Ky akt formal vjen pas miratimit të ndryshimeve në përbërjen e Këshillit të Ministrave, gjatë një seance parlamentare të mbajtur ditën e djeshme, e cila u karakterizua nga tensione dhe përplasje me opozitën.

Pas dekretimit nga Presidenti i Republikës, ministrat e rinj pritet të nisin menjëherë ushtrimin e detyrës në postet e reja.

Ndryshimet në kabinet u propozuan nga Kryeministri Rama dhe u votuan në Kuvend mes polemikash politike dhe protestash verbale nga opozita parlamentare.

The post Pas votimit në Parlament, betohet sot qeveria e re në Presidencë appeared first on Albeu.com.

Kjo është seanca e tretë plenare brenda kësaj jave.

Sipas vendimit të marrë një ditë më parë në Konferencën e Kryetarëve, çdo deputet do të ketë në dispozicion nga 10 minuta për të folur, ç`ka e shton kohëzgjatjen e debatit në mënyrë të konsiderueshme.

Pas fjalës së kryeministrit, foltorja i kalon opozitës, ku pritet të marrë fjalën Sali Berisha ose Gazment Bardhi, në varësi të vendimmarrjes brenda grupit.

Rregullorja e Kuvendit parashikon që vetëm kryeministri dhe kreu i opozitës, gëzojnë të drejtën të flasin pa kufizim kohe ose në barazi kohore me njëri-tjetrin.

Diskutimet pritet të zgjasin deri në orët e vona të natës, duke bërë që seanca të ndërpritet dhe të rifillojë ditën e premte.

Në përmbyllje të debatit, do të zhvillohet votëbesimi i qeverisë së re, përfshirë kryeministrin dhe 16 ministrat, përmes miratimit të dekreteve të Presidentit Bajram Begaj.

The post Sot në Kuvend qeveria e re dhe programi, seanca maratonë që pritet të zgjasë mbi 24 orë appeared first on Albeu.com.

Diella, ministrja më e veçantë e qeverisë Rama, është bërë lajm ndërkombëtar sot. Rama di se si ta tërheqë vëmendjen e mediave dhe këtë e ka konfirmuar edhe para se të merrte frenat e qeverisë, ndërsa së fundmi e prezantoi Diellën si ministren anti-korrupsion në prokurimet publike, e cila sipas tij, do të marrë në duart të gjitha procedurat.

Logjika në parim qendron. Duke qenë se “Diella” nuk ka as miq, as farefis, as bashkëshort, as krushq e as kushërinj, pranisë së të cilëve rreth deputetëve, Rama u hapi luftë dje, ministrja AI presupozohet se nuk do të mund të ndikohet dhe të marrë vendime të drejta sa u përket prokurimeve publike.

Në fakt, përtej paketimit të gjetur, gjërat nuk janë kështu.

Madje, ka shumë gjasa, për shkaqe që do t’i shpegojmë më poshtë, të në fakt Diella të bëhet ministrja më e korrptuar e kabinetit…dhe jo për fajin e saj.

Në vend që ta luftojë korrupsionin, Diella mund ta sofistikojë dhe thellojë atë.

Për mënyrën se si janë progranuar, sistemet AI mësojnë dhe marrin vendime në bazën e të dhënave ekzistuese.

Në Shqipëri, ku historiku i tenderëve është i mbushur me skema klienteliste, paracaktim të fituesit përmes kritereve të përzgjedhjes apo shtyrjeve e anulimeve sipas fituesit të projektuar, çdo algoritem apo sistem AI do të trashëgonte dhe pasqyronte pikërisht këtë kulturë në vendimet që do të merrte për të shpallur fitues apo skualifikuar kompani të caktuara.

Ja merrni si shembull tenderët klentelistë të AKSHI-t.

A ka sistem AI që të mund të nxjerrë nga ekuacioni kompani si Advanced Business Solution dhe Soft& Solution që kanë marrë pjesën e luanit aty?!

Vetë Diella do të ishte më e predispozuar që të shpallte fituese një nga këto kompani (ose të dyja), përmes të njëjtave akrobacira, duke parë historikun.

