Gjatë vizitës, ministrja vlerësoi punën e stafit mjekësor dhe infrastrukturën e vënë në dispozicion për të përballuar fluksin e vizitorëve në muajt e verës, duke theksuar rëndësinë e këtyre strukturave për ofrimin e një shërbimi të shpejtë, efektiv dhe sa më pranë qytetarëve.

“Jo pa arsye kemi vendosur që të 36 qendrat shëndetësore verore që kemi hapur këtë vit gjatë sezonit turistik në të gjithë Shqipërinë, afër vijës bregdetare apo aty ku ka densitet edhe fluks pushuesish, pikërisht për të shmangur ecejaket nëpër struktura spitalore, për kërkesat dhe nevojat që mund të ketë një pushues në një moment të caktuar, një medikament apo një ndërhyrje e stafit mjekësor që mund edhe të shpëtojë jetë në raste të veçanta”, u shpreh Koçiu.

Gjithashtu, Ministrja e Shëndetësisë nënvizoi se shërbimet në këto qendra janë falas për të gjithë, pa dallim nëse janë apo jo rezidentë në Shqipëri.

“Duhet theksuar që e ofrojmë shërbimin njësoj edhe për ata që nuk janë rezidentë në Shqipëri, falas, pa radhë, pa listë pritje dhe pa rezervim”, deklaroi Koçiu.

Në këtë kuadër, Ministrja e Shëndetësisë inkurajoi edhe të rinjtë e sapodiplomuar në fushën e mjekësisë që të përfshihen në këto struktura, për të fituar eksperiencën e parë praktike.

“Është një eksperiencë shumë e mirë për ju të rinjtë që sapo keni mbaruar studimet dhe doni një eksperiencë të parë, dhe ku më mirë sesa tek këto të papriturat që sjellin Qendrat Shëndetësore, tipologjitë e sëmundjeve apo problematikave shëndetësore që vijnë e trajtohen”, u shpreh ajo.

Duke u ndalur tek puna dhe efektiviteti i qendrës shëndetësore verore në Golem, Koçiu deklaroi se “mbi 3 mijë vizita janë pritur në këtë qendër nga 1 qershori që është hapur” si dhe shtoi se “qendra do të vijojë të jetë e hapur deri në fund të muajit gusht”.

Në përfundim, Ministrja e Shëndetësisë dhe Mbrojtjes Sociale, Albana Koçiu vuri në dukje infrastrukturën e kësaj Qendre Shëndetësore, e cila ka në dispozicion pajisjet e nevojshme që u japin mundësi stafit të shërbejnë siç duhet.

Me të gjitha pajisjet e nevojshme mjekësore dhe staf të kualifikuar dhe të përkushtuar, qendrat shëndetësore verore të shtrira në të gjithë vendin vijojnë të jenë një hallkë e rëndësishme në zinxhirin e reagimit dhe ofrimin e ndihmës së shpejtë për pushuesit dhe turistët e huaj gjatë sezonit turistik.

The post Koçiu: Në 36 qendrat verore shërbim shëndetësor falas, pa radhë dhe listë pritje për pushuesit vendas e të huaj appeared first on Albeu.com.

Blutë njoftojnë se për pasojë janë proceduar penalisht 13 shtetase të huaja, punonjëse seksi, të cilat vinin nga Peruja, Azerbajxhani, Brazili , Mali i Zi dhe Kina.

Nga operacioni i bluve e kanë pësuar edhe dy “klientë” shqiptarë të cilët janë gjetur në këto qendra, një 28-vjeçar dhe një 17-vjeçar.

Policia njofton se u sekuestruan në cilësinë e provës materiale 28 telefona të markave të ndryshme, 1 tablet, 1 telekamer dhe një shumë e konsiderueshme parash në lekë euro dhe dollarë të përfituara nga ushtrimi i prostitucionit, ndërsa vijon puna për të identifikuar dhe kapur organizatorët.

