Sipas informatave të siguruara nga Alsat, prej burimeve brenda ASH-së, Kryeministri Dimitar Kovaçevski dhe Arben Taravari janë marrë veshtë edhe për numrin më të madh të drejtorive qendrore.

Nga Drejtoritë të cilat i ka udhëhequr Alternativa, ASH-së i kalojnë MPSO, Fondi pensional, Spitali i Tetovës dhe Hekurudhat – Transporti. Ndërsa prej kuadrove të cilat janë të afërta me “Grupin e Zjarrit”, siç mëson Alsat, ASH do të udhëheq me Spitalin Psikiatrik në Bardovcë.

Ndërsa nga BDI do të marrë Teatrin e Tetovës dhe Inspektoratin për Arsim.

Nga drejtoritë e udhëhequra nga LSDM, ASH-së do ti takojnë Postat e Maqedonisë dhe Drejtoria për menaxhim me pronën e sekuestruar. Siç mësohet, pazar mes ASH-së dhe Kovaçevskit është edhe Avokati i Shtetit.

Në drejtoritë qendrore, ASH do të ketë edhe tre zëvendësdrejtorë. Dy i merr nga BDI dhe atë, Zëvendësdrejtorin e DAP-it dhe atë të ELEM-it, ndërsa nga Alternativa do ta marrë zëvendësdrejtorin e Agjencisë për Rini dhe Sport. Partia e Taravarit do të drejtoj edhe Qendrën ndërkomunale për punë sociale në qytetin e Shkupit

Alsat mëson se ASH-së do i takojnë edhe dy sekretar shtetëror dhe atë, Ministrinë e Punës dhe politikës sociale, si dhe në ministrinë për Sistem politik.

Për shkak të “luftës” në BDI mes Ahmetistëve dhe “Grupit të Zjarrit”, ASH mori edhe Zëvendësministrin e Mbrojtjes, i cili udhëhiqet nga Bashkim Asani, i cili është i afërt me strukturat e Grupit të Zjarrit në Gostivar.

Sipas marrëveshjes mes Kovaçevskit dhe Taravarit, ASH do të udhëheqë edhe me disa drejtori të tjera, por të cilat për momentin nuk bëhen të ditura nga asnjëra palë.

 DREJTORITË

MEPSO – Alternativës

Fondi pensional –                                             Alternativa

Hekurudhat – Transporti –                        Alternativës

Spitali i Tetovës –                                              Alternativë

Spitali Psikiatrik – Bardovcë –                       BDI (Grupi i Zjarrit)

Avokati i Shtetit –                                             /////

Inspektoratin për Arsim –                               BDI

Teatri i Tetovës –                                             BDI

Postën e Maqedonisë –                                   LSDM

Drejtoria për menaxhim me pronën e sekuestruar –       LSDM

 ZV/DREJTOR

Zëvendësdrejtor në DAP                                                    BDI

Zëvendësdrejtor në ELEM                                                     BDI

Zëvendësdrejtor në Agjencinë për rini dhe Sport         Alternativa

 SEKRETAR SHTETËROR

Në ministrinë për sistem politik

Në ministrinë për punë dhe politikë sociale

Zëvendësministër të Mbrojtjes (Grupi i zjarrit)./Alsat.mk

The post ASH-ja nuk jep detaje për emrat e drejtorëve, “zjarrit” i merret zv/ministri i mbrojtjes appeared first on Albeu.com.

“Një megavat orë energji elektrike me dorëzim për sot në bursën IBEX në Sofje kushton 186 euro, që është 46 për qind më e lirë në krahasim me një javë më parë. Një megavat orë energji elektrike e dorëzuar sot në tregtimin e djeshëm në bursën HUPEX në Hungari kushton 189 euro dhe kjo është 109 euro më lirë se çmimi që u arrit në atë bursë një javë më parë.

Edhe gjatë kësaj jave do të flasim për të gjetur një zgjidhje të mirë, sidomos për industrinë që furnizon banorët me produkte ushqimore bazë”, thonë Qeveria.

Gjithsej 611 mijë amvisëri janë pajisur me energji elektrike nga prodhimi vendor i EMV-së, si dhe me energji termike 60 mijë konsumatorë në Shkup.

The post Qeveria e RMV-së: Është ulur çmimi i energjisë elektrike në bursë, tani kushton nën 200 euro appeared first on Albeu.com.

“Përveç masës për uljen e rrogave me 10 për qind, dokumenti përmban edhe disa pika të tjera, duke përfshirë uljen e punës jashtë orarit me mbi 20 për qind në Ministrinë e Punëve të Brendshme, në Agjencinë e Sigurisë Kombëtare. në Agjencinë për Inteligjencë”, zbuloi Deanoski, përcjell INA.