Një ministër human mund të ndërrojë sjellje, por një ministër AI do të kodifikojë korrupsionin në sistem.

Vendimet e saj do të duken “objektive”, ndërsa në fakt do të jenë pasqyra digjitale e problemeve të së kaluarës.

Për arsyet emësopërme sie dhe të tjera që do t’i shohim gjatë mandatit të saj, në vend që të shihet si shpëtimtare ndaj korrupsionit, Diella rrezikon të kthehet në simbolin e korrupsionit digjital. /skyweb.al

The post Pse Diella pritet të kthehet në ministren më të korruptuar appeared first on Albeu.com.

Me 152 vota për, 61 kundër dhe asnjë abstenim, deputetët e Kuvendit të Serbisë votuan për Qeverinë e re të Serbisë më 2 maj.

Përbërja e Qeverisë së re u kritikua paraprakisht nga Departamenti amerikan i Shtetit, pasi pjesë e saj janë dy zyrtarë të sanksionuar nga Shtetet e Bashkuara.

Qeveria e re do të betohet tani dhe pastaj do ta fillojë mandatin e ri katërvjeçar.

Mandatari i përbërjes së Qeverisë së Serbisë dhe lideri i Partisë Progresive Serbe (SNS) në pushtet, Millosh Vuçeviq, gjatë fjalimit të tij në Kuvendin e Serbisë deklaroi se Serbia e ka ende synim strategjik anëtarësimin në Bashkimin Evropian (BE).

Së fundi, BE-ja zyrtarisht ka kushtëzuar integrimin e Serbisë me normalizimin e raporteve me Kosovën.

Vuçeviq tha se pritshmëritë e BE-së lidhen me atë që Serbia ta “poshtërojë” veten duke njohur pavarësinë e Kosovës dhe t’i bashkohet sanksioneve kundër Rusisë për shkak të pushtimit të Ukrainës.

Por, ai theksoi që Serbia nuk do t’i bashkohet sanksioneve kundër Rusisë.

“Nuk ka dyshim se presionet do të vazhdojnë, ndoshta do të intensifikohen, por jemi të vendosur që të qëndrojmë në të njëjtat pozicione”, tha Vuçeviq.

“Serbia nuk mund dhe nuk do të heqë dorë nga miqësia me Rusinë, popullin e së cilës ne e konsiderojmë vëllazëror, ashtu siç është rasti me ukrainasit. Ne e kemi dënuar qartë sulmin e Rusisë ndaj Ukrainës, por kemi deklaruar se nuk do t’i bashkohemi politikës së sanksioneve”, tha ai.

Qeveria u formua katër muaj e gjysmë pas zgjedhjeve të jashtëzakonshme parlamentare, në të cilat progresistët fituan mbi gjysmën e shumicës në asamblenë republikane. Afati i fundit për zgjedhjen e Qeverisë së re ishte 6 maji.

Aleksandar Vulin, ish-udhëheqës i shërbimit të inteligjencës i cili është nën sanksionet e Shteteve të Bashkuara të Amerikës që nga korriku i vitit 2023 – do të jetë zëvendëskryeministër në Qeverinë e re serbe.

Një zyrtar tjetër nga “lista e zezë” e SHBA-së, për shkak të lidhjeve me Rusinë, Nenad Popoviq, do të jetë po ashtu pjesë e Qeverisë si ministër pa portofol.

Në një përgjigje për Radion Evropa e Lirë, Departamenti amerikan i Shtetit deklaroi se SHBA-ja është “e zhgënjyer” nga propozimi i Vulinit dhe Popoviqit dhe shtoi se të dy mbeten nën sanksione, sepse qëndrimi i SHBA-së ndaj tyre është “i njohur mirë”.

Ndërkohë, shefi aktual i diplomacisë serbe, Ivica Daçiq, do ta udhëheqë Ministrinë e Punëve të Brendshme, ndërsa ministër i Mbrojtjes do të jetë Bratisllav Gashiq, deri më tash ministër i Policisë.