Njoftimi:

Finalizohet operacioni policor i koduar “Payment”, pas një punë disa mujore e ndjekur me metoda speciale të hetimit.

Gjatë operacionit u evidentuan dhe u goditën 8 qendra prostitucioni, në banesa të ndryshme në qytetin Shkodër.

Procedohen penalisht 13 shtetase të moshës 22-deri në 42 vjeçe, nga Peruja, Azerbajxhani, Brazili , Mali i Zi dhe Kina.
Gjithashtu procedohen penalisht dhe dy shtetas shqiptarë banues në Shkodër.

Sekuestrohen shuma parash të përfituara nga ushtrimi i prostitucionit

Specialistët e Seksionit për Hetimin e Trafiqeve të Paligjshme në DVP Shkodër, pas një punë disa mujore të ndjekur me metoda speciale të hetimit, në bashkëpunim me Prokurorinë Pranë Gjykatës së Shkallës së Parë të Juridiksionit të Përgjithshëm Shkodër, evidentuan 8 qendra prostitucioni në banesa të ndryshme në Shkodër.

Bazuar në informacionet e grumbulluara nga hetimi, organizuan dhe finalizuan në bashkëpunim me Drejtorinë e Forcës së Posaçme Operacionale në Departamentin e Policisë Kriminale në Policinë e Shtetit operacionin e koduar “Payment”.

Në kuadër të këtij operacioni u proceduan penalisht 13 shtetase nga disa Peruja, Mali i Zi, Azerbajxhani, Kina dhe Brazili, konkretisht shtetaset:

D. G., 31 vjeçe, banuese në Peru;
Sh. G., 36 vjeçe, banuese në Azerbajxhani;
V. G, 25 vjeçe, banuese në Peru;
L. R, 27 vjeçe, banuese në Mal të Zi;
S. B, 39 vjeçe, banuese në Mal të Zi;
A. A, 29 vjeçe, banuese në Brazil;
Ch. Zh., 42 vjeçe, banuese në Kinë;
F. K., 29 vjeçe , banuese në Azerbajxhani;
G. M., 38 vjeçe, banuese në Azerbajxhani;
M. L, 22 vjeçe, banuese në Brazil;
M. X., 29 vjeçe, banuese në Kinë;
N. N., 33 vjeçe, banuese në Mal të Zi;
U. G, 39 vjeçe, banuese në Azerbajxhani.

Si dhe shtetasit shqiptar S.D 28 vjec dhe një 17 vjeçar të dy banues në Shkodër të cilët u kapën në dy nga qendrat e prostitucionit.

Gjatë operacionit u sekuestruan në cilësinë e provës materiale 28 telefona të markave të ndryshme, 1 tablet, 1 telekamer dhe një shumë e konsiderueshme parash në lekë euro dhe dollarë të përfituara nga ushtrimi i prostitucionit.

Operacioni dhe hetimet vijojnë për të identifikuar dhe kapur personat organizatorë të shfrytëzimit të prostitucionit.

Materialet shtesë i kaluan Prokurorisë pranë Gjykatës së Shkallës së Parë të Juridiksionit të Përgjithshëm për veprime të mëtejshme për veprat penale “ Mbajtje e ambienteve për prostitucion”, “Trafikimi i personave të rritur” dhe “Prostitucioni” në bashkëpunim.

The post Goditen 8 qendra prostitucioni në Shkodër, procedohen 13 shtetase të huaja, e pësojnë dhe dy “klientët” shqiptarë appeared first on Albeu.com.

Por rruga 350 metra e gjatë sapo është emëruar rruga më e shtrenjtë tregtare në botë, duke mposhtur Avenue Fifth të Nju Jorkut, Neë Bond Street të Londrës dhe Champs-Élysées të Parisit dhe duke u bërë qyteti i parë evropian që kryeson listën në 34 vjet.

