qepet Archives - Albeu.com

Në Korçë po hidhen qepët/ Fermerët po flakin në kanale mundin e tyre: Nuk i shitëm dot prodhimet

V K — Tue, 21 Apr 2026 11:15:49 +0000

Fermerët e Korçës si çdo vit po hedhin prodhimet e tyre të pashitura. Edhe këtë sezon, një pjesë e prodhimit të qepës ka mbetur pa shitur.

Në mungesë të tregut dhe me çmime shumë të ulëta, ata janë detyruar ta hedhin prodhimin në anë të lumenjve apo në vende të tjera.

Sipas fermerëve, kostoja e prodhimit është rritur ndjeshëm, duke përfshirë çmimet e plehrave kimike, karburantit dhe fuqisë punëtore.

Megjithatë, çmimi me të cilin ofrohet qepa në treg nuk arrin të mbulojë as shpenzimet bazë.

Situata rëndohet edhe më shumë nga mungesa e pikave të grumbullimit dhe konkurrenca nga importet, të cilat sipas tyre po e bëjnë të pamundur shitjen e prodhimit vendas.

Kjo situatë e cila po kthehet në rutinë të përvitshme rrezikon jo vetëm të ardhurat e familjeve fermerë, por edhe vetë qëndrueshmërinë e sektorit bujqësor në zonën e Korçës.

The post Në Korçë po hidhen qepët/ Fermerët po flakin në kanale mundin e tyre: Nuk i shitëm dot prodhimet appeared first on Albeu.com.

Pesë ushqime pranverore që janë të mira për shëndetin tonë

D Marku — Mon, 08 Apr 2024 17:59:36 +0000

Me ardhjen e pranverës ndryshon dhe menuja jonë e përditshme. Në listë duhet të shtoni shumë produkte të kësaj stine që janë të shijshme por më kryesorja kanë veti të dobishme për trupin tonë. Veçanërisht këto pesë ushqime nuk duhet të mungojnë asnjëherë në tryezën tuaj.

Asparagu

Mbreti i pranverës është asparagu. Është një ushqim delikatë që nëse hahet në kohën e duhur, na jep një shije të mrekullueshme, duke na dhënë pak kalori, vitaminë A dhe acid folik, që ndihmon ndër të tjera në përthithjen e hekurit. Rekomandohet shmangia e konsumimit të tyre me produkte qumështi dhe preferohet që t’i spërkasni me limon të freskët, vaj ulliri ose mund të bëni një sallatë me perimet e tjera të stinës.

Panxhari

I pasur me vitaminë B, e cila nuk gjendet lehtë në ushqim, panxhari është një burim i shkëlqyer energjie dhe acidi folik. Fillimisht e zieni dhe më pas mund ta konsumoni sipas dëshirës.

Angjinarja

Të pasura me insulinë, reduktojnë sheqerin dhe përveç vitaminës C dhe K, kanë minerale si kalium dhe kalcium. Një nga të mirat e angjinares është se mund të hahet si i papërpunuar ashtu edhe e gatuar, megjithatë në rastin e angjinares së papërpunuar nuk duhet ta teprojmë me sasinë.

Qepët

Qepa redukton yndyrën e trupit duke përshpejtuar metabolizmin. Pranvera është stina e saj, ndaj mund ta konsumojmë duke e përdorur në sallata të ndryshme.

Qershia

Një burim i pasur me antioksidantë, qershitë ndihmojnë në luftimin e radikaleve të lira dhe kanë shumë pak kalori. Përveç kësaj, duke qenë se ka lloje të ndryshme qershish, ato u japin larmi ushqimeve tona të përditshme.

The post Pesë ushqime pranverore që janë të mira për shëndetin tonë appeared first on Albeu.com.

4 këshilla për të shmangur lotët kur qëroni qepët

E S — Mon, 12 Sep 2022 21:52:45 +0000

Historia është e njohur: Kur duhet të presim një qepë, e dimë se do të derdhim disa lot. Qepa është një përbërës kyç në shumë receta dhe për këtë arsye nuk mund të heqim dorë nga ajo. Shihni më poshtë katër këshilla për të shmangur lotët teksa po prisni qepët:

1. Përpara se të filloni të gatuani, hapni dritaren e kuzhinës për të ajrosur më mirë hapësirën dhe për të shmangur lotimin.

2. Është shumë e rëndësishme të përdorni një thikë të mprehtë. Nëse është profesionale, edhe më mirë. Kjo do ta presë më mirë qepën dhe do të çlirojë më pak kimikate që formojnë gaz.

3. Padyshim, këshilla më efektive është mbajtja e syzeve speciale. Ndonëse mund të duket qesharake, syzet e notit do të kenë të njëjtin efekt.

4. Qepët mund t’i ruani në frigorifer dhe gjysmë ore para se t’i përdorni vendosini në ngrirje. Kjo do të zvogëlojë pak lotët tuaj, por është një këshillë mjaft e diskutueshme pasi është më pak efektive nga të tjerat.

The post 4 këshilla për të shmangur lotët kur qëroni qepët appeared first on Albeu.com.

4 mënyra si të prisni qepën pa derdhur asnjë lot

E S — Mon, 30 May 2022 20:01:52 +0000

Qepët janë një nga përbërës thelbësor në kaq shumë receta, por gatimi i tyre shpesh na bën të derdhim lot nga ata të krokodilit. Por pasi të mësoni truket e mëposhtme, do të t’i prisni qepët sikur të ishit një kuzhiniere e vërtetë.

Metoda 1: Çamçakëz

Supozohet se efekti i freskisë që të lë çamçakëzi në gojë, i kundërvihet ndjesisë së djegies, plus ju detyron të merrni frymë përmes gojës. Pra duket se përtypja e çamçakëzit me mente (me gojën hapur) ju ndihmon t’i prisni qepët pa lotuar

Metoda 2: Futini qepët në frigorifer para se t’i prisni

Lëreni qepën në frigorifer për 24 orë dhe do të shihni se të nesërmen kur ta prisni për ta gatuar, nuk do të ndjeni djegie e as do të derdhni lot.

Metoda 3: Lënia e shtresës së qepës e paprekur

Skajet e një kokrre qepë e bishti i saj ka sasinë më të përqendruar të squfurit. Duke e prerë menjëherë dhe duke e zhveshur nga cipa ju lëshoni këto kimikate në ajër dhe në sytë tuaj. Nëse e lë qepën e paqëruar ndërkohë që e copëtoni, nuk do keni djegie sysh.

Metoda 4: Prerja e qepës në ujë të ftohtë

Mbushni një tas të gjerë me ujë të ftohtë e mundohuni t’i qëroni qepët në aty. Mund të jetë paska e sikletshme dhe mund të mos jetë metoda më e lehtë, por vepron./albeu.com

The post 4 mënyra si të prisni qepën pa derdhur asnjë lot appeared first on Albeu.com.