Marko Gjuriq, ish-ambasador i Serbisë në SHBA dhe ish-drejtor i Zyrës për Kosovën në Serbi, do t’i bashkohet Qeverisë si ministër i Punëve të Jashtme.

Qeveria e re e Serbisë merr detyrën pas zgjedhjeve të dhjetorit, të cilat me shumicë votash i fitoi Partia Përparimtare Serbe (SNS).

Koalicionet e opozitës, Serbia kundër dhunës dhe NADA, e akuzuan koalicionin e udhëhequr nga SNS-ja për vjedhje në zgjedhje.

Parregullsi të shumta gjatë zgjedhjeve të jashtëzakonshme parlamentare, krahinore dhe lokale, që u mbajtën më 17 dhjetor në Serbi, vunë në dukje edhe misionet vëzhguese ndërkombëtare dhe vendore.

Autoritetet, në anën tjetër, mohuan se ka pasur parregullsi të mëdha zgjedhore.REL

The post Kuvendi i Serbisë zgjedh Qeverinë e re appeared first on Albeu.com.

“Kryeministrja Kaya Kalas njoftoi zyrtarisht qeverinë këtë mëngjes për vendimin e saj për të dhënë dorëheqjen me vullnetin e saj të lirë. E gjithë qeveria jep dorëheqjen me të”, thuhet në deklaratë.

Kalas thuhet se ka arritur të rivendosë një shumicë qeverisëse në parlamentin e Estonisë dhe javën e kaluar njoftoi se ia kishte dalë. Dorëheqja e saj është një faë e domosdoshme e procesit përkatës.

Ajo të premten do të paraqesë në parlament një kërkesë për krijimin e një qeverie të re, sipas një postimi në Twitter, me shpresën se do të jetë në gjendje të qëndrojë në krye të vendit. Njoftimi erdhi pasi partia e saj Reforma arriti një marrëveshje për ndarjen e pushtetit me dy parti më të vogla, Social Demokratët dhe Isamaa.

Shteti baltik është përballur me një krizë të kabinetit qeveritar që nga 3 qershori, kur koalicioni i Kallas me Partinë e Qendrës (Eesti Keskerakond, EK) u nda për shkak të shtytjes për të bërë të gjithë arsimin fillor vetëm në gjuhën estoneze – duke ndaluar përdorimin e gjuhës ruse në ish-republikën sovjetike.

Largimi i centristëve e la kryeministren Kallas me vetëm 34 vende në Parlamentin me 101 karrige, që do të thoshte se Social Demokratët dhe Isamaa mund të bënin një ujdi të vështirë për 9 dhe 12 vendet e tyre.

Kallas u bë kryeministre në janar të vitit 2021, pas dorëheqjes së kryeministrit Juri Ratas, pas një skandali. Ajo ka qenë një avokate e zëshme e sanksioneve anti-ruse për konfliktin në Ukrainë, duke i bërë thirrje BE-së të armatosë qeverinë e Kievit./albeu.com

I will form a new government. According to the constitution, I just announced that the current government will resign.

I’ve proposed to convene extraordinary parliament sitting on Friday, where I’ll ask for a mandate for the new government coalition.

? https://t.co/ASqE7zmaQT

— Kaja Kallas (@kajakallas) July 14, 2022

The post Kryeministrja e Estonisë jep dorëheqjen: Do formoj një qeveri të re appeared first on Albeu.com.

Meta ka uruar Dritan Abazoviç, që u zgjodh në krye të qeverisë së Malit të Zi.

“Urime të përzemërta dhe shumë suksese z.Dritan Abazoviç për zgjedhjen në detyrën e lartë të Kryeministrit të Malit të Zi.

Shpresëplotë se marrëdhëniet e shkëlqyera miqësore mes dy shteteve tona do të fuqizohen akoma më shumë në interes të popujve tanë.