Sipas tij, Qeveria planifikon që edhe administrata shtetërore të punojë nga shtëpia, edhe ate të punohet me rotacion.

Sindikalistët si nga sektori publik ashtu edhe nga ai privat kanë paralajmëruar se të gjithë së bashku do të kundërshtojnë çdo përpjekje të Qeverisë për të shfuqizuar apo pezulluar marrëveshjet kolektive, që rregullojnë të drejtat e punëtorëve në sektorë të caktuar.

Mbledhja e djeshme e Këshillit Ekonomiko-Social u ndërpre pasi që nuk u arrit marrëveshje mes Qeverisë, sindikalistëve dhe punëdhënësve./ina

The post Masat antikrizë, Qeveria maqedonase planifikon që administrata të punojë nga shtëpia appeared first on Albeu.com.

“Për momentin Qeveria funksionon normal dhe nuk ka arsye për ndonjë rikonstruim. Ministrat tanë Bekim Sali dhe Admirim Aliti janë ndër kuadrot më të suksesshëm, jo vetëm në Alternativë, por edhe në gjithë Qeverinë në përgjithësi. Për këtë, nuk shohim arsye për hapjen e temave të tilla të panevojshme”, thonë nga “Alternativa”.

Çështja e rikonstruktimit të vogël u hap pas dorëheqjes që paralajmëroi ministri i Vetëqeverisjes Lokale nga radhët e PLD-së Goran Milevski, i cili sot pritet ta dorëzojë dorëheqjen në Qeveri.

The post Maqedoni e Veriut, Alternativa: Sali dhe Aliti janë ndër kuadrot më të suksesshëm, nuk ka arsye për rikonstruktim të Qeverisë appeared first on Albeu.com.

Ai shtoi se po e zbaton Kushtetutën dhe rregullat ligjore dhe se nuk po e mbron Qeverinë.

“Gati 20 vite jam në përbërjen parlamentare, por normalisht ndryshojnë gjërat gjatë gjithë këtyre mandateve. Nuk parapëlqej të bëj krahasim për punën time atë e bëjnë qytetarët, unë punoj me rregulla dhe ligje radhitja dhe hierarkia e institucioneve përcaktohet me kushtetutë dhe unë punoj sipas asaj jam duke e zbatuar, i kuptoj subjektet politike dhe ekspertët që nuk ju pëlqen rendi dhe rregulli sepse janë mësuar të funksionojnë si para disa vitesh”, deklaroi Talat Xhaferi.

Xhaferi thekson se ka tentativa kundër BE-së, por shtoi gjithashtu se nuk do të lejohet dëmtimi dhe prishja e imazhit të shtetit.

”Imazhi i shtetit dhe përcaktimet tre dekadëshe është i dëmtuar me alternativat e mundshme që mund të jenë kundër BE-së. Tentimet që po mundohen të tentohen dhe zbatohen kanë qenë gjithmonë por kjo dëmton imazhin por janë qytetarët gjithsesi ato që vendosin, por ne po e udhëheqim shtetin në mënyrën e duhur dhe jemi para dyerve të BE-së dhe nuk lejojmë kthim mbrapa. Nisma për referendum është e pa lejuar në bazë të Kushtetutës dhe unë e kam obligim mos ta lëshoj në procedurë, unë nuk e mbroj qeverinë ajo nuk ka nevojë ta mbroj unë. Un e mbroj institucionin që jam zgjedhur ta udhëheq dhe atë po e bëj”, shtoi Xhaferi./albeu.com/

The post Maqedoni e Veriut, Xhaferi: Iniciativa për referendum është e pa lejuar në bazë të Kushtetutës appeared first on Albeu.com.

Opozita kërkoi dorëheqjen e qeverisë pasi sipas saj u negociua plani francez duke anashkaluar Kuvendin.

“Maqedonia dhe Bullgari sot fatkeqësisht po i përjetojnë raportet më të pakëndshme dhe më të tensionuara nga viti 1948 e këtej. Manipulimet e pushtetit vazhdojnë edhe sot e kësaj dite dhe vlerësojë se duhet t’i vihet fundi manipulimeve, ndërsa më e moralshme do të ishte nëse fundi i atyre manipulimeve i vihet me dorëheqjen e Kovaçevskit, Mariçiqit dhe Bujar Osmanit”.