Sipas raportit të fundit Main Streets Across the World, nga grupi i pasurive të paluajtshme Cushman & Ëakefield, ndryshimi “pasqyron një rritje të fuqishme të qirave në rrugët italiane, duke tejkaluar 30% në dy vitet e fundit, e forcuar më tej këtë vit nga vlerësimi i euros ndaj dollarit amerikan”.

Qiraja në rrugë, e cila u rendit e dyta vitin e kaluar pas Fifth Avenue, mund të arrijë deri në 20,000 € për metër katror në vit dhe biznesi po lulëzon: në marrëveshjen më të madhe të pronës në Evropë për dy vjet, konglomerati luksoz Kering, i cili zotëron Gucci, bleu një vend kryesor në rrugë në fillim të këtij viti. Qiratë në Fifth Avenue, për krahasim, mund të arrijnë 19,537 € për metër katror në vit, por rritja ka rënë. Tsim Sha Tsui në Hong Kong u rendit në vendin e katërt, me qira vjetore për metër katror që arrin në 15,697 €.

Via Monte Napoleone, e cila është shumë më e vogël se pikat e tjera luksoze globale, është shtëpia e emrave më të mëdhenj të nivelit të lartë në botë. Markat e trashëgimisë italiane Loro Piana dhe Tod’s rubin me Bottega Veneta të zhurmshme, si dhe ndoshta milanezët më të vëmendshëm nga të gjithë, Versace. Gucci ulet përballë Prada, në një përballje luksoze italiane. Të gjithë ata zgjedhin të shfaqin në javën e modës në Milano, në vend të ndonjë prej Big Four-ve të tjera, të cilat në mënyrë periodike injektojnë më shumë zhurmë të modës së lartë në qytet.

Rruga është më e thjeshtë se Galleria Vittorio Emanuele II aty pranë, qendra tregtare e shekullit të 19-të me majë xhami, që përmban shumë emra të njëjtë; mund të jetë më e denjë për Instagramin, por duket se Via Monte Napoleone është vendi ku shpenzohen paratë e vërteta.

“Çmimet janë jashtëzakonisht të larta, jo vetëm për shkak të prestigjit të saj, por edhe për shkak të mungesës së furnizimit,” thotë Diletta Giorgolo, drejtuese e rezidencialeve në Itali Sotheby’s International Realty. “Pa disponueshmëri për qira ose blerje, sa herë që një pronë vihet në dispozicion, çmimi i saj shpesh rritet në nivele të pallogaritshme.” Në përvojën e saj, “vlerat e pronës janë rritur vazhdimisht, edhe gjatë pandemisë”.

Rrugët e tjera mund të mos jenë ende në garë për vendin e parë, por megjithatë po ecin mirë kur gjykohen nga rritja e qirave, nga Váci utca në Budapest, Omotesando në Tokio dhe Midosuji në Osaka, deri te Distrikti i Dizajnit në Miami dhe Indiranagar 100 Feet Road, në Bengaluru.

Pozicioni i Milanos nuk përputhet me numrin e përgjithshëm të turistëve, duke pasur parasysh se Parisi kishte rreth 50 milionë turistë vitin e kaluar, Nju Jorku 60 milionë, Hong Kongu 34 milionë, Londra 16 milionë dhe Milano 8.5 milionë. Një shpjegim mund të jetë se Milano ka tërhequr më shumë shpenzues të mëdhenj globalë, që kur ka ofruar blerje luksoze pa taksa për njerëzit jashtë BE-së. Ngjarjet me qendër globale kanë tërhequr gjithashtu njerëzit. “Që nga ekspozita e Milanos më 2015, qyteti ka parë një ringjallje të krijimtarisë, si në vend, ashtu edhe nga ardhjet ndërkombëtare, dhe energjia që sjell është e dukshme,” thotë gazetarja britanike Scarlett Conlon që punon në qytet.

Java e dizajnit në Milano, e ankoruar nga Salone del Mobile, është rritur në popullaritet vitet e fundit dhe sjell qindra mijëra adhurues të dizajnit me prodhime të mira në qytet.