Progresi i Malit të Zi dhe avancimi në proceset integruese janë shumë të rëndësishme për të gjithë shqiptarët që jetojnë atje, për të ardhmen e përbashkët europiane, si edhe për forcimin e paqes, sigurisë dhe stabilitetit në rajonin tonë”, shkruan Meta.

Kujtojmë se 36-vjeçari do të jetë shqiptari i parë në krye të një qeverie në historinë malazeze. Për zgjedhjen e qeverisë së re dhe programin e Abazoviç votuan 45 deputetë të mazhorancës së re, ndërsa 3 deputetë të SD-së votuan kundër./albeu.com/

The post U zgjodh kryeministër i Malit të Zi, Meta ka një urim për Abazoviç appeared first on Albeu.com.

Ka qenë vetë zëvendëskryeministri dhe koordinatori i shërbimeve të sigurisë në Malin e Zi, Dritan Abazoviç, i cili ka prezantuar zyrtarisht përbërjen e qeverisë së re në Mal të Zi, që do të ketë 18 ministri, katër nënkryetarë dhe dy ministra pa portofol.

Në dokumentin e publikuar në faqen Kuvendit, bie në sy se Abazoviç ka propozuar dhe dy ministra shqiptar, Marash Dukaj në postin e ri si Ministër i Administratës Publike, duke përfaqësuar në qeverinë e Abazoviç Listën Shqiptare koalicionin që përfshin partitë Forca-ASH-LDSH-Perspektiva-Unioni i Tuzit.

Ndërkohë i dyti është Fatmir Gjeka i emëruar nga Abazoviç si ministër i të Drejtave të Njeriut dhe të Pakicave etnike, aktualisht deputet i koalicionit “Bashkë nji za” në Kuvendin e Malit të Zi dhe kryetar i Partisë Demokratike.

Emrat e ministrave:

Zëvendëskryeministrja për Politikë të Jashtme, Integrime Evropiane dhe Bashkëpunim Rajonal dhe Ministre e Çështjeve Evropiane, do të jetë Dr. Jovana Maroviç.

Zëvendëskryeministri për Sistemin Ekonomik dhe Ministër i Bujqësisë, Pylltarisë dhe Menaxhimit të Ujërave, Vladimir Jokoviç.

Zëvendëskryeministri përgjegjës për sistemin politik dhe politikën e brendshme dhe ministër i Mbrojtjes, MA Rashko Konjeviç.

Zëvendëskryeministri përgjegjës për zhvillimin rajonal dhe ministër i investimeve kapitale Ervin Ibrahimoviç.

Ministri i Drejtësisë, Marko Kovaç, i lindur në Podgoricë në vitin 1985, i diplomuar në Fakultetin Juridik të Universitetit të Malit të Zi në Podgoricë, ka punuar në Gjykatën e Lartë, ish-avokat në studion ligjore Ivanoviç, Kovaç & Vuksanoviç.

Ministri i Punëve të Brendshme, Filip Axhiç.

Ministri i Financave, Aleksandar Damjanoviç.

Ministër i Punëve të Jashtme, MA Ranko Krivokapiç.

Ministri i Zhvillimit Ekonomik dhe Turizmit, Goran Gjuroviç.

Ministrja e Sportit dhe Rinisë, Vasilije Lalošević.

Ministër i Administratës Publike, MA Maras Dukaj.

Ministri i Punës dhe Mirëqenies Sociale, Admir Adroviç.

Ministri i Arsimit, M. Miomir Mijo Vojinoviç.

Ministri i Shëndetësisë, Dragoslav Seekiç.

Ministrja e Kulturës dhe Medias, Masha Vlaoviç.

Ministrja e Ekologjisë, Planifikimit Hapësinor dhe Urbanizmit, Ana Novakoviq Gjuroviç.

Ministri i të Drejtave të Njeriut dhe të Pakicave, Fatmir Đeka, i lindur në Tivar më 1975, i diplomuar për ekonomi, ish-kryetar i Komunës së Ulqinit, deputet shumëvjeçar i Kuvendit të Malit të Zi;

Ministrja e Shkencës dhe Zhvillimit Teknologjik, Dr. Biljana Scepanoviç.

