Nga rëndësia që i japin privatësisë deri te nevoja për qetësi dhe kontroll, vendimi për të mos mbajtur kafshë shtëpiake mund të pasqyrojë mënyrën se si disa njerëz ndërtojnë përditshmërinë dhe menaxhojnë detyrimet.

Teksa për shumë persona është e paimagjinueshme të kthehen në shtëpi pa u pritur nga një kafshë, të tjerë parapëlqejnë të mos përballen me qime mbi mobilie, zhurma, ushqyerje, shëtitje dhe varësinë e vazhdueshme të një qenieje tjetër prej tyre.

Një qëndrim i tillë nuk nënkupton medoemos mungesë dashurie ndaj kafshëve apo empatie. Pas zgjedhjes për të mos pasur një kafshë në shtëpi mund të qëndrojnë nevoja dhe veçori të ndryshme personale.

1. Hapësira personale ka rëndësi të madhe për ta

Kufijtë e përcaktuar dhe privatësia janë thelbësorë për disa persona. Nëse një kafshë i shoqëron vazhdimisht nëpër dhoma, u kërkon vëmendje ose hipën mbi mobilie, ajo mund t’ua cenojë ndjesinë e qetësisë. Kjo nuk duhet parë patjetër si diçka negative, pasi vendosja e kufijve mund të jetë një aftësi e shëndetshme.

2. Paparashikueshmëria i shqetëson

Një qen mund të lehë pa paralajmërim, një mace mund të rrëzojë një send, ndërsa çdo kafshë mund të sëmuret ose të ketë nevojë për përkujdesje pikërisht në një çast të papërshtatshëm. Për ata që mbështeten te rutina, kontrolli dhe planet e mirëpërcaktuara, situata të tilla mund të kthehen në një burim tjetër stresi.

3. E konsiderojnë përgjegjësinë me shumë seriozitet

Ndonjëherë, vendimi për të mos marrë një kafshë është vetë shenjë përgjegjshmërie. Një person mund të vlerësojë se nuk disponon kohën e nevojshme për ushqyerjen, shëtitjet, vizitat te veterineri dhe kujdesin e përditshëm, ndaj zgjedh të mos e ndërmarrë këtë angazhim. Siç transmeton Telegrafi, ky është një vlerësim realist i mundësive personale.

4. U nevojitet më tepër qetësi

Për disa njerëz, shtëpia duhet të mbetet një ambient i heshtur, me sa më pak stimulim. Lëvizjet e pandërprera, lehjet ose kërkesat për të luajtur mund t’i lodhin. Edhe pse mund të jenë shumë të shoqërueshëm, ata mund të kërkojnë më shumë kohë në qetësi.

5. Lirinë e çmojnë veçanërisht

Ushqimi, shëtitjet dhe përkujdesja e bëjnë një kafshë shtëpiake të varur nga pronari i saj. Për dikë që udhëton shpesh, ka një orar të paparashikueshëm ose pëlqen t’i ndryshojë planet në mënyrë spontane, një detyrim i tillë mund të perceptohet si kufizim.

6. Pastërtia dhe rrëmuja i prekin më shumë

Ajo që për një person duket e papërfillshme, si qimet, aromat, shenjat e putrave apo rëra nga kutia e maces, për një tjetër mund të shkaktojë stres të vazhdueshëm. Ata që e vlerësojnë së tepërmi rendin dhe pastërtinë zakonisht e kanë më të vështirë të pajtohen me këtë aspekt të jetesës së përbashkët me një kafshë.

7. Dashurinë mund ta tregojnë në forma të tjera

Lidhja emocionale me kafshët nuk zhvillohet njësoj te të gjithë. Dikush mund të tregojë kujdes dhe empati të jashtëzakonshme ndaj miqve, familjarëve ose partnerit, pa ndier ndërkohë dëshirën për të mbajtur një kafshë në shtëpi.

Në përfundim, fakti që dikush nuk dëshiron kafshë shtëpiake nuk dëshmon drejtpërdrejt as karakter të keq dhe as mungesë empatie. Në shumë raste, kjo zgjedhje shpreh thjesht stilin e jetesës, kufijtë vetjakë dhe nivelin e përgjegjësive që personi është i gatshëm të marrë përsipër.

