitoi zgjedhjet e përgjithshme të së dielës.

“Ne vlerësojmë mbështetjen e vazhdueshme të Italisë për Ukrainën në luftën kundër agresionit rus. Ne llogarisim në partneritetin produktiv me Qeverinë italiane”, shkroi Zelensky në Twitter.

Kryeministri në largim i Italisë, Mario Draghi, ka qenë një prej mbështetësve më të fuqishëm të sanksioneve të Bashkimit Evropian kundër Rusisë, për shkak të luftës në Ukrainë, pavarësisht se Italia ka varësi të madhe ndaj gazit rus. Roma po ashtu ka dërguar armë për t’i ndihmuar Kievit që të luftojë forcat e presidentit rus, Vladimir Putin.

Meloni është euroskeptike, por ka mbështetur qëndrimin e Draghit sa i përket Ukrainës – edhe pse aleatët e saj në koalicionin zgjedhor, lideri i partisë Liga, Matteo Salvini, dhe ish-kryeministri Silvio Berlusconi, kanë raporte të mira me Moskën. Meloni pritet të bëhet kryeministrja e parë grua e Italisë dhe pritet të udhëheqë një qeveri djathtiste, me prirjet më ekstreme që nga koha e Luftës së Dytë Botërore./REL

The post Meloni i dërgon mesazh Zelenskyyt: Ukraina mund të llogarisë ndihmën e Italisë appeared first on Albeu.com.

Lufta në Ukrainë vazhdon si më parë, ndoshta edhe më e ashpër, por mediatikisht ka ‘dalë nga moda’! Sidoqoftë, megjithëse jetojmë (ende) në paqe, efektet e saj i ndjejmë çdo ditë. Haraçet e kësaj lufte për ripozicionim global gjeo-politik por edhe ekonomiko-financiar, po i paguajnë qytetarët e gjithë Botës, nëpërmjet rritjes së çmimeve të komoditeteve bazë të jetës.

Edhe shtetet e pasura, sidomos ato evropiane, ato që kanë pasur lidhje të forta ekonomike me Rusinë, po përpiqen të menaxhojnë një krizë akoma më të fortë se ajo e Covid-19. Për fatin e madh të Italisë dhe Evropës, në timonin e qeverisë ndodhet Mario Draghi, i cili i sulmuar politikisht nga forca e dështuar populiste ‘pesë yjet’, me kryetar Giuseppe Conte, humbi mbështetjen numerike dhe paraqiti dorëheqjen.

Për fat, Italia ka një superpresident si Matarella i cili nuk e pranoi këtë dorëheqje. Sidoqoftë, Italia ndodhet në një situatë politike kritike. Nëse bie mbështetja për qeveri të kryesuara nga Draghi, në kushtet kur Gjermania dhe Franca kanë nga një thes me problemet e tyre, pasojat mund të jenë dramatike për euron dhe eurozonën. Si rrjedhojë edhe për ne këtu, që varemi kryekëput nga çfarë ndodh rreth nesh.

Debatet me sharje në parlamentin tonë janë thjesht folklor për eglendisje. Këtu tek ne i ka marrë ‘m*ti shalët’ me kohë; nëse Evropa futet në krizë të thellë, duhet të përgatitemi për ditë shumë më të vështira.

Sot, ‘butoni nevralgjik’ i Evropës, është Italia. Le të shpresojmë për më të mirën!

The post Sytë dhe veshët nga Italia! appeared first on Albeu.com.

Votimi i së enjtes në Senat është thirrur për të marrë miratimin e një pakete prej 23 miliardë eurosh në ndihmë ekonomike për familjet dhe bizneset në vështirësi. Javët e fundit, 5-Yjet kanë shprehur mospajtimin e tyre të fortë për disa nga masat, duke kërcënuar se do të tërhiqnin mbështetjen e tyre nga koalicioni Draghi nëse kërkesat e tyre nuk dëgjoheshin, raporton The Guardian.

Pas një sërë takimesh të gjata me ligjvënësit e partisë të mërkurën, kreu i 5-Yjeve Giuseppe Conte tha se përgjigjet e dhëna nga qeveria nuk ishin të mjaftueshme për të siguruar pjesëmarrjen e tyre në votëbesimin. Qeveria ka të ngjarë t’i mbijetojë testit të besimit edhe pa votat e 5-Yjeve, por një krizë politike do të ishte e pashmangshme.

Draghi tashmë e ka bërë të qartë se nuk do të drejtojë një qeveri tjetër pa mbështetjen e Lëvizjes 5-Yje. Të mërkurën, komente të ngjashme erdhën nga drejtuesit e dy partnerëve të tjerë kryesorë të koalicionit nga Partia Demokratike e qendrës së majtë dhe partia e krahut të djathtë Liga, të cilët sugjeruan zgjedhjet e parakohshme si zgjidhja e vetme nëse Lëvizja 5-Yje tërhiqet.

Megjithatë, dritarja e parë e mundshme për të mbajtur zgjedhje kombëtare do të ishte në vjeshtë, kur qeveria do të ishte e zënë me hartimin e ligjit të buxhetit në një mjedis veçanërisht të vështirë ekonomik. Hapi tjetër pas daljes së 5 Yjeve nga koalicioni do të ishte që Draghi të fliste me presidentin Sergio Mattarella, i cili mund t’i kërkojë atij të thërrasë një tjetër votëbesim në parlament për të testuar mbijetesën e shumicës së qeverisë.

The post Qeveria Italiane drejt kolapsit appeared first on Albeu.com.

Në raportin e publikuar në mediat italiane, thuhet se kriminelët shqiptarë të cilët eksradohen për nëShqipëri, futen në burgjet e Tiranës dhe Vlorës, më pas lirohen pas pak kohësh duke qenë se paguajnë shuma të majme parash.

Në vitet e mëparshme kriminelët shqiptarë ishin mjaft të njohur për të kryer punët që u ofronin bosët italiane apo të drejtonin banda të vogla, por sot rolet e tyre kanë ndryshuar. Sot bosët shqiptarë luajnë në mënyrë të barabartë me narkotrafikantët dhe kartelet e Amerikës së Jugut.

Ata kanë fituar pushtet duke e ditur se të dominojnë tregun e trafikimit të drogës. Nga në Argjentinë, nga Bolivia në Kili, është krijuar një rrugë e fuqishme e trafikimit të kokainës ku në shumicën prej tyre vepron mafia shqiptare.

Emra të tillë të botës së krimit që janë ekstraduar për në Shqipëri si Mateo Gjepalit, Julian Mandijes, Kristo Mahmutajt apo Arbër Kojkos, tregojnë se në cilat ujëra lundrojnë bandat shqiptare të trafikut të drogës. Goditja ndaj tyre ka një meritë të vetë qeverisë italiane dhe asaj shqiptare./albeu.com

The post Qeveria italiane publikon raportin: Shqiptarët paguajnë dhe dalin nga burgjet kur të duan appeared first on Albeu.com.

Qeveria nuk bën përjashtime dhe ka vendosur se çdo sportist duhet të ketë Green Pass-in për të marrë pjesë në profesionin e tyre.

Nuk do të ketë asnjë përjashtim njësoj si pjesa tjetër e popullsisë në palestra, pishina etj. Kjo metodë do të zbatohet si fillim në Seria A e më pas deri te futbolli amator./ h.ll/albeu.com

The post Vaksinim i detyruar për të gjithë sportistët appeared first on Albeu.com.