Ministri pa portofol, Zoran Miljaniç.

Ministri pa portofol, Adrijan Vuksanoviç

Qeveria e re e këtij vendi pritet të zgjidhet në një seancë parlamentare, që do të mbahet nesër në Cetinë. Atë pritet ta përbëjnë Lëvizja Qytetare URA e Abazoviçit, Partia Popullore Socialiste, e cila është pro-serbe, Partia Socialdemokrate dhe partitë kombëtare të shqiptarëve dhe boshnjakëve.

“Unë besoj se Mali i Zi mund të kërkojë një pranim të përshpejtuar [në BE] dhe se me vendime urgjente, por të mençura, mund të bëhet anëtar i plotë së shpejti”, tha Abazoviç.

Qeveria e re pritet të ketë 46 deputetë, nga 81 sa ka gjithsej Kuvendi i Malit të Zi. Qeveria pritet të ketë mbështetje parlamentare edhe nga Partia Demokratike e Socialistëve (DPS) e presidentit malazez, Millo Gjukanoviq.

The post “Dy prej tyre shqiptarë”, Dritan Abazoviç prezanton emrat e ministrave të qeverisë malazeze appeared first on Albeu.com.

Qeveria e re e këtij vendi pritet të zgjidhet në një seancë parlamentare, që do të mbahet më 28 prill në Cetinë.

Atë pritet ta përbëjnë Lëvizja Qytetare URA e Abazoviqit, Partia Popullore Socialiste, e cila është pro-serbe, Partia Socialdemokrate dhe partitë kombëtare të shqiptarëve dhe boshnjakëve.

Qeveria e re pritet të ketë 46 deputetë, nga 81 sa ka gjithsej Kuvendi i Malit të Zi.

Qeveria pritet të ketë mbështetje parlamentare edhe nga Partia Demokratike e Socialistëve (DPS) e presidentit malazez, Millo Gjukanoviq.

Por, ajo kundërshtohet fuqishëm nga Fronti Demokratik pro-serb dhe pro-rus, si dhe Demokratët – dy subjekte që kanë përbërë koalicionin e deritashëm qeveritar.

Në ekspozenë e Abazoviqit thuhet se në tremujorin e parë të punës së Qeverisë së re, është planifikuar një projektligj për regjistrimin e popullsisë, në përputhje me standardet evropiane.

Regjistrimi i popullsisë shkakton tensione në Mal të Zi, sepse për një pjesë të opinionit politik ai nuk është çështje statistikore, por çështje e regjistrimit kombëtar dhe fetar.

Në fushën e prioriteteve të politikës së jashtme, Abazoviq përmend formimin e Ministrisë së Çështjeve Evropiane, me qëllim të, siç thuhet, koordinimit dhe komunikimit më të mirë me strukturën negociatore të BE-së.

“Unë besoj se Mali i Zi mund të kërkojë një pranim të përshpejtuar [në BE] dhe se me vendime urgjente, por të mençura, mund të bëhet anëtar i plotë së shpejti”, tha Abazoviq.

Në mesin e prioriteteve të Qeverisë së tij përmendet edhe marrëveshja për bartësit e funksioneve gjyqësore, pastaj Ligji për origjinën e pronës, reforma zgjedhore, rishikimi i gjendjes aktuale në arsim dhe kulturë, e të tjera.

Abazoviq është propozuar për kryeministër të Qeverisë së re të Malit të Zi më 3 mars, nga presidenti i këtij vendi, Millo Gjukanoviq.

Paraprakisht, mocioni i mosbesimit ndaj Qeverisë së deriatëhershme ka kaluar në Kuvend me votat e URA-s së Abazoviqit dhe të opozitës së udhëhequr nga DPS-ja e Gjukanoviqit.

Qeveria e rrëzuar, e udhëhequr nga kryeministri Zdravko Krivokapiq, është formuar në dhjetor të vitit 2020 nga një koalicion mes Frontit Demokratik, Demokratëve dhe Lëvizjes Qytetare URA.