Në krahun tjetër partia në pushtet LSDM thotë se pretendimet e opozitës nuk qëndrojnë pasi asnjë vijë e kuqe e vendosur nga parlamenti nuk u negociua në bisedimet me Bullgarinë.

“Qeveria e udhëhequr nga LSDM është e përkushtuar në mbrojtjen e interesave shtetërore dhe kombëtare. Në zgjidhjen e çështjeve me Bullgarinë, qeveria, institucionet nuk devijojnë nga vijat e kuqe të përcaktuara me Rezolutën e miratuar në Kuvend nga deputetët e të gjitha partive politike”.

Plani francez për heqjen e vetos bullgare u duk se çliroi situatën mes dy vendeve, por edhe pas votimit të Parlamentit në Sofje kanë vijuar debatet politike në Shkup.

The post Përplasje politike në RMV për negociatat, opozita kërkon dorëheqje appeared first on Albeu.com.

Petkov tha se as ardhja e delegacionit bullgar nuk është finalizuar. “Takimi ende nuk është finalizuar, por një gjë është e sigurt, ne vetëm po vazhdojmë dialogun konstruktiv, por asgjë konkrete nuk do të nënshkruhet”, tha Petkov.

Kryeministri i Maqedonisë së Veriut Dimitar Kovaçevski thotë se Ministritë e Punëve të Jashtme të Maqedonisë dhe Bullgarisë janë në komunikim, por nuk ka dokument të harmonizuar. Ai nuk dëshiron të rrisë pritshmëritë për zhbllokimin në qershor dhe thotë se nuk është i lidhur me data. (INA)

The post Petkov hedh poshtë pretendimet se më 22 maj do të nënshkruajnë një dokument me Qeverinë e Maqedonisë appeared first on Albeu.com.

Këto komente erdhën pas pyetjes së gazetarit se si do ja bëjë që qeveria të pranojë të ketë zgjedhje të parakohshme.

Ai shtoi se qeveria përfiton privilegje vetiake në kurriz të popullit, duke vjedhur të mirat e përbashkëta.

“Nuk pres që kjo qeveri kriminele të dojë t’i lërë tapetet e kuqe të trashë dhe kolltukët prej lëkure ku është shtrirë si dhe privilegjet që përjeton mbi kurrizin e popullit, nuk pres që ta pranojnë këtë, thjesht do të ikin sepse janë të vetëdijshëm se pas kësaj do të ketë përgjegjësit”, tha Mickoski./albeu.com/

The post Mickoski: Nuk pres që kjo qeveri kriminele t’i lërë kolltukët prej lëkure appeared first on Albeu.com.

Sipas tij Kovaçeski nuk ka legjitimitet sepse ai nuk ka dalë vet në zgjedhe që të kërkojë votë dhe se nuk ndjen se ka obligim ndaj qytetarëve. Por Sela theksin e kritikave e vendosi te BDI, për premtimin e kryeministrit shqiptar.

“Erdhën te qytetarët dhe kërkuan votë vetëm me një premtim dhe ky premtim ishte kryeministri i parë shqiptarë dhe ky është premtimi i cili nuk mund të pritet mandat katër vjeçar që të realizohet. Ose bëhet në momentin që mbahet seanca për krijimin e Qeverisë, ose nuk bëhet aspak. Vazhdojnë akoma çuditërisht të bëjnë debat këtu në parlament që 100 ditëshin e fundit, jo po ditën e fundit, që do të bëhet, ose do të bëhet kryeministri i parë shqiptar”, u shpreh Sela.

Replika menjëherë erdhi nga deputeti i BDI-së Arbër Ademi, i cili Selën e quajti si humbësi më i madh i zgjedhjeve.

“Zoti Sela foli për legjitimitetin, humbësi i të gjitha zgjedhjeve në seri, foli për legjitimitetin. Zoti Sela, nuk mund të mundni Ali Ahmetin. Qoftë duke qenë në PDSH, qoftë në LR PDSH, qoftë duke përdorur parti të tjera si RDK, Uniteti, Besa, Alternativa, tash serish ktheheni te BESA, nuk mund ta mundni Ali Ahmetin. Duke e pasur disponimin e qytetarëve parasysh, që në raundin e parë bëtë koalicion me VMRO-DPMNE dhe çka përjetuat, përjetuat fiasko. Nokaut klasik nga qytetarët, tkurrje spektkolare. Nga 80 mijë vota ratë në 49 mijë vota. Dhe me këto vota z. Zela nuk kërkohet Qeveri, kërkohet përgjegjësi”, tha Ademi.