The post Pse disa njerëz nuk duan qen ose mace në shtëpi? 7 tipare që mund të qëndrojnë pas kësaj zgjedhjeje appeared first on Albeu.com.

Përmes një postimi në rrjetet sociale, ajo ka njoftuar se i është larguar nga shtëpia qeni i saj i dashur, i quajtur Willy.

Përmes një fjalie të ngarkuar me emocione, Selin u ka kërkuar ndihmë të menjëhershme ndjekësve të saj për ta gjetur sa më parë kafshën e saj shtëpiake.

“Dita nisi me lajme jo shumë të mira. Willy është larguar nga shtëpia! Ju lutem kush e shikon të më shkruaj, ka një pullë ngjyrë kafe të lehtë në fund të shpinës e cila e bën lehtësisht të identifikueshëm. Ndihmë!”, ka shkruar ajo në Instagram.

Ajo ka shpërndarë edhe disa fotografi të qenushit të saj të bardhë, me shpresën se dikush nga ndjekësit do ta pikasë dhe do ta ndihmojë të rikthehet shëndosh e mirë në shtëpi.

Shpresojmë që Selin ta gjejë sa më shpejt shëndoshë e mirë qenin e saj.

The post FOTO/ Selin Bollati: Është larguar nga shtëpia. Ndihmë… appeared first on Albeu.com.

Brandi nuk e di se çfarë janë dekoratat pas asaj pune humane që po bën së bashku me punonjësin e policisë, një partner besnik që nuk i ndahet në çdo sekondë. Kur gjithçka mbaroi, ai u quajt publikisht “heroi me katër putra”.
Status i Policisë së Shtetit, datë 5 Dhjetor:“B randi – heroi me 4 putra i policisë, zbuloi personat e gjallë nën rrënojat e 6-katëshit në Durrës”.

Në fund të misionit, mënyra si i trajtojmë tregon shumë. Se si heronjtë që nuk flasin bien në harresë. Se si pas një jete në vijën e parë dhe në shërbim me besnikëri, në kapitullin e fundit nuk u jepet e njëjta besnikëri. Është momenti kur dalin në pension dhe stema nga qafa u hiqet. Për ta mbeten vetëm partnerët me uniformë përballë një ligji që ua lidh duart për t’i mbajtur.
Exclusive, me Anila Hoxhën, mëson se Brandi, qeni i misioneve K9 në Policinë e Shtetit, nuk e pati daljen nga policia ashtu siç e meritonte, si një hero që punoi në polici dhe që duhej duartrokitur. Partneri i tij, që ishte me të në çdo shërbim, nuk hesht duke i qëndruar besnik.
“Brandi ka qenë i stërvitur për kërkim-shpëtim dhe për kufoma, për njerëz të vdekur. U përfol shumë në media, në të gjitha. Është dorëzuar te qendra e bashkisë dhe të drejtën duhet ta kishim ne që ta merrnim, personi që e ka stërvitur, por nuk janë procedurat, janë rregullat me ligj që e merr i zoti. Kam shkuar, kam dashur ta marr me lekë si gjithë qytetarët e tjerë, jo se më duhej qen, por kam një lidhje shpirtërore me të. Të bënte një vdekje të lumtur, siç na kanë stërvitur amerikanët. Brandi bënte mrekullira, gjente numra. Ai te kënetat shpëtoi familjen Lala, ku reagoi Brandi”, thotë punonjësi i policisë.
E vërteta është se Brandi, polici katërputrosh që mori pjesë në qindra aksione kërkimi, në krye të 9 viteve karrierë u nxor në ankand. Askush nuk e bleu.
Ligji nuk lejon që kontributi i tyre në zbulimin e ngarkesave me drogë, shpëtimin e njerëzve, arrestimin e të kërkuarve, nuhatjen e armëve dhe parave të fshehura të vlerësohet, duke iu garantuar një falenderim njerëzor që do të thoshte të jetojë me policin me të cilin kreu shërbimet.
Efektivi i policisë, Enver Hoxha thotë: “U interesova te qendra për të gjetur personin që po e mban. Ata thonë nuk e dimë, se kanë hall mos krijohen konflikte, se mos e kërkon dikush. Unë i gëzohem asaj që të mos ketë marrë ndonjë injeksion dhe të ketë shkuar në Sharrë”.
Si Brandi, dhjetëra qen të tjerë që konsiderohen pronë e Policisë së Shtetit, i nënshtrohen të njëjtës procedurë, një procedurë që përjashton shoqëruesin e tij, pra punonjësin e policisë, ta blejë dhe të kujdeset për të.
Një fund që ngre pikëpyetje mbi mënyrën si kujdesemi për ata që i kanë shërbyer vendit.