Kjo Qeveri ka pasur një shumicë të ngushtë në Kuvend – prej 41 deputetësh – por ka kthyer DPS-në në opozitë pas tri dekadash.

Dallimet në qëndrime midis partnerëve të koalicionit kanë nisur të shpërfaqen shumë shpejt pas formimit të tij dhe palët shpesh nuk kanë qenë të njëzëshme në vendime./rel

The post Abazoviç prezanton programin e punës së qeverisë së re appeared first on Albeu.com.

Mickoski e ka quajtur artificiale shumicën aktuale, që sipas tij, është qeveri e BDI-së që administrohet nga Kovaçevski. Mickocki u shpreh se kryeministri i ri ka frikë të japë përgjigje konkrete se kur do të ketë zgjedhje të parakohshme.

“Jemi të gatshëm dhe deri tek Parlamenti do të dorëzojmë ndryshime të Kodit zgjedhor, në të cilat nuk do të ketë më qeveri teknike, gjegjësisht 100 ditë humbje kohe të qytetarëve dhe Maqedonisë, por do ta shfrytëzojmë atë afat kushtetues prej 45 deri në 60 ditë. Nëse janë të frikësuar, le të mbetet Spasovski ministër i Punëve të Brendshme, le të mbetet ministri i ri i Punës dhe Politikës Sociale… Nuk do të ketë nga opozita zëvendës në bujqësi, financa, shoqëri informative, le të mbetet kjo qeveri siç është dhe të shkojmë në zgjedhje të parakohshme parlamentare”, tha Mickoski.

I reagoi LSDM-ja, duke i kërkuar që të ndalojë me obstruksione, sepse siç thonë, zgjedhje nuk do të ketë.

“Edhe gjatë festave Hristijan Mickoski tregon destruktivitetin e tij. Mickoskit i interesojnë vetëm zgjedhjet dhe si të fitojë pushtetin, por kundër kësaj janë edhe qytetarët edhe gjithë opinioni. Zgjedhje nuk do të ketë, është rritur shumica parlamentare, është zgjedhur Qeveria e re, Mickoski të ndalojë pengimin dhe ngacmimin e opinionit me dëshirat e tij personale”, thanë nga LSDM.

E mbrëmë Presidenti Stevo Pendarovski, duke folur për zgjedhje të parakohshme, u shpreh se vetëm VMRO-DPMNE dhe BDI mund të mbledhin 61 vota për ta shpërbërë parlamentin dhe të shkuar në zgjedhje të parakohshme, gjersa shtoi se partitë e tjera “nuk janë në kondicion politik” për të shkuar në zgjedhje.

“Cila do të ishte për shembull interesi i BDI-së që të shkaktojë zgjedhje të parakohshme. Mund të thonë, duam të kemi rezultat më të mirë se sa i mëparshmi, por të gjithë ne themi se është shumë domethënëse jo vetëm që të kemi më shumë deputetë, po të fillojmë bisedimet me BE-në. A është BDI e sigurt se me VMRO-DPMNE-në do të jetë më i lehtë procesi i bisedimeve me Bullgarinë? Ose nëse është arritur marrëveshje, se zbatimi i të njëjtit, sido që të jetë, do të jetë ashtu i lehtë, duke i pasur parasysh ato qëndrime të disa subjekteve politike”, deklaroi Pendarovski.

Të pyetur në vazhdimësi rreth zgjedhjeve të parakohshme parlamentare, si nga LSDM po ashtu edhe nga partneri i Qeverisë BDI, kanë deklaruar se nuk është kohë për të shkuar në zgjedhje por për t’u përballur me sfidat energjetike dhe shëndetësore para të cilave ndodhet vendit./albeu.com/

The post Mickoski kërkon zgjedhje të parakohshme pa qeveri teknike! Presidenti i përgjigjet appeared first on Albeu.com.

Në Kuvend më 19 janar u dorëzua nisma për një mocion mosbesimi ndaj Qeverisë malazeze të kryeministrit, Zdravko Krivokapiq.