Ky debat u zhvillua mbrëmë në Kuvend pak para se të votohej Qeveria e re. Ndryshe legjitimitetin e Qeverisë së re e ka kontestuar edhe VMRO-DPMNE, parti e cila kërkon zgjedhje të parakohshme parlamentare./TV 21

The post Sela i përmend BDI-së kryeministrin shqiptar, reagon Ademi: Ti je humbësi më i madh i të gjitha zgjedhjeve appeared first on Albeu.com.

Qeveria do të numërojë 21 anëtarë në kabinetin e saj qeveritar.

LSDM dhe koalicioni do të kenë 12, BDI gjashtë, ndërsa Alternativa tre ministra.

Kabineti i ri qeveritar do të ketë një ministër pa dikaster, vend që i takoi Alternativës.

Nga Qeveria po largohen tetë anëtarë të deritanishëm, duke përfshirë edhe Zoran Zaevin. Nikolla Dimitrovi më nuk do të jetë zëvendëskryeministër për Çështje Evropiane, Radmilla Shekerinska largohet nga Ministria e Mbrojtjes, ndërsa anëtar i Qeverisë nuk do të jenë as ministri i deritanishëm i Shëndetësisë, Venko Filipçe, ministrja e Arsimit dhe Shkencës, Milla Carovska, ministrja e Punës dhe Politikës Sociale, Jagoda Shahpaska dhe ministrja e Kulturës, Irena Stefoska.

Në vendet e tyre duhet të vijnë ministri i deritanishëm i Drejtësisë, Bojan Mariçiq (LSDM) si zëvendëskryeministër për Çështje Evropiane, Sllavjanka Petrovska (LSDM) në Ministrinë e Mbrojtjes, Bekim Sali nga Alternativa do të udhëheqë me Ministrinë e Shëndetësisë, ministri i deritanishëm i Shoqërisë Informatike dhe Administratës, Jeton Shaqiri (BDI) do ta marrë Ministrinë e Arsimit dhe Shkencës, Jovana Trençevska (LSDM) do të udhëheqë me MPPS, ndërsa Bisera Kostadinovska Stojçevska (LSDM) e merr dikasterin e Kulturës.

Admirim Aliti nga Alternativa do të jetë njeriu i parë në MSHIA, ndërsa Xhemail Çupi nga kjo parti është propozuar për ministër pa dikaster përgjegjës për diasporën.

Në qeverinë e re të Kovaçevskit mbetet zëvendëskryeministri për Çështje Ekonomike, Fatmir Bytyqi (LSDM), ndërsa emër i ri është Sllavica Grkovska (LSDM) e cila duhet të jetë zëvendëskryeministre për luftë kundër korrupsionit dhe krimit.

Me dikasterin e drejtësisë duhet të udhëheqë profesori universitar, Nikolla Tupançevski (LSDM). Në Ministrinë e Punëve të Brendshme mbetet ministri i deritanishëm Oliver Spasovski (LSDM), ndërsa funksionet i mbajnë edhe ministrat e Punëve të Jashtme, të Tranportit dhe Lidhjeve, të Financave dhe të Ekonomisë, Bujar Osmani (BDI), Bllagoj Boçvarski (LSDM), Fatmir Besimi (BDI) dhe Kreshnik Bekteshi (BDI). Në Ministrinë e Vetëqeverisjes Lokale mbetet edhe më tutje Goran Milevski (PLD/koalicioni i LSDM), ndërsa nuk ka ndryshime edhe në Ministrinë e Mjedisit Jetësor dhe Planifikimit Hapësinor ku mbetet ministri i deritanishëm Naser Nuredini (BDI).

Me Ministrinë për Sistem Politik dhe Marrëdhënie Ndërmjet Bashkësive edhe më tutje do të udhëheqë Artan Grubi (BDI). Në Ministrinë e Bujqësisë, Pylltarisë dhe Ekonomisë së Ujërave kthehet Lupço Nikollovski.

Mbledhja për zgjedhjen e qeverisë së re e propozuar nga Dimitar Kovaçevski është caktuar për të shtunën, në orën 11. Debati kuvendor për zgjedhjen e qeverisë së re zgjat më së shumti dy ditë, ndërsa zgjedhja e përbërjes qeveritare votohet pas përfundimit të saj, gjegjësisht më së voni 24 orë ditën e dytë ose në këtë rast deri të dielën në mesnatë. Qeveria është zgjedhur nëse për të votojnë shumica e numrit të përgjithshëm të deputetëve në Kuvend./albeu.com/

The post BDI me 6 anëtarë, Alternativa me 3! Kjo do të jetë përbërja e Qeverisë së re të Maqedonisë së Veriut appeared first on Albeu.com.