Qender Archives - Albeu.com

Labinot Rexha në qendër të vëmendjes sërish: Gruaja serbe publikon një tjetër fotografi me Labin dhe fëmijën

D Marku — Thu, 11 Dec 2025 12:55:00 +0000

Disa ditë më parë, rrjetet sociale dhe mediat u përfshinë nga thashethemet se Labinot Rexha, banori i Big Brother VIP Kosova 4, mund të ketë një fëmijë jashtëmartesor. Në rrjet qarkulluan foto ku ai shfaqej me një grua serbe dhe një bebe, nën përshkrimin “gjaku nuk bëhet ujë”, gjë që nxiti diskutime të shumta dhe spekulime.

Për të sqaruar situatën, bashkëshortja e Labinotit, Laureta Hoxha, reagoi në një intervistë për Kosova Today, duke mohuar çdo lidhje mes burrit të saj dhe fëmijës. Ajo theksoi se historia ishte thjesht një keqkuptim. Sipas Lauretës, nëna e foshnjës e kishte kontaktuar Labinotin për ndihmë në gjetjen e babait biologjik, i cili gjithashtu mban mbiemrin Rexha. “Ky fëmijë nuk ka të bëjë asgjë me Labinotin”, deklaroi Laureta, duke nënvizuar se nuk kishte asnjë lidhje tjetër mes tyre

Megjithatë, një zhvillim i ri ka trazuar sërish rrjetin. Profili i nënës së fëmijës publikoi një foto ku Labinoti shihet duke puthur foshnjën, shoqëruar me përshkrimin: “Vetëm familje. Ju faleminderit”. Ky imazh ka ngjallur pyetje, pasi përdorimi i fjalës “familje” duket se bie ndesh me versionin e dhënë nga Laureta, duke lënë dyshime për natyrën e marrëdhënies së Labinotit me foshnjën.
Publiku tani pret zhvillimet e ardhshme për të kuptuar nëse fotoja e re është thjesht një shprehje mirënjohjeje apo nënkupton diçka më të thellë. Çështja ka ndezur debat në rrjet dhe shumë ndjekës presin sqarime shtesë për të kuptuar të vërtetën pas këtyre spekulimeve.

Kjo ngjarje ka rikthyer Labinotin në qendër të mediave rozë, duke nxitur reagime të ndryshme nga fansat dhe publiku.

The post Labinot Rexha në qendër të vëmendjes sërish: Gruaja serbe publikon një tjetër fotografi me Labin dhe fëmijën appeared first on Albeu.com.

Dëmtohet cisterna e gazit në qendër të Elbasanit, izolohet zona përreth

D Marku — Sat, 20 Jul 2024 20:13:18 +0000

Në një cisternë gazi në një pikë karburanti në afërsi të qendrës së Elbasanit është konstatuar se kishte rrjedhje gjatë orëve të mbrëmjes së kësaj fundjave.

Për të evituar një incident me pasoja të rëndë është boshatisur lokali dhe pallati që shtrihet karburantit.

Ndërkaq, është ndërprerë edhe energjia elektrike, ndërsa disa rrugë janë bllokuar dhe po monitorohen nga forca të shumta policie.

Në vendngjarje ndodhet policia dhe zjarrfikësja të cilët po punojnë për normalizimin e situatës.

Ende nuk dihen shkaqet se përse cisterna është dëmtuar, por fatmirësisht sipas burimeve zyrtare të policisë gjithçka ka kaluar pa pasoja dhe situata është nën kontroll .

The post Dëmtohet cisterna e gazit në qendër të Elbasanit, izolohet zona përreth appeared first on Albeu.com.

Emrat/ Qendra e masazheve në Tiranë ‘folezë’ pr*stitucioni, arrestohet menaxherja dhe punonjësja, në kërkim administatori

V K — Tue, 28 May 2024 09:16:39 +0000

Ditën e sotme, menaxherja e një qendre masazhi në Tiranë dhe punonjësja e saj, kanë rënë në prangat e policisë, pasi kishin kthyer qendrën që menaxhonin në “fole” pr*stitucioni.

Të arrestuarat janë: Marjeta Korfuzi dhe Aida Brahja.