The post Brandi, heroi me katër putra i tërmetit të 26 nëntorit, përfundoi në ankand pas 9 vitesh shërbim në polici dhe e çuan në strehën e qenve endacakë appeared first on Albeu.com.

Sipas informacioneve paraprake, Emine Agolli, rreth 65 vjeçe, është kafshuar në këmbë nga qeni, duke pësuar gjakderdhje të rëndë.

Pavarësisht ndërhyrjes dhe përpjekjeve për ta shpëtuar, ajo nuk ka mundur t’u mbijetojë plagëve dhe ka ndërruar jetë.

Policia ka nisur veprimet hetimore ndaj pronarit të qenit, për të sqaruar rrethanat e plota të ngjarjes dhe për të përcaktuar përgjegjësitë ligjore.

Hetimet vijojnë, ndërkohë që rasti rikthen vëmendjen te përgjegjësia e pronarëve të kafshëve dhe masat e sigurisë për parandalimin e ngjarjeve të tilla tragjike.

The post EMRI/ U kafshua nga qeni i fqinjit, humb jetën 65-vjeçarja nga Belshi appeared first on Albeu.com.

Ai u gjet i pajetë nga bashkëjetuesja e tij në rrugë, e cila më pas njoftoi dhe policinë.

Në një video të siguruar nga korrespondenti i Top Channel Mikel Marsi, shihet qeni i viktimës që pas ngjarjes sillet përreth lagjes, dhe kafeneve pranë, duke kërkuar të zotin.

The post Prekëse/ Pas ekzekutimit të 58-vjeçarit në Vlorë, qeni i tij e kërkon nëpër lagje (VIDEO) appeared first on Albeu.com.

Burime bëjnë me dije se i moshuari është kafshuar në këmbë teksa kalonte rrugën.

Sipas raportimeve, i moshuari është transportuar në spital për të marrë ndihmë mjekësore.

The post E kafshoi qeni teksa kalonte rrugën, i moshuari në Lezhë dërgohet në spital appeared first on Albeu.com.

Policia e Kosovës konfirmoi se, përveç nxënësve, qeni sulmoi edhe zyrtarët policorë që ndërhynë për të menaxhuar situatën.

Si rezultat, qeni u asgjësua nga njëri prej policëve të pranishëm.

Pamjet e publikuara tregojnë momentin kur qeni hyn në korridoret e shkollës, duke shkaktuar panik mes nxënësve, të cilët shihen duke u larguar me nxitim.

Në pamje shfaqen edhe të rritur, të cilët mendohet se janë mësimdhënës. Nxënëset e lënduara u dërguan në urgjencë për trajtim mjekësor.

Policia identifikoi dhe arrestoi pronarin e qenit. Sipas njoftimit, një vajzë e lindur në vitin 2017 ka marrë lëndime serioze në kokë nga kafshimi, ndërsa tre nxënës të tjerë pësuan lëndime më të lehta. Vajza e lënduar rëndë po trajtohet në Spitalin Rajonal të Prizrenit.

The post E pazakontë në Kosovë, qeni futet në shkollë dhe sulmon 4 nxënës (VIDEO) appeared first on Albeu.com.

Gjatë një ekspedite në Santa Cruz, pranë qytetit të Huarazit, i riu shpresonte të arrinte në vendkalimin sugjestionues të Punta Unionit, 4 750 metra mbi nivelin e detit.

