Mediat italiane raportojnë se 27-vjeçarja Vanesa Ballan është sulmuar me thikë ndërsa po hynte në banesën e saj në provincën e Trevisos.

Në trupin e viktimës janë konstatuar shtatë plagë thike në pjesë të ndryshme të trupit.

Viktima ishte në muajin e tretë të shtatzanisë, në pritje të fëmijës së dytë, Ndërsa fëmijën e parë e kishte në moshën 4-vjeçare.

Ajo ishte e martuar që nga viti 2013 me Nicola Scapinello, si ajo me origjinë nga Castelfranco Veneto. Çifti ishte zhvendosur në Riese disa vite më parë, ku Vanessa punonte si asistente shitjesh në një supermarket.

Në momentin e sulmit brutal, bashkëshorti i Vanessa-s ishte në punë dhe djali i saj 4-vjeçar në kopsht.

Policia ka nisur kërkimin për gjetjen dhe kapjen e 41-vjeçari shqiptar nga Kosova Bujar Fandaj, i cili banon në qytetin e afërt Altivole.

Viktima paraprakisht e kishte denoncuar të dyshuarin në polici për ndjekje, thanë burimet.

The post Tragjedi në Itali, shqiptari vret me thikë gruan shtatzanë appeared first on Albeu.com.

Mediat gjermane shkruajnë se në aktgjykim, gjykata vuri në dukje peshën e rëndë të fajit të të pandehurit.

Edhe pse kjo lejon ligjërisht lirimin nga burgu pas 15 vitesh, në praktikë është pothuajse e pamundur. Aktgjykimi nuk është përfundimtar. Në ditën e parë të gjyqit, shqiptari, i cili nuk donte të pranonte ndarjen nga gruaja, ka rrëfyer se ka vrarë Jetmira Beka 28-vjeçe.

“Fëmijët i kam lënë jetimë. Do të bëja gjithçka për ta zhbërë. Nuk e mbaj mend aktin. Ka vetëm një vrimë të madhe të zezë.”

Krimi i përgjakshëm ndodhi më 20 maj 2023. Besmir Ademi kishte marrë masa që të takoheshin në një parking për t’ia dorëzuar gruas së tij një nga tre fëmijët. Por në vend të vajzës së tij ai erdhi me një thikë kasapi.

Sipas prokurorisë, ai e ka goditur 20 herë me thikë gruan e tij me tehun njëzet centimetra të gjatë, duke e lënë të vdekur në vendin e ngjarjes. Gjashtë nga goditjet me thikë ishin fatale, u tha në gjykatë.

The post Qëlloi me thikë për vdekje gruan e tij, më pas e filmoi, dënohet me burgim të përjetshëm shqiptari në Gjermani appeared first on Albeu.com.