Gjithashtu, janë proceduar edhe disa të tjerë, të cilët dyshohet si të përfshirë në këtë veprimtari të paligjshme.

Grupi hetimor ka nisur punën për zbardhjen e veprimtarisë së këtij grupi, i cili nën emrin e biznesit për qendër masazhesh, ofronin dhe shërbime të tjera të paligjshme.

NJOFTIMI:
Tiranë/Finalizohet nga Seksioni për Hetimin e Trafiqeve të Paligjshmshe, operacioni policor i koduar “Fusion”. Kishte përshtatur një qendër masazhesh, për veprimtarinë e kundërligjshme të prostitucionit, shpallet në kërkim 19-vjeçari. Vihet në pranga menaxherja e qendrës së masazheve së bashku me një punonjëse, procedohen penalisht 3 shtetas të tjerë.

Specialistët e Seksionit për Hetimin e Trafiqeve të Paligjshme, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, në vijim të punës për goditjen e paligjshmërisë, pas një pune të mirëfilltë hetimore disamujore, organizuan dhe finalizuan operacionin policor të koduar “Fusion”.

Si rezultat i tij:
▪️u arrestuan në flagrancë shtetaset M. K., 26 vjeçe, (menaxherja) A. B., 19 vjeçe, (punonjëse).

▪️u proceduan në gjendje të lirë shtetaset R. S., 28 vjeçe dhe K. K., 19 vjeçe, punonjëse në qendrën e masazheve, dhe shtetasi D. O., 49 vjeç, banues në Tiranë;

▪️u shpall në kërkim shtetasi M. M., 19 vjeç.

Gjatë hetimeve të kryera ka rezultuar se, shtetasi M. M., administronte një qendër masazhesh, në rrugën “Nikolla Jorgo”, me menaxhere shtetasen M. K., dhe përveç aktivitetit të regjistruar ligjërisht si qendër masazhesh, ushtrohej edhe aktiviteti i kundërligjshëm i prostitucionit. Materialet i kaluan Prokurorisë, për veprime të mëtejshme procedurale.

The post Emrat/ Qendra e masazheve në Tiranë ‘folezë’ pr*stitucioni, arrestohet menaxherja dhe punonjësja, në kërkim administatori appeared first on Albeu.com.

Rusia, sulme në qendër të Khersonit

E S — Mon, 19 Dec 2022 07:14:30 +0000

Forcat ruse bombarduan të dielën qendrën e Khersonit, qyteti kryesor nga i cili u tërhoqën muajin e kaluar ushtarët rusë në një nga humbjet më të mëdha të Moskës në fushën e betejës në Ukrainë.

Tre persona u plagosën në sulme, tha zëvendës shefi i zyrës presidenciale, Kyrylo Tymoshenko.

Qyteti jugor dhe rajoni përreth tij janë sulmuar shpesh që pas tërheqjes ruse. Guvernatori rajonal Yaroslav Yanushevych tha të dielën se Rusia kishte kryer 54 sulme me raketa, mortaja dhe tanke të shtunën, duke vrarë tre persona dhe plagosur gjashtë.

Ndërkohë, në Rusi, guvernatori i rajonit të Belgorodit, Vyacheslav Gladkov, tha të dielën se një person u vra dhe tetë u plagosën nga granatat ukrainase në zonën që shtrihet përgjatë kufirit verior të Ukrainës.

Javët e fundit forcat ruse kanë vënë në shënjestër intensivisht infrastrukturën ukrainase, si linjat e furnizimit me ujë dhe energji elektrike, duke shtuar vuajtjet e ukrainasve me fillimin e dimrit.

Presidenti ukrainas Volodymyr Zelenskyy përdori finalen e Kupës së Botës për të dënuar luftën.

“Ky Botëror vërtetoi shpesh se vende të ndryshme dhe kombësi të ndryshme mund të vendosin se kush është më i forti në një betejë të ndershme, por jo në lojën me zjarrin – në fushën e gjelbër të lojës, jo në fushën e kuqe të betejës,” tha zoti Zelenskyy në një video deklaratë publikuar disa orë përpara finales në Katar mes Argjentinës dhe Francës. /VOA

The post Rusia, sulme në qendër të Khersonit appeared first on Albeu.com.