Rruga nuk ishte e lehtë, pasi dëbora, i ftohti dhe një mjegull e dendur e bënë ngjitjen edhe më të ndërlikuar. Në ditën e dytë të ecjes, pasi kishte parakaluar anëtarët e tjerë të grupit, ai u gjend plotësisht i vetëm, në mëshirën e pasigurisë se cili ishte drejtimi i duhur për të ndjekur.

Pikërisht në atë moment konfuzioni, si një lloj vegimi, nga mjegulla u shfaq një qen, duke u afruar me një mënyrë miqësore dhe duke tundur bishtin. Mosbesimi i të riut anglez ishte i madh, si mund të ishte një qen atje, në mes të askundit dhe kaq lart? Çuditërisht, kafsha dukej se e dinte rrugën dhe nuk tregoi asnjë shenjë se ishte e humbur.

Në atë moment, biondi anglez kuptoi se e vetmja gjë për të bërë ishte të mbështetej në instinktet e ”mikut” të tij të ri dhe të ndiqte ”udhërrëfyesin” e tij të heshtur.

“Vendosa t’i besoj njohurive të tij për malet”, tha ai.

Qeni, i shpejtë dhe i vendosur, ecte me shpejtësi përgjatë rrugës, pothuajse sikur të ishte mësuar me ato vende. Herë pas here, silueta e “udhërrëfyesit të tij me katër këmbë” humbiste në mjegull dhe më pas shfaqej sërish, sikur priste që alpinisti ta arrinte.

Në fund, rruga i çoi të dy te tabela që tregonte Punta Unionin: i riu kishte humbur, por ”shoku” i tij i ri me gëzof kishte gjetur rrugën për në majë për të. Pasi arriti në vijën e finishit, qeni ndaloi pranë biondit, si një shoqërues i vërtetë aventure, duke pritur në heshtje që të mbërrinin edhe alpinistët e tjerë.

Për për habinë e madhe të të gjithëve, gjetën një qen tjetër që i priste të nesërmen dhe dy qentë vazhduan me alpinistët 22 kilometra të tjera, duke u dhënë atyre pak qetësi dhe siguri gjatë rrugëtimit të vështirë.

Në mbrëmje, ata flinin pranë çadrave, si dy roje besnike që ruanin miqtë e tyre të rinj.

Ditën e fundit, para përfundimit të rrugës, biondi anglez kuptoi që qentë ishin zhdukur. Nuk mund ta besonte që shoqëruesi i tij ishte larguar kështu, pa një lamtumirë të fundit. Por, kur arriti në fund të shtegut, pikërisht pranë një kafeneje të vogël, e gjeti shokun e tij me katër këmbë të ulur, i qetë dhe sikur priste një vështrim të fundit.

Një banor vendas i shpjegoi alpinistit se ata qen jetonin në fshatrat e zonës dhe e kishin zakon të ndiqnin turistët gjatë shëtitjeve të tyre, thuajse sikur të ishin udhërrëfyes të trajnuar.

Por, për anglezin ai qen nuk kishte qenë thjesht një kafshë endacake që kërkonte shoqëri, por një shoqërues i vërtetë, një kujdestar i heshtur që e kishte bërë aventurën e tij peruane të paharrueshme.

The post Qeni i shfaqur nga hiçi, shpëton alpinistin e humbur në 5 000 metra mbi nivelin e detit appeared first on Albeu.com.

Babai i Abdul, Nadeem Akhtar, 45 vjeç, tha se djali i tij po luante në Queens Park në Bolton me të afërmit kur një çift u shfaq me qenin e tyre. Ata hodhën një copë druri drejt fëmijës, ndërsa qeni sulmoi duke e tërhequr zvarrë në dysheme. Adoleshenti i shpëtoi lëndimit të mëtejshëm vetëm pasi një grua që besohet se ishte pronarja e qenit arriti ta tërhiqte atë. Babai i gjashtë fëmijëve, i cili punon si shofer taksie, tha: ‘Fëmijët e tjerë po qanin, kishte gjak kudo.

The post Qeni pitbull sulmon në park 14-vjeçarin, përfundon në spital i gjakosur appeared first on Albeu.com.

The post FOTO/ Burri në Tiranë kryen “se*ks” me qenin, reagon e shokuar Dorina Mema: Do na marrë historia… appeared first on Albeu.com.