Për dorëzimin e kësaj nisme në procedurë parlamentare njoftoi Lëvizja Qytetare Ura e udhëhequr nga zëvendëskryeministri, Dritan Abazoviq.

Kjo nismë është nënshkruar nga anëtarët e koalicionit “E zeza mbi të bardhë”, Lëvizja Ura dhe Lidhja e Qytetarëve CIVIS, që janë pjesë e koalicionit aktual qeverisës si dhe partitë opozitare Partia Socialdemokrate, Socialdemokratët, Partia Boshnjake, Lista Shqiptare, Koalicioni Shqiptar dhe një pjesë e Partisë Demokratike të Socialistëve të presidentit të Malit të Zi, Millo Gjukanoviq.

“Kjo nismë do të tregojë nëse Qeveria aktuale e ka mbështetjen e shumicës së deputetëve, por edhe për modelin e propozuar për krijimin e një qeverie të pakicës”, tha Ura.

Më 17 janar, Lëvizja Ura dhe Lidhja Qytetare CIVIS propozuan formimin e një qeverie të pakicës si model për tejkalimin e krizës politike disamujore.

Ata janë pjesë e koalicionit qeverisës së bashku me partinë pro-serbe, Fronti Demokratik dhe Demokratët, me të cilët fituan 41 nga 81 vendet në zgjedhjet e gushtit të vitit 2020.

Inicimi i mocionit për mosbesim ndaj Qeverisë vjen pas njoftimit të Partisë Demokratike të Socialistëve (DPS) të Gjukanoviqit se do të mbështesë çdo nismë që do të çojë në largimin e Qeverisë aktuale të Malit të Zi. Ura dhe CIVIS megjithatë kanë thënë se partia e Gjukanoviqi nuk do të kishte vend në një qeveri të pakicës.

Kryeministri i Malit të Zi, Zdravko Krivokapiq kundërshtoi ashpër paralajmërimin për formimin e një qeverie të pakicës, duke e cilësuar si “mashtrim” këtë nismë.

Ndërkaq, i dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, ka deklaruar për mediumin malazias, Vijesti më 19 janar se Shtetet e Bashkuara do të punojnë me çdo qeveri që do të formohet në mënyrë demokratike, për të mbështetur rrugën e këtij shteti në integrimet euro-atlantike.

Për të iniciuar shkarkimin e Qeverisë në Kuvend nevojiten 27 vota, ndërsa për largimin e saj duhet një shumicë prej 41 deputetësh.

Me mbështetjen e DPS-së, e cila ka 30 deputetë në Parlamentin malazez, Lëvizja Ura siguron numrin e mjaftueshëm të votave për një mocion mosbesimi ndaj Qeverisë së kryeministrit Zdravko Krivokapiq.

Qeveria e Krivokapiqit, e cila ka një votë më shumë se sa duhet në Parlament, ka humbur mbështetjen e shumicës qeverisëse, kryesisht të partisë pro-serbe, Frontit Demokratik (DF).

Megjithatë, Fronti Demokratik nuk ka nisur asnjëherë një nismë formale për të shkarkuar Qeverinë, e cila nuk ka pasur mbështetjen e kësaj partie që nga mesi i vitit të kaluar.

Ndër të tjera, DF-ja nuk është pajtuar me miratimin e Rezolutës për Srebrenicën në Parlamentin e Malit të Zi, si dhe me shkarkimin e ministrit Vlladimir Lleposaviq për shkak të mohimit të gjenocidit në Srebrenicë.

Qeveria e Zdravko Krivokapiqit u zgjodh më 4 dhjetor 2020 me votat e Frontit Demokratik, Demokratëve dhe Lëvizjes Qytetare Ura si qeveria e ekspertëve, kurse i vetëm politikan në të është kreu i Lëvizjes Ura, Dritan Abazoviq, që mban postin e zëvendëskryeministrit.

The post Shqiptari Abazoviç drejt kryeministrisë, dorëzohet mocioni për rrëzimin e Qeverisë së Krivokapiqit në Mal të Zi appeared first on Albeu.com.