JJ Martin ka lindur në LA, por gjatë 20 viteve të fundit është bërë sinonim i luksit milanez, falë markës së saj të stilit të jetesës La DoubleJ, e cila ka një dyqan pranë Via Monte Napoleone. “Jam i emocionuar për Milanon që është në lajme dhe është qendra e modës, sepse është kaq e merituar për sa i përket të gjithë njohurive, cilësisë, artizanëve, fabrikave, qindra, madje edhe mijëra të kombinuara , vite eksperiencë që ka ky vend dhe bukuria radikale dhe pasioni për cilësinë më të lartë të mundshme”, thotë ajo.

Martin thotë se ajo e di se çfarë e bën rrugën e Milanos kaq të veçantë në krahasim me qendrat e tjera luksoze globale: “Aty do të merrni një pjatë shumë më të mirë me makarona dhe një gotë verë”./ The Guardian.

The post “Via Monte Napoleone” në Milano bëhet rruga tregtare më e shtrenjtë në botë appeared first on Albeu.com.

Mjekët dhe infermierët sipas ministres së Shëndetësisë Albana Koçiu kanë ofruar shërbim shëndetësor në kohë e me cilësi për çdo pushues.

Qendrat shëndetësore verore janë të hapura në 34 pika turistike në të gjithë vendin dhe që ofrojnë shërbim 24 orë në 7 ditë të javës.

Këto qendra shkruan ministrja Koçiu në rrjetet sociale janë një  burim i domosdoshëm shërbimesh për pushuesit vendas dhe të huaj gjatë sezonit të verës.

The post Qendrat shëndetësore në plazhe/ Koçiu: Mbi 2 mijë vizita gjatë këtij sezoni appeared first on Albeu.com.

Duke analizuar kryqëzimin e valëve sizmike nga tërmetet e mëdha, dy shkencëtarë australianë thonë se në qendër të Tokës ekziston një shtresë dukshëm e ndryshme. “Tani e kemi konfirmuar ekzistencën e bërthamës më të brendshme të Tokës”- thotë një nga shkencëtarët, Hrvoje Kalçic, profesor i gjeofizikës në Universitetin Kombëtar Australian në Kanberra.

Dr.Kalçiç dhe Thanh-Son Pham, studiues post-doktoral, vlerësojnë se bërthama më e brendshme e Tokës është rreth 1280 km i gjerë; teksa e gjithë bërthama është rreth 2400 km e gjerë. Gjetjet e tyre u publikuan së fundmi në revistën “Nature Communications”.

Ndërsa diagrami i prerë duket se përshkruan disa ndarje të qarta, njohuritë për brendësinë e thellë të Tokës janë pashmangshmërisht të paqarta. Pasi ajo gjendet gati 6400 km në qendër të Tokës, dhe ne e kemi të pamundur të shpojmë më shumë se disa km në koren e Tokës. Shumica e asaj që dihet mbi atë që fshihet poshtë nesh vjen nga valët sizmike, pra nga dridhjet e tërmeteve që udhëtojnë nëpër dhe rreth planetit.

Mendojini ato si një sonogram gjigant i Tokës. Dy sizmologë të Universitetit të Harvardit, Miaki Ishi dhe Adam Dzievonski, propozuan për herë të parë idenë e bërthamës më të brendshme të Tokës në vitin 2002, bazuar në veçoritë e shpejtësisë së valëve sizmike që kalojnë nëpër bërthamën e brendshme.

Shkencëtarët e dinin tashmë se shpejtësia e valëve sizmike që udhëtonin nëpër këtë pjesë të Tokës ndryshonte në varësi të drejtimit. Valët udhëtuan më shpejt kur shkonin nga poli në pol përgjatë boshtit të Tokës dhe më ngadalë kur udhëtonin pingul me boshtin. Gjeofizikantët besojnë se dallimi në shpejtësi – disa për qind më i shpejtë përgjatë shtigjeve polare – buron nga shtrirja e kristaleve të hekurit në bërthamën e brendshme.

