Muhamed Ali, drejtori i Qendrës së Menaxhimit të Krizave, publikoi një fotografi që, sipas tij, paraqiste shpëtimin e një viçi të vogël nga zjarri i madh që përfshiu zonën mbi fshatin Paligrad, në malin Kitka.

Megjithatë, imazhi nuk i përkiste Maqedonisë. Ai ishte marrë gjatë një zjarri në Kaliforni në vitin 2020.

“Mes kaosit dhe flakëve, së bashku me zjarrfikësit e Qytetit të Shkupit, arritëm të shpëtonim një viç të vogël që ishte bllokuar në fushën e prekur nga zjarri. I vogël, i frikësuar, por i gjallë – një fitore e vogël në një ditë të vështirë”, shkroi Ali.

Fotografia e publikuar nuk kishte lidhje me zjarrin pranë Paligradit. Ajo ishte raportuar nga mediat amerikane në shtator 2020 dhe tregonte viçin Charlene, i cili ishte shpëtuar nga një sipërfaqe e djegur në Kaliforni.

Sipas të dhënave për rastin origjinal, zjarri i gushtit 2020 përfshiu një fermë pranë Milpitas, në Kaliforni. Viçi i porsalindur u gjet në një pjesë të lagësht bari, në mes të kullotës së përfshirë nga flakët. Ai kishte qerpikë të djegur dhe më pas u dërgua në një vend të sigurt.

Për rrjedhojë, fotografia e përdorur nga Ali si ilustrim nuk ishte dëshmi autentike e shpëtimit të një kafshe pranë Paligradit.

Pas reagimeve, Ali kërkoi falje për keqkuptimin. Ai sqaroi se imazhi ishte përdorur vetëm për të ilustruar tekstin, ndërsa këmbënguli se ngjarja e shpëtimit të viçit kishte ndodhur vërtet.

The post Muhamed Ali përdori fotografinë e një viçi të shpëtuar në Kaliforni për ngjarjen në Kitka appeared first on Albeu.com.

Sipas njoftimit, vatrat aktive ndodhen në vendbanimin Sveti Nedela, në komunën e Shtipit, si dhe në fshatin Matejç, në Komunën e Likovës, ku po digjet bimësi e ulët.

QMK-ja njoftoi gjithashtu se është shuar zjarri në deponinë e fshatit Bansko, në komunën e Strumicës.

The post QMK njofton për dy vatra aktive zjarri dhe një të shuar appeared first on Albeu.com.