Me 32 vota PRO dhe 55 KUNDËR nuk kaloi propozimi i opozitës për shfuqizimin e saj.

Paraprakisht deputetët e shumicës pohonin se edhe ata janë për shfuqizimin e këtij modeli, por se kjo duhet të bëhet me konsensus mes partive më të mëdha politike.

Koordinatori i VMRO-DPMNE-së, Nikolla Micevski, në arsyetimin e tij tha se Qeveria teknike e ashtuquajtura e Përzhinos është treguar si jofunksionale dhe se duhet të shfuqizohet. Me marrëveshjen për Qeveri të Përzhinos në vitin 2016 u parapa që 100 ditë para zgjedhjeve të zgjidhet një qeveri teknike ku merr pjesë edhe opozita.

“Këtë zgjidhjen ligjore e parashtrojmë  për arsye se për  të njëjtën tashmë është debatuar në një prej takimeve të fundit të partive më të mëdha politike, e dimë se ligji është sjellë  me konsensus dhe mendojmë se sipas asaj  që  është biseduar,  i njëjti duhej të  tërhiqej që në shtet të mund të kthehet mënyra për sjelljen e ligjit për  Qeveri dhe funksionimin e qeverisë  në periudhën  parazgjedhore dhe pas zgjedhjeve me një qëllim, për shkak se jo funksionimin e  kësaj zgjedhjeje ligjore kishim mundësi ta shohim disa herë”, tha Nikolla Micevski, koordinator i VMRO-DPMNE-së.

The post Qeveria e Përzhinos “mbijetoi” appeared first on Albeu.com.