Por në një rajon të vogël në qendër, valët më të ngadalta ishin ato që udhëtonin në një kënd 45 gradë me boshtin në vend të 90 gradë, thanë sizmologët e Harvardit. Të dhënat e disponueshme në atë kohë ishin shumë të pakta për t’i bindur që të gjithë. Matjet më të mira do të ishin valët sizmike që udhëtojnë nga origjina e një tërmeti drejt e poshtë në thellësi të Tokë dhe përmes bërthamës më të brendshme të saj.

Sidoqoftë, zbulimi i atyre kërkon në përgjithësi një sizmometër të vendosur pothuajse saktësisht në anën tjetër të Tokës, dhe kjo pikë është në mes të oqeanit. Studimi i ri përfitoi nga fakti se valët sizmike gjithashtu kthehen prapa. Kështu, një sizmometër afër epiqendrës mund të zbulojë reflektimin e valës që udhëtoi nëpër Tokë dhe u kthye prapa, duke kaluar 2 herë përmes bërthamës më të brendshme të brendshme. Ato gjithashtu mund të reflektohen përpara-prapa për herë të dytë, duke udhëtuar 4 herë nëpër bërthamën më të brendshme.

Vitet e fundit, janë vendosur një mori sizmometrash, sidomos në Shtetet e Bashkuara. Kombinimi i sinjaleve nga instrumente të shumta, mundësoi zbulimin e reflektimeve të zbehta që vijnë nga tërmetet me magnitudë 6 të shkallës Riher ose më të madhe. “Ne analizuam 200 ngjarje dhe zbuluam se 16 prej tyre i kishin këto valë kërcyese”- tha dr.Kalçiç.

Në tërmetin që goditi Ishujt Solomon në vitin 2017, valët që udhëtuan 5 herë nëpër bërthamën më të brendshme të Tokës, u zbuluan nga sizmometrat që ishin të pozicionuat rastësisht në anën tjetër të planetit. “Studimet e mëtejshme të këtyre valëve mund të na ndihmojmë të zbërthejmë në një mënyrë më të saktë strukturën e brendshme të bërthamës së Tokës”- thotë Xhorxh Helfrish nga Instituti i Teknologjisë në Tokio, Japoni, që nuk ishte i përfshirë në këtë hulumtim.

Nuk duket se ka ndonjë ndryshim domethënës në përbërje midis pjesëve të jashtme dhe më të brendshme të bërthamës së brendshme të Tokës, dhe tranzicioni duket gradual dhe jo shumë i fortë.

Vernon Kormier, profesor i fizikës në Universitetin e Konektikatit, që nuk ishte i përfshirë në këtë studim, thotë se kjo mund të tregojë një ndryshim në të kaluarën e lashtë të Tokës. Bërthama e brendshme është shumë e re, në aspektin gjeologjik.

Sipas Kormier, vlerësimet variojnë nga 600 milionë deri në 1 miliardë vjet. Kjo është vetëm një pjesë e historisë 4.5 miliardë vjeçare të planetit, dhe struktura e bërthamës së fortë duket komplekse. Në janar të këtij viti, disa shkencëtarë të tjerë raportuan se shpejtësia e rrotullimit të bërthamës së brendshme ndryshon.

“Arsyeja pse njerëzit vazhdojnë të studiojnë strukturën e brendshme të bërthamës është se ata përpiqen ta lidhin atë me fushën magnetike të Tokës. Ata përpiqen të identifikojnë një ndryshim në fushën magnetike të Tokës që mund të ketë ndodhur në të njëjtën kohë me ndryshimin në kristalizimin e bërthamës së brendshme”- thekson dr.Kormier.

The post Çfarë fshihet në qendër të Tokës? appeared first on Albeu.com.